လံာ်လီၣ်ဖျါ 7:13 - Sgaw Karen Common Bible

¹³ ပှၤသူၣ်က့သးပှၢ်အကျါတဂၤသံကွၢ်ယၤ, “ပှၤသ့ၣ်တဖၣ်အံၤလၢအကူအသိးဆ့ကၤဖးထီ အဝါန့ၣ်, မ့ၢ်မတၤတဖၣ်လဲၣ်, ဒီးအဝဲသ့ၣ်ဟဲလၢလဲၣ်.”

လံာ်လီၣ်ဖျါ 7:13 Iomraidhean Croise

လံာ်တၢ်ကဲထီၣ်အခီၣ်ထံး 16:8

ဒီးစံးဘၣ်အီၤ, “နီၢ်စၤရဲအကုၢ်ပိာ်မုၣ်နီၢ်ဟၤကၢ်ဧၢ, နဟဲလၢလဲၣ်ဒီးနကလဲၤဆူလဲၣ်.” ဒီးနီၢ်ဟၤကၢ်စံးဆၢအီၤ, “ယဟးထီၣ်ဃ့ၢ်လၢယကစၢ်မုၣ်နီၢ်စၤ ရဲအအိၣ်န့ၣ်လီၤ.”

လံာ်ဒၤနံးယ့လး 7:16

ယလဲၤဃီၤဆူပှၤဆၢထၢၣ်ဖဲအလီၢ်န့ၣ်တဖၣ်အကျါတဂၤ အအိၣ်ဒီးယသံကွၢ်အီၤတၢ်မ့ၢ်တၢ်တီဘၣ်ဃးဒီးတၢ်ခဲလၢာ် အံၤန့ၣ်လီၤ. မၤသးဒ်န့ၣ်ဒီး, အဝဲတဲဘၣ်ယၤလၢတၢ်ဂ့ၢ်တဖၣ် န့ၣ်အခီပညီန့ၣ်လီၤ.

လံာ်ယိၤဟၣ် 7:28

ယ့ၣ်ၡူးသိၣ်လိသီလိတၢ်လၢတၢ်လုၢ်ဟံၣ်ပူၤအဖၢမုၢ်ဒီး ကတိၤတၢ်လၢအကလုၢ်ဖးဒိၣ်ဒီးစံးဝဲ, “မ့ၢ်သုသ့ၣ်ညါယၤနီၢ်နီၢ်ဒီးသ့ၣ်ညါယဟဲလၢလဲၣ်န့ၣ်ဧါ. ယတဟဲလၢယတၢ်ဘၣ်ယသးဒၣ်ယဲန့ၣ်ဘၣ်. ပှၤလၢ အမၢလီၤယၤတဂၤန့ၣ် မ့ၢ်ပှၤလၢအမ့ၢ်အတီလီၤ. သုတသ့ၣ်ညါအီၤဘၣ်.

မၤတၢ် 3:12

တုၤစီၤပ့းတရူးထံၣ်ဘၣ်ပှၤတဖၣ်န့ၣ်ဒီး, အဝဲဒၣ်စံးဘၣ်အဝဲသ့ၣ်, “ပှၤအံၣ်စရ့လးဖိသကိးသကိးဒီးယၤသ့ၣ်ဧၢ, ဘၣ်မနုၤသုကမၢကမၣ်လၢတၢ်အံၤအဃိလဲၣ်. ဒီးဘၣ်မနုၤသုကွၢ်ထံကွၢ်ဆးပှၤန့ၣ်လဲၣ်. ပှၤတဂၤအံၤဟးက့ၤလၢအခီၣ်သ့ဝဲန့ၣ်, မ့ၢ်သုဆိကမိၣ်လၢပမၤအီၤ လၢပစိကမီၤဒၣ်ဝဲ, မ့တမ့ၢ်ဘၣ်ဒီးလၢပမ့ၢ်ပှၤစီဆှံအဃိန့ၣ်ဧါ.

လံာ်လီၣ်ဖျါ 3:4

ဘၣ်ဆၣ်ဒီး သုဝဲစှၤဂၤဖဲဝ့ၢ်စၢ်ဒံတဖၣ်ပာ်ကဆှီအတၢ်ကူတၢ်သိး တဖၣ်လီၤ. သုကလဲၤတၢ်ဒီးယၤ, အိၣ်ဒီးတၢ်ကူတၢ်သိးအဝါ, အဂ့ၢ်မ့ၢ်လၢသုကြၢးဝဲဘၣ်ဝဲလၢသုကလဲၤသကိးတၢ်ဒီးယၤ အဃိန့ၣ်လီၤ.

