လံာ်လီၣ်ဖျါ 5:5 - Sgaw Karen Common Bible

⁵ တုၤနုၤတစု ပှၤသူၣ်က့သးပှၢ်အကျါတဂၤစံးဘၣ်ယၤ, “တဘၣ်ဟီၣ်တဂ့ၤ. ကွၢ်တက့ၢ်. ခ့ယုၢ်လၢစီၤယူဒၤအဒူၣ် အထၢအပူၤ, ပှၤဖးဒိၣ်လၢအဟဲလီၤစၢၤလၢစီၤဒၤဝံးတဂၤန့ၣ်, ဒိးန့ၢ်ဘၣ်တၢ်မၤနၢၤလံ, ဒီးအဝဲဒၣ်မၤသ့ၣ်ဖးတၢ်စဲပနီၣ်ဃာ်နွံခါဒီးအိးထီၣ်လံာ်ထူ န့ၣ်သ့ဝဲလီၤ.”

လံာ်လီၣ်ဖျါ 5:5 Iomraidhean Croise

လံာ်စီၤပၤအခီၣ်ထံးတဘ့ၣ် 10:20

တၢ်သန့ၤလီၤအလီၢ်လၢလီၢ်ပစိာ်အချၢမ့ၢ်ဂီၤဖံးဖါတဒုအခိၣ် အက့ၢ်အဂီၤ, ဒီးလၢတၢ်ပာ်ထီၣ်စုတီၤအလီၢ်ခံခါအကပၤန့ၣ်, တကပၤစုာ်စုာ်အိၣ်ဒီးခ့ယုၢ်တဒုစုာ်စုာ်အက့ၢ်အဂီၤန့ၣ်လီၤ. လီၢ်ပစိာ်ဒ်သိးအံၤ, တအိၣ်ထီၣ်တ့ၢ်ဘၣ်လၢဘီမုၢ်အဂၤနီတဘ့ၣ်အပူၤဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 9:18

လီၢ်ပစိာ်န့ၣ်အိၣ်ဝဲဒီးအဃီသွါဃုသွါဒီးအခီၣ်ယီၢ်လီၢ်လၢ အအိၣ်စဲဘူးဒီးအီၤန့ၣ်ဘၣ်တၢ်ကျးဘၢအီၤလၢထူန့ၣ်လီၤ. လီၢ်ပစိာ်အိၣ်ဒီးအစုဖံးခံခီဒီးခ့ယုၢ်တဒုအဂီၤအိၣ်ဆၢ ထၢၣ်ဝဲဖဲအစုဖံးတခီစုာ်စုာ်အဃၢၤန့ၣ်လီၤ.

လံာ်စီၤယိၤဘး 41:15

အချၢဃံဘၣ်တၢ်ကးဘၢအီၤလၢအသဒံၣ်အကျိၤတဖၣ်ဒီးစဲ ဘူးတံၢ်အသးဒီးကိၤဒ်လၢၢ်အသိးလီၤ.

လံာ်ယၡါယၤ 11:1

အစီၤလိၣ်စီၤပၤအတၢ်လီၤစၢၤလီၤသွဲၣ်လၢစီၤဒၤဝံးန့ၣ်လီၤ ဂာ်ဒ်သ့ၣ်တထံးလၢအဘၣ်တၢ်ကူာ်လီၤကွံာ်အီၤအသိးလီၤ. ဘၣ်ဆၣ်ဒီး, ဒ်သ့ၣ်ဒ့အသီတဖၣ်ဟဲဒိးပဒုၣ်ထီၣ်ဝဲလၢသ့ၣ်ခိၣ် ဆၢၣ်အလိၤအသိးန့ၣ်, စီၤပၤအသီတဂၤကဟဲအိၣ်ထီၣ်ဝဲလၢစီၤဒၤ ဝံးအစၢၤအသွဲၣ်တဖၣ်အကျါန့ၣ်လီၤ.

