လံာ်လီၣ်ဖျါ 7:1 - Sgaw Karen Common Bible

¹ တၢ်မၤအသးတမံၤအံၤဝံၤအလီၢ်ခံန့ၣ်, ယထံၣ်ကလူးလွံၢ်ဂၤအိၣ်ဆၢထၢၣ်ဖဲဟီၣ်ခိၣ်အနၢၣ်လွံၢ်နၢၣ်, ဒီးဒ်သိးဟီၣ်ခိၣ်မ့ၢ်ဂ့ၤ, ပီၣ်လဲၣ်မ့ၢ်ဂ့ၤ, သ့ၣ်တထူၣ်ထူၣ်မ့ၢ်ဂ့ၤ, ကလံၤအသုတအူဘၣ်အီၤတဂ့ၤအဂီၢ်န့ၣ်တြီဃာ်ဝဲဒၣ်ကလံၤလွံၢ် ကျိၤန့ၣ်လီၤ.

လံာ်လီၣ်ဖျါ 7:1 Iomraidhean Croise

လံာ်ယၡါယၤ 11:12

ယွၤကယူာ်ထီၣ်တၢ်ပနီၣ်, နီၣ်တယၢ်လၢကဒုးနဲၣ်ပှၤကလုာ်တဖၣ် လၢအဝဲပာ်ဖှိၣ်က့ၤကဒီးကီၢ်အံၣ်စရ့လးဒီးကီၢ်ယူဒၤအပှၤဂီၢ်မုၢ် လၢအလီၤပြံလီၤပြါတဖၣ်ဒီးဟဲက့ၤစိာ်ကဒါက့ၤအဝဲသ့ၣ် လၢဟီၣ်ခိၣ်အသနၢၣ်လွံၢ်နၢၣ်န့ၣ်လီၤ.

လံာ်ယၡါယၤ 27:3

“ယကွၢ်ထွဲအီၤဒီးလူအီၤလၢထံတပယူာ်ဃီလီၤ. ယပၢၤအီၤမုၢ်ဆါဆဲးလၢမုၢ်နၤဒ်သိးပှၤသုတမၤဘၣ်ဒိဘၣ်ထံး အီၤနီတဂၤတဂ့ၤအဂီၢ်လီၤ.

လံာ်ယၡါယၤ 27:8

ယွၤစံၣ်ညီၣ်တ့ၢ်အပှၤဂီၢ်မုၢ်ခီဖျိတၢ်ဆှၢအီၤဆူတၢ်စိာ်မၢကဲကုၢ် အလီၢ်လီၤ. အဝဲစိာ်ကွံာ်အဝဲသ့ၣ်ခီဖျိကလံၤအအၢနးမးတခါ လၢအဟဲလၢမုၢ်ထီၣ်တခီန့ၣ်လီၤ.

လံာ်ယံးရမံယၤ 49:36

ယကဒုးအူကလံၤလၢ အကဟဲလၢကျိၤကျဲခဲလၢာ်ထီဒါ ကီၢ်ဧ့ၤလၣ်ဒီးယကမၤလီၤပြံလီၤပြါ အပှၤဂီၢ်မုၢ်ဆူတၢ်လီၢ်သကုၤဆးဒးတုၤဒၣ်လဲာ်ကီၢ်လၢ အဝဲအပှၤဘၣ်ကီဘၣ်ခဲလဲၤတတုၤန့ၣ်, တအိၣ်နီတဘ့ၣ်ဘၣ်လီၤ.

လံာ်ယဃ့းစက့လး 37:9

ကစၢ်ယွၤစံးဘၣ်ယၤ, “ပှၤကညီလၢအသံသ့ဧၢ, ကတိၤတၢ်လၢ ဝံအကျိာ်ဆူကလံၤအအိၣ်တက့ၢ်. တဲဘၣ်ကလံၤလၢယွၤပၢဘၣ် တၢ်ခဲလၢာ်ကစၢ်, ဟ့ၣ်လီၤအကလုၢ်လၢအကဘၣ်ဟဲလၢ တၢ်လီၢ်ကိးကပၤဒဲး, ဒ်သိးကအူသဖှိနုာ်တၢ်သါဆူနီၢ်ခိတဖၣ် လၢအသံအံၤအပူၤ, ဒီးကဒုးမူထီၣ်ကဒါက့ၤအဝဲသ့ၣ်န့ၣ်တက့ၢ်.”

