လံာ်လီၣ်ဖျါ 4:7 - Sgaw Karen Common Bible

⁷ အဆိကတၢၢ်တဒုန့ၣ်လီၤဂာ်ဒီးခ့ယုၢ်, ခံဒုတဒုန့ၣ်လီၤဂာ်ဒီးကျီၢ်ဖါ, သၢဒုတဒုန့ၣ်အိၣ်ဒီးအမဲာ်သၣ်လၢအလီၤဂာ်ပှၤကညီအမဲာ် သၣ်, ဒီးလွံၢ်ဒုတဒုန့ၣ်လီၤဂာ်ဒီးလံာ်ကြီကြၣ်ယူၤလၢတၢ်ဖးဖီ န့ၣ်လီၤ.

လံာ်လီၣ်ဖျါ 4:7 Iomraidhean Croise

လံာ်တၢ်ကဲထီၣ်အခီၣ်ထံး 49:9

စီၤယူဒၤလီၤဂာ်ဒ်ခ့ယုၢ်တဒုအသိး, မၤသံဆၣ်ဖိကီၢ်ဖိလၢကအီၣ်ဝဲ, ဒီးက့ၤကဒါက့ၤဆူအလၢၢ်ကအိပူၤ, ကိာ်လီၤဒီးမံလီၤဝဲလီၤ. ပှၤမၤတံာ်တာ်အီၤတဘူၣ်ဘၣ်နီ တဂၤဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 1:23

စီၤစီလူးဒီးစီၤယိနၤသၣ်မ့ၢ်ပှၤလီၤလးဒီးပှၤလီၤအဲၣ် လီၤကွံတဖၣ်လီၤ. မူသကိးဒ်သိးသိးသံသကိးဝဲဒ်သိးသိးန့ၣ်လီၤ. မ့ၢ်ပှၤချ့န့ၢ်ဒံးလံာ်ကြီကြာ်တဖၣ်ဒီးအဂံၢ်အဘါဆူၣ် န့ၢ်ဒံးခ့ယုၢ်တဖၣ်တက့ၢ်န့ၣ်လီၤ.

တၢ်ကတိၤဒိ. 28:2

တုၤထံကီၢ်တကီၢ်အိၣ်ဒီးတၢ်ပူထီၣ်လီထီၣ်န့ၣ်, ပှၤပၢတၢ်ကအိၣ်တဖုဝံၤတဖုလီၤ. မ့မ့ၢ်, ဖဲအအိၣ်ဒီးခိၣ်နၢ် တဖၣ်လၢအသးဆးဒီးကူၣ်သ့ကူၣ်ဘၣ်န့ၣ်, ထံကီၢ်ဝဲအံၤအဂံၢ်အဘါကဆူၣ်ဒီးကအိၣ်ဂၢၢ်ကျၢၤဝဲလီၤ.

လံာ်ယၡါယၤ 40:31

မ့မ့ၢ်ပှၤလၢအနာ်ယွၤ, လၢတၢ်မၤစၢၤအဂီၢ်တဖၣ်န့ၣ်ကထံၣ်ဝဲလၢ အတၢ်ဂံၢ်တၢ်ဘါဘၣ်တၢ်မၤသီထီၣ်က့ၤအီၤန့ၣ်လီၤ. ကယူာ်ထီၣ်အဒံးဆ့တဖၣ်ဒ်လံာ်ဧိၤတြၤဧိၤအသိးလီၤ. ကဃ့ၢ်ဝဲဒီးအသးတလီၤစၢ်လီၤဘှါဘၣ်. အဝဲသ့ၣ်ကလဲၤတၢ်ဒီးအဂံၢ်အဘါတလီၤစၢ်ဝဲဘၣ်.

လံာ်ယဃ့းစက့လး 1:10

တၢ်ဘၣ်တ့အမူတဂၤစုာ်စုာ်အိၣ်ဒီးအမဲာ်သၣ်လၢအလီၤဆီလိာ် အသးလွံၢ်ဘ့ၣ်လီၤ. ပှၤကညီအမဲာ်သၣ်လၢတၢ်မဲာ်ညါတကပၤ, ခ့ယုၢ်အမဲာ်သၣ်လၢစုထွဲတကပၤ, ကျီၢ်ဖါအမဲာ်သၣ်လၢစုစ့ၣ် တကပၤ, ဒီးလံာ်ကြီကြၣ်အမဲာ်သၣ်လၢအလီၢ်ခံတကပၤန့ၣ်လီၤ.