လံာ်ယၡါယၤ 11:10

မုၢ်တနံၤကဟဲဝဲဖဲစီၤပၤအသီလၢအဟဲလီၤစၢၤလီၤသွဲၣ်လၢစီၤပၤဒၤဝံးကအိၣ်ထီၣ်ဝဲဒီးကမ့ၢ်တၢ်ပနီၣ်လၢပှၤကလုာ်တဖၣ်အဂီၢ် န့ၣ်လီၤ. အဝဲသ့ၣ်ကပာ်ဖှိၣ်အသးလၢအစီၤပၤအဝ့ၢ်ဒီးကဟ့ၣ် အီၤတၢ်လၤကပီၤန့ၣ်လီၤ.

လံာ်ယံးရမံယၤ 31:16

ဆိကတီၢ်နတၢ်ဟီၣ်တၢ်ယၢၤ, ဒီးထွါကွံာ်နမဲာ်ထံမဲာ်နိတဖၣ် တက့ၢ်. ကယဲၢ်တၢ်ခဲလၢာ်လၢ နမၤတ့ၢ်အီၤလၢ နဖိတဖၣ်အဂီၢ်န့ၣ်, ကအိၣ်ဒီး အတၢ်ဘျုးတၢ်ဖှိၣ်လီၤ. အဝဲသ့ၣ် ကဟဲက့ၤကဒါက့ၤလၢ ဒုၣ်ဒါ အထံအကီၢ်န့ၣ်လီၤ.

လံာ်ဒၤနံးယ့လး 7:16

ယလဲၤဃီၤဆူပှၤဆၢထၢၣ်ဖဲအလီၢ်န့ၣ်တဖၣ်အကျါတဂၤ အအိၣ်ဒီးယသံကွၢ်အီၤတၢ်မ့ၢ်တၢ်တီဘၣ်ဃးဒီးတၢ်ခဲလၢာ် အံၤန့ၣ်လီၤ. မၤသးဒ်န့ၣ်ဒီး, အဝဲတဲဘၣ်ယၤလၢတၢ်ဂ့ၢ်တဖၣ် န့ၣ်အခီပညီန့ၣ်လီၤ.

လံာ်တၢ်ဂံၢ် 24:9

ပှၤတကလုာ်န့ၣ်လီၤဂာ်ဒ်ခ့ယုၢ်လၢအဂံၢ်ဆူၣ်ဘါဆူၣ်တဒုအသိး လီၤ. ဖဲအမံဝဲအခါန့ၣ်, ပှၤမၤပၢၢ်ထီၣ်အီၤတဘူၣ်ဘၣ်နီတဂၤဘၣ်. ပှၤတဂၤလၢ်လၢ်လၢအဆိၣ်ဂ့ၤကီၢ်အံၣ်စရ့လးန့ၣ်ကဘၣ်တၢ်ဆိၣ်ဂ့ၤ, ဒီးပှၤတဂၤလၢ်လၢ်လၢအဆိၣ်အၢကီၢ်အံၣ်စရ့လးန့ၣ်ကဘၣ်တၢ်ဆိၣ် အၢန့ၣ်လီၤ.”

လံာ်လူၤကၣ် 23:28

ယ့ၣ်ၡူးဃၣ်ဃီၤအသးဆူအဝဲသ့ၣ်အအိၣ်ဒီးစံးဝဲ, “ယရူၤၡလ့ၣ်အဖိမုၣ်သ့ၣ်ဧၢ, ဟီၣ်လၢယဃိတဂ့ၤ. မ့မ့ၢ်ဟီၣ်လၢသုဃိဒၣ်သုဝဲဒီးလၢသုဖိသုလံၤတဖၣ် အဃိန့ၣ်တက့ၢ်.

လံာ်လူၤကၣ် 7:13

ဖဲကစၢ်ထံၣ်ပိာ်မုၣ်အဝဲန့ၣ်, အဝဲဒၣ်အသးပူၤပှဲၤဒီးတၢ်သးကညီၤဘၣ်အီၤ, ဒီးစံးဘၣ်ပိာ်မုၣ်န့ၣ်, “တဘၣ်ဟီၣ်တဂ့ၤ.”

လံာ်လူၤကၣ် 8:52

ပှၤအိၣ်ဝဲဖဲန့ၣ်ကိးဂၤဒဲးဟီၣ်ဝဲယၢၤဝဲလၢဖိသၣ်မုၣ်အဃိလီၤ. ယ့ၣ်ၡူးစံးဝဲ, “တဘၣ်ဟီၣ်တဂ့ၤ. ဖိသၣ်မုၣ်န့ၣ်တသံဘၣ်, မ့ၢ်ဒၣ်အမံဘၣ်အသးလီၤ.”

