လံာ်လီၣ်ဖျါ 8:3 - Sgaw Karen Common Bible

³ ကလူးအဂၤတဂၤလၢအအိၣ်ဒီးတၢ်ဆိၣ်ကဲၤနၢမူအလီခီထူ တဘ့ၣ်န့ၣ်, ဟဲဒီးဆၢထၢၣ်ဝဲဒၣ်ဖဲတၢ်လုၢ်လီၢ်အခီၣ်ထံးလီၤ. အဝဲဒၣ်ဘၣ်တၢ်ဟ့ၣ်အီၤတၢ်နၢမူနၢဆှီအါအါဂီၢ်ဂီၢ်ဒ်သိး အကမၤအါထီၣ်ကစၢ်ယွၤအပှၤစီဆှံခဲလၢာ်အတၢ်ထုကဖၣ် တဖၣ်, ဒီးကလုၢ်ထီၣ်အီၤလၢတၢ်လုၢ်လီၢ်ထူအဖီခိၣ်, တၢ်လုၢ်လီၢ်ထူလၢအအိၣ်ဆၢထၢၣ်ဝဲဒၣ်ဖဲလီၢ်ပစိာ် အမဲာ်ညါန့ၣ်အဂီၢ်လီၤ.

လံာ်လီၣ်ဖျါ 8:3 Iomraidhean Croise

လံာ်စီၤပၤအခီၣ်ထံးတဘ့ၣ် 7:50

လီခီတဖၣ်, နီၣ်တံာ်လၢကမၤကဆှီမ့ၣ်အူဒၢအဆၣ်တဖၣ်, သလၢတဖၣ်, ခွးလၢတၢ်နၢမူအဂီၢ်တဖၣ်, ဒီးသပၢၤဘံၣ်သလၣ်တဖၣ်လၢ တၢ်ကစိာ်မ့ၣ်အူအ့ၣ်တဖၣ်, သံၣ်ကျိၤတဖၣ်လၢတၢ်အလီၢ်စီဆှံကတၢၢ်အတြဲၤတဖၣ်ဒီးယွၤအတၢ် လုၢ်ဟံၣ်အကျဲစၢၤဆူတၢ်ချၢအတြဲၤတဖၣ်အဂီၢ်န့ၣ်လီၤ.

စံးထီၣ်ပတြၢၤ 141:2

မ်ယဘါထုကဖၣ်တၢ်အံၤဘၣ်တၢ်ဂံၢ်အီၤဒ် တၢ်ဆိၣ်ကဲၤနၢမူအသိးလၢနမဲာ်ညါ, ဒီးယယူာ်ထီၣ်ယစုအံၤဒ်တၢ်လုၢ်လၢ မုၢ်ဟါအသိးန့ၣ်တက့ၢ်.

လံာ်တၢ်ဟးထီၣ်ကွံာ် 40:26

အဝဲဒၢနုာ်တၢ်လုၢ်လီၢ်ထူလၢဒဲစီဆှံအပူၤဖဲယၣ်ဘျးသဒၢတၢ်အမဲာ်ညါ,

လံာ်ယၡါယၤ 6:6

အန့ၣ်ဒီး, စ့ရၤဖးတဖၣ်အကျါတဂၤယူၤလီၤဝဲဆူယအိၣ်, စိာ်ဝဲဒီးမ့ၣ်အူ ကဖးတကိၢ်လိၣ်လၢအဟံးန့ၢ်ဝဲလၢတၢ်လုၢ်လီၢ်ခီဖျိနီၣ်တံာ်လီၤ.

