လံာ်လီၣ်ဖျါ 4:1 - Sgaw Karen Common Bible

¹ တၢ်န့ၣ်တဖၣ်အလီၢ်ခံန့ၣ်, ယအိၣ်ဒီးတၢ်ထံၣ်လၢညါခီအဂၤ တမံၤ, ဒီးထံၣ်ဘၣ်တြဲၤတဘ့ၣ်အိၣ်အိးထီၣ်အသးလၢမူခိၣ်န့ၣ်လီၤ. ဒီးတၢ်ကလုၢ်လၢအသီၣ်လီၤဂာ်ဒီးကွဲၤအသီၣ်, လၢယနၢ်ဟူဘၣ်တ့ၢ်ယဲအကတိၤတၢ်ဒီးယၤလၢအခီၣ်ထံးန့ၣ်စံးဝဲ, “ဟဲထီၣ်နဲဖဲအံၤ, ဒီးယကဒုးနဲၣ်နၤတၢ်လၢအကဘၣ်မၤအသးဖဲတၢ်တမံၤအံၤမၤ အသးဝံၤအလီၢ်ခံန့ၣ်လီၤ.”

လံာ်လီၣ်ဖျါ 4:1 Iomraidhean Croise

လံာ်တၢ်ဟးထီၣ်ကွံာ် 1:1

စီၤယၤကိာ်အဖိခွါတဖၣ်ဒီးအပှၤဟံၣ်ဖိဃီဖိဒၣ်ဝဲစုာ်စုာ်လၢ အလဲၤဃုာ်ဒီးအီၤဆူကီၢ်အဲၤကူပတူးအပူၤန့ၣ်မ့ၢ်ဝဲ

လံာ်တၢ်ဟးထီၣ်ကွံာ် 19:24

ဒီးယွၤစံးဆၢက့ၤအီၤ, “က့ၤလီၤဒီးဟဲကိးထီၣ်စီၤအၤဟရိၣ်ဃုာ်ဒီးနၤတက့ၢ်. ဘၣ်ဆၣ်ဒီးပှၤလုၢ်တၢ်အခိၣ်တဖၣ်ဒီးပှၤဂီၢ်မုၢ်တဘၣ်ခီဂာ်တၢ်အဆၢ လၢကဟဲထီၣ်ဆူယအိၣ်အဂီၢ်န့ၣ်ဘၣ်. မ့တမ့ၢ်ဒီးယကစံၣ်ညီၣ်အဝဲသ့ၣ်လီၤ.”

လံာ်တၢ်ဟးထီၣ်ကွံာ် 24:12

ယွၤစံးဘၣ်တ့ၢ်စီၤမိၤၡ့, “ဟဲထီၣ်ဆူကစၢၢ်လိၤဆူယအိၣ်တ က့ၢ်. ဒီးနအိၣ်ဖဲအံၤအကတီၢ်န့ၣ်ယကဟ့ၣ်နၤလၢၢ်ဘ့ၣ်ဘၣ်ခံဘ့ၣ်လၢ အအိၣ်ဒီးတၢ်သိၣ်တၢ်သီတဖၣ်လၢယကွဲးအီၤလၢတၢ်သိၣ်လိနဲၣ်ယုၤပှၤ ဂီၢ်မုၢ်အဂီၢ်န့ၣ်လီၤ.”

တၢ်ကတိၤဒိ. 25:7

အဂ့ၢ်ဒ်အံၤ, တၢ်ကွဲန့ၢ်ကိးန့ၢ်နၤဒ်သိးနကဟံးန့ၢ်တၢ်လီၢ်လၢ အထီထီၣ်တတီၤန့ၣ်ဂ့ၤဒိၣ်န့ၢ်ဒံးတၢ်စံးဘၣ်နၤလၢနကဟ့ၣ်လီၤ ကွံာ်နလီၢ်ဆူပှၤလၢအကါဒိၣ်န့ၢ်နၤတက့ၢ်န့ၣ်လီၤ.

လံာ်ယဃ့းစက့လး 1:1

လၢသၢဆံနံၣ်တနံၣ်, လွံၢ်လါတလါ, လါထီၣ်ယဲၢ်သီတသီန့ၣ်, ယၤ, စီၤဘူၤစံအဖိခွါ, ပှၤလုၢ်တၢ်အခိၣ်စီၤယဃ့းစက့လး အိၣ်ဆိးဒီးပှၤယူဒၤဖိလၢတၢ်စိာ်မၢကဲကုၢ်အီၤတဖၣ်လၢထံ ကျိကဘၢ်အနံၤလၢကီၢ်ဘၤဘူၤလိၣ်အပူၤလီၤ. မူကပိာ်လိၤအိးထီၣ်အသးဒီးယထံၣ်တၢ်ထံၣ်လၢညါခီတမံၤဘၣ်ဃး ဒီးကစၢ်ယွၤလီၤ.