လံာ်ယိၤဟၣ် 20:13

အဝဲသ့ၣ်သံကွၢ်အီၤ, “နီၢ်ဧၢ, ဘၣ်မနုၤအဃိလၢနဟီၣ် န့ၣ်လဲၣ်.” အဝဲစံးဆၢတၢ်ဒီးစံးဝဲ, “အဝဲသ့ၣ်စိာ်ကွံာ်ယကစၢ်န့ၣ်လံ. ဒီးပာ်ဝဲဖဲလဲၣ်န့ၣ်ယတသ့ၣ်ညါဘၣ်.”

ရိမ့ၤ 1:3

တၢ်ကွဲးအံၤဘၣ်ဃးဒီးအဖိခွါပကစၢ်ယ့ၣ်ၡူးခရံာ်, လၢသွံၣ်ထံဖံးညၣ်န့ၣ်အိၣ်ဖျဲၣ်ထီၣ်ဝဲဒ်စီၤဒၤဝံးအစၢၤ အသွဲၣ်တဂၤအသိးန့ၣ်လီၤ.

ရိမ့ၤ 15:12

ဒီးမၤကဒီးတစု, ဝံယၡါယၤစံးဝဲ, စီၤယံးၡဲအစၢၤအသွဲၣ်ကဟဲတဂၤ, ယွၤကဒုးဂဲၤဆၢထၢၣ်အီၤလၢ ကပၢပှၤကလုာ်ဂၤတဖၣ်အဂီၢ်, ဒီးအဝဲသ့ၣ်ကပာ်အတၢ်မုၢ်လၢ်လၢအပူၤလီၤ.

ဧ့ၤဘြံၤ 7:14

ပှၤသ့ၣ်ညါလီၤတံၢ်လီၤဆဲးလၢပကစၢ်ဟဲလီၤစၢၤဝဲလၢ စီၤယူဒၤအဒူၣ်ဒီးဖဲအဘၣ်ဃးဒီးဒူၣ်အံၤအဂ့ၢ်န့ၣ်, စီၤမိၤၡ့တယၢၤထီၣ်ပှၤလုၢ်တၢ်အခိၣ်တဖၣ်အဂ့ၢ်နီတမံၤဘၣ်.

လံာ်လီၣ်ဖျါ 1:1

လံာ်တဘ့ၣ်အံၤမ့ၢ်ဝဲဒၣ်တၢ်ကွဲးနီၣ်ဘၣ်ဃးတၢ်ဂ့ၢ်တၢ်ကျိၤ လၢယ့ၣ်ၡူးခရံာ်လီၣ်ဖျါထီၣ်ဝဲတဖၣ်လီၤ. ကစၢ်ယွၤဟ့ၣ်အီၤတၢ်လီၣ်ဖျါအဝဲအံၤဒ်သိးအကဒုးနဲၣ်အခ့အပှၤ တဖၣ်လၢတၢ်လၢအကဘၣ်မၤအသးဘူးတ့ၢ်မးလံ တဖၣ်န့ၣ်လီၤ. ခရံာ်ဒုးသ့ၣ်ညါအခ့အပှၤစီၤယိၤဟၣ်လၢ တၢ်ဂ့ၢ်သ့ၣ်တဖၣ်အံၤခီဖျိအဆှၢလီၤအမူခိၣ်ကလူး ဆူအဝဲဒၣ်အအိၣ်,

လံာ်လီၣ်ဖျါ 22:16

“ယၤ, ယ့ၣ်ၡူး, ယဆှၢလီၤယဲယကလူးဒ်သိးအကဘိးဘၣ်သ့ၣ်ညါ သုဘၣ်ဃးတၢ်သ့ၣ်တဖၣ်အံၤလၢတၢ်အိၣ်ဖှိၣ်တဖၣ်အပူၤလီၤ. ယဟဲလီၤစၢၤယဲဒၣ်လၢစီၤဒၤဝံးအဒူၣ်အထၢ, ယမ့ၢ်ဆၣ်တူၢ်ဂီၤလၢအကပြုၢ်ကပြီၤတဖျၢၣ်န့ၣ်လီၤ.”

