လံာ်လီၣ်ဖျါ 7:3 - Sgaw Karen Common Bible

³ ကလူးန့ၣ်စံးဝဲ, “တချုးဒံးလၢပမၤပနီၣ်ဃာ်ပကစၢ်ယွၤအခ့ အပှၤတဖၣ်လၢတၢ်စဲပနီၣ်ဃာ်, လၢအခိၣ်တိသၣ်ဒံးဘၣ်န့ၣ်, တဘၣ်မၤဘၣ်ဒိဘၣ်ထံးဟီၣ်ခိၣ်မ့ၢ်ဂ့ၤ, ပီၣ်လဲၣ်မ့ၢ်ဂ့ၤ, သ့ၣ်ဧိၤဝၣ်ဧိၤတဖၣ်မ့ၢ်ဂ့ၤနီတမံၤဒံးတဂ့ၤ.”

လံာ်လီၣ်ဖျါ 7:3 Iomraidhean Croise

လံာ်တၢ်ဟးထီၣ်ကွံာ် 12:13

တၢ်သွံၣ်လၢတြဲၤအထူၣ်တဖၣ်အလိၤန့ၣ်ကမ့ၢ်တၢ်ပနီၣ်တမံၤလၢဟံၣ် လၢသုအိၣ်လၢအပူၤအဂီၢ်န့ၣ်လီၤ. တုၤယထံၣ်တၢ်သွံၣ်န့ၣ်ဒီးယကလဲၤကပာ်ကွံာ်သု, ဒီးတုၤယစံၣ်ညီၣ်ပှၤအဲၤကူပတူးဖိတဖၣ်န့ၣ်ဒီးယတမၤဆါသုဘၣ်န့ၣ်လီၤ.

လံာ်တၢ်ဟးထီၣ်ကွံာ် 12:23

ဖဲယွၤလဲၤခီဂာ်ကီၢ်အဲၤကူပတူးဒ်သိးကမၤသံပှၤအဲၤကူပတူး ဖိတဖၣ်အခါန့ၣ်ကထံၣ်ဝဲတၢ်သွံၣ်အိၣ်လၢကျိၤတဖၣ်အလိၤဒီးတြဲၤ အထူၣ်တဖၣ်အလိၤဒီးတပျဲဘၣ်အတၢ်သံ အကလူးနုာ်လီၤဆူသုဟံၣ်တဖၣ်အပူၤဒီးမၤသံသုဘၣ်န့ၣ်လီၤ.

လံာ်ယၡါယၤ 27:8

ယွၤစံၣ်ညီၣ်တ့ၢ်အပှၤဂီၢ်မုၢ်ခီဖျိတၢ်ဆှၢအီၤဆူတၢ်စိာ်မၢကဲကုၢ် အလီၢ်လီၤ. အဝဲစိာ်ကွံာ်အဝဲသ့ၣ်ခီဖျိကလံၤအအၢနးမးတခါ လၢအဟဲလၢမုၢ်ထီၣ်တခီန့ၣ်လီၤ.

လံာ်ယၡါယၤ 54:17

ဘၣ်ဆၣ်ဒီး, စုကဝဲၤမၤဘၣ်ဒိဘၣ်ထံးနၤတသ့ နီတခါခါဘၣ်. နကအိၣ်ဒီးတၢ်စံးဆၢတမံၤလၢပှၤလၢအပာ်တၢ်ကမၣ်လၢနလိၤ ကိးဂၤဒဲးအဂီၢ်လီၤ. ယကကဟုကယာ်ယခ့ယပှၤတဖၣ် ဒီးဟ့ၣ်အဝဲသ့ၣ်တၢ်မၤနၢၤလီၤ.” ယွၤစံးတ့ၢ်လံဝဲလံ.

