လံာ်လီၣ်ဖျါ 3:19 - Sgaw Karen Common Bible

¹⁹ ပှၤလၢယအဲၣ်န့ၣ်, ယသိၣ်ဃီၣ်သီဃီၣ်, ဒီးစံၣ်ညီၣ်အီၤကိးဂၤဒဲးလီၤ. လၢတၢ်န့ၣ်အဃိ, ပာ်နသးသပှၢ်ပှၢ်, ဒီးဃၣ်ကွံာ်လၢနတၢ်ဒဲးတူာ်ဒဲးဘးတဖၣ်န့ၣ်တက့ၢ်.

လံာ်လီၣ်ဖျါ 3:19 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:14

ယကမ့ၢ်အဝဲအပၢ်, ဒီးအဝဲကမ့ၢ်ယဖိခွါလီၤ. ဖဲအဝဲမၤကမၣ်တၢ်န့ၣ်ယကစံၣ်ညီၣ်အီၤဒ်ပၢ်တဂၤစံၣ်ညီၣ်အဖိခွါ အသိးန့ၣ်လီၤ.

လံာ်စီၤယိၤဘး 5:17

ပှၤလၢကစၢ်ယွၤသိၣ်က့ၤသီက့ၤအီၤန့ၣ်ဘၣ်ဆိၣ်ဂ့ၤဝဲလီၤ. ဒီးတုၤသ့တၢ်လၢာ်ကစၢ်ယွၤသိၣ်ဃီၣ်နၤန့ၣ်သူၣ်ဒိၣ်သးဖျိးတ ဂ့ၤ.

စံးထီၣ်ပတြၢၤ 39:11

နသိၣ်ဃီၣ်ပှၤကညီအတၢ်ဒဲးဘးတဖၣ်လၢ နတၢ်သိၣ်က့ၤသီက့ၤ ဒီးတၢ်လၢအဝဲသ့ၣ်အဲၣ်ဝဲတဖၣ်န့ၣ်, နမၤဟးဂီၤကွံာ်ဒ် တၢ်အဃၢ်မၤဟးဂီၤတၢ်အသိးန့ၣ်လီၤ. ပှၤကိးဂၤဒဲးအတၢ်အိၣ်မူန့ၣ်, မ့ၢ်ဒၣ်တၢ်သါတဘီဧိၤန့ၣ်လီၤ. စ့လၤ

စံးထီၣ်ပတြၢၤ 6:1

ယွၤဧၢ, သိၣ်ဃီၣ်ယၤလၢနတၢ်သးဒိၣ်အပူၤတဂ့ၤ, ဒီးစံၣ်ညီၣ်ဃၣ်ယၤလၢနတၢ်သးကဲၤထီၣ် အပူၤန့ၣ်တဂ့ၤ.

စံးထီၣ်ပတြၢၤ 69:9

အဂ့ၢ်ဒ်အံၤ, ယတၢ်သးဆူၣ်လၢနဟံၣ်အဂီၢ်န့ၣ် အီၣ်ကွံာ်ယၤဒ်မ့ၣ်အူအသိး ဒီးပှၤအတၢ်ဒုၣ်ဒွဲၣ်နၤန့ၣ် လီၤဘၣ်လၢယလိၤလီၤ.

စံးထီၣ်ပတြၢၤ 94:10

ပှၤလၢအသိၣ်က့ၤသီက့ၤပှၤကလုာ်တဖၣ်န့ၣ်, မ့ၢ်တစံၣ်ညီၣ်အဝဲသ့ၣ်ဘၣ်ဧါ. ပှၤလၢအသိၣ်လိပှၤကညီတဂၤ, န့ၣ်အတၢ်သ့ၣ်ညါတအိၣ်နီတမံၤဘၣ်ဧါ.

တၢ်ကတိၤဒိ. 15:10

နမ့ၢ်မၤတၢ်လၢအကမၣ်ဒီး, နကဘၣ်တၢ်စံၣ်ညီၣ်နၤဆါဆါကလဲာ်လီၤ. နမ့ၢ်တပျဲတၢ်သိၣ်က့ၤသီက့ၤနၤဘၣ်ဒီး, နကသံလီၤ.

