လံာ်လီၣ်ဖျါ 6:4 - Sgaw Karen Common Bible

⁴ ဒီးကသ့ၣ်အဂၤတဒု, လၢအလွဲၢ်ဂီၤန့ၣ်ဟဲထီၣ်ဝဲဒၣ်လီၤ. ပှၤလၢအဒိးအီၤတဂၤဘၣ်တၢ်ဟ့ၣ်အီၤတၢ်စိတၢ်ကမီၤလၢ အကဟဲစိာ်တၢ်ဒုးတၢ်ယၤဆူဟီၣ်ခိၣ်ချၢဒ်သိးပှၤကညီ တဖၣ်ကမၤသံလိာ်အသးတဂၤဒီးတဂၤန့ၣ်လီၤ. အဝဲဒၣ်ဘၣ်တၢ်ဟ့ၣ်အီၤနးဖးဒိၣ်တဘ့ၣ်လီၤ.

လံာ်လီၣ်ဖျါ 6:4 Iomraidhean Croise

စံးထီၣ်ပတြၢၤ 17:13

ဂဲၤထၢၣ်, ယွၤဧၢ, ကွၢ်ဆၢၣ်မဲာ်ယဒုၣ်ယဒါတဖၣ်ဒီး, မၤနၢၤအဝဲသ့ၣ်န့ၣ်တက့ၢ်. မၤပူၤမၤဖျဲးယၤလၢပှၤတတီတလိၤသ့ၣ်တဖၣ်န့ၣ် လၢနနးန့ၣ်တက့ၢ်.

လံာ်ဒၤနံးယ့လး 5:19

အဝဲဒၣ်အစိကမီၤဒိၣ်တုၤဒၣ်လဲာ်လၢပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီး, ပှၤကတိၤကျိာ်အကလုာ်ကလုာ်ခဲလၢာ်, ပျံၤဘၣ်အီၤဒီးကနိးကစုာ်တ့ၢ်မးလီၤ. မ့ၢ်အဲၣ်ဒိးမၤသံပှၤ တဂၤဂၤ, မ့ၢ်အဲၣ်ဒိးပာ်မူပှၤတဂၤဂၤ, ဒီးမၤဝဲဒၣ်လီၤ. တၢ်မၤလၤကပီၤပှၤတဂၤဂၤမ့ၢ်ဂ့ၤ, တၢ်မၤမဲာ်ဆှးပှၤတဂၤဂၤ မ့ၢ်ဂ့ၤ, ဖဲဒၣ်အသးန့ၣ်မၤဝဲဒၣ်လီၤ.

လံာ်စကၤရယၤ 1:8

ယထံၣ်ယွၤအကလူးတဂၤဒိးကသ့ၣ်အဂီၤတဒုလီၤ. အဝဲအိၣ်ကတီၢ်ဝဲလၢသမ့ၤဟဒးအထူၣ်တနီၤ အကျါလၢအအိၣ်လၢတၢ်တြီၤပူၤ, ဒီးလၢအလီၢ်ခံန့ၣ်ကသ့ၣ် ဂီၤ, ကသ့ၣ်ဂီၤဃ့, ဒီးကသ့ၣ်ဝါအဂၤတဖၣ်အိၣ်ဝဲဒၣ်လီၤ.

လံာ်စကၤရယၤ 6:2

လ့ၣ်ကဟၣ်အခီၣ်ထံးတဆိဘၣ်တၢ်တွံၢ်အီၤလၢကသ့ၣ်ဂီၤတဖၣ်, ခံဆိတဆိဘၣ်တၢ်တွံၢ်အီၤလၢကသ့ၣ်သူတဖၣ်,

လံာ်မးသဲ 10:34

တဘၣ်ဆိကမိၣ်လၢယဟဲစိာ်တၢ်ဃူတၢ်ဖိးဆူဟီၣ်ခိၣ်ချၢ တဂ့ၤ. ယတဟဲစိာ်တၢ်ဃူတၢ်ဖိးဘၣ်. မ့ၢ်ယဟဲစိာ်ယဲနးတဘ့ၣ်လီၤ.

လံာ်မးသဲ 24:6

သုကနၢ်ဟူဘၣ်တၢ်ဒုးတၢ်ယၤလၢအဘူးတဖၣ်အသီၣ်အသဲ, ဒီးတၢ်ဒုးတၢ်ယၤလၢအယံၤတဖၣ်အကစီၣ် ဘၣ်ဆၣ်ဒီးတဘၣ် သူၣ်ကိၢ်သးဂီၤတဂ့ၤ. တၢ်တဖၣ်အံၤကဘၣ်မၤအသး, ဘၣ်ဆၣ်ဒီး, တမ့ၢ်ဒံးဘၣ်တၢ်အစိၤအကတၢၢ်တုၤဃီၤလံန့ၣ်ဘၣ်.

