လံာ်လီၣ်ဖျါ 4:5 - Sgaw Karen Common Bible

⁵ လၢလီၢ်ပစိာ်တဖျၢၣ်န့ၣ်အပူၤ, လီဝၢ်ဒံး, ဒီးတၢ်အကလုၢ်သီၣ်ရုၢ်ရုၢ်ဒီးလီသီၣ်လီသဲအကလုၢ်တဖၣ် ဟဲထီၣ်ဝဲန့ၣ်လီၤ. ဖဲလီၢ်ပစိာ်အမဲာ်ညါန့ၣ်ဆှီနွံဘိဘၣ် တၢ်မၤကဲၤကပီၤထီၣ်အီၤ, လၢအမ့ၢ်ဝဲယွၤအသးနွံဖျၢၣ်န့ၣ်လီၤ.

လံာ်လီၣ်ဖျါ 4:5 Iomraidhean Croise

လံာ်တၢ်ကဲထီၣ်အခီၣ်ထံး 15:7

ဒီးယွၤစံးဘၣ်အီၤ, “ယမ့ၢ်ယွၤလၢအဒုးဟးထီၣ်နၤလၢဝ့ၢ်အူၢ် လၢကီၢ်ဘၤဘူၤလိၣ်အပူၤဒ်သိးယကဟ့ၣ်လီၤနၤထံကီၢ်အံၤလၢနတၢ် ဒၣ်နဲအဂီၢ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 4:20

တၢ်ပာ်ထီၣ်မ့ၣ်အူဒၢအလီၢ်တဖၣ်ဒီးမ့ၣ်အူဒၢထူစီတဖၣ်လၢကဘၣ် တၢ်ဒွဲၣ်ကပီၤထီၣ်အီၤလၢတၢ်လီၢ်စီဆှံကတၢၢ်အမဲာ်ညါဒ်တၢ်တိာ် ပာ်အိၣ်ဝဲအသိး,

စံးထီၣ်ပတြၢၤ 68:35

ကစၢ်ယွၤဧၢ, နမ့ၢ်တၢ်လီၤပျံၤအလီၢ်လၢ နလီၢ်စီဆှံအပူၤလီၤ. အံၣ်စရ့လးကစၢ်ယွၤ, မ့ၢ်ပှၤလၢ အဟ့ၣ်အပှၤဂီၢ်မုၢ်လၢတၢ်စိတၢ်ကမီၤဒီး တၢ်ဂံၢ်တၢ်ဘါန့ၣ်လီၤ. စံးထီၣ်ပတြၢၤကစၢ်ယွၤတက့ၢ်.

လံာ်တၢ်ဟးထီၣ်ကွံာ် 19:16

ဒီးလၢသၢသီတသီဂီၤခီန့ၣ်လီသီၣ်လီသဲဒီးလီဝၢ်ဒံး, ဒီးတၢ်အၢၣ်ဖးတီၣ်တလိၣ်အိၣ်ဖျါဝဲလၢကစၢၢ်ဒီခိၣ်န့ၣ်လီၤ. ဒီးကွဲၤသီၣ်ဖးဒိၣ်သတူၢ်ကလာ်ဟူထီၣ်ဝဲလီၤ. ကယဲၢ်ပှၤဂီၢ်မုၢ်ခဲလၢာ်လၢသူၣ်ဒဲအလီၢ်ကနိးကစုာ်ဝဲလၢတၢ် ပျံၤတၢ်ဖုးအဃိန့ၣ်လီၤ.

လံာ်တၢ်ဟးထီၣ်ကွံာ် 20:18

တုၤပှၤဂီၢ်မုၢ်နၢ်ဟူဘၣ်လီသီၣ်ဒီးကွဲၤသီၣ်ထီၣ်ဖးဒိၣ်သတူၢ် ကလာ်, ဒီးထံၣ်ဘၣ်လီဝၢ်ဒံး, ဒီးမ့ၣ်အူလုၣ်ထီၣ်လၢကစၢၢ်အလိၤန့ၣ် အဝဲသ့ၣ်ကနိးကစုာ်လၢအတၢ်ပျံၤတၢ်ဖုးအဃိဒီးအိၣ်ဆၢထၢၣ်ဝဲ ဖးယံၤန့ၣ်လီၤ.

လံာ်တၢ်ဟးထီၣ်ကွံာ် 25:37

မၤထီၣ်မ့ၣ်အူဒၢနွံဖျၢၣ်လၢတၢ်ပာ်မ့ၣ်အူဒၢအလီၢ်အဂီၢ်ဒီး ဒွဲၣ်ထီၣ်အီၤဒ်သိးကကပီၤထီၣ်ဆူတၢ်မဲာ်ညါတက့ၢ်.

