လံာ်လီၣ်ဖျါ 6:7 - Sgaw Karen Common Bible

⁷ တုၤနုၤတစု, သိဖိအိးထီၣ်တၢ်စဲပနီၣ်ဃာ်လွံၢ်ခါတခါ, ဒီးယနၢ်ဟူတၢ်အသးအိၣ်လွံၢ်ဒုတဒုန့ၣ်စံးဝဲ, “ဟဲတက့ၢ်,” န့ၣ်လီၤ.

လံာ်လီၣ်ဖျါ 6:7 Iomraidhean Croise

လံာ်မးသဲ 27:66

လၢတၢ်န့ၣ်အဃိ, အဝဲသ့ၣ်လဲၤဒီးစဲပနီၣ်ဃာ်လၢၢ်လၢတၢ်ပူၤခိၣ်ထိးန့ၣ်ဝံၤ ဒီး, ပာ်တ့ၢ်ပှၤသုးဖိလၢအကခိးဃာ်တၢ်သွၣ်ခိၣ်အပူၤအဂီၢ်, ဖဲန့ၣ်လီၤ.

လံာ်လီၣ်ဖျါ 4:7

အဆိကတၢၢ်တဒုန့ၣ်လီၤဂာ်ဒီးခ့ယုၢ်, ခံဒုတဒုန့ၣ်လီၤဂာ်ဒီးကျီၢ်ဖါ, သၢဒုတဒုန့ၣ်အိၣ်ဒီးအမဲာ်သၣ်လၢအလီၤဂာ်ပှၤကညီအမဲာ် သၣ်, ဒီးလွံၢ်ဒုတဒုန့ၣ်လီၤဂာ်ဒီးလံာ်ကြီကြၣ်ယူၤလၢတၢ်ဖးဖီ န့ၣ်လီၤ.

လံာ်လီၣ်ဖျါ 6:1

တုၤနုၤတစု, ယထံၣ်သိဖိတဒုန့ၣ်မၤသ့ၣ်ဖးတၢ်စဲပနီၣ်ဃာ်နွံခါ အကျါအဆိကတၢၢ်တခါဒီးအိးထီၣ်အီၤ, ဒီးယနၢ်ဟူတၢ်အသးသမူအိၣ်လွံၢ်ဒုအကျါတဒုစံးဝဲလၢ အကလုၢ်လၢအသီၣ်ထီၣ်ဒ်လီသီၣ်အသိး, “ဟဲတက့ၢ်” န့ၣ်လီၤ.

လံာ်လီၣ်ဖျါ 6:3

ဖဲအဝဲဒၣ်အိးထီၣ်တၢ်စဲပနီၣ်ဃာ်ခံခါတခါန့ၣ်, ယနၢ်ဟူတၢ်အသးသမူအိၣ်, ခံဒုတဒုစံးဝဲ, “ဟဲတက့ၢ်.”

လံာ်လီၣ်ဖျါ 6:5

အန့ၣ်ဝံၤဒီး, သိဖိအိးထီၣ်တၢ်စဲပနီၣ်ဃာ်သၢခါတခါ, ဒီးယနၢ်ဟူတၢ်အသးသမူအိၣ်သၢဒုတဒုစံးဝဲ, “ဟဲတက့ၢ်” န့ၣ်လီၤ. ယကွၢ်, ဒီးကသ့ၣ်သူအိၣ်ဝဲတဒုလီၤ. ပှၤလၢအဒိးအီၤတဂၤအိၣ်ဒီးစီၤပီၢ်လၢအစုပူၤလီၤ.