လံာ်ယိၤဟၣ် 19:11

ယ့ၣ်ၡူးစံးဆၢတၢ်ဒီးစံးဝဲ, “နအိၣ်ဒီးတၢ်စိတၢ်ကမီၤလၢ ယဖီခိၣ်မ့ၢ်ဒၣ်လၢကစၢ်ယွၤဟ့ၣ်လီၤနၤတၢ်စိတၢ်ကမီၤအံၤ အဃိန့ၣ်လီၤ. လၢတၢ်န့ၣ်အဃိ, ပှၤလၢအဟ့ၣ်လီၤယၤဆူ နစုပူၤအံၤန့ၣ်, အတၢ်ဒဲးဘးဒိၣ်ဒၣ်တၢ်တက့ၢ်န့ၣ်လီၤ.”

လံာ်လီၣ်ဖျါ 12:3

တၢ်လီၤတိၢ်လီၤဆီလၢတၢ်နၢ်ပၢၢ်အဂ့ၢ်တသ့အိၣ်ဖျါထီၣ် ကဒီးအဂၤတမံၤလၢမူကပိာ်လိၤလီၤ. ပယိၤဂီၤဖးဒိၣ်အိၣ်ဝဲဒၣ်တဘိလၢအအိၣ်ဒီးအခိၣ်နွံဖျၢၣ်ဒီး အနၢၤအဘိတဆံ, ဒီးလၢအခိၣ်တဖျၢၣ်ဘၣ်တဖျၢၣ်အလိၤန့ၣ်အိၣ်ဒီးခိၣ်သလုး တဖျၢၣ်စုာ်စုာ်လီၤ.

လံာ်လီၣ်ဖျါ 13:10

ပှၤတဂၤလၢ်လၢ်လၢတၢ်တိာ်ပာ်လၢတၢ်ကဘၣ်ဖီၣ်န့ၢ်အီၤန့ၣ် ကဘၣ်တၢ်ဖီၣ်န့ၢ်အီၤသပှၢ်ကတၢၢ်, ပှၤတဂၤလၢ်လၢ်လၢတၢ်တိာ်ပာ်လၢအကဘၣ်တၢ်မၤသံ အီၤလၢနးန့ၣ်, ကဘၣ်တၢ်မၤသံအီၤလၢနးသပှၢ်ကတၢၢ် လီၤ. အဝဲအံၤန့ၣ်အလီၢ်အိၣ်လၢကစၢ်ယွၤအပှၤဂီၢ်မုၢ်တဖၣ် ကဝံသးစူၤတူၢ်တၢ်ဒီးကစူၢ်တၢ်နာ်တၢ်လီၤ.

လံာ်လီၣ်ဖျါ 17:3

ယွၤအသးန့ၣ်ပၢၤဃာ်ယၤ, ဒီးကလူးတဂၤန့ၣ်စိာ်ယၤဆူပှၢ်မုၢ် ကနၢလီၤ. ဖဲန့ၣ်ယထံၣ်ဘၣ်ပိာ်မုၣ်တဂၤဆ့ၣ်နီၤလၢတၢ်ဒူတၢ်ဃိၤ အလွဲၢ်ဂီၤတဒုအဖီခိၣ်လီၤ. တၢ်ဒူတၢ်ဃိၤအဝဲန့ၣ်အိၣ်ဒီးမံၤတဖၣ်ဘၣ်ဃးတၢ်ကတိၤတရီ တပါကစၢ်ယွၤအိၣ်ကွဲးအသးပှဲၤလၢအလိၤလီၤ. တၢ်ဒူတၢ်ဃိၤ အဝဲန့ၣ်, အိၣ်ဒီးအခိၣ်နွံဖျၢၣ်ဒီးအနၢၤအဘိတဆံလီၤ.

လံာ်လီၣ်ဖျါ 17:6

ဒီးယထံၣ်လၢပိာ်မုၣ်န့ၣ်အီမူၤအသးလၢကစၢ်ယွၤအပှၤဂီၢ်မုၢ်တဖၣ်, ဒီးယ့ၣ်ၡူးအမၤထူရၤတဖၣ်, အသွံၣ်န့ၣ်လီၤ. ဖဲယထံၣ်အီၤန့ၣ်, ယကမၢကမၣ်ယဲဒိၣ်ဒိၣ်အါအါလီၤ.