လံာ်မးသဲ 3:16

တုၤယ့ၣ်ၡူးဘၣ်တၢ်ဘျၢအီၤဝံၤဟဲက့ၤထီၣ်လၢထံကျါန့ၣ်, တၢ်မၤအသးလၢမူခိၣ်ဘၣ်တၢ်အိးထီၣ်အီၤဒီးအဝဲထံၣ်ဘၣ်ကစၢ်ယွၤ အသးဟဲလီၤလၢအလိၤမၤအသးဒ်ထိၣ်လွံၢ်ယူၤလီၤဒီးစီၢ်လီၤဝဲ အသိးန့ၣ်လီၤ.

လံာ်မၢ်ကူး 1:10

ယ့ၣ်ၡူးဟဲက့ၤထီၣ်က့ၤလၢထံကျါဝံၤတဘျီဃီအဝဲဒၣ်ထံၣ်မူ ခိၣ်အိးထီၣ်အသးဒီးယွၤအသးဟဲလီၤလၢအလိၤဒ်ထိၣ်လွံၢ် အသိးလီၤ.

လံာ်လူၤကၣ် 3:21

ပှၤဂီၢ်မုၢ်ခဲလၢာ်ဘၣ်တၢ်ဘျၢအီၤလၢထံဝံၤအလီၢ်ခံန့ၣ်, ယ့ၣ်ၡူးစ့ၢ်ကီးဘၣ်တၢ်ဘျၢအီၤလၢထံန့ၣ်လီၤ. ဖဲအဝဲဒၣ်ဃ့ဘါထုကဖၣ်တၢ်အဖၢမုၢ်န့ၣ်, မူခိၣ်အိးထီၣ်အသး,

လံာ်ယိၤဟၣ် 16:13

မ့မ့ၢ်, ဖဲယွၤအသးလၢအလီၣ်ဖျါထီၣ်တၢ်မ့ၢ်တၢ်တီ ဘၣ်ဃးဒီးကစၢ်ယွၤန့ၣ်ဟဲဝဲဒီး, အဝဲကဒုးထံၣ်သ့ၣ်ညါသုလၢတၢ်မ့ၢ်တၢ်တီခဲလၢာ်န့ၣ်လီၤ. အဝဲတကတိၤတၢ်ဖဲအသးဒၣ်ဝဲဘၣ်. မ့မ့ၢ် အဝဲကစံးဘၣ်တဲဘၣ်သုတၢ်လၢအဝဲနၢ်ဟူဝဲဒီး ကစံးဘၣ်တဲဘၣ်သုတၢ်လၢအကမၤအသးတဖၣ်န့ၣ်လီၤ.

မၤတၢ် 10:11

အဝဲထံၣ်ဘၣ်မူခိၣ်အိးထီၣ်အသးဒီးတၢ်တမံၤလၢအလီၤဂာ် ယၣ်ဖးဒိၣ်တဘ့ၣ်ဘၣ်တၢ်စဲၤလီၤအီၤလၢအနၢၣ်လွံၢ်နၢၣ်ဆူဟီၣ်ခိၣ် လီၤ.

မၤတၢ် 7:56

အဝဲဒၣ်စံးဝဲ, “ကွၢ်တက့ၢ်. ယထံၣ်ဘၣ်ယဲမူခိၣ်အိးထီၣ်အသး ဒီးပှၤကညီဖိခွါအိၣ်ဆၢထၢၣ်လၢယွၤအစုထွဲတခီလီၤ.”

လံာ်လီၣ်ဖျါ 1:10

ဖဲကစၢ်အမုၢ်တနံၤန့ၣ်, ယွၤအသးစီဆှံပၢၤဃာ်ယၤဒီးယနၢ်ဟူတၢ်အကလုၢ်ဖးဒိၣ် လၢအသီၣ်လီၤဂာ်လၢကွဲၤအကလုၢ်, သီၣ်ထီၣ်ဝဲဒၣ်လၢ ယလီၢ်ခံန့ၣ်လီၤ.

