လံာ်လီၣ်ဖျါ 4:8 - Sgaw Karen Common Bible

⁸ တၢ်အိၣ်ဒီးအသးသမူလွံၢ်ဒုအံၤ, တဒုဒီးတဒုအိၣ်ဒီးအဒံး ဆ့ဃုဘ့ၣ်, ဒီးအဝဲသ့ၣ်အိၣ်ပှဲၤဒီးမဲာ်ချံတဖၣ်လၢအအိပူၤဒီး လၢအချၢတကပၤန့ၣ်လီၤ. ဒီနံၤဒီနၤ, အဝဲသ့ၣ်တဆိကတီၢ် ဘၣ်ဒီးသးဝံၣ်ဝဲဒ်အံၤ, “ကစၢ်ယွၤလၢအသ့တၢ်လၢာ်, လၢအအိၣ်တ့ၢ်လံလၢပျၢၤလံၤလံၤ, အိၣ်ဝဲခဲကနံၣ်အံၤ, ဒီးအကဟဲဝဲတဂၤန့ၣ်, စီဆှံ, စီဆှံ, စီဆှံဝဲလီၤ.”

လံာ်လီၣ်ဖျါ 4:8 Iomraidhean Croise

လံာ်တၢ်ကဲထီၣ်အခီၣ်ထံး 17:1

ဖဲစီၤအၤဘြၣ်အသးအိၣ်ဝဲခွံဆံခွံနံၣ်န့ၣ်ယွၤလီၣ်ဖျါထီၣ် အသးလၢအီၤဒီးစံးဘၣ်အီၤ, “ယမ့ၢ်သ့တၢ်လၢာ်ကစၢ်ယွၤလီၤ. စူၢ်ယၤဒီးမၤတၢ်အဘၣ်တဘိယူၢ်ဃီတက့ၢ်.

စံးထီၣ်ပတြၢၤ 91:1

ပှၤလၢအအိၣ်ဝဲဆိးဝဲလၢ တၢ်ထီကတၢၢ်တဂၤအလီၢ်တဒၢ, ဒီးအိၣ်ဝဲလၢတၢ်သ့တၢ်လၢာ်အကဒုပူၤန့ၣ်,

လံာ်တၢ်ဟးထီၣ်ကွံာ် 15:11

ယွၤဧၢ, လၢကစၢ်တဖၣ်အကျါန့ၣ်မ့ၢ်မတၤတဂၤလီၤဂာ်ဒ်သိးနၤန့ၣ်လဲၣ်. မ့ၢ်မတၤတဂၤလီၤဂာ်ဒ်သိးနၤလၢတၢ်လီၤလးအတၢ်စီဆှံအပူၤန့ၣ်လဲၣ်. မ့ၢ်မတၤတဂၤမၤတၢ်လီၤလးဒီးမၤတၢ်ဒိၣ်ဒိၣ်မုၢ်မုၢ်တဖၣ်ဒ်နမၤတ့ၢ်အသိးန့ၣ်သ့ဝဲလဲၣ်.

လံာ်တၢ်ဟးထီၣ်ကွံာ် 3:14

ဒီးကစၢ်ယွၤစံးဘၣ်စီၤမိၤၡ့, “ယမ့ၢ်တၢ်လၢယမ့ၢ်လီၤ. နကဘၣ်တဲဘၣ်အဝဲသ့ၣ်, ပှၤတဂၤလၢအကိးလီၤအသးလၢ ‘ယမ့ၢ်’ န့ၣ်ဆှၢလီၤယၤဆူသုအိၣ်န့ၣ်လီၤ.

လံာ်ယၡါယၤ 13:6

ဟီၣ်အိၣ်ယူၤလၢတၢ်ဆါအ့ၣ်ထုးအ့ၣ်စိၢ်အဃိတက့ၢ်. ယွၤအမုၢ်တနံၤန့ၣ်အိၣ်ဘူးဝဲ, မုၢ်တနံၤဖဲသ့တၢ်လၢာ်, ဟဲစိာ်တၢ်ဟးဂီၤန့ၣ်လီၤ.

လံာ်ယၡါယၤ 62:1

ယကကတိၤထီၣ်ဖျဲးတၢ်လၢတၢ်ဟ့ၣ်ဂံၢ်ဟ့ၣ်ဘါဝ့ၢ် ယရူၤၡလ့ၣ်အဂီၢ်, တုၤလၢအဝဲဘၣ်တၢ်အုၣ်က့ၤခီၣ်က့ၤအီၤတစုန့ၣ်, ယတအိၣ်ဘှီၣ်ကလာ်ဘၣ်, ဒီးအတၢ်မၤနၢၤန့ၣ်ကပီၤထီၣ်ဝဲလီၤဂာ်ဒ်ဆှီတခါ လၢမုၢ်နၤခါအသိးန့ၣ်လီၤ.

