လံာ်လီၣ်ဖျါ 6:16 - Sgaw Karen Common Bible

¹⁶ အဝဲသ့ၣ်ကိးထီၣ်ဝဲဆူကစၢၢ်တဖၣ်ဒီးလၢၢ်ဧိၤလ့ဧိၤတဖၣ် အအိၣ်, “လီၤတဲာ်လၢပလိၤဒီးပာ်တဒၢပှၤလၢပှၤတဂၤလၢ အဆ့ၣ်နီၤလၢလီၢ်ပစိာ်အဖီခိၣ်တဂၤန့ၣ်အမဲာ်ဒီးလၢသိဖိ တဒုန့ၣ်အတၢ်သးထီၣ်န့ၣ်တက့ၢ်.

လံာ်လီၣ်ဖျါ 6:16 Iomraidhean Croise

စံးထီၣ်ပတြၢၤ 14:5

ဘၣ်ဆၣ်အဝဲသ့ၣ်ကအိၣ်လၢတၢ်ပျံၤတၢ်ဖုးဖးဒိၣ်အပူၤ, အဂ့ၢ်မ့ၢ်လၢကစၢ်ယွၤအိၣ်ဒီး ပှၤတီပှၤလိၤသ့ၣ်တဖၣ်အဃိန့ၣ်လီၤ.

လံာ်ယၡါယၤ 2:10

အဝဲသ့ၣ်ကအိၣ်ခူသူၣ်လၢလၢၢ်ကအိပူၤလၢလၢၢ်ကစၢၢ်တဖၣ် အကျါ, မ့တမ့ၢ်, ခူၣ်လီၤတၢ်ပူၤတဖၣ်လၢဟီၣ်ခိၣ်အပူၤလၢတၢ်ကျဲးစၢးဃ့ၢ်ပူၤဖျဲးကွံာ် အသးလၢယွၤအတၢ်သးဒိၣ်ထီၣ်ဒီးလၢတၢ်အိၣ်ခူသူၣ်လၢယွၤ အစိကမီၤဒီးအလၤကပီၤအဂီၢ်န့ၣ်လီၤ.

လံာ်ယံးရမံယၤ 8:3

ဒီးပှၤအၢပှၤသီတကလုာ်အံၤအပှၤဂီၢ်မုၢ်လၢအအိၣ်မူတ့ၢ်ဒံးတဖၣ်, လၢအအိၣ်ဝဲဆိးဝဲလၢတၢ်လီၢ်တဖၣ်လၢယမၤပြံမၤပြါကွံာ် အဝဲသ့ၣ်အပူၤန့ၣ်, ကဘၣ်အသးလၢကသံဝဲ ဒိၣ်န့ၢ်ဒံးကအိၣ်မူဒံးဝဲဆူညါန့ၣ်လီၤ. ယၤ, ယွၤသ့တၢ်လၢာ်ကစၢ်, ကတိၤလံတၢ်လံ.”

လံာ်ဟိၤၡ့ 10:8

ဝ့ၢ်အၤဝ့ၣ်အတၢ်လီၢ်စီဆှံတဖၣ်လၢတၢ်လူၢ်ဒီခိၣ်ဖဲကီၢ် အံၣ်စရ့လးအပှၤဂီၢ်မုၢ်ဘါထီၣ်တၢ်ဂီၤတၢ်ဖီၣ်တဖၣ်န့ၣ်, ကဘၣ်တၢ်မၤဟးဂီၤကွံာ်အီၤန့ၣ်လီၤ. တၤဆှုၣ်ဒီး နီၣ်တဖၣ်ကဒိၣ်ဘၢအဝဲသ့ၣ်အတၢ်လုၢ်လီၢ်တဖၣ်လီၤ. ပှၤဂီၢ်မုၢ်ကကိးသတြီထီၣ်ဆူကစၢၢ်တဖၣ်, “ပာ်တဒၢပှၤတက့ၢ်.” ဒီးဆူတၢ်လူၢ်တဖၣ်, “ပာ်ခူသူၣ်ပှၤတက့ၢ်” န့ၣ်လီၤ.