လံာ်လီၣ်ဖျါ 1:12

ယဃၣ်တရံးယသးဒ်သိးယကထံၣ်ဘၣ်ပှၤလၢအကတိၤ တၢ်ဒီးယၤတဂၤ, ဒီးယထံၣ်မ့ၣ်အူဒၢထူနွံဖျၢၣ်,

လံာ်လီၣ်ဖျါ 1:19

ခဲကနံၣ်အံၤ, ကွဲးလီၤတၢ်သ့ၣ်တဖၣ်လၢနထံၣ်ဘၣ်နဲ, တၢ်လၢအမၤအသးခဲကနံၣ်အံၤ, ဒီးတၢ်လၢအကမၤအသးလၢခံ တဖၣ်န့ၣ်တက့ၢ်.

လံာ်လီၣ်ဖျါ 11:12

အန့ၣ်ဝံၤအလီၢ်ခံ, ဝံခံဂၤနၢ်ဟူတၢ်ကလုၢ်ဖးဒိၣ်လၢမူခိၣ်, ကတိၤတၢ်ဒီးအဝဲသ့ၣ်, “ဟဲထီၣ်ဖဲအံၤတက့ၢ်.” ဒီးဖဲအဝဲသ့ၣ်အဒုၣ်အဒါတဖၣ်ကွၢ်ဝဲအဖၢမုၢ်န့ၣ်, အဝဲသ့ၣ်က့ၤထီၣ်ဆူမူခိၣ်လၢတၢ်အၢၣ်တလိၣ်အပူၤ လီၤ.

လံာ်လီၣ်ဖျါ 11:19

တုၤနုၤတစုကစၢ်ယွၤအတၢ်လုၢ်ဟံၣ်လၢမူခိၣ်အိးထီၣ်အသး, ဒီးတၢ်အၢၣ်လီၤအီလီၤအတလါဘၣ်တၢ်ထံၣ်အီၤဖဲန့ၣ်လီၤ. အန့ၣ်ဝံၤဒီးလီဝၢ်အဒံး, တၢ်သီၣ်ထီၣ်ဝဲဒၣ်ရုၢ်ရုၢ်, လီသီၣ်လီသဲ, ဟီၣ်ခိၣ်ဟူးဝးဒီးသူၣ်အဖျၢၣ်တဖၣ်ဟဲလီၤဝဲဒ် တၢ်စူၤဖးဒိၣ်အသိးန့ၣ်လီၤ.

လံာ်လီၣ်ဖျါ 16:17

အန့ၣ်ဝံၤအလီၢ်ခံ, ကလူးနွံဂၤတဂၤဂၢ်လီၤအသလၢလၢကလံၤ ကျါလီၤ. တၢ်ကလုၢ်ဖးဒိၣ်သီၣ်ထီၣ်လၢလီၢ်ပစိာ်လၢတၢ်လုၢ်ဟံၣ် အပူၤဒီးစံးဝဲ, “တၢ်မၤအသးဝံၤလံ.”

လံာ်လီၣ်ဖျါ 19:11

တုၤနုၤတစုယထံၣ်မူခိၣ်အိးထီၣ်အသး, ဒီးဖဲန့ၣ်ကသ့ၣ်ဖါဝါအိၣ်ဝဲဒၣ် တဒုလီၤ. ပှၤဒိးကသ့ၣ်တဂၤအံၤဘၣ်တၢ်ကိးအီၤလၢ ကလုၢ်တီဒီးတီလိၤန့ၣ်လီၤ. အဝဲဒၣ်စံၣ်ညီၣ်ဒီးဒုးအတၢ်ဒုးသုးတဖၣ်လၢတၢ်တီတၢ်လိၤ အပူၤလီၤ.

လံာ်လီၣ်ဖျါ 22:6

တုၤနုၤတစုကလူးန့ၣ်စံးဘၣ်ယၤ, “တၢ်ကတိၤသ့ၣ်တဖၣ် အံၤမ့ၢ်ဝဲတီဝဲဒီးဘၣ်တၢ်နာ်န့ၢ်အီၤသ့ဝဲဒၣ်လီၤ. ဒီးကစၢ်ယွၤလၢအဟ့ၣ်အသးစီဆှံဆူဝံတဖၣ်န့ၣ်, ဆှၢလီၤအကလူးဒ်သိးအကဒုးနဲၣ်အဝဲဒၣ်အခ့အပှၤတဖၣ်, တၢ်လၢအကဘၣ်မၤအသးလၢတစိၢ်ဖိအတီၢ်ပူၤန့ၣ်လီၤ.”