လံာ်လီၣ်ဖျါ 7:15 - Sgaw Karen Common Bible

¹⁵ လၢတၢ်န့ၣ်အဃိ, အဝဲသ့ၣ်အိၣ်ဆၢထၢၣ်ဝဲလၢကစၢ်ယွၤ အလီၢ်ပစိာ်အမဲာ်ညါဒီးမၤအဝဲဒၣ်အတၢ်မၤမုၢ်ဆါမုၢ်နၤလၢ အဝဲဒၣ်အတၢ်လုၢ်ဟံၣ်အပူၤလီၤ. ပှၤလၢအဆ့ၣ်နီၤဝဲလၢလီၢ် ပစိာ်အလိၤတဂၤန့ၣ်, ကကဟုကယာ်အဝဲသ့ၣ်ခီဖျိအဝဲဒၣ်အတၢ်အိၣ်ဒီးအဝဲသ့ၣ် န့ၣ်လီၤ.

လံာ်လီၣ်ဖျါ 7:15 Iomraidhean Croise

လံာ်စီၤပၤအခီၣ်ထံးတဘ့ၣ် 6:13

ယကအိၣ်ကဆိးလၢယပှၤဂီၢ်မုၢ်အံၣ်စရ့လးအကျါလၢယွၤအတၢ်လုၢ်ဟံၣ် လၢနဘှီထီၣ်အီၤအံၤအပူၤ, ဒီးယတလဲၤသဒၣ်အဝဲသ့ၣ်နီတစုဘၣ်.”

လံာ်ကွဲးနီၣ်တၢ်အခီၣ်ထံးတဘ့ၣ် 23:25

စီၤဒၤဝံးစံးဝဲ, “ယွၤ, အံၣ်စရ့လးအကစၢ်ယွၤဟ့ၣ်တ့ၢ်တၢ်ဃူ တၢ်ဖိးဆူအပှၤဂီၢ်မုၢ်, ဒီးအဝဲအနီၢ်ကစၢ်ဒၣ်ဝဲကအိၣ်ဝဲဆိးဝဲ လၢဝ့ၢ်ယရူၤၡလ့ၣ်အပူၤလီၤစိၤလီၤထီန့ၣ်လီၤ.

လံာ်တၢ်ဟးထီၣ်ကွံာ် 29:45

ယကအိၣ်ဆိးလၢကီၢ်အံၣ်စရ့လးအပှၤဂီၢ်မုၢ်အသိးအကျါဒီးယကမ့ၢ် အဝဲသ့ၣ်အကစၢ်ယွၤလီၤ.

လံာ်ယဃ့းစက့လး 37:27

ယကအိၣ်ဆိးဖဲန့ၣ်ဒီးအဝဲသ့ၣ်လီၤ. ယကမ့ၢ်အဝဲသ့ၣ်အကစၢ်ယွၤ ဒီးအဝဲသ့ၣ်ကမ့ၢ်ယပှၤဂီၢ်မုၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:11

ယကအိၣ်လၢသုကျါလၢယဒဲစီဆှံ အပူၤဒီးယတဃၣ်ကွံာ်ယသးလၢသုနီတစုဘၣ်.

လံာ်ယိၤဟၣ် 1:14

တၢ်ကလုၢ်န့ၣ်ကဲထီၣ်ပှၤကညီ, ဒီးလၢပှဲၤဝဲဒီးတၢ်ဘျုးတၢ်ဖှိၣ် ဒီးတၢ်မ့ၢ်တၢ်တီဒီးအိၣ်ဝဲဆိးဝဲလၢပကျါန့ၣ်လီၤ. ဒီးပထံၣ်ဘၣ်အလၤကပီၤလၢအဒိးန့ၢ်ဝဲဒ်ပၢ်အဖိခွါတဂၤဃီ အသိးန့ၣ်လီၤ.

1 ကရံၣ်သူး 3:16

သုသ့ၣ်ညါသပှၢ်တၢၢ်လၢသုမ့ၢ်ယွၤအတၢ်လုၢ်ဟံၣ်, ဒီးယွၤအသးစီဆှံအိၣ်ဝဲဆိးဝဲလၢသုပူၤကစီဒီလီၤ တမ့ၢ်ဘၣ်ဧါ.

၂ ကရံၣ်သူး 6:16

ကစၢ်ယွၤအတၢ်လုၢ်ဟံၣ်ဒီးပှၤသူခိၣ်ဖိအတၢ်ဂီၤတၢ်ဖီၣ် န့ၣ်အသးလီၤပလိာ်ကသ့ဝဲလၢကျဲဒ်လဲၣ်. အဂ့ၢ်ဒ်အံၤ, ပမ့ၢ်ကစၢ်ယွၤလၢအမူဝဲတဂၤအတၢ်လုၢ်ဟံၣ်လီၤ. ဒ်ကစၢ်ယွၤအနီၢ်ကစၢ်ဒၣ်ဝဲစံးလံဝဲအသိး, “ယကသူၣ်ထီၣ်ယဟံၣ်ယဃီဒီးယပှၤဂီၢ်မုၢ် ဒီးအိၣ်ယဲဆိးယဲလၢအဝဲသ့ၣ်တဖၣ်အသိးအကျါလီၤ. ယကမ့ၢ်အဝဲသ့ၣ်အကစၢ်ယွၤ ဒီးအဝဲသ့ၣ်ကမ့ၢ်ယပှၤဂီၢ်မုၢ်လီၤ.”