လံာ်ယဃ့းစက့လး 1:8

လၢအမဲာ်သၣ်လွံၢ်ဘ့ၣ်ဒီးအဒံးလွံၢ်ခီအမဲာ်ညါ, အဝဲသ့ၣ်တဂၤဘၣ်တဂၤစုာ်စုာ်အိၣ်ဒီးပှၤကညီအစုလွံၢ်ခီ, လၢအစုတခီစုာ်စုာ်အိၣ်လၢအဒံးဆ့တခီစုာ်စုာ်အဖီလာ်န့ၣ် လီၤ.

လံာ်ယဃ့းစက့လး 10:14

တၢ်ဘၣ်တ့တဖၣ်စုာ်စုာ်အမဲာ်သၣ်အိၣ်လွံၢ်ဘ့ၣ်လီၤ. အခီၣ်ထံးကတၢၢ်တခါမ့ၢ်ကျီၢ်ဖါအမဲာ်သၣ်, ခံခါတခါမ့ၢ်ခ့ယုၢ် အမဲာ်သၣ်, သၢခါတခါမ့ၢ်ပှၤကညီအမဲာ်သၣ်, ဒီးလွံၢ်ခါတခါမ့ၢ်လံာ်ကြီ ကြာ်အမဲာ်သၣ်န့ၣ်လီၤ.

လံာ်ယဃ့းစက့လး 10:21

အဝဲသ့ၣ်တဂၤစုာ်စုာ်အိၣ်ဒီးအမဲာ်သၣ်လွံၢ်ဘ့ၣ်, အဒံးဆ့လွံၢ်ခီ, ဒီးတၢ်လၢပကွၢ်ဖျါလီၤဂာ်ဒီးပှၤကညီအစုတခီလၢအဒံးဆ့တခီ စုာ်စုာ်အဖီလာ်န့ၣ်လီၤ.

လံာ်ဒၤနံးယ့လး 7:4

အခီၣ်ထံးတဒုလီၤဂာ်ဒီးခ့ယုၢ်တဒု, ဘၣ်ဆၣ်အိၣ်ဒီးအဒံးဆ့ တဖၣ်ဒ်လံာ်ကြီကြာ်တဘ့ၣ်အသိးန့ၣ်လီၤ. ဖဲယခိးကွၢ်တၢ်အဖၢမုၢ်န့ၣ်အဒံးတဖၣ်ယာ်ဖျ့ကွံာ်ခဲလၢာ် လီၤ. ဒီးဆၣ်ဖိကီၢ်ဖိအၢအၢသီသီန့ၣ်ဘၣ်တၢ်ဝံၢ်ထီၣ် အီၤဒီးဒုးဆၢထၢၣ်အီၤဒ်ပှၤကညီတဂၤအသိးန့ၣ်လီၤ. အန့ၣ်ဝံၤဒီးဘၣ်တၢ်ဟ့ၣ်လီၤအီၤလၢပှၤကညီအသးန့ၣ်လီၤ.

လံာ်ဧိၤဘါဒယၤ 1:4

နမ့ၢ်ယူၤနဲထီမးဒ်လံာ်ကြီကြာ်အသိး ဒီးနမ့ၢ်ပာ်နသွံလၢဆၣ်ဧိၤဖီဧိၤအကျါဘၣ်ဆၣ်, ယကထုးလီၤနၤလၢတၢ်လီၢ်အဝဲန့ၣ်လီၤ.

လံာ်တၢ်ဂံၢ် 23:24

ကီၢ်အံၣ်စရ့လးအပှၤကလုာ်အံၤလီၤဂာ်ဒ်ခ့ယုၢ်လၢအဂံၢ်ဆူၣ်ဘါ ဆူၣ်တဒုအသိးန့ၣ်လီၤ. တချုးလၢအအ့ၣ်ဖှီတၢ်ဒီးအီၣ်ကွံာ်တၢ်ဒံးဘၣ်, တချုးအအီဘၣ်တၢ်တဖၣ်လၢအမၤသံဝဲအသွံၣ်ဘၣ်န့ၣ်, တအိၣ်ဘှံးဝဲဘၣ်.”