လံာ်ယဃ့းစက့လး 41:22

လၢတၢ်လီၢ်စီဆှံကတၢၢ်အကျဲစၢၤထံးအမဲာ်ညါန့ၣ်တၢ်အိၣ်ဝဲတမံၤ လၢအဖျါလီၤဂာ်ဒီး, တၢ်လုၢ်လီၢ်တခါလၢအဘၣ်တၢ်မၤအီၤလၢသ့ၣ်န့ၣ်လီၤ. တၢ်န့ၣ်အထီအိၣ်ဝဲဒၣ်သၢပျၢ်ဒီးအလဲၢ်အိၣ်ဝဲဒၣ်ခံပျၢ်န့ၣ်လီၤ. အတၢ်သနၢၣ်အတၢၢ်ထူၣ်, အတၢ်ခီၣ်ထံးဒီးအကပၤ အဒူၣ်တဖၣ်ခဲလၢာ်ဘၣ်တၢ်မၤအီၤလၢသ့ၣ်န့ၣ်လီၤ. ပှၤတဂၤန့ၣ်စံးဘၣ်ယၤ, အဝဲအံၤမ့ၢ်စီၢ်နီၤခိၣ်လၢအအိၣ်ဝဲ လၢယွၤအမဲာ်ညါန့ၣ်လီၤ.

လံာ်ဧၤမိၣ် 9:1

ဒီးယထံၣ်ယွၤဆၢထၢၣ်လၢတၢ်လုၢ်လီၢ်အဃၢၤလီၤ. အဝဲဟ့ၣ်လီၤအကလုၢ်, တီၢ်တၢ်လုၢ်ဟံၣ်အထူၣ်ခိၣ်ထိးဆူၣ်ဆူၣ်ဒ်သိးအခီၣ်ထံးကဟူးဝး အဂီၢ်တက့ၢ်. မၤကၢ်ကွံာ်အီၤဒီးပျဲအလီၤတဲာ်လၢပှၤဂီၢ်မုၢ်အခိၣ်လိၤတ က့ၢ်. ယကမၤသံကွံာ်ပှၤအိၣ်လီၤတဲာ်တဖၣ်လၢတၢ်ဒုးအပူၤလီၤ. ပှၤဃ့ၢ်ပူၤဖျဲးတသ့နီတဂၤဘၣ်. ပှၤထူၣ်ဖျဲးတအိၣ်နီတဂၤဘၣ်.

လံာ်မၤလကံ 1:11

ပှၤဂီၢ်မုၢ်လၢမုၢ်ထီၣ်တခီပၢၢ်တုၤလၢမုၢ်နုာ်တခီမၤလၤကပီၤယၤလီၤ. ဒီးအဝဲသ့ၣ်ကဆိၣ်ကဲၤတၢ်နၢမူလၢယဂီၢ်လၢတၢ်လီၢ်ကိးပူၤဒဲးဒီး ကလုၢ်တၢ်လုၢ်ကဆှီလၢယဂီၢ်လီၤ. အဝဲသ့ၣ်ခဲလၢာ်မၤလၤကပီၤယၤလီၤ.

လံာ်တၢ်ဂံၢ် 4:11

ဝံၤဒီးအဝဲသ့ၣ်ကဘၣ်သလၣ်လီၤတၢ်ကံးညာ်အလွဲၢ်လါအဲးတဘ့ၣ်လၢ တၢ်လုၢ်လီၢ်ထူအလိၤ, ပာ်ထီၣ်နီၣ်ကျၢၢ်ဘၢတၢ်, တၢ်ဖံးအဂ့ၤကတၢၢ်တခီလၢအလိၤဒီးကျၢၢ် ဘၢအီၤဒီးဂိာ်နုာ်လီၤနီၣ်ယိးဘိတဖၣ်န့ၣ်လီၤ.

လံာ်လူၤကၣ် 1:10

ဒီးပှၤဂီၢ်မုၢ်အိၣ်လၢတၢ်ချၢတဖၣ်ဃ့ဘါထုကဖၣ်တၢ်ဖဲ နၣ်ရံၣ်အကတီၢ်လၢတၢ်နၢမူဘၣ်တၢ်ဆိၣ်ကဲၤအီၤန့ၣ်လီၤ.

ရိမ့ၤ 8:34

မ့မ့ၢ်ဒ်န့ၣ်ဒီး, မ့ၢ်မတၤကစံၣ်ညီၣ်ဃၣ်အဝဲသ့ၣ်တဂၤဂၤန့ၣ်လဲၣ်. တမ့ၢ်ယ့ၣ်ၡူးခရံာ်လၢအသံတ့ၢ်, ဘၣ်ဆၣ်တၢ်ဒုးဂဲၤဆၢထၢၣ် သမူထီၣ်က့ၤအီၤဒီးခဲအံၤအိၣ်ဝဲဒၣ်လၢယွၤအစုထွဲတခီ တဂၤန့ၣ်ဘၣ်ဧါ. အဝဲဒၣ်ဃ့သကွံၢ်ကညးတၢ်ဒီးယွၤလၢ ပဂီၢ်န့ၣ်လီၤ.