လံာ်လီၣ်ဖျါ 4:10

ပှၤသူၣ်က့သးပှၢ်ခံဆံလွံၢ်ဂၤန့ၣ်, ထိၣ်လီၤပှီၤအသးလၢပှၤဆ့ၣ်နီၤလၢလီၢ်ပစိာ်အလိၤ တဂၤန့ၣ်အမဲာ်ညါ, ဒီးဘါထီၣ်ပှၤလၢအမူဝဲလီၤစိၤလီၤဃၣ် တဂၤန့ၣ်လီၤ. အဝဲသ့ၣ်ကွံာ်လီၤအခိၣ်သလုးတဖၣ်လၢလီၢ် ပစိာ်န့ၣ်အမဲာ်ညါဒီးသးဝံၣ်ထီၣ်ဝဲ,

လံာ်လီၣ်ဖျါ 4:4

ဝးတရံးလီၢ်ပစိာ်န့ၣ်, လီၢ်ပစိာ်အဂၤခံဆံလွံၢ်ဖျၢၣ်အိၣ်ကဝီၤ ဃာ်အီၤဝးကဝီၤကျီၤ, ဒီးလၢအဝဲသ့ၣ်အလိၤန့ၣ်, ပှၤသူၣ်က့သးပှၢ်အိၣ်ဆ့ၣ်နီၤဝဲဒၣ်ခံဆံလွံၢ်ဂၤလၢ အကူဝဲသိးဝဲလၢတၢ်ဝါဒီးကုာ်ဃာ်ခိၣ်သလုးထူတဖၣ် န့ၣ်လီၤ.

လံာ်လီၣ်ဖျါ 5:11

ဒီးယကွၢ်ကဒီးတၢ်, ဒီးယနၢ်ဟူကလူးတဖၣ်လၢအအိၣ်ဝဲ အကထိတဖၣ်အကထိ, ဒီးအကကွဲၢ်တဖၣ်အကကွဲၢ်န့ၣ်လီၤ. အဝဲသ့ၣ်အိၣ်ဆၢထၢၣ်ဝးတရံးလီၢ်ပစိာ်, တၢ်အသးသမူအိၣ် လွံၢ်ဒု, ဒီးပှၤသူၣ်က့သးပှၢ်တဖၣ်,

လံာ်လီၣ်ဖျါ 5:5

တုၤနုၤတစု ပှၤသူၣ်က့သးပှၢ်အကျါတဂၤစံးဘၣ်ယၤ, “တဘၣ်ဟီၣ်တဂ့ၤ. ကွၢ်တက့ၢ်. ခ့ယုၢ်လၢစီၤယူဒၤအဒူၣ် အထၢအပူၤ, ပှၤဖးဒိၣ်လၢအဟဲလီၤစၢၤလၢစီၤဒၤဝံးတဂၤန့ၣ်, ဒိးန့ၢ်ဘၣ်တၢ်မၤနၢၤလံ, ဒီးအဝဲဒၣ်မၤသ့ၣ်ဖးတၢ်စဲပနီၣ်ဃာ်နွံခါဒီးအိးထီၣ်လံာ်ထူ န့ၣ်သ့ဝဲလီၤ.”

လံာ်လီၣ်ဖျါ 7:9

တၢ်မၤအသးဒ်အံၤဝံၤအလီၢ်ခံန့ၣ်, ယကွၢ်တၢ်, ဒီးပှၤဂီၢ်မုၢ်ဖးဒိၣ်တဖုအိၣ်ဝဲဒၣ်လီၤ. ပှၤဂံၢ်အနီၣ်ဂံၢ် တသ့ဘၣ်နီတဂၤဘၣ်. အဝဲသ့ၣ်ဟဲလၢကလုာ်ကိး ကလုာ်ဒဲး, ဒူၣ်ဖိထၢဖိကိးဒူၣ်ဒဲး, ထံကီၢ်ကိးဘ့ၣ်ဒဲး, ဒီးပှၤကတိၤကျိာ်ကိးကျိာ်ဒဲးအကျါန့ၣ်လီၤ. ဒီးအဝဲသ့ၣ်အိၣ်ဆၢထၢၣ်လၢလီၢ်ပစိာ်ဒီးသိဖိအမဲာ်ညါ, ကူသိးဆ့ကၤအဝါဒီးဟံးဃာ်လိၣ်ဒၢအဒ့တဖၣ်လၢ အစုပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 13:6

အန့ၣ်ဝံၤဒီးပိာ်မုၣ်န့ၣ်လဲၤတဲဘၣ်အဝၤ, “ကစၢ်ယွၤအပှၤကညီတဂၤဟဲဆူယအိၣ်ဒီး ဖျါလီၤပျံၤလီၤဖုးဒ်ကစၢ်ယွၤအမူခိၣ်ကလူးတဂၤအသိးလီၤ. ယတသံကွၢ်တ့ၢ်အီၤလၢမ့ၢ်အဟဲဖဲလဲၣ်ဒီးတစံးဘၣ်စ့ၢ်ကီးယၤလၢအမံၤဘၣ်.