လံာ်ဒၤနံးယ့လး 11:4

ဘၣ်ဆၣ်ဒီးဖဲအတုၤလၢအစိဒိၣ်ကမီၤထီအကတၢၢ်န့ၣ် အဘီအမုၢ်ကလီၤပှီၢ်ဝဲဒီးနီၤဖးအသးလွံၢ်ခီလီၤ. စီၤပၤတဖၣ်လၢတမ့ၢ် ဘၣ်အစၢၤအသွဲၣ်န့ၣ်ကပၢတၢ်လၢအလီၢ်လီၤ. ဘၣ်ဆၣ်ဒီးအဝဲသ့ၣ်တမ့ၢ်လၢကအိၣ်ဒီးတၢ်စိတၢ်ကမီၤဒ်သိး အီၤဘၣ်.

လံာ်ဒၤနံးယ့လး 7:2

စီၤဒၤနံးယ့လးစံးတ့ၢ်ဝဲ, လၢယတၢ်ထံၣ်လၢညါခီလၢမုၢ်နၤန့ၣ်, ကလံၤတဖၣ်အူတၢ်လၢကိးကပၤဒဲးဒီးထိၣ်ဂဲၤပီၣ်လဲၣ်ဖးဒိၣ် အထံဖံးခိၣ်န့ၣ်လီၤ.

လံာ်ဒၤနံးယ့လး 8:8

မဲာ်တဲးလဲးတဒုန့ၣ်အဂံၢ်အဘါဒိၣ်ထီၣ်ဆူၣ်ထီၣ်အါထီၣ်ဝဲပှီၢ်ပှီၢ်လီၤ. ဘၣ်ဆၣ်ဒီးဖဲအတုၤလၢအစိကမီၤအထီကတၢၢ်န့ၣ် အနၢၤကၢ်ကွံာ်ဝဲဒၣ်လီၤ. လၢအလီၢ်န့ၣ်တၢ်အနၢၤဖျါလီၤ တိၢ်လီၤဆီလွံၢ်ဘိပၢၢ်ထီၣ်ဝဲဒီးယူာ်ဃီၤအသးဆူတၢ်အလီၢ် ကိးကပၤဒဲးန့ၣ်လီၤ.

လံာ်ယိၤနါ 1:4

ဘၣ်ဆၣ်ဒီးယွၤဒုးလီၤကလံၤမုၢ်ဖးဒိၣ်လၢပီၣ်လဲၣ်ပူၤ, ဒီးကလံၤမုၢ်အံၤဆူၣ်ဒိၣ်မးတုၤဒၣ်လဲာ်ကဘီဘူးကဟးဂီၤန့ၣ်လီၤ.

လံာ်စကၤရယၤ 6:1

ယအိၣ်ဒီးတၢ်ထံၣ်လၢညါခီအဂၤတမံၤကဒီးလီၤ. တဘျီအံၤ, ယထံၣ်လ့ၣ်ကဟၣ်လွံၢ်ဆိလၢအဟဲထီၣ်လၢကစၢၢ် တိၢ်ဘီခံဖျၢၣ်အကဆူးန့ၣ်လီၤ.

လံာ်စကၤရယၤ 6:5

အဝဲစံးဆၢယၤ, “တၢ်တဖၣ်အံၤမ့ၢ်ကလံၤလွံၢ်ကျိၤလၢအဟဲဝဲဒၣ် လၢဟီၣ်ခိၣ်ဒီဘ့ၣ်အယွၤအအိၣ်လီၤ.”

လံာ်မးသဲ 24:31

အဝဲကမၢလီၤအကလူးတဖၣ်, လၢအကွဲၤအသီၣ်ဖးဒိၣ်, ဒီးအဝဲသ့ၣ်ကထၢဖှိၣ်က့ၤယွၤအပှၤဃုထၢဖိတဖၣ်လၢဟီၣ်ခိၣ် အသနၢၣ်လွံၢ်သနၢၣ်, လၢဟီၣ်ခိၣ်ဒီဘ့ၣ်ညါန့ၣ်လီၤ.

လံာ်မၢ်ကူး 13:27

အဝဲဒၣ်ကမၢလီၤမူခိၣ်ကလူးတဖၣ်လၢကလဲၤဒီးကိးဖှိၣ်က့ၤ ကစၢ်ယွၤအပှၤဃုထၢဖိတဖၣ်အိၣ်လၢကလံၤထံးဒီးကလံၤစိး, လၢမုၢ်ထီၣ်ဒီးလၢမုၢ်နုာ်, လၢဟီၣ်ခိၣ်အကတၢၢ်ပၢၢ်တုၤလၢမူခိၣ်အကတၢၢ်န့ၣ်လီၤ.

