လံာ်လီၣ်ဖျါ 7:17 - Sgaw Karen Common Bible

¹⁷ အဂ့ၢ်ဒ်အံၤ, သိဖိတဒုလၢအအိၣ်ဝဲလၢလီၢ်ပစိာ်အခၢၣ်သးန့ၣ် ကမ့ၢ်အဝဲသ့ၣ်အပှၤကွၢ်သိ, ဒီးအဝဲဒၣ်ကဆှၢအဝဲသ့ၣ်ဆူထံ မူထီၣ်ပၢၢ်န့ၣ်လီၤ. ဒီးကစၢ်ယွၤကထွါကွံာ်မဲာ်ထံကိးဖျၢၣ်ဒဲးလၢ အမဲာ်ချံပူၤန့ၣ်လီၤ.”

လံာ်လီၣ်ဖျါ 7:17 Iomraidhean Croise

စံးထီၣ်ပတြၢၤ 22:26

ပှၤဖှီၣ်ဖိယာ်ဖိတဖၣ်ကအီၣ်တၢ်ဒ် အဝဲသ့ၣ်ဆၢအီၣ်ဘၣ်ဝဲအသိး, ပှၤလၢအဟဲဆူယွၤအအိၣ်တဖၣ် ကစံးထီၣ်ပတြၢၤအီၤလီၤ. မ်အဝဲသ့ၣ်ဘီၣ်ထီၣ်ညီထီၣ်ထီဘိတထံၣ်ဃီတက့ၢ်.

စံးထီၣ်ပတြၢၤ 23:5

နကတဲာ်ကတီၤစီၢ်နီၤခိၣ်လၢယဂီၢ် လၢယဒုၣ်ယဒါတဖၣ်အမဲာ်ညါလီၤ. နဖှူယခိၣ်လၢသိ, ယလီခီတဖျၢၣ်ပှဲၤလုာ်ကွံာ်လီၤ.

စံးထီၣ်ပတြၢၤ 28:9

ယွၤဧၢ, မၤပူၤဖျဲးနပှၤဂီၢ်မုၢ် ဒီးဆိၣ်ဂ့ၤပှၤလၢအမ့ၢ်နတၢ်န့ၣ်တက့ၢ်. ကဲထီၣ်အပှၤကွၢ်သိ ဒီးစိာ်ထီၣ်အဝဲသ့ၣ်လီၤစိၤလီၤထီတက့ၢ်.

လံာ်ယၡါယၤ 12:3

ဒ်ထံအဆှံဟဲစိာ်တၢ်သးခုလၢပှၤ လၢတၢ်သူအသးလၢထံအဂီၢ်အသိး, ကစၢ်ယွၤအပှၤဂီၢ်မုၢ်သူၣ်ခုသးခုဖဲအဝဲဒၣ်အုၣ်က့ၤခီၣ်က့ၤ အဝဲသ့ၣ်န့ၣ်လီၤ.”

လံာ်ယၡါယၤ 25:6

ဖဲအံၤလၢကစၢၢ်စံယိၣ်အဖီခိၣ်န့ၣ်, ယွၤသ့တၢ်လၢာ်ကကတဲာ် ကတီၤတၢ်အီၣ်အမူးတမူးလၢကယဲၢ်ပှၤကလုာ်ခဲလၢာ်လၢ ဟီၣ်ခိၣ်ချၢအဂီၢ်လီၤ. မ့ၢ်တၢ်အီၣ်အဝံၣ်အဘဲကတၢၢ်ဒီး စပံးထံအဂ့ၤကတၢၢ်အမူးတမူးလီၤ.

လံာ်ယၡါယၤ 25:8

ယွၤလၢအပၢဘၣ်တၢ်ခဲလၢာ်ကမၤဟးဂီၤကွံာ်တၢ်သံလီၤထူ လီၤယိာ်လီၤ. အဝဲကထွါကွံာ်မဲာ်ထံတဖၣ်လၢပှၤကိးဂၤ ဒဲးအမဲာ်ချံဒီးစိာ်ကွံာ်တၢ်မဲာ်ဆှးလၢအပှၤဂီၢ်မုၢ်ဘၣ်တူၢ်တ့ၢ် ဝဲလၢဟီၣ်ခိၣ်ဒီဘ့ၣ်ညါန့ၣ်လီၤ. ယွၤအကစၢ်ဒၣ်ဝဲကတိၤတ့ၢ်တၢ်လီၤ.