လံာ်လီၣ်ဖျါ 3:21

ပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်, ယကဟ့ၣ်အီၤတၢ်ခွဲးတၢ်ယာ်လၢအကဆ့ၣ်နီၤလၢယကပၤလၢ ယလီၢ်ပစိာ်အလိၤ, ဒ်ယမၤနၢၤတ့ၢ်လံတၢ်ဒီးဆ့ၣ်နီၤဘၣ်ယဲခဲ ကနံၣ်အံၤ, လၢယပၢ်အကပၤ, လၢအဝဲဒၣ်အလီၢ်ပစိာ်အလိၤ အသိးန့ၣ်လီၤ.

လံာ်လီၣ်ဖျါ 4:10

ပှၤသူၣ်က့သးပှၢ်ခံဆံလွံၢ်ဂၤန့ၣ်, ထိၣ်လီၤပှီၤအသးလၢပှၤဆ့ၣ်နီၤလၢလီၢ်ပစိာ်အလိၤ တဂၤန့ၣ်အမဲာ်ညါ, ဒီးဘါထီၣ်ပှၤလၢအမူဝဲလီၤစိၤလီၤဃၣ် တဂၤန့ၣ်လီၤ. အဝဲသ့ၣ်ကွံာ်လီၤအခိၣ်သလုးတဖၣ်လၢလီၢ် ပစိာ်န့ၣ်အမဲာ်ညါဒီးသးဝံၣ်ထီၣ်ဝဲ,

လံာ်လီၣ်ဖျါ 4:4

ဝးတရံးလီၢ်ပစိာ်န့ၣ်, လီၢ်ပစိာ်အဂၤခံဆံလွံၢ်ဖျၢၣ်အိၣ်ကဝီၤ ဃာ်အီၤဝးကဝီၤကျီၤ, ဒီးလၢအဝဲသ့ၣ်အလိၤန့ၣ်, ပှၤသူၣ်က့သးပှၢ်အိၣ်ဆ့ၣ်နီၤဝဲဒၣ်ခံဆံလွံၢ်ဂၤလၢ အကူဝဲသိးဝဲလၢတၢ်ဝါဒီးကုာ်ဃာ်ခိၣ်သလုးထူတဖၣ် န့ၣ်လီၤ.

လံာ်လီၣ်ဖျါ 5:4

ယဟီၣ်ယဲဒၣ်နးနးကလဲာ်, အဂ့ၢ်မ့ၢ်လၢပှၤလၢအကြၢးဝဲဘၣ်ဝဲလၢအကအိးထီၣ်လံာ်ထူဒီး ကွၢ်နုာ်တၢ်လၢအအိပူၤန့ၣ်, တၢ်တထံၣ်န့ၢ်အီၤနီတဂၤဘၣ် အဃိန့ၣ်လီၤ.

လံာ်လီၣ်ဖျါ 6:1

တုၤနုၤတစု, ယထံၣ်သိဖိတဒုန့ၣ်မၤသ့ၣ်ဖးတၢ်စဲပနီၣ်ဃာ်နွံခါ အကျါအဆိကတၢၢ်တခါဒီးအိးထီၣ်အီၤ, ဒီးယနၢ်ဟူတၢ်အသးသမူအိၣ်လွံၢ်ဒုအကျါတဒုစံးဝဲလၢ အကလုၢ်လၢအသီၣ်ထီၣ်ဒ်လီသီၣ်အသိး, “ဟဲတက့ၢ်” န့ၣ်လီၤ.

လံာ်လီၣ်ဖျါ 7:13

ပှၤသူၣ်က့သးပှၢ်အကျါတဂၤသံကွၢ်ယၤ, “ပှၤသ့ၣ်တဖၣ်အံၤလၢအကူအသိးဆ့ကၤဖးထီ အဝါန့ၣ်, မ့ၢ်မတၤတဖၣ်လဲၣ်, ဒီးအဝဲသ့ၣ်ဟဲလၢလဲၣ်.”