ဧ့ၤဘြံၤ 12:2

ပှၤလၢအဒုးအိၣ်ထီၣ်သီဒီးမၤလၢထီၣ်ပှဲၤထီၣ်ပတၢ်စူၢ်တၢ်နာ်, ယ့ၣ်ၡူးတဂၤန့ၣ် မ်ပကွၢ်ဃီၤတၢ်ဆူအအိၣ်တက့ၢ်. မ့ၢ်လၢတၢ်သးခုအိၣ်ပာ်စၢၤလၢအမဲာ်ညါအဃိ, အဝဲဒၣ်ဒိးထူၣ်စုညါဒီးတၢ်ဘၣ်သံလၢထူၣ်စုညါအလိၤ အတၢ်မဲာ်ဆှးန့ၣ်တပာ်ဘၣ်ဝဲလၢတၢ်နီတမံၤဘၣ်, ဒီးဆ့ၣ်နီၤဝဲလၢကစၢ်ယွၤအလီၢ်ပစိာ်အစုထွဲတခီန့ၣ်လီၤ.

ဧ့ၤဘြံၤ 8:1

တၢ်လၢပစံးကတိၤခဲလၢာ်အဂ့ၢ်မိၢ်ပှၢ်မ့ၢ်တၢ်အံၤလီၤ. ပအိၣ်ဒီးပှၤလုၢ်တၢ်အခိၣ်အဒိၣ်ကတၢၢ်ဒ်သိးအံၤလၢအဆ့ၣ်နီၤဝဲ လၢယွၤလၢအလီၤကဟုကညီၢ်တဂၤအလီၢ်ပစိာ်အစုထွဲလၢ မူခိၣ်န့ၣ်လီၤ.

လံာ်လီၣ်ဖျါ 11:19

တုၤနုၤတစုကစၢ်ယွၤအတၢ်လုၢ်ဟံၣ်လၢမူခိၣ်အိးထီၣ်အသး, ဒီးတၢ်အၢၣ်လီၤအီလီၤအတလါဘၣ်တၢ်ထံၣ်အီၤဖဲန့ၣ်လီၤ. အန့ၣ်ဝံၤဒီးလီဝၢ်အဒံး, တၢ်သီၣ်ထီၣ်ဝဲဒၣ်ရုၢ်ရုၢ်, လီသီၣ်လီသဲ, ဟီၣ်ခိၣ်ဟူးဝးဒီးသူၣ်အဖျၢၣ်တဖၣ်ဟဲလီၤဝဲဒ် တၢ်စူၤဖးဒိၣ်အသိးန့ၣ်လီၤ.

လံာ်လီၣ်ဖျါ 13:6

အဝဲဒၣ်စးထီၣ်ဆိၣ်အၢကစၢ်ယွၤ, ကစၢ်ယွၤအမံၤ, တၢ်လီၢ်ဖဲအအိၣ်ဝဲဆိးဝဲ, ဒီးပှၤအိၣ်ဝဲဆိးဝဲလၢမူခိၣ် ခဲလၢာ်ခဲဆ့န့ၣ်လီၤ.

လံာ်လီၣ်ဖျါ 20:10

တုၤနုၤတစုမုၣ်ကီၤလံၢ်, လၢအလီန့ၢ်တ့ၢ်အဝဲသ့ၣ်န့ၣ် ဘၣ်တၢ်တ့ၢ်လီၤအီၤဆူမ့ၣ်အူဒီးကးအနိၣ်အပူၤဖဲ တၢ်ဒူတၢ်ဃိၤဒီးဝံအဘျၣ်ဘၣ်တၢ်တ့ၢ်လီၤတ့ၢ်အီၤ, ဒီးအဝဲသ့ၣ်ကဘၣ်တၢ်မၤနးမၤဖှီၣ်အီၤလၢမုၢ်ဆါ ဒီးမုၢ်နၤအစိၤစိၤအဃၣ်ဃၣ်လီၤ.

လံာ်လီၣ်ဖျါ 21:22

လၢဝ့ၢ်ပူၤန့ၣ်ယတထံၣ်တၢ်လုၢ်ဟံၣ်နီတဖျၢၣ်ဘၣ်. အဂ့ၢ်ဒ်အံၤ, အတၢ်လုၢ်ဟံၣ်မ့ၢ်ဝဲသ့တၢ်လၢာ်ကစၢ်ယွၤ ဒီးသိဖိတဒုန့ၣ်လီၤ.