လံာ်ယၡါယၤ 30:19

သုဝဲပှၤဂီၢ်မုၢ်လၢအအိၣ်လၢဝ့ၢ်ယရူၤၡလ့ၣ်အပူၤတဖၣ်န့ၣ်, တဟီၣ်ဘၣ်ယၢၤဘၣ်လၢၤဘၣ်. ယွၤသူၣ်ကညီၤသးကညီၤတၢ်သ့, ဒီးဖဲသုကိးထီၣ်တၢ်ဆူအအိၣ်လၢတၢ်မၤစၢၤအဂီၢ်န့ၣ်, အဝဲဒၣ်ကစံးဆၢသုလီၤ.

လံာ်ယၡါယၤ 30:25

မုၢ်တနံၤဖဲသုဒုၣ်သုဒါအတိာ်တဖၣ်ဘၣ်တၢ်ဒုးန့ၢ်ဖီၣ်န့ၢ်အီၤ, ဒီးအပှၤတဖၣ်ဘၣ်တၢ်မၤသံကွံာ်အီၤန့ၣ်, ထံဖိကျိအထံတဖၣ် ကယွၤလီၤဝဲလၢကစၢၢ်ကိးဖျၢၣ်ဒဲးဒီးတၢ်လူၢ်ကိးလူၢ်ဒဲးန့ၣ်လီၤ.

လံာ်ယၡါယၤ 35:10

အဝဲသ့ၣ်ကလဲၤတုၤဆူဝ့ၢ်ယရူၤၡလ့ၣ် လၢတၢ်သူၣ်ဖှံသးညီ, ကသူၣ်ဝံၣ်သးဆၢဒီးကကိးထီၣ်လၢအတၢ်သးခုဒိၣ်ဝဲအဃိလီၤ. အဝဲသ့ၣ်ကသူၣ်ဖှံသးညီအစိၤစိၤအဃၣ်ဃၣ်, အစိၤစိၤအဃၣ်ဃၣ်န့ၣ်ပူၤဖျဲးဝဲလၢတၢ်သူၣ်အုးသးအုးဒီး တၢ်ဘၣ်မိၣ်ဘၣ်မးလီၤ.

လံာ်ယၡါယၤ 40:11

အဝဲကဟုကယာ်အသိတဖုဒ်ပှၤကွၢ်သိတဂၤ အသိးလီၤ. ကပာ်ဖှိၣ်သိဖိတဖၣ်တပူၤဃီ ဒီးစိာ်ထီၣ်အီၤလၢအစုဒုၣ်စုတီၤအလိၤ ဒီးကဆှၢအသိအမိၢ်တဖၣ်ကယီကယီလီၤ.

လံာ်ယၡါယၤ 49:9

ယကစံးဘၣ်ပှၤဘၣ်တၢ်စၢဃာ်လၢဃိာ်ပူၤတဖၣ်, ဟးထီၣ်လၢတၢ်သဘျ့အပူၤတက့ၢ်, ဒီးပှၤအိၣ်လၢတၢ်ခံးကျါတဖၣ်, ဟဲထီၣ်ဆူတၢ်ကပီၤအပူၤတက့ၢ်. အဝဲသ့ၣ်ကလီၤဂာ်ဒ်သိတဖၣ်လၢအအီၣ်အဆၣ်လၢတၢ်လူၢ်တဖၣ် အလိၤအသိးန့ၣ်လီၤ.

လံာ်ယၡါယၤ 51:11

ပှၤတဖၣ်လၢနမၤပူၤဖျဲးတ့ၢ်အီၤန့ၣ် ကလဲၤတုၤဝ့ၢ်ယရူၤရှလ့ၣ် လၢတၢ်သူၣ်ဖှံသးညီအပူၤ ဒီးကသးဝံၣ်တၢ်ဒီးကကိးထီၣ် ဝဲလၢတၢ်သူၣ်ခုသးခုအဂ့ၢ်န့ၣ်လီၤ. အဝဲသ့ၣ်ကသူၣ်ဖှံသးညီလီၤစိၤလီၤဃၣ် ဒီးပူၤဖျဲးကွံာ်ဒီးတၢ်ဘၣ်မိၣ်ဘၣ်မးဒီးတၢ်သူၣ် အုးသးအုးလီၤထူလီၤယိာ်န့ၣ်လီၤ.