တၢ်ကတိၤဒိ. 15:32

နမ့ၢ်တအဲၣ်ဒိးမၤလိမၤဒိးတၢ်ဘၣ်ဒီး, နမၤဘၣ်ဒိဆါလီၤနသးဒၣ်နဲလီၤ. နမ့ၢ်တူၢ်လိာ်တၢ်သိၣ်က့ၤသီက့ၤနၤဒီး, နကကဲထီၣ်ပှၤကူၣ်သ့ဂ့ၤန့ၣ်အလီၢ်တက့ၢ်လီၤ.

တၢ်ကတိၤဒိ. 22:15

ဖိလံၤတဖၣ်ညီနူၢ်လိာ်မၢးအသးဒီးမၤတၢ်နါစံၢ်နါစိၤတဖၣ်လီၤ. ဘၣ်ဆၣ်ဒီးတၢ်သိၣ်ဃီၣ်အနီၣ်တီၢ်တဘိကသိၣ်လိအဝဲသ့ၣ်လၢကဘၣ်အိၣ် မူပာ်သူၣ်ပာ်သးဒ်လဲၣ်ဒ်လဲၣ်န့ၣ်လီၤ.

လံာ်ယၡါယၤ 26:16

နစံၣ်ညီၣ်နပှၤဂီၢ်မုၢ်, ယွၤဧၢ, ဒီးလၢတၢ်သးကိၢ်သးဂီၤအပူၤ အဝဲသ့ၣ်ဘါထုကဖၣ်တၢ်ဆူနအိၣ်လီၤ.

လံာ်ယံးရမံယၤ 10:24

ယွၤဧၢ, ဘှီဂ့ၤဘှီဘၣ်နပှၤဂီၢ်မုၢ်တက့ၢ်. ဘၣ်ဆၣ်ဒီးတဘၣ်မၤပှၤဆူၣ်ဆူၣ်ကိၤကိၤမ့ၢ်ဂ့ၤ, စံၣ်ညီၣ်ပှၤမ့ၢ်ဂ့ၤဖဲနသးဒိၣ်ထီၣ်အခါတဂ့ၤ. တၢ်န့ၣ်ကမ့ၢ်ဘၣ်ဖုးတၢ်အကတၢၢ်လၢပဂီၢ်လီၤ.

လံာ်ယံးရမံယၤ 2:30

ယစံၣ်ညီၣ်နၤ, ဘၣ်ဆၣ်တမၤဂ့ၤနၤနီတမံၤဘၣ်. နတပျဲယၤလၢ ယကဘှီဘၣ်က့ၤနၤဘၣ်. ဒ်ခ့ယုၢ်တဒုသးဒိၣ်တပျုာ်တပျီၤအသိးန့ၣ်, နမၤသံတ့ၢ်နဝံတဖၣ်န့ၣ်လီၤ.

လံာ်ယံးရမံယၤ 30:11

ယကဟဲဆူသုအိၣ်ဒီး အုၣ်က့ၤခီၣ်က့ၤသုန့ၣ်လီၤ. ယတမၤဟးဂီၤကွံာ်သုဘၣ်. ယတပျဲပူၤသုလၢ တၢ်စံၣ်ညီၣ်ဘၣ်. ဘၣ်ဆၣ်ဖဲယစံၣ်ညီၣ်သုန့ၣ်, ယကမၤအီၤဖဲ အတီအဘၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 31:18

ယနၢ်ဟူ ကီၢ်အံၣ်စရ့လး အပှၤဂီၢ်မုၢ် စံးကတိၤတၢ်လၢ တၢ်သူၣ်အုးသးအုးအပူၤ စံးဝဲ, ‘ယွၤဧၢ, ပလီၤဂာ်ဒီး ဆၣ်ဖိကီၢ်ဖိတဒုလၢတၢ်တမၤဘှါအီၤဘၣ်, ဘၣ်ဆၣ်ဒီး နသိၣ်လိတ့ၢ်ပှၤလၢ ပကစူၢ်တၢ်န့ၣ်လီၤ. ဟဲက့ၤစိာ်ကဒါက့ၤ ပှၤတက့ၢ်. ပအိၣ်ကတဲာ် ကတီၤလံပသးလၢ ပကဟဲက့ၤကဒါက့ၤဆူ နအိၣ်လံ, ယွၤပကစၢ်ယွၤဧၢ.