လံာ်မးသဲ 26:64

ယ့ၣ်ၡူးစံးဆၢအီၤ, “နစံးတ့ၢ်လံနဲလံ. မ့မ့ၢ်ယတဲဘၣ်သုခဲလၢာ် လၢစးထီၣ်ခဲအံၤဒီးဆူညါသုကထံၣ်ပှၤကညီဖိခွါဆ့ၣ်နီၤလၢတၢ် သ့တၢ်လၢာ်တဂၤအစုထွဲဒီးဟဲဒိးဝဲမူခိၣ်အတၢ်အၢၣ်တဖၣ်လီၤ.”

လံာ်မၢ်ကူး 3:5

ယ့ၣ်ၡူးကွၢ်ဃီၤပှၤတဖၣ်လၢအအိၣ်ဝးတရံးအီၤဒီး အသးဒိၣ်ဘၣ်အဝဲသ့ၣ်လီၤ. ဘၣ်ဆၣ်ဒီးတဘျီဃီဖဲန့ၣ်အသးအုးဝဲလၢအဝဲသ့ၣ်တဖၣ်ပာ်ကိၤ အသးဒိၣ်ဒိၣ်ကလဲာ်ဒီးအတၢ်ပာ်သးကမၣ်အဃိလီၤ. အန့ၣ်ဝံၤစံးဘၣ်ပှၤတဂၤန့ၣ်, “ယူာ်ထီၣ်နစုတက့ၢ်.” အဝဲဒၣ်ယူာ်ထီၣ်အစုဒီးအစုန့ၣ်ဂ့ၤထီၣ်က့ၤဝဲဒၣ်လီၤ.

လံာ်လူၤကၣ် 23:30

အဝဲန့ၣ်ကမ့ၢ်ဆၢကတီၢ်ဖဲပှၤကစံးဘၣ်ကစၢၢ်ကလိတဖၣ်, ‘လီၤတဲာ်လၢပလိၤတက့ၢ်.’ ဒီးတၢ်လူၢ်တဖၣ်, ‘ပာ်ခူသူၣ်ပှၤတက့ၢ်’ န့ၣ်လီၤ.

လံာ်လီၣ်ဖျါ 10:6

ဒီးဆိၣ်လီၤအသးလၢကစၢ်ယွၤအမံၤ, ကစၢ်ယွၤလၢအမူဝဲ လီၤထူလီၤယိာ်, လၢအတ့လီၤမူခိၣ်ဟီၣ်ခိၣ်, ဒီးပီၣ်လဲၣ်ဒီးတၢ်ခဲလၢာ်ခဲဆ့လၢအအိၣ်လၢအပူၤန့ၣ်လီၤ. ကလူးန့ၣ်စံးဝဲ, “တၢ်တမၤယံာ်မၤနီၢ်တၢ်လၢၤဘၣ်.

လံာ်လီၣ်ဖျါ 19:15

လၢအဝဲဒၣ်အကိာ်ပူၤန့ၣ် နးလၢအကနၣ်အ့ၣ်တဘ့ၣ် ဟဲဖျိးထီၣ်, ဒီးလၢနးအဝဲအံၤန့ၣ်အဝဲကမၤနၢၤထံဧိၤကီၢ် ဧိၤတဖၣ်လီၤ. အဝဲဒၣ်ကပၢအဝဲသ့ၣ်လၢနီၣ်တီၢ်ထး, ဒီးအဝဲကယီၢ်ထီၣ်စပံးထံလၢနီၣ်စံၢ်စပံးသၣ်အကျိးဘၣ် ဃးဒီးသ့တၢ်လၢာ်ကစၢ်ယွၤအတၢ်သးထီၣ်, အပူၤလီၤ.

လံာ်လီၣ်ဖျါ 20:11

အန့ၣ်ဝံၤဒီးယထံၣ်လီၢ်ပစိာ်ဝါဖးဒိၣ်တဖျၢၣ်ဒီးပှၤ တဂၤလၢအဆ့ၣ်နီၤလၢအလိၤန့ၣ်လီၤ. မူခိၣ်ဒီးဟီၣ်ခိၣ်ဃ့ၢ်ကွံာ်လၢအဝဲဒၣ်အမဲာ်ညါဒီးတဘၣ် တၢ်ထံၣ်န့ၢ်အီၤနီတစုလၢၤဘၣ်.