လံာ်ယဃ့းစက့လး 1:18

လ့ၣ်ဖံဘၣ်အကနူၤတဖၣ်အိၣ်ပှဲၤဒီးမဲာ်ချံတဖၣ်န့ၣ်လီၤ.

လံာ်ယဃ့းစက့လး 1:5

လၢကလံၤမုၢ်အသးကံၢ်ပူၤန့ၣ်, ယထံၣ်ဘၣ်တၢ်လီၤဂာ်ဒီးတၢ်ဘၣ်တ့ အမူလွံာ်ဂၤလၢအဖျါလီၤဂာ်ဒီးပှၤကညီအက့ၢ်အဂီၤ,

လံာ်ယဃ့းစက့လး 1:6

ဘၣ်ဆၣ်ဒီး, အဝဲသ့ၣ်တဂၤဘၣ်တဂၤန့ၣ်, အိၣ်ဒီးအမဲာ်သၣ်လွံၢ်ဘ့ၣ် ဒီးအဒံးဆ့လွံၢ်ခီန့ၣ်လီၤ.

လံာ်ယဃ့းစက့လး 10:12

အဝဲသ့ၣ်အနီၢ်ခိတဖၣ်, အချၢဃံတဖၣ်, အစုတဖၣ်, အဒံးဆ့တဖၣ်, ဒီးလ့ၣ်ဖံဘၣ်တဖၣ်ပှဲၤဝဲဒီးမဲာ်ချံတဖၣ်န့ၣ်လီၤ.

လံာ်ယိၤအ့လး 1:15

ကစၢ်အမုၢ်နံၤ, မုၢ်တနံၤလၢသ့တၢ်လၢာ်ကစၢ်ကဟဲမၤဟးဂူာ်ဟးဂီၤတၢ်န့ၣ်ဘူး ထီၣ်လံ. မုၢ်နံၤအဝဲန့ၣ်မ့ၢ်တၢ်လီၤပျံၤလီၤဖုးအမုၢ်နံၤလီၤ.

မၤတၢ် 20:31

လၢတၢ်န့ၣ်အဃိ, အိၣ်ပလီၢ်သူၣ်ပလီၢ်သးဒီးသ့ၣ်နီၣ်ထီၣ်လၢ, သၢနံၣ်အတီၢ်ပူၤလၢမုၢ်ဆါဆဲးလၢမုၢ်နၤယသိၣ်လီၤသီလီၤဒီး ဟ့ၣ်ပလီၢ်သုလၢမဲာ်ထံမဲာ်နိအဒိၣ်အအါအပူၤန့ၣ်တက့ၢ်.

၂ ကရံၣ်သူး 6:18

ယကမ့ၢ်ပၢ်တဂၤလၢသုဂီၢ် ဒီးသုကမ့ၢ်ယဖိခွါဒီးယဖိမုၣ်တဖၣ်လီၤ. သ့တၢ်လၢာ်ကစၢ်စံးဝဲဒၣ်”

၁ သ့းစၤလနံ 2:9

ပမၤတ့ၢ်တၢ်ဆူၣ်ဆံးအါလဲၣ်န့ၣ်သုကသ့ၣ်နီၣ်ထီၣ်လီၤ. ယဒီပုၢ်ဝဲၢ်သ့ၣ်ဧၢ, ပမၤတ့ၢ်တၢ်မုၢ်ဆါဆဲးလၢမုၢ်နၤဒ်သိးဖဲပစံၣ် တဲၤတဲလီၤန့ၢ်သုတၢ်သးခုကစီၣ်ဟဲလၢကစၢ်ယွၤအအိၣ် အဖၢမုၢ်, သုသုတဘၣ်လၢာ်ဘူၣ်လၢာ်စ့ၤလၢပဂီၢ်တဂ့ၤအဂီၢ် န့ၣ်လီၤ.

