လံာ်လီၣ်ဖျါ 6:1 - Sgaw Karen Common Bible

¹ တုၤနုၤတစု, ယထံၣ်သိဖိတဒုန့ၣ်မၤသ့ၣ်ဖးတၢ်စဲပနီၣ်ဃာ်နွံခါ အကျါအဆိကတၢၢ်တခါဒီးအိးထီၣ်အီၤ, ဒီးယနၢ်ဟူတၢ်အသးသမူအိၣ်လွံၢ်ဒုအကျါတဒုစံးဝဲလၢ အကလုၢ်လၢအသီၣ်ထီၣ်ဒ်လီသီၣ်အသိး, “ဟဲတက့ၢ်” န့ၣ်လီၤ.

လံာ်လီၣ်ဖျါ 6:1 Iomraidhean Croise

လံာ်ယိၤဟၣ် 1:29

မုၢ်ဆ့ၣ်ထီၣ်တနံၤစီၤယိၤဟၣ်ထံၣ်ဘၣ်ယ့ၣ်ၡူးဟဲဆူအအိၣ်ဒီး စံးဝဲ, “ကွၢ်ကွၢ်အဝဲမ့ၢ်ကစၢ်ယွၤအသိဖိလၢအစိာ်ထီၣ်ကွံာ် ပှၤဟီၣ်ခိၣ်ဖိအတၢ်ဒဲးဘးန့ၣ်လီၤ.

မၤတၢ် 4:20

အဂ့ၢ်ဒ်လဲၣ်န့ၣ်, တၢ်လၢပထံၣ်ဘၣ်တ့ၢ်ဒီး နၢ်ဟူဘၣ်တ့ၢ်တဖၣ်န့ၣ်, ပဆိတ့ၢ်စံးကတိၤလၢအဂ့ၢ်တသ့ဘၣ်.”

လံာ်လီၣ်ဖျါ 11:19

တုၤနုၤတစုကစၢ်ယွၤအတၢ်လုၢ်ဟံၣ်လၢမူခိၣ်အိးထီၣ်အသး, ဒီးတၢ်အၢၣ်လီၤအီလီၤအတလါဘၣ်တၢ်ထံၣ်အီၤဖဲန့ၣ်လီၤ. အန့ၣ်ဝံၤဒီးလီဝၢ်အဒံး, တၢ်သီၣ်ထီၣ်ဝဲဒၣ်ရုၢ်ရုၢ်, လီသီၣ်လီသဲ, ဟီၣ်ခိၣ်ဟူးဝးဒီးသူၣ်အဖျၢၣ်တဖၣ်ဟဲလီၤဝဲဒ် တၢ်စူၤဖးဒိၣ်အသိးန့ၣ်လီၤ.

လံာ်လီၣ်ဖျါ 13:8

ပှၤကိးဂၤဒဲးလၢအအိၣ်ဝဲဆိးဝဲလၢဟီၣ်ခိၣ်ချၢကဘူၣ် ထီၣ်ဘါထီၣ်အီၤ, ဒီးပှၤလၢအတဘါထီၣ်အီၤန့ၣ်, မ့ၢ်ထဲပှၤလၢအမံၤအိၣ်ကွဲးအသးလၢလံာ်မူအပူၤ, တချုးတၢ်တ့လီၤပာ်လီၤဟီၣ်ခိၣ်ဒံးဘၣ်, လံာ်မူလၢအမ့ၢ်သိဖိလၢအဘၣ်တၢ်မၤသံအီၤတဒုန့ၣ် အတၢ်လီၤ.

လံာ်လီၣ်ဖျါ 14:2

ဒီးယနၢ်ဟူတၢ်ကလုၢ်လၢမူခိၣ်လၢအသီၣ်လီၤဂာ်ဒ်ထံ လီၤဆူသီၣ်ရူၢ်ရူၢ်, ဒ်လီသီၣ်ဖးဒိၣ်န့ၣ်လီၤ. အသီၣ်လီၤဂာ်ဒ်ပှၤဒ့တနၢ်ဖိတဖၣ်ဒ့တနၢ်အသီၣ်အသိး န့ၣ်လီၤ.

လံာ်လီၣ်ဖျါ 19:6

တုၤနုၤတစုယနၢ်ဟူတၢ်လၢအသီၣ်လီၤဂာ်ဒ်ပှၤဂီၢ်မုၢ်အကလုၢ်, ဒ်ထံလီၤဆူသီၣ်ရုၢ်ရုၢ်အသိး, ဒ်လီသီၣ်သထြူးအသိးန့ၣ်လီၤ. ယနၢ်ဟူအဝဲသ့ၣ်စံးဝဲ, “စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, ကစၢ်, ပကစၢ်ယွၤလၢအသ့တၢ်လၢာ်န့ၣ်မ့ၢ်ဝဲစီၤပၤလီၤ.