ဧ့ၤဘြံၤ 7:25

လၢတၢ်န့ၣ်အဃိ, အဝဲအုၣ်က့ၤခီၣ်က့ၤပှၤလၢအဟဲဆူ ကစၢ်ယွၤအအိၣ်ခီဖျိအီၤတဖၣ်န့ၣ်သ့ဝဲထီဘိဒ်အဝဲမူဝဲ လီၤစိၤလီၤထီလၢအကဃ့န့ၢ်တၢ်လၢအဝဲသ့ၣ်အဂီၢ်အသိး န့ၣ်လီၤ.

ဧ့ၤဘြံၤ 9:4

လၢဒဲအံၤအပူၤတၢ်လုၢ်လီၢ်လၢအဘၣ်တၢ်မၤအီၤအိၣ်ဝဲလၢထူ ဖဲပှၤဆူးကဲၤတၢ်နၢမူဒီးတၢ်အၢၣ်လီၤအီလီၤအတလါစီဆှံ လၢအကပၤဘၣ်တၢ်ဖှူအီၤလၢထူန့ၣ်လီၤ. လၢတလါစီဆှံအံၤအပူၤတၢ်တ့ၢ်နုာ်ဝဲသပၢၤထူပှဲၤဒီးကိၣ်မၤ နၤ, ဒီးစီၤအၤဟရိၣ်အနီၣ်ထိးဘိလၢအလၣ်ဒိးထီၣ်တဘိ, ဒီးတၢ်မၤလိာ်အလၢၢ်ဘ့ၣ်ဘၣ်ခံဘ့ၣ်န့ၣ်လီၤ.

လံာ်လီၣ်ဖျါ 10:1

တၢ်န့ၣ်ဝံၤအလီၢ်ခံ, ယထံၣ်ဘၣ်ကလူးလၢအဂံၢ်ဆူၣ်ဘါဆူၣ်အဂၤတဂၤဟဲလီၤ လၢမူခိၣ်န့ၣ်လီၤ. အဝဲဒၣ်ဘၣ်တၢ်ကးဘၢဃာ်အီၤလၢတၢ်အၢၣ် တလိၣ်, ဒီးအိၣ်ဝဲဒီးတၢၢ်ကွဲၤတဘိလၢအအိၣ်ဝးတရံးအဝဲဒၣ် အခိၣ်န့ၣ်လီၤ. အဝဲအမဲာ်သၣ်လီၤဂာ်လၢမုၢ်, ဒီးအခီၣ်လီၤဂာ်လၢမ့ၣ်အူအထူၣ်တဖၣ်လီၤ.

လံာ်လီၣ်ဖျါ 14:18

တုၤနုၤတစုကလူးအဂၤတဂၤ, လၢအဒိၣ်စိလၢမ့ၣ်အူအဖီခိၣ်ဟဲထီၣ်လၢတၢ်လုၢ်လီၢ်န့ၣ်လီၤ. အဝဲဒၣ်ကိးထီၣ်လၢအကလုၢ်ဖးဒိၣ်ဆူကလူးလၢအအိၣ်ဒီးထးဂဲာ် အကနၣ်အ့ၣ်တဂၤန့ၣ်, “သူနထးဂဲာ်ဒီးကူးကွံာ်စပံးသၣ်လၢဟီၣ်ခိၣ်အစပံးလီၢ် တဖၣ်န့ၣ်တက့ၢ်. အဂ့ၢ်ဒ်အံၤ, စပံးသၣ်တဖၣ်မံလံဝဲလံ.”