၁ တံၤမသ့း 4:16

နကစၢ်ဒၣ်နဲပလီၢ်နသးဒီးပလီၢ်စ့ၢ်ကီးနသးလၢနတၢ်သိၣ်လိ သီလိတက့ၢ်. မၤတၢ်သ့ၣ်တဖၣ်အံၤထီဘိတက့ၢ်. အဂ့ၢ်ဒ်အံၤ, နမ့ၢ်မၤဒ်န့ၣ်ဒီးနကအုၣ်က့ၤခီၣ်က့ၤနသးဒၣ်နဲ, ဒီးပှၤလၢအနၢ်ဟူတၢ်လၢနၤတဖၣ်စ့ၢ်ကီးလီၤ.

၂ တံၤမသ့း 4:2

လၢနကစံၣ်တဲၤတဲလီၤတၢ်သးခုကစီၣ်ဒီးဂုာ်လိာ်တဲဖျါထီၣ်အီၤ (တၢ်ဆၢကတီၢ်ဘၣ်မ့ၢ်ဂ့ၤ, တဘၣ်မ့ၢ်ဂ့ၤ) ဒီးဒုးနာ်ပှၤ, သိၣ်ဃီၣ်ဒီးဟ့ၣ်ဂံၢ်ဟ့ၣ်ဘါပှၤ, အိၣ်ဒီးတၢ်သးစူၤဖဲနသိၣ်လိတၢ်အခါန့ၣ်လီၤ.

ဧ့ၤဘြံၤ 13:8

မဟါဒီးမဆါအံၤဒီးအစိၤစိၤအဃၣ်ဃၣ်န့ၣ်, ယ့ၣ်ၡူးခရံာ်မ့ၢ်တၢ်ဒ် လီၢ်လီၢ်လီၤ.

လံာ်လီၣ်ဖျါ 1:4

လၢစီၤယိၤဟၣ်, ဆူတၢ်အိၣ်ဖှိၣ်နွံဖုလၢကီၢ်အၤစံအပူၤ. မ်သုကဒိးန့ၢ်ဘၣ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးလၢ ကစၢ်ယွၤအအိၣ်, ယွၤလၢအအိၣ်ဝဲ, အိၣ်တ့ၢ်လံဝဲ, ဒီးအကဟဲဝဲတဂၤ, ဒီးလၢသးနွံဖျၢၣ်လၢအဝဲဒၣ်အလီၢ်ပစိာ်အမဲာ်ညါန့ၣ်အအိၣ်,

လံာ်လီၣ်ဖျါ 1:8

ကစၢ်ယွၤလၢအသ့တၢ်လၢာ်တဂၤ, လၢအအိၣ်ဝဲ, ဒီးအိၣ်တ့ၢ်လံဝဲ, ဒီးအကဟဲဝဲတဂၤန့ၣ်စံးဝဲဒၣ်, “ယမ့ၢ် က ဒီး ဧ, တၢ်အခီၣ်ထံးဒီးတၢ်အကတၢၢ်လီၤ.”

လံာ်လီၣ်ဖျါ 11:17

“သ့တၢ်လၢာ်ကစၢ်ယွၤ, လၢအမ့ၢ်တၢ်, ဒီးမ့ၢ်တ့ၢ်ဝဲတဂၤဧၢ, ပစံးဘျုးနၤလၢနဟံးန့ၢ်တ့ၢ်လံနစိကမီၤအဒိၣ်အမုၢ်, ဒီးစးထီၣ်ပၢတၢ်အဃိန့ၣ်လီၤ.

လံာ်လီၣ်ဖျါ 14:11

မ့ၣ်အူလၢအမၤအၢမၤနးအဝဲသ့ၣ်တဖၣ်န့ၣ်, အလုၢ်ခုၣ်ထီၣ်ဝဲလီၤ စိၤလီၤဃၣ်လီၤ. ပှၤသ့ၣ်တဖၣ်လၢအဘူၣ်ထီၣ်ဘါထီၣ်တၢ်ဒူတၢ်ဃိၤဒီးအက့ၢ် အဂီၤ, ပှၤတဂၤဂ့ၤတဂၤဂ့ၤလၢအအိၣ်ဒီးတၢ်ပနီၣ်ဘၣ်ဃးတၢ်ဒူ တၢ်ဃိၤအမံၤ, ပှၤသ့ၣ်တဖၣ်အံၤအဂီၢ်န့ၣ်, လၢမုၢ်ဆါမ့ၢ်ဂ့ၤမုၢ်နၤမ့ၢ်ဂ့ၤတၢ်အိၣ်ဘှံးအိၣ်သါ တအိၣ်ဝဲဘၣ်.”

