လံာ်လီၣ်ဖျါ 3:5 - Sgaw Karen Common Bible

⁵ ပှၤလၢအမၤနၢၤတၢ်တဖၣ်န့ၣ်ကဘၣ်တၢ်ဒုးကူဒုးသိးအီၤဒ်အံၤ အသိးလၢတၢ်အဝါ, ဒီးယတထုးကွံာ်အဝဲသ့ၣ်အမံၤလၢလံာ်မူ အပူၤဘၣ်. လၢယပၢ်ဒီးအမူခိၣ်ကလူးတဖၣ်အမဲာ်ညါန့ၣ်, ယကဘိးဘၣ်သ့ၣ်ညါယဲဖျါဖျါလၢအဝဲသ့ၣ်မ့ၢ်ယတၢ်န့ၣ်လီၤ.

လံာ်လီၣ်ဖျါ 3:5 Iomraidhean Croise

စံးထီၣ်ပတြၢၤ 109:13

မ်အစၢၤအသွဲၣ်ဘၣ်တၢ်ဒီၣ်တဲာ်ကွံာ်အီၤ, မ်အမံၤဘၣ်တၢ်တြူာ်ကွံာ်အီၤလၢ ပှၤလၢခံတစိၤအကျါန့ၣ်တက့ၢ်.

စံးထီၣ်ပတြၢၤ 69:28

မ်အမံၤဘၣ်တၢ်တြူာ်ကွံာ်အီၤလၢလံာ်မူအပူၤတက့ၢ်. မ်အသုတအိၣ်ကွဲးလီၤအသးလၢ ပှၤအတီအလိၤတဖၣ်အကျါတဂ့ၤ.

လံာ်မၤလကံ 3:17

ယွၤသ့တၢ်လၢာ်စံးဝဲ, “အဝဲသ့ၣ်ကမ့ၢ်ယပှၤဂီၢ်မုၢ်” န့ၣ်လီၤ. ဒီးမုၢ်တနံၤလၢယပာ်ဖှိၣ်ယတၢ်လုၢ်ဒိၣ်ပှ့ၤဒိၣ်န့ၣ်အဝဲသ့ၣ်ကကဲ ထီၣ်တၢ်လုၢ်ဒိၣ်ပှ့ၤဒိၣ်လၢယဂီၢ်လီၤ. ယကအိၣ်ဒီးတၢ်သးကညီၤအဝဲသ့ၣ်, ဒ်ပၢ်သးကညီၤအဖိခွါလၢအမၤအတၢ်အသိးန့ၣ်လီၤ.

လံာ်မးသဲ 10:32

ပှၤတဂၤဂၤမ့ၢ်အၢၣ်လီၤလၢပှၤကညီအမဲာ်ညါလၢအဘၣ်ဃးဒီးယၤန့ၣ်, ယကအၢၣ်လီၤစ့ၢ်ကီးအီၤလၢယပၢ်အိၣ်လၢမူခိၣ်အမဲာ်ညါလီၤ.

လံာ်လူၤကၣ် 10:20

ဘၣ်ဆၣ်ဒီး, တဘၣ်သူၣ်ခုသးခုလၢတၢ်ဝံတၢ်နါတဖၣ်စူၢ်သု ကလုၢ်အဃိတဂ့ၤ. မ့မ့ၢ်, သူၣ်ခုသးခုလၢသုမံၤတဖၣ်ဘၣ်တၢ်ကွဲးလီၤပာ်အီၤလၢမူခိၣ် အဃိန့ၣ်တက့ၢ်.”

လံာ်လူၤကၣ် 12:8

ယစံးဘၣ်တဲဘၣ်သု, ပှၤတဂၤလၢ်လၢ်လၢအအၢၣ်လီၤလၢပှၤအါဂၤအမဲာ်ညါ, လၢအဝဲဒၣ်ဘၣ်ဃးဒီးယၤန့ၣ်, ပှၤကညီဖိခွါကမၤတၢ်တမံၤဃီန့ၣ်လၢ အဂီၢ်, လၢကစၢ်ယွၤအကလူးတဖၣ်အမဲာ်ညါလီၤ.