လံာ်ယၡါယၤ 60:20

နတၢ်သူၣ်အုးသးအုးအမုၢ်နံၤတဖၣ်ကကတၢၢ်ဝဲလီၤ. ယၤ, ယွၤအံၤ, ကမ့ၢ်နတၢ်ကပီၤအထူအယိာ်ဒီးကအိၣ်စံာ် အိၣ်ကျၢၤဝဲယံာ်န့ၢ်ဒံးမုၢ်ဒီးလါန့ၣ်လီၤ.

လံာ်ယၡါယၤ 65:19

ယကစၢ်ဒၣ်ယဲယကပှဲၤဒီးတၢ်သးခုလၢဝ့ၢ်ယရူၤၡလ့ၣ်ဒီးအပှၤဂီၢ် မုၢ်အဃိလီၤ. ဖဲန့ၣ်တၢ်ဟီၣ်တၢ်ယၢၤ, တၢ်ကိးထီၣ်ဃ့ထီၣ်တၢ် မၤစၢၤတအိၣ်ဝဲဘၣ်.

လံာ်ယံးရမံယၤ 2:13

အဂ့ၢ်ဒ်အံၤ, ယပှၤဂီၢ်မုၢ်မၤတ့ၢ်တၢ်ဒဲးဘးခံမံၤလၢအမ့ၢ်, အဝဲသ့ၣ်ဃၣ်ကွံာ်အသးလၢယၤ, လၢအမ့ၢ်ထံဆှံအထံမူထီၣ်ပၢၢ်, ဒီးအဝဲသ့ၣ်ခူၣ်ကမါတဖၣ်, ကမါလၢအတဲၤဖးအသးတဖၣ်ဒီးတၢ်ပဒၢးဃာ်ထံန့ၢ်တသ့လ့ၤတ က့ၤဘၣ်န့ၣ်လီၤ.

လံာ်ယံးရမံယၤ 31:9

ယပှၤဂီၢ်မုၢ် ကဟဲက့ၤကဒါက့ၤလၢ တၢ်ဟီၣ်တၢ်ယၢၤအပူၤ, ဒီးဘါထုကဖၣ်တၢ်ဖဲ ယဆှၢကဒါက့ၤ အဝဲသ့ၣ်အခါန့ၣ်လီၤ. ယကဆှၢအဝဲသ့ၣ်ဆူ ထံဖိကျိတဖၣ်, ဒီးကျဲလၢအလိၤအဘျၢအပူၤ, ဖဲအဝဲသ့ၣ်အခီၣ် တဘၣ်တိၢ်ဘၣ်န့ၣ်လီၤ. ယလီၤဂာ်ဒီး ပၢ်တဂၤလၢ ကီၢ်အံၣ်စရ့လးအဂီၢ်, ဒီးအ့ဖရဲၣ်မ့ၢ် ယဖိခွါဝဲၢ်ကိန့ၣ်လီၤ.”

လံာ်ယဃ့းစက့လး 34:23

ယကဟ့ၣ်အဝဲသ့ၣ်လၢစီၤပၤတဂၤလၢအလီၤဂာ်ဒီးယခ့ယပှၤစီၤဒၤဝံး ဒ်သိးကကဲထီၣ်အဝဲသ့ၣ်အပှၤကွၢ်သိတဂၤဒီးအဝဲကကဟုကယာ် အဝဲသ့ၣ်န့ၣ်လီၤ.

လံာ်မံကၤ 5:4

တုၤအဝဲဟဲန့ၣ်, ကပၢအပှၤဂီၢ်မုၢ်အိၣ်ဒီးတၢ်ဂံၢ်တၢ်ဘါဟဲလၢ ယွၤအိၣ်ဒီးကစၢ်ယွၤအကစၢ်ဒၣ်ဝဲအကဟုကညီၢ်န့ၣ်လီၤ. အပှၤဂီၢ်မုၢ်ကအိၣ်ဝဲဆိးဝဲလၢတၢ်ပူၤဖျဲးအပူၤလီၤ. အဂ့ၢ်ဒ်အံၤ, ကယဲၢ်ပှၤဂီၢ်မုၢ်လၢဟီၣ်ခိၣ်ချၢကအၢၣ်လီၤအီၤလီၤအတၢ်ဒိၣ်တၢ်မုၢ်,