လံာ်ယံးရမံယၤ 7:28

နကတဲဘၣ်အဝဲသ့ၣ်လၢအဝဲသ့ၣ်အပှၤကလုာ်တစူၢ်ယၤ, ယွၤ, အဝဲသ့ၣ်အကစၢ်ယွၤမ့ၢ်ဂ့ၤ, တမၤလိန့ၢ်တၢ်လၢတၢ်စံၣ်ညီၣ်လၢအဘၣ်အီၤမ့ၢ်ဂ့ၤန့ၣ်လီၤ. တၢ်သူၣ်ထီသးရၤသံလံဝဲလံ. တၢ်တကတိၤလၢအဂ့ၢ်ဒၣ်လဲာ်လၢၤဘၣ်.

လံာ်စဖါနယၤ 3:2

တဒိကနၣ်တ့ၢ်ဘၣ်ယွၤမ့ၢ်ဂ့ၤ, တတူၢ်လိာ်တ့ၢ် အတၢ်သိၣ်တၢ်ဘျၢမ့ၢ်ဂ့ၤန့ၣ်ဘၣ်. တပာ်ဘၣ်အတၢ်နာ်လၢယွၤမ့ၢ်ဂ့ၤ, ဃ့အတၢ်မၤစၢၤမ့ၢ်ဂ့ၤန့ၣ်ဘၣ်.

လံာ်မးသဲ 25:7

တုၤနုၤတစု, မုၣ်ကနီၤဆံဆဲၣ်ဂၤန့ၣ်ပၢၢ်ထီၣ်ဒီးမၤဂ့ၤထီၣ် အမ့ၣ်အူဒၢတဖၣ်လီၤ.

လံာ်ယိၤဟၣ် 2:17

အပျဲၢ်အဘီၣ်တဖၣ်သ့ၣ်နီၣ်ထီၣ်ယွၤအကလုၢ်ကထါ လၢအစံးဝဲ, “ကစၢ်ယွၤဧၢ, ယတၢ်သးဆူၣ်လၢနဟံၣ် အဂီၢ်န့ၣ်, အီၣ်ဂီၤကွံာ်လံယၤလံ” (စံး. ၆၉:၉).

ရိမ့ၤ 12:11

မၤတၢ်ဆူၣ်ဆူၣ်ဒီးတဘၣ်ကၢၣ်တဂ့ၤ. မၤကစၢ်အတၢ်မၤလၢသးလၢအပှဲၤဒီးတၢ်အဲၣ်တၢ်ကွံ ဒီးတၢ်ဟ့ၣ်လီၤသးန့ၣ်တက့ၢ်.

1 ကရံၣ်သူး 11:32

ဘၣ်ဆၣ်ဒီးပဘၣ်တၢ်စံၣ်ညီၣ်ဒီးသိၣ်ဃီၣ်ပှၤလၢကစၢ်, ဒ်သိးပသုတဘၣ်တၢ်စံၣ်ညီၣ်ဃုာ်ပှၤတပူၤဃီဒီးဟီၣ်ခိၣ် တဂ့ၤအဂီၢ်န့ၣ်လီၤ.

၂ ကရံၣ်သူး 6:9

ပဘၣ်တၢ်ပာ်ပှၤဒ်ပှၤလၢတၢ်တသ့ၣ်ညါအီၤ, ဘၣ်ဆၣ်ဒီးပဘၣ်တၢ်သ့ၣ်ညါပှၤလၢပှၤကိးဂၤဒဲးလီၤ. တၢ်ပာ်ပှၤဒ်ပသံအသိး, ဘၣ်ဆၣ်ဒီးဒ်သုထံၣ်သုဝဲအသိး, ပမူပဝဲဆူညါလီၤ. တၢ်စံၣ်ညီၣ်ပှၤဘၣ်ဆၣ်ဒီးပတဘၣ် တၢ်မၤသံပှၤဘၣ်.