လံာ်သိၣ်လီၤသီလီၤတၢ် 9:14

ကျဲးစၢးတြီယၤတဂ့ၤ, ယပာ်လီၤယသးလၢယကမၤဟးဂီၤကွံာ်အဝဲ သ့ၣ်ဒ်သိးပှၤသုတသ့ၣ်နီၣ်ထီၣ်အဝဲသ့ၣ်နီတဂၤနီတစု လၢၤတဂ့ၤအဂီၢ်န့ၣ်လီၤ. ဒီးယကဒုးကဲထီၣ်နၤလၢပှၤတကလုာ်အပၢ်, ပှၤတကလုာ်လၢအဒိၣ်န့ၢ်, ဒီးအစိကမီၤဆူၣ်န့ၢ်ဒံးအဝဲသ့ၣ်တက့ၢ်န့ၣ်လီၤ.

ဖံလံးပံၤ 4:3

ဒီးနဲဒၣ်စ့ၢ်ကီး, ပှၤမၤသကိးတၢ်ဒီးယၤလၢအသးတီ တဂၤဧၢ, ယအဲၣ်ဒိးလၢနကမၤစၢၤပိာ်မုၣ်တဖၣ်အံၤန့ၣ်လီၤ. အဂ့ၢ်ဒ်အံၤ, အဝဲသ့ၣ်မၤသကိးတၢ်ဒီးယၤဆူၣ်ဆူၣ်လၢတၢ်ရၤလီၤတၢ်သးခုကစီၣ် အပူၤ, ဃုာ်ဒီးစီၤကျ့မ့ၤဒီးယပှၤမၤသကိးတၢ်အဂၤတဖၣ်, လၢအမံၤအိၣ်ကွဲးလီၤအသးလၢကစၢ်ယွၤအလံာ်မူအပူၤန့ၣ်လီၤ.

ယူဒၤ 1:24

ပှၤလၢအဟံးဃာ်ပၢၤဃာ်သုသ့ဒ်သိးသုသုတလီၤဃံၤတဂ့ၤ, ဒီးပာ်သုလၢအလၤကပီၤအမဲာ်ညါတအိၣ်ဘၣ်ဒီးမဲၣ်သူမဲၣ်ဂီၤဘၣ် လၢတၢ်သူၣ်ခုသးခုဒိၣ်ဒိၣ်ကလဲာ်အပူၤ,

လံာ်လီၣ်ဖျါ 13:8

ပှၤကိးဂၤဒဲးလၢအအိၣ်ဝဲဆိးဝဲလၢဟီၣ်ခိၣ်ချၢကဘူၣ် ထီၣ်ဘါထီၣ်အီၤ, ဒီးပှၤလၢအတဘါထီၣ်အီၤန့ၣ်, မ့ၢ်ထဲပှၤလၢအမံၤအိၣ်ကွဲးအသးလၢလံာ်မူအပူၤ, တချုးတၢ်တ့လီၤပာ်လီၤဟီၣ်ခိၣ်ဒံးဘၣ်, လံာ်မူလၢအမ့ၢ်သိဖိလၢအဘၣ်တၢ်မၤသံအီၤတဒုန့ၣ် အတၢ်လီၤ.

လံာ်လီၣ်ဖျါ 17:8

တၢ်ဒူတၢ်ဃိၤတဒုန့ၣ်, အိၣ်မူတ့ၢ်ဝဲတဘျီ, ဘၣ်ဆၣ်ဒီး တမူဝဲလၢၤဘၣ်. ဘူးထီၣ်လံလၢအဝဲဒၣ်ကဟဲထီၣ်လၢ တၢ်ပူၤယိာ်, ဒီးကဟးထီၣ်ဝဲဒ်သိးအကဘၣ်တၢ်မၤဟးဂီၤကွံာ်အီၤ အဂီၢ်လီၤ. ပှၤအိၣ်လၢဟီၣ်ခိၣ်ချၢ, လၢအမံၤတအိၣ်ကွဲးအသးလၢလံာ်မူအပူၤတချုးတၢ်တ့လီၤပာ်လီၤ ဟီၣ်ခိၣ်ဒံးဘၣ်တဖၣ်န့ၣ်, ကကမၢကမၣ်မးဝဲကိးဂၤဒဲး, ဖဲအဝဲသ့ၣ်ကွၢ်တၢ်ဒူတၢ်ဃိၤတဒုန့ၣ်လီၤ. တၢ်ဒူတၢ်ဃိၤအံၤ, တဘျီန့ၣ်အိၣ်မူဝဲ, မ့မ့ၢ်ခဲကနံၣ်အံၤတအိၣ်မူဝဲလၢၤဘၣ်. ဘၣ်ဆၣ်ဒီး, အဝဲဒၣ်ကအိၣ်ဖျါထီၣ်ကဒါက့ၤလီၤ.