လံာ်လီၣ်ဖျါ 5:8

ဖဲအမၤဝဲဒ်န့ၣ်န့ၣ်, တၢ်အသးသမူအိၣ်လွံၢ်ဒုဒီးပှၤသူၣ်က့သး ပှၢ်ခံဆံလွံၢ်ဂၤထိၣ်လီၤပှီၤအသးလၢသိဖိအမဲာ်ညါလီၤ. အဝဲသ့ၣ်တဒုဘၣ်တဒု, တဂၤဘၣ်တဂၤအိၣ်ဒီးတနၢ်တဆိဒီးသလၢထူတဖၣ်လၢ အပှဲၤဒီးတၢ်နၢမူနၢဆှီ, လၢအမ့ၢ်ကစၢ်ယွၤအပှၤဂီၢ်မုၢ်အတၢ်ထုကဖၣ်တဖၣ်န့ၣ်လီၤ.

လံာ်လီၣ်ဖျါ 6:9

အန့ၣ်ဝံၤဒီး, သိဖိအိးထီၣ်တၢ်စဲပနီၣ်ဃာ်ယဲၢ်ခါတခါလီၤ. လၢတၢ်လုၢ်လီၢ်အဖီလာ်န့ၣ်, ယထံၣ်ဘၣ်ပှၤလၢအဘၣ် တၢ်မၤသံတ့ၢ်အီၤလၢအစံၣ်တဲၤတဲလီၤကစၢ်ယွၤအကလုၢ် အကထါဒီးအသးတီဝဲလၢအတၢ်အုၣ်အသးအပူၤအဃိ တဖၣ်အသးသမူန့ၣ်လီၤ.

လံာ်လီၣ်ဖျါ 7:2

ဒီးယထံၣ်ကလူးအဂၤတဂၤဟဲထီၣ်လၢမုၢ်ထီၣ်တခီအိၣ်ဃုာ်ဒီး ကစၢ်ယွၤလၢအမူဝဲတဂၤအတၢ်စဲပနီၣ်ဃာ်တဖျၢၣ်န့ၣ်လီၤ. အဝဲဒၣ်ကိးထီၣ်လၢအကလုၢ်ဖးဒိၣ်ဆူကလူးလွံၢ်ဂၤလၢ ကစၢ်ယွၤဟ့ၣ်တ့ၢ်အီၤတၢ်စိတၢ်ကမီၤလၢအကမၤဟးဂီၤဟီၣ်ခိၣ် ဒီးပီၣ်လဲၣ်တဖၣ်န့ၣ်လီၤ.

လံာ်လီၣ်ဖျါ 8:4

တၢ်ဆိၣ်ကဲၤနၢမူအလုၢ်ခုၣ်န့ၣ်, လဲၤထီၣ်ဃုာ်ဒီးယွၤအပှၤစီဆှံတဖၣ်အတၢ်ထုကဖၣ်လၢ ကလူးအိၣ်ဆၢထၢၣ်ဖဲကစၢ်ယွၤအမဲာ်ညါတဂၤအစုပူၤန့ၣ်လီၤ.

လံာ်လီၣ်ဖျါ 8:5

အန့ၣ်ဝံၤအလီၢ်ခံ, ကလူးအဝဲန့ၣ်ဟံးန့ၢ်တၢ်ဆိၣ်ကဲၤနၢမူ အလီခီ, မၤပှဲၤဝဲလၢမ့ၣ်အူအိၣ်လၢတၢ်လုၢ်လီၢ်အဖီခိၣ်, ဒီးကွံာ်လီၤဝဲလၢဟီၣ်ခိၣ်အဖီခိၣ်လီၤ. တၢ်သီၣ်ထီၣ်ဝဲဒၣ်ရူၢ်ရူၢ်, လီသီၣ်လီသဲ, လီဝၢ်အဒံး, ဒီးဟီၣ်ခိၣ်ဟူးဝးဆှဲးဆှိးဝဲဒၣ်န့ၣ်လီၤ.

လံာ်လီၣ်ဖျါ 9:13

တုၤနုၤတစုကလူးဃုဂၤတဂၤအူထီၣ်အကွဲၤလီၤ. ယနၢ်ဟူတၢ်ကလုၢ်သီၣ်ထီၣ်လၢတၢ်လုၢ်လီၢ်ထူအနၢၤလွံၢ်ဘိလၢ အအိၣ်ဆၢထၢၣ်လၢကစၢ်ယွၤအမဲာ်ညါန့ၣ်လီၤ.