လံာ်လီၣ်ဖျါ 3:20 - Sgaw Karen Common Bible

²⁰ ဒိကနၣ်တက့ၢ်. ယအိၣ်ဆၢထၢၣ်ယဲဖဲတြဲၤအခီၣ်ထံးဒီးဒိ တကျိာ်တၢ်လီၤ. ပှၤတဂၤဂၤမ့ၢ်နၢ်ဟူယကလုၢ်ဒီးအိးထီၣ်တြဲၤန့ၣ်, ယကဟဲနုာ်လီၤလၢအဟံၣ်ပူၤဒီးအီၣ်တၢ်အီတၢ်ဒီးအီၤဒီး အဝဲဒၣ်ကအီၣ်တၢ်အီတၢ်ဒီးယၤလီၤ.

လံာ်လီၣ်ဖျါ 3:20 Iomraidhean Croise

လံာ်မးသဲ 24:33

ဒ်န့ၣ်အသိး, တုၤသုထံၣ်ဘၣ်တၢ်တဖၣ်ခဲလၢာ်အံၤဒီး, သုကသ့ၣ်ညါလၢအကတီၢ်န့ၣ်ဘူးထီၣ်လံ. တၢ်အိၣ်ကတဲာ်ကတီၤအသးလၢတၢ်ကစးထီၣ်မၤအသးန့ၣ်လီၤ.

လံာ်လူၤကၣ် 17:8

တမ့ၢ်လ့ၤတက့ၤဘၣ်. မ့မ့ၢ်သုစံးဘၣ်အီၤ, ‘ကတဲာ်ကတီၤန့ၢ်ယတၢ်အီၣ်ဝံၤဒီး ကံၢ်တူာ်နယီၢ်ဒ့လၢတၢ်ကံးယာ်ဒီးအိၣ်ခိးကွၢ်ထွဲယတၢ်လိၣ်ဖဲ ယအီၣ်တၢ်အဆၢကတီၢ်န့ၣ်တက့ၢ်. အန့ၣ်ဝံၤအလီၢ်ခံနအီၣ်တၢ်သ့ဝဲလီၤ.’

လံာ်ယိၤဟၣ် 10:3

ပှၤပၢၤကျဲစၢၤတဂၤအိးထီၣ်န့ၢ်ကျဲလၢအဂီၢ်ဒီးသိတဖၣ် နၢ်ဟူအကလုၢ်ဖဲအဝဲကိးအသိဒၣ်ဝဲအမံၤတဒုဘၣ်တဒု ဒီးအဝဲဒၣ်ဆှၢထီၣ်အသိတဖၣ်ဆူကရၢၢ်အချၢန့ၣ်လီၤ.

ယၤကိာ် 5:9

ယဒီပုၢ်ဝဲၢ်သ့ၣ်ဧၢ, ဒ်သိးခဲအံၤဒိကနၣ်ယၤတက့ၢ်. ယွၤသုတစံၣ်ညီၣ်သုတဂ့ၤဒီးတဘၣ်ကဒူးကဒ့ၣ်လိာ် သုသးတဂၤဒီးတဂၤတဂ့ၤ. ပှၤစံၣ်ညီၣ်ကွီၢ်အိၣ်ဘူးတ့ၢ်မး, လၢအကအိၣ်ဖျါထီၣ်ဝဲဒၣ်လံ.

လံာ်လီၣ်ဖျါ 19:9

တုၤနုၤတစုကလူးန့ၣ်စံးဘၣ်ယၤ, “ကွဲးလီၤတၢ်အဝဲအံၤတက့ၢ်. ပှၤတဖၣ်လၢအဘၣ်တၢ်ကွဲတ့ၢ်လံအီၤဆူသိဖိအတၢ်တ့တၢ်ဖျီ အမူးပူၤန့ၣ်ဘၣ်ဆိၣ်ဂ့ၤဝဲဒၣ်လီၤ.” ဒီးကလူးန့ၣ်တဲအါထီၣ်ဝဲ, “တၢ်သ့ၣ်တဖၣ်အံၤမ့ၢ်ဝဲကစၢ်ယွၤအကလုၢ်ကထါအမ့ၢ်အတီ တဖၣ်လီၤ.”