လံာ်လီၣ်ဖျါ 19:8

အဝဲဒၣ်ဘၣ်တၢ်ဟ့ၣ်လံအီၤတၢ်ကံးယာ်အလွဲၢ်ဝါလၢအကဆှီ, ဒီးကပြုၢ်ကပြီၤ, လၢအကကူဝဲသိးဝဲအဂီၢ်လီၤ.” (တၢ်ကံးယာ် အလွဲၢ်အဝါန့ၣ်, မ့ၢ်ဝဲကစၢ်ယွၤအပှၤဂီၢ်မုၢ်အတၢ်ဖံးတၢ်မၤအဂ့ၤ အဝါတဖၣ်လီၤ.)

လံာ်လီၣ်ဖျါ 2:11

လၢတၢ်န့ၣ်အဃိနနၢ်မ့ၢ်အိၣ်န့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ် တက့ၢ်. ပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်တတူၢ်ဘၣ် တၢ်မၤဆူးမၤဆါအီၤလၢတၢ်သံခံစုတစုန့ၣ်ဘၣ်.”

လံာ်လီၣ်ဖျါ 2:7

နနၢ်မ့ၢ်အိၣ်ကစီဒီန့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ် တက့ၢ်. ပှၤလၢအဒိးန့ၢ်တၢ်မၤနၢၤတဖၣ်န့ၣ်, ယကဟ့ၣ်အီၤလၢတၢ်အခွဲး အယာ်လၢအကအီၣ်သ့ၣ်မူလၢအမဲထီၣ်ဝဲဒၣ်ဖဲကစၢ်ယွၤ အတၤသၣ်လီၢ်န့ၣ်အသၣ်လီၤ.”

လံာ်လီၣ်ဖျါ 20:12

ဒီးယထံၣ်ဘၣ်ပှၤသံတဖၣ်, အဒိၣ်ဒီးအဆံးစ့ၢ်ကီး, အိၣ်ဆၢထၢၣ်လၢလီၢ်ပစိာ်အမဲာ်ညါန့ၣ်လီၤ. လံာ်တဖၣ် ဘၣ်တၢ်အိးထီၣ်အီၤ, ဒီးအန့ၣ်ဝံၤအလီၢ်ခံလံာ်အဂၤ တဘ့ၣ်ဘၣ်တၢ်အိးထီၣ်အီၤ, လၢအမ့ၢ်လံာ်မူတဘ့ၣ်န့ၣ်လီၤ. ပှၤသံတဖၣ်ဘၣ်တၢ်စံၣ်ညီၣ်အီၤဒ်တၢ်လၢအဝဲသ့ၣ် မၤတ့ၢ်ဝဲ, ဒ်အဘၣ်တၢ်ကွဲးနီၣ်တ့ၢ်အီၤလၢလံာ်တဖၣ် အပူၤအသိးန့ၣ်လီၤ.

လံာ်လီၣ်ဖျါ 20:15

ပှၤတဂၤလၢ်လၢ်လၢအမံၤတအိၣ်ကွဲးအသးလၢလံာ်မူ အပူၤန့ၣ်, ဘၣ်တၢ်တ့ၢ်လီၤကွံာ်အီၤဆူနိၣ်မ့ၣ်အူအပူၤလီၤ.

လံာ်လီၣ်ဖျါ 21:27

ဘၣ်ဆၣ်ဒီးတၢ်လၢအတကဆှီန့ၣ်တနုာ်လီၤဘၣ်ဆူဝ့ၢ်ပူၤနီ တမံၤဘၣ်. ဒ်န့ၣ်အသိး, ပှၤတဂၤလၢ်လၢ်လၢအမၤတၢ်လၢ အလီၤမဲာ်ဆှး, မ့တမ့ၢ်လီတၢ်ဝ့ၤတၢ်န့ၣ်, တနုာ်လီၤဘၣ်ဝဲဘၣ်. ထဲဒၣ်ပှၤတဖၣ်လၢအမံၤအိၣ်ကွဲးအသးလၢသိဖိအလံာ်မူ အပူၤန့ၣ်, ကနုာ်လီၤဘၣ်ဆူဝ့ၢ်အပူၤလီၤ.