လံာ်မံကၤ 7:14

ယွၤဧၢ, မ့ၢ်နဲပှၤကွၢ်သိတဂၤလၢနပှၤဂီၢ်မုၢ်, ပှၤဂီၢ်မုၢ်လၢနဃုထၢအီၤအဂီၢ်တက့ၢ်. မ့ၢ်အိၣ်ဒၣ်ဝဲလၢပှၢ်မုၢ်ကနၢသနာ်က့ဟီၣ်ခိၣ်ညၣ်ထ့ၣ်ဂ့ၤ အကီၢ်တဖၣ်အိၣ်ဝးတရံးအီၤလီၤ. မ်အလဲၤဒီးအီၣ်တၢ်လၢကီၢ်ဘၤၡၣ်ဒီးကီၢ်ကံးလဧးအအီၣ်ဆၣ်လီၢ် လါဟ့တဖၣ်အပူၤဒ်အဝဲသ့ၣ်မၤတ့ၢ်လၢပျၢၤအသိးန့ၣ်တက့ၢ်.

လံာ်မးသဲ 2:6

‘ယွၤစံးဝဲ, ဘ့ၤသလ့ဃ့ၣ်လၢအဘၣ်ဃးဒီး ကီၢ်ယူဒၤဧၢ, နတမ့ၢ်တီနံဝ့ၢ်အဆံးကတၢၢ်လၢ ကီၢ်ယူဒၤအပူၤဘၣ်. အဂ့ၢ်ဒ်အံၤခိၣ်နၢ်တဂၤ လၢကပၢကဆှၢယပှၤဂီၢ်မုၢ်အံၣ်စရ့လးန့ၣ် ကဟဲထီၣ်လၢနပူၤလီၤ’ ” (မံ. ၅:၂).

လံာ်မးသဲ 5:4

ပှၤလၢအသူၣ်အုးသးအုးတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, ကဘၣ်တၢ်မၤမုာ်ထီၣ်က့ၤအီၤ လၢကစၢ်ယွၤလီၤ.

လံာ်ယိၤဟၣ် 10:11

ယဲဒၣ်အံၤယမ့ၢ်ပှၤကွၢ်သိလၢအဂ့ၤတဂၤလၢအဟ့ၣ်လီၤကွံာ် အသးသမူလၢအသိအဂီၢ်လီၤ.

လံာ်ယိၤဟၣ် 10:14

ယဲဒၣ်အံၤယမ့ၢ်ပှၤကွၢ်သိလၢအဂ့ၤတဂၤလီၤ. ဒ်ပၢ်သ့ၣ်ညါယၤဒီးယသ့ၣ်ညါပၢ်အသိးန့ၣ်, ယသ့ၣ်ညါ ယသိဒီးအဝဲသ့ၣ် သ့ၣ်ညါယၤလီၤ.

လံာ်ယိၤဟၣ် 4:10

ယ့ၣ်ၡူးစံးဆၢတၢ်ဒီးစံးဘၣ်အီၤ, “နမ့ၢ်သ့ၣ်ညါတ့ၢ်ကစၢ်ယွၤ အတၢ်ဟ့ၣ်ဒီးပှၤလၢအဃ့အီနၤလၢထံတဂၤမ့ၢ်မတၤလဲၣ်န့ၣ်, နကဃ့တၢ်လၢအီၤဒီးအဝဲကဟ့ၣ်နၤထံလၢအဟ့ၣ် တၢ်မူန့ၣ်လီၤ.

လံာ်ယိၤဟၣ် 4:11

ပိာ်မုၣ်စံးဘၣ်အီၤ, “ကစၢ်ဧၢ, နထံစဲၤတအိၣ်ဘၣ်ဒီးထံပူၤ တခီယိာ်မးလီၤ. နကလဲၤမၤန့ၢ်ထံလၢအဟ့ၣ်တၢ်မူန့ၣ်ဖဲလဲၣ်.