လံာ်လီၣ်ဖျါ 14:3

ပှၤအဂၤ ၁၄၄,ဝ၀၀ န့ၣ်, ဆၢထၢၣ်လၢလီၢ်ပစိာ်, တၢ်အိၣ်ဒီး အသးသမူလွံၢ်ဒု, ဒီးပှၤသူၣ်က့သးပှၢ်တဖၣ်န့ၣ်အမဲာ်ညါ လီၤ. အဝဲသ့ၣ်သးဝံၣ်တၢ်သးဝံၣ်အသီတယုၢ်, လၢပှၤသးဝံၣ်လိအီၤသ့ထဲအဝဲသ့ၣ်တဖၣ်ဧိၤလီၤ. လၢ ပှၤကညီခဲလၢာ်အကျါန့ၣ်, အဝဲသ့ၣ်မ့ၢ်ပှၤထဲတဖုဧိၤလၢအဘၣ်တၢ်အုၣ်က့ၤခီၣ်က့ၤ အီၤလီၤ.

လံာ်လီၣ်ဖျါ 15:3

ဒီးသးဝံၣ်ယွၤအခ့အပှၤ, စီၤမိၤၡ့အတၢ်သးဝံၣ်, ဒီးသိဖိ အတၢ်သးဝံၣ်ဒီးစံးဝဲ, “သ့တၢ်လၢာ်ကစၢ်ယွၤဧၢ, နတၢ်ဖံးတၢ်မၤတဖၣ်ဒိၣ်ဝဲသွါဝဲ, ဒီးလီၤလိၢ်လီၤလးမးလဲၣ်. ထံဧိၤကီၢ်ဧိၤတဖၣ်အစီၤပၤဧၢ, နကျဲဧိၤကပူၤဧိၤတဖၣ်လိၤဝဲဘၣ်ဝဲ, ဒီးမ့ၢ်ဝဲတီဝဲဆံးဒိၣ်လဲၣ်.

လံာ်လီၣ်ဖျါ 15:7

တုၤနုၤတစုတၢ်လၢအသးသမူအိၣ်လွံၢ်ဒုအကျါတဒုန့ၣ်, ဟ့ၣ်ကလူးနွံဂၤလၢသလၢထူနွံဖျၢၣ်လၢအပှဲၤဝဲဒီးကစၢ်ယွၤ လၢအမူဝဲလီၤစိၤလီၤထီတဂၤန့ၣ်အတၢ်သးထီၣ်လီၤ.

လံာ်လီၣ်ဖျါ 16:14

အဝဲသ့ၣ်မ့ၢ်တၢ်ဝံတၢ်နါလၢအမၤတၢ်လီၤလးတဖၣ်အသး န့ၣ်လီၤ. သးသၢဒုအံၤလဲၤဝဲဆူဟီၣ်ခိၣ်အစီၤပၤခဲလၢာ်အအိၣ် ဒ်သိးအကဒုးအိၣ်ဖှိၣ်အဝဲသ့ၣ်တပူၤဃီလၢတၢ်ဒုးဖဲသ့တၢ် လၢာ်ကစၢ်ယွၤအမုၢ်နံၤဖးဒိၣ်တနံၤန့ၣ်အဂီၢ်လီၤ.

လံာ်လီၣ်ဖျါ 16:7

တုၤနုၤတစုယနၢ်ဟူတၢ်ကလုၢ်လၢတၢ်လုၢ်လီၢ်န့ၣ်စံးဝဲ, “သ့တၢ်လၢာ်ကစၢ်ယွၤဧၢ, နတၢ်စံၣ်ညီၣ်တဖၣ်န့ၣ်, မ့ၢ်ဝဲတီဝဲဒီးတီဝဲလိၤဝဲဘၣ်ဝဲစဲဃဲၤန့ၣ်လီၤ.”

လံာ်လီၣ်ဖျါ 19:15

လၢအဝဲဒၣ်အကိာ်ပူၤန့ၣ် နးလၢအကနၣ်အ့ၣ်တဘ့ၣ် ဟဲဖျိးထီၣ်, ဒီးလၢနးအဝဲအံၤန့ၣ်အဝဲကမၤနၢၤထံဧိၤကီၢ် ဧိၤတဖၣ်လီၤ. အဝဲဒၣ်ကပၢအဝဲသ့ၣ်လၢနီၣ်တီၢ်ထး, ဒီးအဝဲကယီၢ်ထီၣ်စပံးထံလၢနီၣ်စံၢ်စပံးသၣ်အကျိးဘၣ် ဃးဒီးသ့တၢ်လၢာ်ကစၢ်ယွၤအတၢ်သးထီၣ်, အပူၤလီၤ.