လံာ်တၢ်ဟးထီၣ်ကွံာ် 37:23

အဝဲမၤထီၣ်မ့ၣ်အူဒၢနွံဖျၢၣ်လၢတၢ်ပာ်မ့ၣ်အူအလီၢ်အဂီၢ်ဒီးအနီၣ်တံာ်မ့ၣ်အူ ဒီးနီၣ်တံာ်အလီခီတဖၣ်န့ၣ်မ့ၢ်ထူစီန့ၣ်လီၤ.

လံာ်ယဃ့းစက့လး 1:13

လၢတၢ်ဘၣ်တ့တဖၣ်အကျါအံၤ, တၢ်အိၣ်ဝဲတမံၤလၢအအိၣ်ဖျါလီၤဂာ်ဒီးဆှီလၢအကဲၤကပီၤ, ဒီးသုးအသးတပယူာ်ဃီန့ၣ်လီၤ. မ့ၣ်အူကကဲၤကပီၤထီၣ်ဒီးဒုးကပြုၢ်ထီၣ်လီဝၢ်ဒံးန့ၣ်လီၤ.

လံာ်ယိၤအ့လး 3:16

ယွၤထုထီၣ်အကလုၢ်လၢကစၢၢ်စံယိၣ်အလိၤ, အကလုၢ်သီၣ်ဒ်လီသီၣ်, သီၣ်ထီၣ်ဝဲလၢဝ့ၢ်ယရူၤၡလ့ၣ်, ဟီၣ်ခိၣ်ဒီးမူကပိာ်လိၤန့ၣ်ဟူးဝးဆှဲးဆှိးဝဲလီၤ. ဘၣ်ဆၣ်, အဝဲကဒီသဒၢအပှၤဂီၢ်မုၢ်န့ၣ်လီၤ.

လံာ်စကၤရယၤ 4:2

အဝဲသံကွၢ်ယၤ, “နထံၣ်တၢ်မနုၤလဲၣ်.” ယစံးဆၢအီၤ, “မ့ၣ်အူဒၢအလီၢ်လၢအဘၣ်တၢ်မၤအီၤလၢထူဒီးသလၢလၢသိအဂီၢ် တဖျၢၣ်အိၣ်လၢအဖီခိၣ်လီၤ. လၢမ့ၣ်အူဒၢအလီၢ်အလိၤန့ၣ်မ့ၣ်အူဒၢဖိအိၣ်ဝဲဒၣ်နွံဖျၢၣ်, တဖျၢၣ်စုာ်စုာ်အိၣ်ဒီးမ့ၣ်အူဒၢအပှံာ်နွံဘိန့ၣ်လီၤ.

လံာ်မးသဲ 25:1

တုၤနုၤတစု, မူခိၣ်အဘီအမုၢ်န့ၣ်ကမၤအသးဒ်အံၤလီၤ. တဘျီပှၤမုၣ်ကနီၤအိၣ်ဝဲအဂၤတဆံ, လၢအဟံးန့ၢ်အမ့ၣ်အူဒၢ, ဒီးဟးထီၣ်လဲၤသဂၢၢ်တလးမူးပိာ်ခွါတဂၤန့ၣ်လီၤ.

လံာ်မးသဲ 3:11

ယဘျၢသုလၢထံလၢတၢ်ပီၢ်ယၢ်ဒီးတၢ်ဃၣ်လိၤက့ၤသုသးအဂီၢ်လီၤ. ဘၣ်ဆၣ်ပှၤလၢအကဟဲလၢယလီၢ်ခံတဂၤန့ၣ်ကဘျၢသုလၢသးစီဆှံဒီး မ့ၣ်အူန့ၣ်လီၤ. အဝဲဒၣ်အစိကမီၤဒိၣ်န့ၢ်ယၤဒီးယတကြၢးဒၣ်လဲာ်လၢယကစိာ် အခီၣ်ဖံးဘၣ်လီၤ.

မၤတၢ် 2:3

အန့ၣ်ဒီးအဝဲသ့ၣ်ထံၣ်ဝဲမ့ၣ်အူလၣ်လၢအလီၤဂာ်ဒီးတၢ်အပျ့ၤ တဖၣ်ရၤလီၤအသး, ဒီးထိးဘၣ်ပှၤအိၣ်ဖဲန့ၣ်တဂၤဘၣ်တဂၤစုာ်စုာ်လီၤ.