လံာ်ယိၤဟၣ် 4:14

မ့မ့ၢ်ပှၤတဂၤလၢ်လၢ်လၢအအီထံလၢယကဟ့ၣ်အီအီၤန့ၣ်, အသးတသူထံနီတဘျီလၢၤဘၣ်. ထံလၢယကဟ့ၣ်အီၤန့ၣ်, ကကဲထီၣ်ထံထီၣ်ပၢၢ်လၢအပူၤလၢကဟ့ၣ်ထီၣ်တၢ်မူ အထံဒီးတၢ်မူအထူအယိာ်န့ၣ်လီၤ.”

မၤတၢ် 20:28

အံးထွဲကွၢ်ထွဲလီၤသုသးဒၣ်ဝဲ, ဒီးအံးထွဲကွၢ်ထွဲသိခဲလၢာ်လၢသးစီဆှံပာ်လီၤတ့ၢ်ဝဲလၢသု တၢ်အံးတၢ်ကွၢ်အပူၤန့ၣ်တက့ၢ်. ကဲထီၣ်ပှၤကွၢ်သိတဖၣ် လၢကစၢ်ယွၤအတၢ်အိၣ်ဖှိၣ်အဂီၢ်, တၢ်အိၣ်ဖှိၣ်လၢအဝဲဒုးကဲထီၣ်အီၤဆူ အတၢ်ဒၣ်ဝဲခီဖျိအဖိခွါအတၢ်သံန့ၣ်တက့ၢ်.

၁ ပ့းတရူး 5:2

ယဃ့ကညးသုလၢသုကမ့ၢ်ပှၤကွၢ်သိတဖၣ်လၢကအံးက့ၤ ကွၢ်က့ၤသိလၢကစၢ်ယွၤဟ့ၣ်လီၤသုတဖၣ်လၢတၢ်သူၣ်အိၣ် သးအိၣ်အပူၤဒ်ကစၢ်ယွၤဘၣ်အသးလၢသုကမၤအသိး, ဒီးတမ့ၢ်ဘၣ်လၢတၢ်မၢဆူၣ်သုအဃိန့ၣ်ဘၣ်. မၤသုတၢ်မၤတမ့ၢ်ဘၣ်လၢဘူးလဲအဃိဘၣ်, မ့မ့ၢ် လၢတၢ်သးအိၣ်မၤတၢ်နီၢ်နီၢ်အပူၤတက့ၢ်.

လံာ်လီၣ်ဖျါ 14:4

အဝဲသ့ၣ်မ့ၢ်ပှၤပိာ်ခွါတဖၣ်လၢအပာ်ကဆှီဃာ်အသး ခီဖျိအဟးဆှဲးတၢ်အိၣ်ဃုာ်ဒီးပိာ်မုၣ်ပိာ်မၢၤန့ၣ်လီၤ. အဝဲသ့ၣ်မ့ၢ်ပှၤဖိၣ်သၣ်ခွါဆှံဆှံတဖၣ်လီၤ. အဝဲသ့ၣ်ပိာ်သိဖိအခံဖဲအလဲၤဝဲတပူၤလၢ်လၢ်လီၤ. အဝဲသ့ၣ်ဘၣ်တၢ်ပှ့ၤက့ၤတ့ၢ်အီၤလၢပှၤကညီအဂၤ တဖၣ်အကျါဒီးမ့ၢ်ပှၤအဆိကတၢၢ်တဖၣ်လၢအဘၣ် တၢ်လုၢ်ထီၣ်အီၤဆူကစၢ်ယွၤဒီးဆူသိဖိအအိၣ်န့ၣ်လီၤ.

လံာ်လီၣ်ဖျါ 21:22

လၢဝ့ၢ်ပူၤန့ၣ်ယတထံၣ်တၢ်လုၢ်ဟံၣ်နီတဖျၢၣ်ဘၣ်. အဂ့ၢ်ဒ်အံၤ, အတၢ်လုၢ်ဟံၣ်မ့ၢ်ဝဲသ့တၢ်လၢာ်ကစၢ်ယွၤ ဒီးသိဖိတဒုန့ၣ်လီၤ.

လံာ်လီၣ်ဖျါ 21:23

ဝ့ၢ်န့ၣ်တလိၣ်ဘၣ်မုၢ်မ့ၢ်ဂ့ၤ, လါမ့ၢ်ဂ့ၤ, လၢအကကပီၤလီၤလၢ အလိၤအဂီၢ်ဘၣ်. အဂ့ၢ်ဒ်အံၤ, ကစၢ်ယွၤအလၤကပီၤကပီၤလီၤ လၢအလိၤ, ဒီးအမ့ၣ်အူဒၢန့ၣ်မ့ၢ်ဝဲသိဖိတဒုန့ၣ်လီၤ.