လံာ်လီၣ်ဖျါ 20:8

ဒီးအဝဲဒၣ်ကဟးထီၣ်ဒ်သိးအကလီန့ၢ်ပှၤကလုာ်လၢ ထံဧိၤကီၢ်ဧိၤလၢအအိၣ်ရၤလီၤအသးသကုၤဟီၣ်ခိၣ်ဒီဘ့ၣ်ညါလၢ အမ့ၢ်ပှၤကိးဖိဒီးပှၤမကိးဖိလီၤ. မုၣ်ကီၤလံၢ်ကပာ်ဖှိၣ်အဝဲသ့ၣ်တပူၤဃီလၢတၢ်ဒုးသုးအဂီၢ်, အနီၣ်ဂံၢ်ကအါဝဲဒ်မဲးဧိၤဟီၣ်ဧိၤလၢပီၣ်လဲၣ်ကၢၢ်နံၤအသိး န့ၣ်လီၤ.

လံာ်လီၣ်ဖျါ 6:6

ယနၢ်ဟူတၢ်လၢအလီၤဂာ်ဒီးတၢ်အကလုၢ်ဟဲသီၣ်ထီၣ်လၢတၢ် အသးသမူအိၣ်လွံၢ်ဒုအကျါ, လၢအစံးဝဲ, “ဘုကၠူၣ်တသလိးလၢဒန့ၤရံတဘ့ၣ်အဂီၢ်. ဒီးဘုမုယီၤသၢသလိးလၢဒန့ၤရံတဘ့ၣ်အဂီၢ်လီၤ. ဘၣ်ဆၣ်ဒီးမၤဟးဂီၤသ့ၣ်စၤယံးတဖၣ် ဒီးစပံးအလီၢ် တဖၣ်န့ၣ်တဂ့ၤ.”

လံာ်လီၣ်ဖျါ 7:3

ကလူးန့ၣ်စံးဝဲ, “တချုးဒံးလၢပမၤပနီၣ်ဃာ်ပကစၢ်ယွၤအခ့ အပှၤတဖၣ်လၢတၢ်စဲပနီၣ်ဃာ်, လၢအခိၣ်တိသၣ်ဒံးဘၣ်န့ၣ်, တဘၣ်မၤဘၣ်ဒိဘၣ်ထံးဟီၣ်ခိၣ်မ့ၢ်ဂ့ၤ, ပီၣ်လဲၣ်မ့ၢ်ဂ့ၤ, သ့ၣ်ဧိၤဝၣ်ဧိၤတဖၣ်မ့ၢ်ဂ့ၤနီတမံၤဒံးတဂ့ၤ.”

လံာ်လီၣ်ဖျါ 8:7

ကလူးအဆိကတၢၢ်တဂၤအူထီၣ်အကွဲၤလီၤ. သူၣ်ဒီးမ့ၣ်အူ, ဃါဃုာ်ဒီးတၢ်သွံၣ်ဟဲလီၤဝဲဒၣ်လၢဟီၣ်ခိၣ် အဖီခိၣ်လီၤ. မ့ၣ်အူအီၣ်ကွံာ်ဟီၣ်ခိၣ်သၢပူတပူ, သ့ၣ်အထူၣ်တဖၣ်သၢပူတပူဒီးတပံၢ်တမါအသံကစဲာ် တဖၣ်ကိးဘိဒဲးလီၤ.

လံာ်လီၣ်ဖျါ 9:14

တၢ်ကလုၢ်စံးဘၣ်ကလူးဃုဂၤတဂၤန့ၣ် “ပျၢ်လီၤကွံာ်ကလူးလွံၢ်ဂၤလၢအဘၣ်တၢ်စၢဃာ်အီၤဖဲထံကျိ ဖးဒိၣ်ဖရၤသးန့ၣ်တက့ၢ်.”

လံာ်လီၣ်ဖျါ 9:4

အဝဲသ့ၣ်ဘၣ်တၢ်မၤလိာ်ပာ်အီၤလၢအသုတမၤဘၣ်ဒိတပံၢ် တမါမ့ၢ်ဂ့ၤသ့ၣ်တဖၣ်မ့ၢ်ဂ့ၤ, တၢ်မုၢ်တၢ်ဘိအဂၤမ့ၢ်ဂ့ၤနီတမံၤ တဂ့ၤန့ၣ်လီၤ. အဝဲသ့ၣ်ကဘၣ်မၤဆူးမၤဆါထဲပှၤလၢအတအိၣ်ဒီးတၢ်ပနီၣ် ဘၣ်ဃးကစၢ်ယွၤအတၢ်စဲပနီၣ်ဃာ်လၢအခိၣ်တိသၣ်အလိၤ တဖၣ်န့ၣ်လီၤ.