လံာ်လီၣ်ဖျါ 22:19

ဒီးပှၤတဂၤဂၤမ့ၢ်ထုးစှၤလီၤတၢ်တမံၤမံၤလၢလံာ်တဘ့ၣ် အံၤအပူၤန့ၣ်, ကစၢ်ယွၤကဟံးထီၣ်ကွံာ်အတၢ်တိာ်ပာ်လၢ အဂီၢ်, ဘၣ်ဃးဒီးသ့ၣ်မူအသၣ်ဒီးဝ့ၢ်စီဆှံလၢအဘၣ် တၢ်ပာ်ဖျါအီၤလၢလံာ်တဘ့ၣ်အံၤအပူၤလီၤ.

လံာ်လီၣ်ဖျါ 3:12

ပှၤလၢအမၤနၢၤတၢ်န့ၣ်, ယကဒုးကဲအီၤဟံၣ်ထူၣ်တထူၣ်လၢယကစၢ်ယွၤအတၢ်လုၢ်ဟံၣ် အပူၤ, ဒီးအဝဲဒၣ်တဟးထီၣ်လၢအပူၤနီတစုဘၣ်လီၤ. လၢအဝဲဒၣ်အလိၤန့ၣ်ယကကွဲးလီၤယကစၢ်ယွၤအမံၤ, ဒီး ယကစၢ်ယွၤအဝ့ၢ်အမံၤ, ဝ့ၢ်ယရူၤၡလ့ၣ်အသီတဖျၢၣ်လၢ အကဟဲလီၤလၢမူခိၣ်လၢယကစၢ်ယွၤအအိၣ်န့ၣ်လီၤ. ယကကွဲးလီၤစ့ၢ်ကီးယမံၤအသီတဖျၢၣ်လၢအဝဲဒၣ်အလိၤန့ၣ်လီၤ.

လံာ်လီၣ်ဖျါ 3:4

ဘၣ်ဆၣ်ဒီး သုဝဲစှၤဂၤဖဲဝ့ၢ်စၢ်ဒံတဖၣ်ပာ်ကဆှီအတၢ်ကူတၢ်သိး တဖၣ်လီၤ. သုကလဲၤတၢ်ဒီးယၤ, အိၣ်ဒီးတၢ်ကူတၢ်သိးအဝါ, အဂ့ၢ်မ့ၢ်လၢသုကြၢးဝဲဘၣ်ဝဲလၢသုကလဲၤသကိးတၢ်ဒီးယၤ အဃိန့ၣ်လီၤ.

လံာ်လီၣ်ဖျါ 6:11

အဝဲသ့ၣ်တဂၤဘၣ်တဂၤဘၣ်တၢ်ဟ့ၣ်အီၤလၢဆ့ကၤဝါဖးထီ တဘ့ၣ်, ဒီးတၢ်စံးဘၣ်အီၤလၢအကအိၣ်ဘှံးဒံးဆူညါတစိၢ် တလီၢ်တုၤလၢတၢ်ခ့တၢ်ပှၤသကိးသကိးအီၤ, ဒီးဒ်အဒီပုၢ်ဝဲၢ်တဖၣ်ဘၣ်တၢ်မၤသံအီၤဒ်အဝဲသ့ၣ်အနီၢ် ကစၢ်ဒၣ်ဝဲဘၣ်တၢ်မၤသံအီၤအသိး, အနီၣ်ဂံၢ်ပှဲၤထီၣ်ဝဲ တစုလီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:25

အဝဲသ့ၣ်စံးလိာ်အသးတဂၤဒီးတဂၤ, “ကွၢ်အီၤတက့ၢ်. ကနၣ်အဝဲတၤတၢ်အတၢ်ကတိၤတက့ၢ်. စီၤပၤစီၤစီလူးအၢၣ်လီၤတၢ်လၢကဟ့ၣ်ခိၣ်ဖးဒိၣ်ဒိၣ်ကလဲာ်ဆူ ပှၤတဂၤလၢအမၤသံအီၤလီၤ. စီၤပၤကဟ့ၣ်အီၤစ့ၢ်ကီးလၢအဖိမုၣ်ဒ်သိးကဖျီအသးဒီးအပၢ် အဒူၣ်ဖိထၢဖိကဘၣ်ဟ့ၣ်တၢ်အခိအသွဲအလီၢ်တအိၣ်ဘၣ်န့ၣ်လီၤ.”