လံာ်လီၣ်ဖျါ 21:4

အဝဲဒၣ်ကထွါကွံာ်မဲာ်ထံခဲလၢာ်လၢအဝဲသ့ၣ်အမဲာ်ချံ အပူၤလီၤ. တၢ်သံတအိၣ်လၢၤဘၣ်, တၢ်သူၣ်အုးသး အုးမ့ၢ်ဂ့ၤ, တၢ်ဟီၣ်တၢ်ယၢၤမ့ၢ်ဂ့ၤ, တၢ်ဆူးတၢ်ဆါမ့ၢ်ဂ့ၤ တအိၣ်ဝဲဒၣ်လၢၤဘၣ်. တၢ်အလီၢ်လံၤတဖၣ်လဲၤပူၤကွံာ် ဝဲဒၣ်လံ.”

လံာ်လီၣ်ဖျါ 21:6

ဒီးအဝဲဒၣ်စံးဝဲ, “တၢ်မၤအသးဝံၤလံ. ယမ့ၢ် က, ဒီး ဧ, တၢ်အခီၣ်ထံးဒီးတၢ်အကတၢၢ်လီၤ. ဆူပှၤတဂၤလၢ်လၢ်လၢတၢ်သူအသးလၢထံန့ၣ်, ယကဟ့ၣ်အီၤအခွဲးအယာ်လၢအကအီထံဖဲတၢ်မူ အထံထီၣ်ပၢၢ်တအိၣ်ဒီးတၢ်ဟ့ၣ်ဘၣ်အပှ့ၤအကလံၤ န့ၣ်ဘၣ်လီၤ.

လံာ်လီၣ်ဖျါ 22:1

ကလူးတဂၤန့ၣ်ဒုးနဲၣ်စ့ၢ်ကီးယၤလၢထံမူအထံကျိလၢအက တြ့ၣ်ကတြိၣ်ဝဲဒ်လၢၢ်ဖျါကလၤအသိး, ဒီးဟဲယွၤလီၤလၢကစၢ်ယွၤဒီးသိဖိအလီၢ်ပစိာ်,

လံာ်လီၣ်ဖျါ 4:11

“ပကစၢ်ဒီးကစၢ်ယွၤဧၢ, နကြၢးဝဲဘၣ်ဝဲ လၢနကဒိးန့ၢ်ဘၣ်တၢ်လၤကပီၤ, တၢ်ယူးယီၣ်, ဒီးတၢ်စိတၢ်ကမီၤလီၤ. အဂ့ၢ်ဒ်အံၤ, နတ့လီၤပာ်လီၤတၢ်ခဲလၢာ်, ဒီးလၢနတၢ်ဘၣ်နသးအဃိ အဝဲသ့ၣ်ဘၣ်တၢ်ဟ့ၣ်အီၤ တၢ်အိၣ်မူဒီးတၢ်မူန့ၣ်လီၤ.”

လံာ်လီၣ်ဖျါ 5:6

တုၤနုၤတစုယထံၣ်သိဖိတဒုဆၢထၢၣ်လၢလီၢ်ပစိာ်အခၢၣ်သး, ဘၣ်တၢ်ကဝီၤဃာ်အီၤလၢတၢ်အသးသမူအိၣ်လွံၢ်ဒုဒီးပှၤ သူၣ်က့သးပှၢ်တဖၣ်န့ၣ်လီၤ. အိၣ်ဖျါလၢသိဖိတဒုန့ၣ်ဘၣ် တၢ်မၤသံအီၤလီၤ. အဝဲအိၣ်ဒီးအနၢၤနွံဘိဒီးအမဲာ်ချံနွံတိၣ်, လၢအမ့ၢ်ဝဲကစၢ်ယွၤအသးနွံဖျၢၣ်, လၢအဘၣ်တၢ်ဆှၢလီၤတ့ၢ်အီၤသကုၤဟီၣ်ခိၣ်ဒီဘ့ၣ်ညါန့ၣ်လီၤ.