လံာ်လီၣ်ဖျါ 19:4

ပှၤသူၣ်က့သးပှၢ်ခံဆံလွံၢ်ဂၤဒီးတၢ်အသးသမူအိၣ်လွံၢ်ဒုန့ၣ် ထိၣ်လီၤပှီၤအသးဒီးဘူၣ်ထီၣ်ဘါထီၣ်ကစၢ်ယွၤလၢ အဆ့ၣ်နီၤအိၣ်လၢလီၢ်ပစိာ်အဖီခိၣ်န့ၣ်လီၤ. အဝဲသ့ၣ်စံးဝဲ, “အၤမ့ၣ်. စံးထီၣ်ပတြၢၤကစၢ်ယွၤတက့ၢ်.”

လံာ်လီၣ်ဖျါ 21:22

လၢဝ့ၢ်ပူၤန့ၣ်ယတထံၣ်တၢ်လုၢ်ဟံၣ်နီတဖျၢၣ်ဘၣ်. အဂ့ၢ်ဒ်အံၤ, အတၢ်လုၢ်ဟံၣ်မ့ၢ်ဝဲသ့တၢ်လၢာ်ကစၢ်ယွၤ ဒီးသိဖိတဒုန့ၣ်လီၤ.

လံာ်လီၣ်ဖျါ 3:7

ဆူဝ့ၢ်ဖံၤလဒ့းလဖံတၢ်အိၣ်ဖှိၣ်အကလူးအအိၣ်န့ၣ်, ကွဲးတၢ်ဒ်အံၤတက့ၢ်. “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအစီဝဲဆှံဝဲ, ဒီးတီဝဲလိၤဝဲအအိၣ်န့ၣ်လီၤ. အဝဲဒၣ်အိၣ်ဒီးနီၣ်ဝံာ်လၢ အမ့ၢ်စီၤဒၤဝံးအတၢ်, ဒီးဖဲအဝဲဒၣ်အိးထီၣ်တြဲၤတဘ့ၣ်န့ၣ်, ပှၤကးတံာ်အီၤတန့ၢ်နီတဂၤဘၣ်, ဒီးဖဲအကးတံာ်ဝဲန့ၣ်ပှၤအိးထီၣ်အီၤတန့ၢ်နီတဂၤဘၣ်.

လံာ်လီၣ်ဖျါ 4:4

ဝးတရံးလီၢ်ပစိာ်န့ၣ်, လီၢ်ပစိာ်အဂၤခံဆံလွံၢ်ဖျၢၣ်အိၣ်ကဝီၤ ဃာ်အီၤဝးကဝီၤကျီၤ, ဒီးလၢအဝဲသ့ၣ်အလိၤန့ၣ်, ပှၤသူၣ်က့သးပှၢ်အိၣ်ဆ့ၣ်နီၤဝဲဒၣ်ခံဆံလွံၢ်ဂၤလၢ အကူဝဲသိးဝဲလၢတၢ်ဝါဒီးကုာ်ဃာ်ခိၣ်သလုးထူတဖၣ် န့ၣ်လီၤ.

လံာ်လီၣ်ဖျါ 4:6

ဖဲလီၢ်ပစိာ်အမဲာ်ညါန့ၣ်တၢ်အိၣ်စ့ၢ်ကီးဝဲတမံၤလၢအလီၤ ဂာ်ဒီးပီၣ်လဲၣ်ယွၤခၣ်စိး, လၢအဆှံဝဲဒ်လၢၢ်ဖျါကလၤအသိး န့ၣ်လီၤ. ဝးတရံးလီၢ်ပစိာ်, ဖဲအကပၤတကပၤဒီးတကပၤစုာ်စုာ်န့ၣ်, တၢ်အိၣ်ဒီးအသးသမူလွံၢ်ဒုအိၣ်ဝဲ, အိၣ်ပှဲၤဒီးအမဲာ်ချံတဖၣ်လၢအမဲာ်ညါဒီးအလီၢ်ခံန့ၣ်လီၤ.

