လံာ်လီၣ်ဖျါ 6:12 - Sgaw Karen Common Bible

¹² ဒီးယထံၣ်သိဖိမၤသ့ၣ်ဖးဒီးအိးထီၣ်တၢ်စဲပနီၣ်ဃာ်ဃုခါ တခါလီၤ. ဟီၣ်ခိၣ်ဟူးဝးထီၣ်ဝဲဒၣ်ဆူၣ်ဆူၣ်ကလဲာ်, ဒီးမုၢ်ခံးသူထီၣ်ဝဲဒ်ထၢၣ်တၢ်ကံးယာ်လၢအလွဲၢ်သူတဖျၢၣ် အသိး, ဒီးလါထီၣ်ဂီၤဝဲဒီဘ့ၣ်ညါဒ်တၢ်သွံၣ်အသိးလီၤ.

လံာ်လီၣ်ဖျါ 6:12 Iomraidhean Croise

လံာ်ယၡါယၤ 24:23

လါကခံးသူဝဲဒီးမုၢ်တဟ့ၣ်ထီၣ်အတၢ်ကပီၤလၢၤဘၣ်. အဂ့ၢ်ဒ်အံၤ, ယွၤသ့တၢ်လၢာ်ကမ့ၢ်စီၤပၤလီၤ. အဝဲကပၢတၢ်လၢဝ့ၢ်ယရူၤၡလ့ၣ်လၢ ကစၢၢ်စံယိၣ်အလိၤ, ဒီးပှၤဂီၢ်မုၢ်အခိၣ်အနၢ် တဖၣ်ကထံၣ်ဘၣ်အလၤကပီၤန့ၣ်လီၤ.

လံာ်ယၡါယၤ 29:6

အဝဲကဆှၢလီၤကလံၤမုၢ်တွၤတဖၣ်ဒီးမ့ၣ်အူလၣ်လၢအကအီၣ် ကွံာ်တၢ်လီၤ.

လံာ်ယၡါယၤ 34:4

မုၢ်, လါ, ဒီးဆၣ်တဖၣ်ကလီၤကလဲကွံာ်ဒီးကဲထီၣ်ဖၣ်ဆါန့ၣ် လီၤ. မူကပိာ်လိၤကလီၤမၢ်ကွံာ်ဒ်လံာ်ထူတထူဘၣ်တၢ်ထူထီၣ် အီၤအသိး, ဒီးဆၣ်တဖၣ်ကလီၤဆှု ဝဲဒ်သ့ၣ်လၣ်တဖၣ်လီၤဆှုကွံာ်လၢစပံးမုၢ်တမုၢ်, မ့တမ့ၢ်, ချၢၣ်ဒၢတထူၣ်အလိၤအသိး န့ၣ်လီၤ.

လံာ်ယၡါယၤ 50:3

ယမၤခံးသူမူကပိာ်လိၤသ့ဝဲဒီးကမၤအသးဒ်အဟီၣ်တၢ်ယၢၤတၢ်လၢ ပှၤသံတဖၣ်အဃိအသိးလီၤ.”

လံာ်ယိၤအ့လး 2:10

ဟီၣ်ခိၣ်ဟူးဝးဝဲဒီးမူကပိာ်လိၤဆှဲးဆှိးဝဲလၢအဝဲသ့ၣ်အမဲာ်ညါလီၤ. မုၢ်ဒီးလါခံးလီၤဝဲဒီးဆၣ်ဧိၤဖီဧိၤတဖၣ်တကပီၤလၢၤဘၣ်.

လံာ်ယိၤအ့လး 3:15

မုၢ်ဧိၤလါဧိၤခံးလီၤဝဲဒီးဆၣ်ဧိၤဖီဧိၤတကပီၤထီၣ်လၢၤဘၣ်န့ၣ်လီၤ.

လံာ်ဧၤမိၣ် 1:1

တၢ်တဖၣ်အံၤမ့ၢ်ပှၤကွၢ်သိစီၤဧၤမိၣ်လၢဝ့ၢ်တကိၤ, အတၢ်ကတိၤတဖၣ်န့ၣ်လီၤ. တချုးလၢဟီၣ်ခိၣ်ဟူးဝးဒံးဘၣ်ခံနံၣ်, ဖဲစီၤပၤဧူးစံယါမ့ၢ်ကီၢ်ယူဒၤအစီၤပၤဒီးစီၤယိၤအၣ်အဖိ ခွါစီၤယၤရၤဘၣ်မ့ၢ်ကီၢ်အံၣ်စရ့လးအစီၤပၤန့ၣ်, ကစၢ်ယွၤလီၣ်ဖျါထီၣ်ကယဲၢ်တၢ်အံၤခဲလၢာ်ဘၣ်ဃးဒီး ကီၢ်အံၣ်စရ့လးဆူစီၤဧၤမိၣ်န့ၣ်လီၤ.