လံာ်ယၡါယၤ 6:13

လၢပှၤအဂၤတဆံအကျါပှၤမ့ၢ်အိၣ်လီၤတဲာ်တ့ၢ်ထဲတဂၤဧိၤ လၢထံကီၢ်အံၤအပူၤဒၣ်လဲာ်, အဝဲစ့ၢ်ကီးကဘၣ်တၢ်မၤဟးဂီၤ ကွံာ်အီၤလီၤ. အဝဲကလီၤဂာ်ဒ်သ့ထိးဖၣ်အခိၣ် ဆၢၣ်လၢအအိၣ်လီၤတဲာ်ဖဲတၢ်ကူၢ်လီၤအီၤဝံၤအလီၢ်ခံလီၤ.” (သ့ၣ်ခိၣ်ဆၢၣ်မ့ၢ်တၢ်ဒိလီၤတၢ်စးထီၣ်အသီတမံၤလၢယွၤ အပှၤဂီၢ်မုၢ်အဂီၢ်န့ၣ်လီၤ.)

လံာ်ယၡါယၤ 65:8

ယွၤစံးဝဲဒၣ်, “စပံးသၣ်လၢအဂ့ၤတဖၣ်န့ၣ်ပှၤ တမၤဟးဂီၤကွံာ်နီတဂၤဘၣ်. အခိၣ်တလိာ်, အဝဲသ့ၣ်ဒုးကဲထီၣ်စပံးထံလၢစပံးသၣ်တဖၣ်အံၤလီၤ. ဒ်န့ၣ်အသိးယတမၤဟးဂီၤယပှၤဂီၢ်မုၢ်ခဲလၢာ်ဘၣ်, ယကအုၣ်က့ၤခီၣ်က့ၤပှၤသ့ၣ်တဖၣ်လၢအမၤန့ၢ်ယၤ လၢတၢ်ခ့တၢ်ပှၤအတၢ်မၤန့ၣ်လီၤ.

လံာ်ယဃ့းစက့လး 9:4

လဲၤခီဖျိဝ့ၢ်ယရူၤၡလ့ၣ်ဒီဝ့ၢ်ညါ, “ဒီးပာ်တၢ်ပနီၣ်တမံၤလၢ ပှၤကိးဂၤဒဲးအခိၣ်တိသၣ်အလိၤ, ပှၤတဖၣ်လၢအဘၣ်တၢ်ကိၢ်တၢ်ဂီၤဒီးဘၣ်ကီဘၣ်ခဲ, မ့ၢ်လၢတၢ်လီၤသးဘၣ်အၢတဖၣ်လၢတၢ်မၤတ့ၢ်အီၤလၢဝ့ၢ်ပူၤအဃိ န့ၣ်တက့ၢ်.”

လံာ်ယဃ့းစက့လး 9:6

မၤသံပှၤပိာ်ခွါသးပှၢ်တဖၣ်, ပိာ်ခွါသးစၢ်တဖၣ်, ပိာ်မုၣ်သးစၢ်တဖၣ်, ပိာ်မုၣ်သးပှၢ်တဖၣ်ဒီးဖိသၣ်တဖၣ်တက့ၢ်. ဘၣ်ဆၣ်ဒီး, ထိးဘူးပှၤလၢအအိၣ်ဒီးတၢ်ပနီၣ်လၢအခိၣ်တိသၣ်အလိၤနီတဂၤတ ဂ့ၤ. စးထီၣ်မၤအီၤဖဲယတၢ်လုၢ်ဟံၣ်အံၤတက့ၢ်.” လၢတၢ်န့ၣ်အဃိဒီး, အဝဲသ့ၣ်စးထီၣ်မၤသံပှၤခိၣ်ပှၤနၢ်တဖၣ်လၢအဆၢထၢၣ် ဖဲယွၤအတၢ်လုၢ်ဟံၣ်န့ၣ်လီၤ.

လံာ်ဒၤနံးယ့လး 3:17

တၢ်မ့ၢ်မၤအသးဒ်နစံးအသိးဒီး, ပကစၢ်ယွၤလၢပမၤအတၢ် မၤန့ၣ်မၤပူၤဖျဲးပှၤလၢမ့ၣ်အူကဲၤကဖးအဖၣ်ကပူၤသ့ဝဲ, ဒီးကမၤပူၤဖျဲးပှၤလၢနစုပူၤလီၤ.