လံာ်လီၣ်ဖျါ 1:4

လၢစီၤယိၤဟၣ်, ဆူတၢ်အိၣ်ဖှိၣ်နွံဖုလၢကီၢ်အၤစံအပူၤ. မ်သုကဒိးန့ၢ်ဘၣ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးလၢ ကစၢ်ယွၤအအိၣ်, ယွၤလၢအအိၣ်ဝဲ, အိၣ်တ့ၢ်လံဝဲ, ဒီးအကဟဲဝဲတဂၤ, ဒီးလၢသးနွံဖျၢၣ်လၢအဝဲဒၣ်အလီၢ်ပစိာ်အမဲာ်ညါန့ၣ်အအိၣ်,

လံာ်လီၣ်ဖျါ 10:3

ဒီးကိးထီၣ်လၢအကလုၢ်ဖးဒိၣ်လၢအသီၣ်လီၤဂာ်ဒီးခ့ယုၢ် တဖၣ်အတၢ်ကညီၤအသီၣ်န့ၣ်လီၤ. ဖဲအဝဲဒၣ်ကိးထီၣ်ဝံၤန့ၣ်, ဘၣ်တၢ်စံးဆၢအီၤလၢလီသီၣ်နွံဘီလီၤ.

လံာ်လီၣ်ဖျါ 11:19

တုၤနုၤတစုကစၢ်ယွၤအတၢ်လုၢ်ဟံၣ်လၢမူခိၣ်အိးထီၣ်အသး, ဒီးတၢ်အၢၣ်လီၤအီလီၤအတလါဘၣ်တၢ်ထံၣ်အီၤဖဲန့ၣ်လီၤ. အန့ၣ်ဝံၤဒီးလီဝၢ်အဒံး, တၢ်သီၣ်ထီၣ်ဝဲဒၣ်ရုၢ်ရုၢ်, လီသီၣ်လီသဲ, ဟီၣ်ခိၣ်ဟူးဝးဒီးသူၣ်အဖျၢၣ်တဖၣ်ဟဲလီၤဝဲဒ် တၢ်စူၤဖးဒိၣ်အသိးန့ၣ်လီၤ.

လံာ်လီၣ်ဖျါ 3:1

ဆူဝ့ၢ်စၢ်ဒံတၢ်အိၣ်ဖှိၣ်အကလူးအအိၣ်န့ၣ်ကွဲးနဲဒ်အံၤ, “အဝဲအံၤ မ့ၢ်တၢ်ကစီၣ်ဟဲလၢပှၤတဂၤလၢအအိၣ်ဒီးကစၢ်ယွၤ အသးနွံဖျၢၣ်, ဒီးဆၣ်နွံဖျၢၣ်အအိၣ်န့ၣ်လီၤ. နမၤတၢ်မနုၤလဲၣ်န့ၣ် ယသ့ၣ်ညါယဲလီၤ. ယသ့ၣ်ညါလၢနအိၣ်ဒီးနမံၤနသၣ်လၢ နအိၣ်မူအိၣ်ဂဲၤ, အနီၢ်နီၢ်တခီ, နသံနဲန့ၣ်လီၤ.

လံာ်လီၣ်ဖျါ 5:6

တုၤနုၤတစုယထံၣ်သိဖိတဒုဆၢထၢၣ်လၢလီၢ်ပစိာ်အခၢၣ်သး, ဘၣ်တၢ်ကဝီၤဃာ်အီၤလၢတၢ်အသးသမူအိၣ်လွံၢ်ဒုဒီးပှၤ သူၣ်က့သးပှၢ်တဖၣ်န့ၣ်လီၤ. အိၣ်ဖျါလၢသိဖိတဒုန့ၣ်ဘၣ် တၢ်မၤသံအီၤလီၤ. အဝဲအိၣ်ဒီးအနၢၤနွံဘိဒီးအမဲာ်ချံနွံတိၣ်, လၢအမ့ၢ်ဝဲကစၢ်ယွၤအသးနွံဖျၢၣ်, လၢအဘၣ်တၢ်ဆှၢလီၤတ့ၢ်အီၤသကုၤဟီၣ်ခိၣ်ဒီဘ့ၣ်ညါန့ၣ်လီၤ.

လံာ်လီၣ်ဖျါ 8:5

အန့ၣ်ဝံၤအလီၢ်ခံ, ကလူးအဝဲန့ၣ်ဟံးန့ၢ်တၢ်ဆိၣ်ကဲၤနၢမူ အလီခီ, မၤပှဲၤဝဲလၢမ့ၣ်အူအိၣ်လၢတၢ်လုၢ်လီၢ်အဖီခိၣ်, ဒီးကွံာ်လီၤဝဲလၢဟီၣ်ခိၣ်အဖီခိၣ်လီၤ. တၢ်သီၣ်ထီၣ်ဝဲဒၣ်ရူၢ်ရူၢ်, လီသီၣ်လီသဲ, လီဝၢ်အဒံး, ဒီးဟီၣ်ခိၣ်ဟူးဝးဆှဲးဆှိးဝဲဒၣ်န့ၣ်လီၤ.