လံာ်လီၣ်ဖျါ 4:8

တၢ်အိၣ်ဒီးအသးသမူလွံၢ်ဒုအံၤ, တဒုဒီးတဒုအိၣ်ဒီးအဒံး ဆ့ဃုဘ့ၣ်, ဒီးအဝဲသ့ၣ်အိၣ်ပှဲၤဒီးမဲာ်ချံတဖၣ်လၢအအိပူၤဒီး လၢအချၢတကပၤန့ၣ်လီၤ. ဒီနံၤဒီနၤ, အဝဲသ့ၣ်တဆိကတီၢ် ဘၣ်ဒီးသးဝံၣ်ဝဲဒ်အံၤ, “ကစၢ်ယွၤလၢအသ့တၢ်လၢာ်, လၢအအိၣ်တ့ၢ်လံလၢပျၢၤလံၤလံၤ, အိၣ်ဝဲခဲကနံၣ်အံၤ, ဒီးအကဟဲဝဲတဂၤန့ၣ်, စီဆှံ, စီဆှံ, စီဆှံဝဲလီၤ.”

လံာ်လီၣ်ဖျါ 5:1

ယထံၣ်လံာ်ထူတထူလၢပှၤလၢအဆ့ၣ်နီၤလၢလီၢ်ပစိာ်တဂၤ န့ၣ်အစုထွဲပူၤလီၤ. လံာ်ထူအဝဲအံၤတၢ်ကွဲးအိၣ်လၢအလိၤခံ ကပၤလၢာ်, ဒီးဘၣ်တၢ်စဲပနီၣ်ဃာ်အီၤလၢတၢ်စဲပနီၣ်ဃာ်နွံ ခါလီၤ.

လံာ်လီၣ်ဖျါ 5:12

ဒီးသးဝံၣ်တၢ်လၢအကလုၢ်ဖးဒိၣ် “သိဖိလၢအဘၣ်တၢ်မၤသံအီၤန့ၣ် ကြၢးဝဲဘၣ်ဝဲလၢအကဒိးန့ၢ်ဘၣ် တၢ်စိတၢ်ကမီၤ, တၢ်ထူးတၢ်တီၤ, တၢ်ကူၣ်ဘၣ်ကူၣ်သ့ဒီးတၢ်ဂံၢ်တၢ်ဘါ, တၢ်မံၤလၤသၣ်ကပီၤ, တၢ်ယူးယီၣ် ဒီးတၢ်စံးထီၣ်ပတြၢၤန့ၣ်လီၤ.”

လံာ်လီၣ်ဖျါ 5:8

ဖဲအမၤဝဲဒ်န့ၣ်န့ၣ်, တၢ်အသးသမူအိၣ်လွံၢ်ဒုဒီးပှၤသူၣ်က့သး ပှၢ်ခံဆံလွံၢ်ဂၤထိၣ်လီၤပှီၤအသးလၢသိဖိအမဲာ်ညါလီၤ. အဝဲသ့ၣ်တဒုဘၣ်တဒု, တဂၤဘၣ်တဂၤအိၣ်ဒီးတနၢ်တဆိဒီးသလၢထူတဖၣ်လၢ အပှဲၤဒီးတၢ်နၢမူနၢဆှီ, လၢအမ့ၢ်ကစၢ်ယွၤအပှၤဂီၢ်မုၢ်အတၢ်ထုကဖၣ်တဖၣ်န့ၣ်လီၤ.

လံာ်လီၣ်ဖျါ 6:3

ဖဲအဝဲဒၣ်အိးထီၣ်တၢ်စဲပနီၣ်ဃာ်ခံခါတခါန့ၣ်, ယနၢ်ဟူတၢ်အသးသမူအိၣ်, ခံဒုတဒုစံးဝဲ, “ဟဲတက့ၢ်.”

လံာ်လီၣ်ဖျါ 6:5

အန့ၣ်ဝံၤဒီး, သိဖိအိးထီၣ်တၢ်စဲပနီၣ်ဃာ်သၢခါတခါ, ဒီးယနၢ်ဟူတၢ်အသးသမူအိၣ်သၢဒုတဒုစံးဝဲ, “ဟဲတက့ၢ်” န့ၣ်လီၤ. ယကွၢ်, ဒီးကသ့ၣ်သူအိၣ်ဝဲတဒုလီၤ. ပှၤလၢအဒိးအီၤတဂၤအိၣ်ဒီးစီၤပီၢ်လၢအစုပူၤလီၤ.

လံာ်လီၣ်ဖျါ 6:7

တုၤနုၤတစု, သိဖိအိးထီၣ်တၢ်စဲပနီၣ်ဃာ်လွံၢ်ခါတခါ, ဒီးယနၢ်ဟူတၢ်အသးအိၣ်လွံၢ်ဒုတဒုန့ၣ်စံးဝဲ, “ဟဲတက့ၢ်,” န့ၣ်လီၤ.

လံာ်လီၣ်ဖျါ 8:1

ဖဲသိဖိမၤသ့ၣ်ဖးဒီးအိးထီၣ်တၢ်စဲပနီၣ်ဃာ်နွံဖျၢၣ် တဖျၢၣ်န့ၣ်, တၢ်ဘှ့ၣ်တၢ်ဘှီၣ်ဝဲဒၣ်လၢမူခိၣ်တခီနၣ်ရံၣ် ဃၣ်ဃၣ်လီၤ.