လံာ်ဒၤနံးယ့လး 3:26

မၤသးဒ်န့ၣ်ဒီးစီၤပၤနဘူၤကးန့စၢ်လဲၤဘူးထီၣ်ဆူမ့ၣ်အူကဲၤကဖး အဖၣ်ကပူၤအတြဲၤဒီးကိးစိဃီၤဝဲ, “စီၤၡၤဒရး, စီၤမ့ၤၡး, စီၤဧဘ့ၤဒနကိၤ, တၢ်ထီကတၢၢ်ကစၢ်ယွၤအခ့အပှၤသ့ၣ်ဧၢ, ဟဲက့ၤထီၣ်တက့ၢ်.” ဒီးအဝဲသ့ၣ်ဟဲက့ၤထီၣ်ဝဲတကီၢ်ခါလီၤ.

လံာ်ဒၤနံးယ့လး 6:16

လၢတၢ်န့ၣ်အဃိ, စီၤပၤဟ့ၣ်လီၤအကလုၢ်ဒ်သိးစီၤဒၤနံးယ့လး ကဘၣ်တၢ်လဲၤစိာ်ဒီးတ့ၢ်လီၤကွံာ်အီၤဆူခ့ယုၢ်တဖၣ်အတဝၢပူၤ န့ၣ်လီၤ. အဝဲစံးဘၣ်စီၤဒၤနံးယ့လး, “မ်နကစၢ်ယွၤလၢနမၤ အတၢ်မၤလၢတၢ်သူၣ်တီသးရၤအပူၤန့ၣ်အုၣ်က့ၤခီၣ်က့ၤနၤတက့ၢ်.”

လံာ်စဖါနယၤ 2:3

ကယဲၢ်ပှၤလၢအဆီၣ်လီၤအသးလၢထံဧိၤကီၢ်ဧိၤအပူၤ, ပှၤလၢအစူၢ်အတၢ်မၤလိာ်တဖၣ်သ့ၣ်ဧၢ, ဃၣ်က့ၤသုသးဆူ ယွၤအအိၣ်တက့ၢ်. မၤတၢ်တီတၢ်လိၤဒီးဆီၣ်လီၤသုသးလၢယွၤအမဲာ်ညါန့ၣ်တက့ၢ်. ဘၣ်တဘၣ်မုၢ်တနံၤလၢယွၤပာ်ဖျါထီၣ်အတၢ်သးထီၣ်န့ၣ်သုကပူၤ ဖျဲးလၢအတၢ်စံၣ်ညီၣ်န့ၣ်လီၤ.

လံာ်မၤလကံ 3:18

တုၤနုၤတစု, ယပှၤဂီၢ်မုၢ်ကထံၣ်ဘၣ်တၢ်လီၤဆီလၢအမၤအ သးလၢပှၤတီပှၤလိၤဒီးပှၤတတီတလိၤ, ပှၤလၢအမၤယတၢ်ဒီးပှၤလၢ အတမၤယတၢ်အဘၢၣ်စၢၤန့ၣ်လီၤ.”

လံာ်မးသဲ 24:22

ဘၣ်ဆၣ်ဒီး ကစၢ်ယွၤမၤစှၤလီၤတ့ၢ်လံမုၢ်နံၤမုၢ်သီတဖၣ်န့ၣ်လီၤ. ဒီးမုၢ်နံၤမုၢ်သီတဖၣ်အံၤ, မ့ၢ်တဘၣ်တၢ်မၤစှၤလီၤတ့ၢ်အီၤဘၣ်ဒီး, ပှၤဟီၣ်ခိၣ်ဖိလၢအကမူတီၢ်တအိၣ်လၢၤနီတဂၤဘၣ်. ဘၣ်ဆၣ်ဒီး, လၢအပှၤဃုထၢဖိတဖၣ်အဃိယွၤကမၤစှၤလီၤမုၢ်နံၤမုၢ်သီတဖၣ်လီၤ.