လံာ်လီၣ်ဖျါ 22:3

တၢ်လၢအအိၣ်လၢကစၢ်ယွၤအတၢ်ဆိၣ်အၢအဖီလာ်န့ၣ်တၢ် တထံၣ်န့ၢ်လၢၤအီၤလၢဝ့ၢ်တဖျၢၣ်အံၤအပူၤနီတမံၤဘၣ်. ကစၢ်ယွၤဒီးသိဖိအလီၢ်ပစိာ်န့ၣ်ကအိၣ်လၢဝ့ၢ်တဖျၢၣ်န့ၣ် အပူၤ, ဒီးအဝဲဒၣ်အခ့အပှၤတဖၣ်ကဘူၣ်ထီၣ်ဘါထီၣ်အီၤလီၤ.

လံာ်လီၣ်ဖျါ 22:5

မုၢ်နၤတအိၣ်လၢၤဘၣ်. ဒီးအဝဲသ့ၣ်တလိၣ်ဘၣ်မ့ၣ်အူဒၢမ့ၢ်ဂ့ၤ, မုၢ်အတၢ်ကပီၤမ့ၢ်ဂ့ၤန့ၣ်ဘၣ်. အဂ့ၢ်မ့ၢ်လၢကစၢ်ယွၤကမ့ၢ်အဝဲသ့ၣ် အတၢ်ကပီၤ, ဒီးအဝဲသ့ၣ်ကပၢတၢ်ဒ်စီၤပၤတဖၣ်အသိးလီၤ စိၤလီၤထီလီၤ.

လံာ်လီၣ်ဖျါ 4:4

ဝးတရံးလီၢ်ပစိာ်န့ၣ်, လီၢ်ပစိာ်အဂၤခံဆံလွံၢ်ဖျၢၣ်အိၣ်ကဝီၤ ဃာ်အီၤဝးကဝီၤကျီၤ, ဒီးလၢအဝဲသ့ၣ်အလိၤန့ၣ်, ပှၤသူၣ်က့သးပှၢ်အိၣ်ဆ့ၣ်နီၤဝဲဒၣ်ခံဆံလွံၢ်ဂၤလၢ အကူဝဲသိးဝဲလၢတၢ်ဝါဒီးကုာ်ဃာ်ခိၣ်သလုးထူတဖၣ် န့ၣ်လီၤ.

လံာ်လီၣ်ဖျါ 4:8

တၢ်အိၣ်ဒီးအသးသမူလွံၢ်ဒုအံၤ, တဒုဒီးတဒုအိၣ်ဒီးအဒံး ဆ့ဃုဘ့ၣ်, ဒီးအဝဲသ့ၣ်အိၣ်ပှဲၤဒီးမဲာ်ချံတဖၣ်လၢအအိပူၤဒီး လၢအချၢတကပၤန့ၣ်လီၤ. ဒီနံၤဒီနၤ, အဝဲသ့ၣ်တဆိကတီၢ် ဘၣ်ဒီးသးဝံၣ်ဝဲဒ်အံၤ, “ကစၢ်ယွၤလၢအသ့တၢ်လၢာ်, လၢအအိၣ်တ့ၢ်လံလၢပျၢၤလံၤလံၤ, အိၣ်ဝဲခဲကနံၣ်အံၤ, ဒီးအကဟဲဝဲတဂၤန့ၣ်, စီဆှံ, စီဆှံ, စီဆှံဝဲလီၤ.”

လံာ်လီၣ်ဖျါ 4:9

တၢ်အိၣ်ဒီးအသးသမူလွံၢ်ဒုအံၤသးဝံၣ်တၢ်သးဝံၣ်မၤလၤကပီၤ, တၢ်ယူးယီၣ်ဒီးတၢ်စံးထီၣ်ပတြၢၤဆူပှၤတဂၤလၢ အဆ့ၣ်နီၤဝဲလၢလီၢ်ပစိာ်အဖီခိၣ်အအိၣ်, လၢအမူဝဲလီၤစိၤလီၤထီန့ၣ်လီၤ. ဖဲအဝဲသ့ၣ်သးဝံၣ်တၢ်ဒ်အံၤအဆၢကတီၢ်န့ၣ်,

လံာ်လီၣ်ဖျါ 7:9

တၢ်မၤအသးဒ်အံၤဝံၤအလီၢ်ခံန့ၣ်, ယကွၢ်တၢ်, ဒီးပှၤဂီၢ်မုၢ်ဖးဒိၣ်တဖုအိၣ်ဝဲဒၣ်လီၤ. ပှၤဂံၢ်အနီၣ်ဂံၢ် တသ့ဘၣ်နီတဂၤဘၣ်. အဝဲသ့ၣ်ဟဲလၢကလုာ်ကိး ကလုာ်ဒဲး, ဒူၣ်ဖိထၢဖိကိးဒူၣ်ဒဲး, ထံကီၢ်ကိးဘ့ၣ်ဒဲး, ဒီးပှၤကတိၤကျိာ်ကိးကျိာ်ဒဲးအကျါန့ၣ်လီၤ. ဒီးအဝဲသ့ၣ်အိၣ်ဆၢထၢၣ်လၢလီၢ်ပစိာ်ဒီးသိဖိအမဲာ်ညါ, ကူသိးဆ့ကၤအဝါဒီးဟံးဃာ်လိၣ်ဒၢအဒ့တဖၣ်လၢ အစုပူၤန့ၣ်လီၤ.