၂ ကရံၣ်သူး 7:11

သုတၢ်သးအုးတမံၤအံၤကစၢ်ယွၤမၤအီၤဒ်လဲၣ်န့ၣ်ကွၢ် တက့ၢ်. ဒုးကဲထီၣ်မးသုလၢပှၤပာ်အသးသပှၢ်ပှၢ်ဒ်လဲၣ်. ဒီးအုၣ်အသးလၢသုတၢ်ကမၣ်တအိၣ်ဘၣ်ဒ်လဲၣ်န့ၣ်လီၤ. ဟ့ၣ်သုတၢ်သူၣ်ဒိၣ်သးဖျိးဒ်သိးအံၤ, တၢ်မၤပျံၤမၤဖုးတၢ်ဒ် သိးအံၤ, တၢ်ပာ်သူၣ်ပာ်သးဒ်သိးအံၤတဖၣ်, တၢ်ဘူၣ် ယွၤဘါယွၤလၢ တၢ်သူၣ်တီသးရၤအပူၤဒ်သိးအံၤ, တၢ်အိၣ် ကတဲာ်ကတီၤသးလၢ ကစံၣ်ညီၣ်တၢ်မၤကမၣ် တၢ်ဒ်သိးအံၤန့ၣ်လီၤ. လၢတၢ်ခဲလၢာ်ခဲဆ့အပူၤန့ၣ် သုပာ်ဖျါထီၣ်သုသးဒ်ပှၤလၢအတၢ်ကမၣ်တအိၣ် ဘၣ်လီၤ.

ကလၤတံ 4:18

ဒီးခဲကနံၣ်အံၤတၢ်တိာ်ပာ်မ့ၢ်ဂ့ၤဒီး, တၢ်အိၣ်ဒီးတၢ်သးအိၣ်အဒိၣ်အယိာ်ဒ်သိးအံၤမ့ၢ်တၢ်လၢ အဂ့ၤလီၤ. အဝဲအံၤမ့ၢ်ဝဲတီဝဲထီဘိဒီးတမ့ၢ်ထဲလၢယအိၣ်ဒီး သုအခါဧိၤဘၣ်.

လံာ်သိၣ်လီၤသီလီၤတၢ် 8:5

သ့ၣ်နီၣ်လၢယွၤ, သုကစၢ်ယွၤဘှီက့ၤဒီးစံၣ်ညီၣ်သုဒ်ပၢ်တဂၤ သိၣ်သီကတိၤအဖိတဖၣ်အသိးန့ၣ်တက့ၢ်.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

ယၤကိာ် 1:12

ပှၤလၢအအိၣ်ဂၢၢ်ဆိးကျၢၤဖဲအဘၣ်တၢ်မၤကွၢ်အီၤ အခါန့ၣ်, ဘၣ်ဆိၣ်ဂ့ၤဝဲလီၤ. အဂ့ၢ်ဒ်အံၤ, ဖဲအဝဲမၤနၢၤတၢ်မၤကွၢ်ဒ်အံၤအသိးန့ၣ်, အဝဲကဒိးန့ၢ်ဘၣ်ခိၣ်ဖးလၢအမ့ၢ်တၢ်မူလၢကစၢ်ယွၤ အၢၣ်လီၤတ့ၢ်လၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

လံာ်လီၣ်ဖျါ 2:5

နလီၤဃံၤတ့ၢ်လံနဲဆံးအါလဲၣ်န့ၣ်ကွၢ်ဆိကမိၣ်တက့ၢ်. ဃၣ်ကွံာ်လၢနတၢ်ဒဲးဘးဒီးမၤတၢ်လၢနမၤတ့ၢ်လံနဲလၢ အပူၤကွံာ်န့ၣ်တက့ၢ်. နမ့ၢ်တဃၣ်ကွံာ်လၢနတၢ်ဒဲးဘးဒီးပီၢ်ယၢ်လီၤက့ၤနသးဘၣ်န့ၣ်, ယကဟဲဆူနအိၣ်ဒီးထုးထီၣ်ကွံာ်မ့ၣ်အူဒၢလၢအလီၢ်န့ၣ်လီၤ.