လံာ်မးသဲ 24:31

အဝဲကမၢလီၤအကလူးတဖၣ်, လၢအကွဲၤအသီၣ်ဖးဒိၣ်, ဒီးအဝဲသ့ၣ်ကထၢဖှိၣ်က့ၤယွၤအပှၤဃုထၢဖိတဖၣ်လၢဟီၣ်ခိၣ် အသနၢၣ်လွံၢ်သနၢၣ်, လၢဟီၣ်ခိၣ်ဒီဘ့ၣ်ညါန့ၣ်လီၤ.

လံာ်ယိၤဟၣ် 12:26

ပှၤတဂၤလၢ်လၢ်လၢအသးအိၣ်မၤယတၢ်မၤန့ၣ်, ကဘၣ်ကဲထီၣ်ယပျဲၢ်ယဘီၣ်ဒ်သိးဖဲယအိၣ်အလီၢ်န့ၣ် ယခ့ယပှၤကအိၣ်စ့ၢ်ကီးဒီးယၤဖဲန့ၣ်လီၤ. ပှၤတဂၤဂ့ၤတဂၤဂ့ၤမ့ၢ်မၤယတၢ်မၤဒီး, ယပၢ်ကမၤလၤကပီၤအီၤလီၤ.

လံာ်ယိၤဟၣ် 3:33

ပှၤတဂၤလၢ်လၢ်လၢအအၢၣ်လီၤတူၢ်လိာ်အတၢ်ကစီၣ်န့ၣ်, ပာ်ဂၢၢ်ပာ်ကျၢၤဝဲလီၤတံၢ်လီၤဆဲးလၢကစၢ်ယွၤ န့ၣ်တီဝဲလိၤဝဲလီၤ.

ရိမ့ၤ 6:22

ဘၣ်ဆၣ်ဒီး, ခဲအံၤသုဘၣ်တၢ်မၤထူၣ်ဖျဲးထီၣ်ကွံာ်သုလၢတၢ် ဒဲးဘးအပူၤဒီးသုကဲထီၣ်ကစၢ်ယွၤအကုၢ်တဖၣ်လံ. တၢ်ဘျုးလၢသုဂီၢ်မ့ၢ်တၢ်အိၣ်မူလၢအဘၣ်တၢ်ပာ်စီဆှံ အီၤလၢာ်လၢာ်ဆ့ဆ့လၢကစၢ်ယွၤအဂီၢ်, ဒီးအကတၢၢ် မ့ၢ်တၢ်မူအထူအယိာ်လီၤ.

လံာ်လီၣ်ဖျါ 13:16

တၢ်ဒူတၢ်ဃိၤခံဒုတဒုန့ၣ်, မၢဆူၣ်ကယဲၢ်ပှၤဟီၣ်ခိၣ်ဖိတဖၣ်, ဒိၣ်ဂ့ၤဆံးဂ့ၤ, ထူးတီၤမ့ၢ်ဂ့ၤ, ဖှီၣ်မ့ၢ်ဂ့ၤ, ကုၢ်မ့ၢ်ဂ့ၤ, ပှၤသဘျ့မ့ၢ်ဂ့ၤ, ဒ်သိးအကအိၣ်ဒီးတၢ်ပနီၣ်တမံၤလၢအဘၣ်တၢ်ပာ်ထီၣ်အီၤလၢ အစုထွဲလိၤ, မ့တမ့ၢ်လၢအခိၣ်တိသၣ်အလိၤန့ၣ်လီၤ.

လံာ်လီၣ်ဖျါ 13:17

ပှၤလၢအတအိၣ်ဒီးတၢ်ပနီၣ်အဝဲအံၤန့ၣ်, ပှ့ၤတၢ်မ့ၢ်ဂ့ၤဆါတၢ်မ့ၢ်ဂ့ၤတသ့နီတဂၤဘၣ်. ဒ်ပစံးတၢ်အသိး, တၢ်ပနီၣ်လၢအမ့ၢ်ဝဲတၢ်ဒူတၢ်ဃိၤအမံၤ, မ့တမ့ၢ်နီၣ်ဂံၢ်လၢအပာ်ဖျါထီၣ်မံၤအဝဲန့ၣ်လီၤ.