လံာ်ဧၤမိၣ် 8:9

ဒီးလၢမုၢ်တနံၤန့ၣ်, ယကဒုးလီၤနုာ်မုၢ်လၢမုၢ်ထူၣ်အကတီၢ်ဒီး မၤခံးလီၤဟီၣ်ခိၣ်ဖဲမုၢ်ဆါခီစီၣ်ဝဲၤကဲၤလီၤ. ယၤ, တၢ်စိတၢ်ကမီၤခဲလၢာ်အယွၤစံးဝဲဒၣ်.

လံာ်စကၤရယၤ 14:5

သုကပူၤဖျဲးထီၣ်ခီဖျိတၢ်တြီၤဖးဒိၣ်အံၤလၢအနီၤဖးကစၢၢ်ခံခီန့ၣ်လီၤ. သုကဃ့ၢ်ထီၣ်ကွံာ်ဒ်သုမိၢ်ပၢ်ဖံဖုလၢပျၢၤတဖၣ်မၤတ့ၢ်ဝဲအသိး ဖဲဟီၣ်ခိၣ်ဟူးဝးမၤအသးလၢကီၢ်ယူဒၤအစီၤပၤဧူးစံယါအမုၢ်နံၤန့ၣ်လီၤ. ယွၤ, ကစၢ်ယွၤကဟဲဝဲ, ဒီးကဟဲကိးဃုာ်အကလူးတဖၣ်ခဲလၢာ်ဃုာ် ဒီးအီၤန့ၣ်လီၤ.

လံာ်မးသဲ 11:21

“ဝ့ၢ်ဃၤရၤစံၣ်ဧၢ, နကဘၣ်တၢ်နးတၢ်ဖှီၣ်ဆံးဒိၣ်လဲၣ်. ဝ့ၢ်ဘ့ၤသစဲဒၤဧၢ, နကဘၣ်တၢ်နးတၢ်ဖှီၣ်ဆံးဒိၣ်လဲၣ်. တၢ်လီၤလးတဖၣ်လၢအဘၣ်တၢ်မၤတ့ၢ်အီၤလၢသုပူၤန့ၣ် မ့ၢ်ဘၣ်တၢ်မၤတ့ၢ်အီၤလၢဝ့ၢ်ထါယၢၣ်ဒီးဝ့ၢ်စံဒိၣ်အပူၤဒီး, ပှၤဝ့ၢ်ဖိတဖၣ်ကကူထီၣ်သိးထီၣ်တ့ၢ်ထၢၣ်တၢ်ကံးယာ် ဒီးဖှံလီၤတ့ၢ်အသးဒီးဖၣ်ဆါဒ်သိးကပာ်ဖျါထီၣ် အတၢ်ပီၢ်ယၢ်လီၤက့ၤအသးဃဲးဃဲးလံန့ၣ်လီၤ.

လံာ်မးသဲ 24:29

တၢ်နးတၢ်ဖှီၣ်အမုၢ်နံၤတဖၣ်ဝံၤတဘျီဃီ, မုၢ်ကခံးလီၤဝဲ, လါတကပီၤလၢၤဘၣ်, ဒီးဆၣ်တဖၣ်ကလီၤတဲာ်ကွံာ်လၢမူခိၣ်, ဒီးတၢ်စိတၢ်ကမီၤလၢမူကပိာ်လိၤတဖၣ် ကဘၣ်တၢ်တရုၤဆှဲးဆှိးကွံာ်အီၤလၢအကျဲအကျိၤဒၣ်ဝဲအပူၤလီၤ.

လံာ်မးသဲ 24:7

ပှၤတကလုာ်ဒီးတကလုာ်ကထီဒါလိာ်အသး, ဘီမုၢ်တဘ့ၣ်ဒီးတဘ့ၣ်ကဒုးလိာ်ယၤလိာ်အသး, တၢ်သၣ်ဝံၤလီၤဒိတဖၣ်ကအိၣ်ထီၣ်, ဒီးဟီၣ်ခိၣ်ကဟူးဝးဝဲသကုၤဆးဒးလီၤ.

လံာ်မးသဲ 27:45

ဖဲမုၢ်ထူၣ်အကတီၢ်န့ၣ်, တၢ်ခံးလီၤလၢကီၢ်ဒီဘ့ၣ်ညါအပူၤတုၤလီၤလၢ ဟါသၢနၣ်ရံၣ်အကတီၢ်န့ၣ်လီၤ.

လံာ်မးသဲ 27:54

တုၤသုးခိၣ်တဂၤဃုာ်ဒီးအသုးဖိလၢအအိၣ်ခိးကွၢ်ယ့ၣ်ၡူးတဖၣ်, ထံၣ်ဟီၣ်ခိၣ်ဟူးဒီးတၢ်ခဲလၢာ်လၢအမၤအသးတဖၣ်န့ၣ်, အဝဲသ့ၣ်အသူၣ်ပျံၤအသးဖုးဒီးစံး, “ပှၤအဝဲအံၤ မ့ၢ်နီၢ်နီၢ်ကစၢ်ယွၤအဖိခွါလီၤ.”