လံာ်လီၣ်ဖျါ 4:9

တၢ်အိၣ်ဒီးအသးသမူလွံၢ်ဒုအံၤသးဝံၣ်တၢ်သးဝံၣ်မၤလၤကပီၤ, တၢ်ယူးယီၣ်ဒီးတၢ်စံးထီၣ်ပတြၢၤဆူပှၤတဂၤလၢ အဆ့ၣ်နီၤဝဲလၢလီၢ်ပစိာ်အဖီခိၣ်အအိၣ်, လၢအမူဝဲလီၤစိၤလီၤထီန့ၣ်လီၤ. ဖဲအဝဲသ့ၣ်သးဝံၣ်တၢ်ဒ်အံၤအဆၢကတီၢ်န့ၣ်,

လံာ်လီၣ်ဖျါ 5:6

တုၤနုၤတစုယထံၣ်သိဖိတဒုဆၢထၢၣ်လၢလီၢ်ပစိာ်အခၢၣ်သး, ဘၣ်တၢ်ကဝီၤဃာ်အီၤလၢတၢ်အသးသမူအိၣ်လွံၢ်ဒုဒီးပှၤ သူၣ်က့သးပှၢ်တဖၣ်န့ၣ်လီၤ. အိၣ်ဖျါလၢသိဖိတဒုန့ၣ်ဘၣ် တၢ်မၤသံအီၤလီၤ. အဝဲအိၣ်ဒီးအနၢၤနွံဘိဒီးအမဲာ်ချံနွံတိၣ်, လၢအမ့ၢ်ဝဲကစၢ်ယွၤအသးနွံဖျၢၣ်, လၢအဘၣ်တၢ်ဆှၢလီၤတ့ၢ်အီၤသကုၤဟီၣ်ခိၣ်ဒီဘ့ၣ်ညါန့ၣ်လီၤ.

လံာ်လီၣ်ဖျါ 6:1

တုၤနုၤတစု, ယထံၣ်သိဖိတဒုန့ၣ်မၤသ့ၣ်ဖးတၢ်စဲပနီၣ်ဃာ်နွံခါ အကျါအဆိကတၢၢ်တခါဒီးအိးထီၣ်အီၤ, ဒီးယနၢ်ဟူတၢ်အသးသမူအိၣ်လွံၢ်ဒုအကျါတဒုစံးဝဲလၢ အကလုၢ်လၢအသီၣ်ထီၣ်ဒ်လီသီၣ်အသိး, “ဟဲတက့ၢ်” န့ၣ်လီၤ.

လံာ်လီၣ်ဖျါ 6:6

ယနၢ်ဟူတၢ်လၢအလီၤဂာ်ဒီးတၢ်အကလုၢ်ဟဲသီၣ်ထီၣ်လၢတၢ် အသးသမူအိၣ်လွံၢ်ဒုအကျါ, လၢအစံးဝဲ, “ဘုကၠူၣ်တသလိးလၢဒန့ၤရံတဘ့ၣ်အဂီၢ်. ဒီးဘုမုယီၤသၢသလိးလၢဒန့ၤရံတဘ့ၣ်အဂီၢ်လီၤ. ဘၣ်ဆၣ်ဒီးမၤဟးဂီၤသ့ၣ်စၤယံးတဖၣ် ဒီးစပံးအလီၢ် တဖၣ်န့ၣ်တဂ့ၤ.”

လံာ်လီၣ်ဖျါ 7:11

ကလူးခဲလၢာ်ခဲဆ့ဆၢထၢၣ်ဝးတရံးလီၢ်ပစိာ်, ပှၤသူၣ်က့သးပှၢ် တဖၣ်, ဒီးတၢ်သးသမူအိၣ်လွံၢ်ဒုန့ၣ်လီၤ. တုၤနုၤတစုအဝဲသ့ၣ်ထိၣ်လီၤပှီၤအသးလၢလီၢ်ပစိာ် အမဲာ်ညါဒီးဘူၣ်ထီၣ်ဘါထီၣ်ကစၢ်ယွၤ

လံာ်လီၣ်ဖျါ 7:15

လၢတၢ်န့ၣ်အဃိ, အဝဲသ့ၣ်အိၣ်ဆၢထၢၣ်ဝဲလၢကစၢ်ယွၤ အလီၢ်ပစိာ်အမဲာ်ညါဒီးမၤအဝဲဒၣ်အတၢ်မၤမုၢ်ဆါမုၢ်နၤလၢ အဝဲဒၣ်အတၢ်လုၢ်ဟံၣ်အပူၤလီၤ. ပှၤလၢအဆ့ၣ်နီၤဝဲလၢလီၢ် ပစိာ်အလိၤတဂၤန့ၣ်, ကကဟုကယာ်အဝဲသ့ၣ်ခီဖျိအဝဲဒၣ်အတၢ်အိၣ်ဒီးအဝဲသ့ၣ် န့ၣ်လီၤ.