လံာ်လီၣ်ဖျါ 14:1

တုၤနုၤတစု, ယကွၢ်တၢ်, ဒီးသိဖိန့ၣ်အိၣ်ဆၢထၢၣ်လၢ ကစၢၢ်စံယိၣ်အလိၤ, ပှၤအိၣ်ဒီးအီၤအဂၤ ၁၄၄,ဝ၀၀ လၢ အအိၣ်ဒီးအဝဲအမံၤ, ဒီးအဝဲအပၢ်အမံၤအိၣ်ကွဲးအသးလၢအခိၣ်တိသၣ်တဖၣ် အလိၤန့ၣ်လီၤ.

လံာ်လီၣ်ဖျါ 14:9

ကလူးသၢဂၤတဂၤပိာ်ထီၣ်အခီၣ်ထံးခံဂၤန့ၣ်အခံဒီးစံးဝဲလၢ အကလုၢ်ဖးဒိၣ် “ပှၤတဂၤလၢ်လၢ်လၢအဘူၣ်ထီၣ်ဘါထီၣ်တၢ်ဒူတၢ်ဃိၤ တဒုအံၤဒီးအက့ၢ်အဂီၤဝံၤ, ဒိးန့ၢ်ဘၣ်တၢ်ပနီၣ်လၢအခိၣ်တိသၣ်မ့တမ့ၢ်လၢအစုလိၤန့ၣ်,

လံာ်လီၣ်ဖျါ 19:2

အဝဲအတၢ်စံၣ်ညီၣ်တဖၣ်မ့ၢ်ဝဲတီဝဲ, ဒီးတီဝဲလိၤဝဲလီၤ. အဝဲစံၣ်ညီၣ်ဃၣ်တ့ၢ်လံဃဲသဲမုၣ်လၢအမၤဟးဂီၤဟီၣ်ခိၣ်လၢ အလုၢ်အၢလၢ်သီန့ၣ်လီၤ. ကစၢ်ယွၤစံၣ်ညီၣ်တ့ၢ်လံအီၤမ့ၢ်လၢအဝဲဒၣ်မၤသံတ့ၢ် ကစၢ်ယွၤအခ့အပှၤတဖၣ်အဃိလီၤ.”

လံာ်လီၣ်ဖျါ 20:4

အန့ၣ်ဝံၤဒီးယထံၣ်လီၢ်ပစိာ်တဖၣ်, ဒီးပှၤတဖၣ်လၢအဆ့ၣ်နီၤလၢ အလိၤန့ၣ်ဘၣ်တၢ်ဟ့ၣ်အီၤတၢ်စိကမီၤလၢအကစံၣ်ညီၣ်တၢ် လီၤ. ယထံၣ်ဘၣ်စ့ၢ်ကီးယဲပှၤအသးသမူတဖၣ်လၢအဘၣ် တၢ်မၤသံတ့ၢ်အီၤလၢအအုၣ်အသးလၢယ့ၣ်ၡူးအဂ့ၢ်ဒီး စံၣ်တဲၤတဲလီၤကစၢ်ယွၤအကလုၢ်ကထါတဖၣ်အဃိ န့ၣ်လီၤ. အဝဲသ့ၣ်တဘါထီၣ်တ့ၢ်တၢ်ဒူတၢ်ဃိၤတဒု န့ၣ်မ့ၢ်ဂ့ၤ, အက့ၢ်အဂီၤမ့ၢ်ဂ့ၤန့ၣ်ဘၣ်. ဒ်န့ၣ်အသိး, အဝဲသ့ၣ်တဒိးန့ၢ်တၢ်ဒူတၢ်ဃိၤတဒုန့ၣ်အတၢ်ပနီၣ် လၢအဝဲသ့ၣ်အခိၣ်တိသၣ်အလိၤမ့ၢ်ဂ့ၤ, လၢအစု လိၤမ့ၢ်ဂ့ၤန့ၣ်ဘၣ်. အဝဲသ့ၣ်ဂဲၤဆၢထၢၣ်သမူထီၣ်က့ၤ, ဒီးပၢတၢ်ဒ်စီၤပၤတဖၣ်အသိးတပူၤဃီဒီးခရံာ်လၢအနံၣ် တကထိအတီၢ်ပူၤလီၤ.