လံာ်မးသဲ 28:2

သတူၢ်ကလာ်, ဟီၣ်ခိၣ်ဟူးဝးဝဲဆူၣ်ဆူၣ်ကလဲာ်, အဂ့ၢ်မ့ၢ်လၢကစၢ်အကလူးတဂၤဟဲလီၤလၢမူခိၣ်, တလ့ၣ်ကွံာ်လၢၢ်လၢတၢ်သွၣ်ခိၣ်ပူၤအခိၣ်ထိးဒီးဆ့ၣ်နီၤဝဲလၢ အဖီခိၣ်အဃိလီၤ.

လံာ်မၢ်ကူး 15:33

တုၤမုၢ်ထူၣ်အကတီၢ်ဘၣ်ဒီး, တၢ်ဟဲခံးလီၤလၢကီၢ်ဒီဘ့ၣ်ညါ အပူၤပၢၢ်တုၤလၢမုၢ်ဃ့ၢ်လီၤသၢနၣ်ရံၣ်လီၤ.

လံာ်လီၣ်ဖျါ 11:13

တကတီၢ်ဃီဖဲန့ၣ်ဟီၣ်ခိၣ်ဟူးဝးဝဲဒၣ်ဆူၣ်ဆူၣ်ကလဲာ်, ဝ့ၢ်အဆံဆဲၣ်ပူဘၣ်တၢ်မၤဟးဂီၤကွံာ်အီၤ, ဒီးပှၤအဂၤနွံကထိ သံကွံာ်ဝဲဒၣ်လီၤ. ပှၤအိၣ်လီၤတဲာ်တ့ၢ်တဖၣ်အသူၣ်ပျံၤသးဖုး ဒီးစံးထီၣ်ပတြၢၤကစၢ်ယွၤလၢမူခိၣ်တဂၤအတၢ်ဒိၣ်တၢ်မုၢ် န့ၣ်လီၤ.

လံာ်လီၣ်ဖျါ 16:18

လီဝၢ်အဒံး, လီသီၣ်လီသဲဒီးဟီၣ်ခိၣ်ဟူးဝးဆှဲးဆှိးဝဲလီၤပျံၤလီၤ ဖုးဒိၣ်မးလီၤ. စးထီၣ်လၢပှၤကညီဘၣ်တၢ်တ့လီၤအီၤလံၤလံၤန့ၣ်, ဟီၣ်ခိၣ်ဟူးဒ်အံၤအသိးတအိၣ်ဒံးဝဲနီတစု, အဝဲအံၤမ့ၢ်ဟီၣ်ခိၣ်ဟူးအဒိၣ်ကတၢၢ်နးကတၢၢ်တဘျီလီၤ.

လံာ်လီၣ်ဖျါ 16:8

အန့ၣ်ဝံၤဒီး, ကလူးလွံၢ်ဂၤတဂၤဂၢ်လီၤအသလၢလၢမုၢ် အလိၤ, ဒီးတၢ်ပျဲအမၤကိၢ်ဃိာ်ပှၤကညီလၢအတၢ်ကိၢ်လၢ အဆူၣ်မးန့ၣ်လီၤ.

လံာ်လီၣ်ဖျါ 8:12

တုၤနုၤတစုကလူးလွံၢ်ဂၤတဂၤအူထီၣ်အကွဲၤလီၤ. မုၢ်အသၢပူတပူဒီးလါအသၢပူတပူဒီးဆၣ်တဖၣ်အသၢပူ တပူဘၣ်တၢ်မၤဘၣ်ဒိအီၤတုၤဒၣ်လဲာ်အဝဲသ့ၣ်အတၢ်ကပီၤ အကပြုၢ်ကပြီၤလီၤမၢ်ကွံာ်ဝဲဒၣ်သၢပူတပူန့ၣ်လီၤ. မုၢ်နံၤအသၢပူတပူဒီးမုၢ်နၤအသၢပူတပူစ့ၢ်ကီးန့ၣ်, အတၢ်ကပီၤတအိၣ်ဘၣ်.

လံာ်လီၣ်ဖျါ 8:5

အန့ၣ်ဝံၤအလီၢ်ခံ, ကလူးအဝဲန့ၣ်ဟံးန့ၢ်တၢ်ဆိၣ်ကဲၤနၢမူ အလီခီ, မၤပှဲၤဝဲလၢမ့ၣ်အူအိၣ်လၢတၢ်လုၢ်လီၢ်အဖီခိၣ်, ဒီးကွံာ်လီၤဝဲလၢဟီၣ်ခိၣ်အဖီခိၣ်လီၤ. တၢ်သီၣ်ထီၣ်ဝဲဒၣ်ရူၢ်ရူၢ်, လီသီၣ်လီသဲ, လီဝၢ်အဒံး, ဒီးဟီၣ်ခိၣ်ဟူးဝးဆှဲးဆှိးဝဲဒၣ်န့ၣ်လီၤ.