လံာ်လီၣ်ဖျါ 4:2

တဘျီဃီဖဲန့ၣ်, ယွၤအသးပၢၤဃာ်ယၤလီၤ. လၢမူခိၣ်န့ၣ်, လီၢ်ပစိာ်အိၣ်ဝဲဒၣ်တဖျၢၣ်, ဒီးပှၤတဂၤဆ့ၣ်နီၤလၢအလိၤလီၤ.

လံာ်လီၣ်ဖျါ 4:5

လၢလီၢ်ပစိာ်တဖျၢၣ်န့ၣ်အပူၤ, လီဝၢ်ဒံး, ဒီးတၢ်အကလုၢ်သီၣ်ရုၢ်ရုၢ်ဒီးလီသီၣ်လီသဲအကလုၢ်တဖၣ် ဟဲထီၣ်ဝဲန့ၣ်လီၤ. ဖဲလီၢ်ပစိာ်အမဲာ်ညါန့ၣ်ဆှီနွံဘိဘၣ် တၢ်မၤကဲၤကပီၤထီၣ်အီၤ, လၢအမ့ၢ်ဝဲယွၤအသးနွံဖျၢၣ်န့ၣ်လီၤ.

လံာ်လီၣ်ဖျါ 4:9

တၢ်အိၣ်ဒီးအသးသမူလွံၢ်ဒုအံၤသးဝံၣ်တၢ်သးဝံၣ်မၤလၤကပီၤ, တၢ်ယူးယီၣ်ဒီးတၢ်စံးထီၣ်ပတြၢၤဆူပှၤတဂၤလၢ အဆ့ၣ်နီၤဝဲလၢလီၢ်ပစိာ်အဖီခိၣ်အအိၣ်, လၢအမူဝဲလီၤစိၤလီၤထီန့ၣ်လီၤ. ဖဲအဝဲသ့ၣ်သးဝံၣ်တၢ်ဒ်အံၤအဆၢကတီၢ်န့ၣ်,

လံာ်လီၣ်ဖျါ 5:1

ယထံၣ်လံာ်ထူတထူလၢပှၤလၢအဆ့ၣ်နီၤလၢလီၢ်ပစိာ်တဂၤ န့ၣ်အစုထွဲပူၤလီၤ. လံာ်ထူအဝဲအံၤတၢ်ကွဲးအိၣ်လၢအလိၤခံ ကပၤလၢာ်, ဒီးဘၣ်တၢ်စဲပနီၣ်ဃာ်အီၤလၢတၢ်စဲပနီၣ်ဃာ်နွံ ခါလီၤ.

လံာ်လီၣ်ဖျါ 6:10

အဝဲသ့ၣ်ကိးပသူထီၣ်လၢအကလုၢ်ဖးဒိၣ်, “သ့တၢ်လၢာ်ကစၢ်လၢအစီဆှံဒီးတီဝဲလိၤဝဲ တဂၤဧၢ, နကစံၣ်ညီၣ်ပှၤလၢဟီၣ်ခိၣ်ချၢတဖၣ်ဒီးဟ့ၣ်ကၣ် အဝဲသ့ၣ်လၢအမၤသံပှၤတဖၣ်အဂီၢ်န့ၣ်, ဆၢကတီၢ် ကယံာ်ဒံးဝဲဆံးအါလဲၣ်.”

လံာ်လီၣ်ဖျါ 9:6

ဖဲတၢ်ယဲၢ်လါအဆၢကတီၢ်အဝဲအံၤန့ၣ်, အဝဲသ့ၣ်ကဃုတၢ်သံဘၣ်ဆၣ်တထံၣ်န့ၢ်ဘၣ်အီၤဘၣ်, အဝဲသ့ၣ်ကအဲၣ်ဒိးသံဘၣ်ဆၣ်ဒီးတၢ်သံကဃ့ၢ်ကွံာ်လၢ အဝဲသ့ၣ်အအိၣ်လီၤ.