လံာ်လီၣ်ဖျါ 22:4

အဝဲသ့ၣ်ကထံၣ်ဘၣ်အမဲာ်သၣ်, ဒီးအဝဲဒၣ်အမံၤကအိၣ်ကွဲးအသးလၢအဝဲသ့ၣ်အခိၣ်တိသၣ်တဖၣ် အလိၤလီၤ.

လံာ်လီၣ်ဖျါ 6:6

ယနၢ်ဟူတၢ်လၢအလီၤဂာ်ဒီးတၢ်အကလုၢ်ဟဲသီၣ်ထီၣ်လၢတၢ် အသးသမူအိၣ်လွံၢ်ဒုအကျါ, လၢအစံးဝဲ, “ဘုကၠူၣ်တသလိးလၢဒန့ၤရံတဘ့ၣ်အဂီၢ်. ဒီးဘုမုယီၤသၢသလိးလၢဒန့ၤရံတဘ့ၣ်အဂီၢ်လီၤ. ဘၣ်ဆၣ်ဒီးမၤဟးဂီၤသ့ၣ်စၤယံးတဖၣ် ဒီးစပံးအလီၢ် တဖၣ်န့ၣ်တဂ့ၤ.”

လံာ်လီၣ်ဖျါ 7:1

တၢ်မၤအသးတမံၤအံၤဝံၤအလီၢ်ခံန့ၣ်, ယထံၣ်ကလူးလွံၢ်ဂၤအိၣ်ဆၢထၢၣ်ဖဲဟီၣ်ခိၣ်အနၢၣ်လွံၢ်နၢၣ်, ဒီးဒ်သိးဟီၣ်ခိၣ်မ့ၢ်ဂ့ၤ, ပီၣ်လဲၣ်မ့ၢ်ဂ့ၤ, သ့ၣ်တထူၣ်ထူၣ်မ့ၢ်ဂ့ၤ, ကလံၤအသုတအူဘၣ်အီၤတဂ့ၤအဂီၢ်န့ၣ်တြီဃာ်ဝဲဒၣ်ကလံၤလွံၢ် ကျိၤန့ၣ်လီၤ.

လံာ်လီၣ်ဖျါ 7:2

ဒီးယထံၣ်ကလူးအဂၤတဂၤဟဲထီၣ်လၢမုၢ်ထီၣ်တခီအိၣ်ဃုာ်ဒီး ကစၢ်ယွၤလၢအမူဝဲတဂၤအတၢ်စဲပနီၣ်ဃာ်တဖျၢၣ်န့ၣ်လီၤ. အဝဲဒၣ်ကိးထီၣ်လၢအကလုၢ်ဖးဒိၣ်ဆူကလူးလွံၢ်ဂၤလၢ ကစၢ်ယွၤဟ့ၣ်တ့ၢ်အီၤတၢ်စိတၢ်ကမီၤလၢအကမၤဟးဂီၤဟီၣ်ခိၣ် ဒီးပီၣ်လဲၣ်တဖၣ်န့ၣ်လီၤ.

လံာ်လီၣ်ဖျါ 9:4

အဝဲသ့ၣ်ဘၣ်တၢ်မၤလိာ်ပာ်အီၤလၢအသုတမၤဘၣ်ဒိတပံၢ် တမါမ့ၢ်ဂ့ၤသ့ၣ်တဖၣ်မ့ၢ်ဂ့ၤ, တၢ်မုၢ်တၢ်ဘိအဂၤမ့ၢ်ဂ့ၤနီတမံၤ တဂ့ၤန့ၣ်လီၤ. အဝဲသ့ၣ်ကဘၣ်မၤဆူးမၤဆါထဲပှၤလၢအတအိၣ်ဒီးတၢ်ပနီၣ် ဘၣ်ဃးကစၢ်ယွၤအတၢ်စဲပနီၣ်ဃာ်လၢအခိၣ်တိသၣ်အလိၤ တဖၣ်န့ၣ်လီၤ.