လံာ်တၢ်ဂံၢ် 24:9

ပှၤတကလုာ်န့ၣ်လီၤဂာ်ဒ်ခ့ယုၢ်လၢအဂံၢ်ဆူၣ်ဘါဆူၣ်တဒုအသိး လီၤ. ဖဲအမံဝဲအခါန့ၣ်, ပှၤမၤပၢၢ်ထီၣ်အီၤတဘူၣ်ဘၣ်နီတဂၤဘၣ်. ပှၤတဂၤလၢ်လၢ်လၢအဆိၣ်ဂ့ၤကီၢ်အံၣ်စရ့လးန့ၣ်ကဘၣ်တၢ်ဆိၣ်ဂ့ၤ, ဒီးပှၤတဂၤလၢ်လၢ်လၢအဆိၣ်အၢကီၢ်အံၣ်စရ့လးန့ၣ်ကဘၣ်တၢ်ဆိၣ် အၢန့ၣ်လီၤ.”

1 ကရံၣ်သူး 14:20

ယဒီပုၢ်ဝဲၢ်သ့ၣ်ဧၢ, တဘၣ်လီၤဂာ်ဒီးဖိသၣ်တဖၣ်လၢသုတၢ်ဆိကမိၣ်ဆိကမး အပူၤတဂ့ၤ, ဖဲလၢအဘၣ်ဃးဒီးတၢ်အၢတၢ်သီန့ၣ်လီၤဂာ်ဒီးဖိဒံဖိသၣ်, မ့မ့ၢ်လၢသုတၢ်ဆိကမိၣ်ဆိကမးအပူၤန့ၣ်ကဲပှၤဒိၣ်တုာ်ခိၣ်ပှဲၤ တဖၣ်တက့ၢ်.

လံာ်သိၣ်လီၤသီလီၤတၢ် 28:49

ယွၤကဟဲစိာ်ပှၤကလုာ်တကလုာ်လၢဟီၣ်ခိၣ်အကတၢၢ်တခီလၢကထီဒါသု, ပှၤကလုာ်တကလုာ်လၢသုတသ့ၣ်ညါဘၣ်အကျိာ်န့ၣ်လီၤ. ဒ်လံာ်ကြီကြာ်တဘ့ၣ်အသိး, အဝဲသ့ၣ်ကဟဲသဖှိဃီၤဖီၣ်စှီၤန့ၢ်သုန့ၣ်လီၤ.

လံာ်လီၣ်ဖျါ 4:6

ဖဲလီၢ်ပစိာ်အမဲာ်ညါန့ၣ်တၢ်အိၣ်စ့ၢ်ကီးဝဲတမံၤလၢအလီၤ ဂာ်ဒီးပီၣ်လဲၣ်ယွၤခၣ်စိး, လၢအဆှံဝဲဒ်လၢၢ်ဖျါကလၤအသိး န့ၣ်လီၤ. ဝးတရံးလီၢ်ပစိာ်, ဖဲအကပၤတကပၤဒီးတကပၤစုာ်စုာ်န့ၣ်, တၢ်အိၣ်ဒီးအသးသမူလွံၢ်ဒုအိၣ်ဝဲ, အိၣ်ပှဲၤဒီးအမဲာ်ချံတဖၣ်လၢအမဲာ်ညါဒီးအလီၢ်ခံန့ၣ်လီၤ.

လံာ်လီၣ်ဖျါ 6:3

ဖဲအဝဲဒၣ်အိးထီၣ်တၢ်စဲပနီၣ်ဃာ်ခံခါတခါန့ၣ်, ယနၢ်ဟူတၢ်အသးသမူအိၣ်, ခံဒုတဒုစံးဝဲ, “ဟဲတက့ၢ်.”

လံာ်လီၣ်ဖျါ 6:5

အန့ၣ်ဝံၤဒီး, သိဖိအိးထီၣ်တၢ်စဲပနီၣ်ဃာ်သၢခါတခါ, ဒီးယနၢ်ဟူတၢ်အသးသမူအိၣ်သၢဒုတဒုစံးဝဲ, “ဟဲတက့ၢ်” န့ၣ်လီၤ. ယကွၢ်, ဒီးကသ့ၣ်သူအိၣ်ဝဲတဒုလီၤ. ပှၤလၢအဒိးအီၤတဂၤအိၣ်ဒီးစီၤပီၢ်လၢအစုပူၤလီၤ.

လံာ်လီၣ်ဖျါ 6:7

တုၤနုၤတစု, သိဖိအိးထီၣ်တၢ်စဲပနီၣ်ဃာ်လွံၢ်ခါတခါ, ဒီးယနၢ်ဟူတၢ်အသးအိၣ်လွံၢ်ဒုတဒုန့ၣ်စံးဝဲ, “ဟဲတက့ၢ်,” န့ၣ်လီၤ.