လံာ်လီၣ်ဖျါ 3:18 - Sgaw Karen Common Bible

¹⁸ လၢတၢ်န့ၣ်အဃိယဟ့ၣ်ကူၣ်နၤလၢနကပှ့ၤန့ၢ်ထူလၢယအိၣ်, ထူလၢအဘၣ်တၢ်ပှံၢ်စီအီၤ, ဒ်သိးနကထူးကတီၤအဂီၢ်လီၤ. ပှ့ၤစ့ၢ်ကီးတၢ်ကူတၢ်ကၤအဝါလၢနကကူသိးအဂီၢ်ဒ်သိးနကမၤ ဘၢနတၢ်အိၣ်ဘ့ၣ်ဆ့လၢအလီၤမဲာ်ဆှးန့ၣ်တက့ၢ်. ပှ့ၤစ့ၢ်ကီးနဲမဲာ်ချံအကသံၣ်ဒ်သိးနကဒၢနုာ်လၢနမဲာ်ချံ အပူၤလၢနကထံၣ်တၢ်အဂီၢ်န့ၣ်တက့ၢ်.

လံာ်လီၣ်ဖျါ 3:18 Iomraidhean Croise

စံးထီၣ်ပတြၢၤ 107:11

အဂ့ၢ်ဒ်အံၤအဝဲသ့ၣ်ပူထီၣ်ကစၢ်ယွၤအကလုၢ်ကထါ, ဒီးညိကွံာ်တၢ်ထီကတၢၢ်တဂၤ အတၢ်ဟ့ၣ်ကူၣ်န့ၣ်လီၤ.

စံးထီၣ်ပတြၢၤ 16:7

ယစံးထီၣ်ပတြၢၤယွၤ, မ့ၢ်လၢအဝဲဒၣ်နဲၣ်လိယၤအဃိလီၤ. ဒီးလၢမုၢ်နၤန့ၣ်, ယသးလၢအသ့ၣ်ညါဒၣ်တၢ် ဟ့ၣ်ပလီၢ်ယၤလီၤ.

စံးထီၣ်ပတြၢၤ 32:8

ယွၤစံးဝဲ, “ယကသိၣ်လိနၤကျဲလၢနကြၢးလဲၤ, ယကနဲၣ်လိဒီးဟ့ၣ်ကူၣ်ဟ့ၣ်ဖးနၤလီၤ.

စံးထီၣ်ပတြၢၤ 73:24

နဆှၢယၤလၢနတၢ်ကူၣ်ထီၣ်ဖးလီၤ ဒီးလၢခံက့ၤနကတူၢ်လိာ်ယၤလၢ တၢ်လၤတၢ်ကပီၤန့ၣ်လီၤ.

တၢ်ကတိၤဒိ. 1:25

သုညိကွံာ်တ့ၢ်ယတၢ်ဟ့ၣ်ကူၣ်ခဲလၢာ်, ဒီးယကဘှီဂ့ၤဘှီဘၣ်သု န့ၣ်သုတသူၣ်အိၣ်သးအိၣ်ပျဲယၤဘၣ်.

တၢ်ကတိၤဒိ. 1:30

သုတသးလီတ့ၢ်ယတၢ်ဟ့ၣ်ကူၣ်နီတစုဒီးတပာ်ကဲတ့ၢ်ယတၢ်ဘှီဂ့ၤ ဘှီဘၣ်သုနီတမံၤဘၣ်န့ၣ်လီၤ.

တၢ်ကတိၤဒိ. 19:20

နမ့ၢ်ဒိကနၣ်တၢ်ဟ့ၣ်ကူၣ်ဟ့ၣ်ဖးဒီးသးအိၣ်မၤလိတၢ်န့ၣ်တနံၤ န့ၣ်နကမ့ၢ်ပှၤကူၣ်တၢ်သ့လီၤ.

တၢ်ကတိၤဒိ. 23:23

တၢ်မ့ၢ်တၢ်တီ, တၢ်ကူၣ်သ့, တၢ်မၤလိမၤဒိး, တၢ်သ့ၣ်ညါတၢ်ဂ့ၤ, တၢ်သ့ၣ်တဖၣ်အံၤကၢကီၣ်ဝဲလၢတၢ်ကဟ့ၣ် အပှ့ၤလၢတၢ်မၤန့ၢ်အီၤအဂီၢ်လီၤ. ဘၣ်ဆၣ်လုၢ်ဒိၣ်ပှ့ၤဒိၣ်ကဲၣ်ဆိးလၢနကဆါကွံာ်အီၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 8:2

မၤတၢ်လၢစီၤပၤစံးဘၣ်နၤတက့ၢ်. ဒီးမၤတၢ်အၢၣ်လီၤတဖၣ်ချ့ ဒံးချ့ဒူးဒီးကစၢ်ယွၤတဂ့ၤ.

လံာ်ယၡါယၤ 47:3

ပှၤကထံၣ်လၢနအိၣ်ဘ့ၣ်ဆ့လီၤ. အဝဲသ့ၣ်ကထံၣ်နဘၣ်တၢ်ဆီၣ်လီၤနၤဒီး တၢ်မၤမဲာ်ဆှးနၤလီၤ. ယကဟ့ၣ်ကၣ်တၢ်ဒီးပှၤကဆိကတီၢ်ယၤ တအိၣ်နီတဂၤဘၣ်.”

လံာ်ယၡါယၤ 55:1

ယွၤစံးဝဲ, “ဟဲ, ကယဲၢ်ပှၤလၢတၢ်သူအသးလၢထံသ့ၣ်ဧၢ, ထံအိၣ်ဖဲအံၤလီၤ. ဟဲ, သုဝဲလၢအကျိၣ်အစ့တအိၣ်တဖၣ်ဧၢ, ပှ့ၤဘုခ့ဒီးအီၣ်အီတက့ၢ်. ဟဲ, ပှ့ၤစပံးထံဒီးတၢ်နုၢ်ထံတက့ၢ်. လၢသုဂီၢ်န့ၣ်, တၢ်အပှ့ၤတအိၣ်ဝဲနီတမံၤဘၣ်.

လံာ်ယံးရမံယၤ 13:26

ယွၤအကစၢ်ဒၣ်ဝဲကဘ့ၣ်ကွံာ်နကူနကၤတဖၣ်ဒီးပာ်ဖျါနတၢ် အိၣ်ဘ့ၣ်ဆ့လၢနတၢ်မၤမဲာ်ဆှးနၤအဂီၢ်န့ၣ်လီၤ.

လံာ်ဒၤနံးယ့လး 12:2

ဒီးပှၤအါဂၤလၢအသံတ့ၢ်လံတဖၣ်ကမူထီၣ်က့ၤဝဲ, တနီၤဆူတၢ်မူအထူအယိာ်ဒီးတနီၤဆူတၢ်မဲာ်ဆှးဒီးတၢ်လီၤ သးဘၣ်အၢအထူအယိာ်န့ၣ်လီၤ.

လံာ်မံကၤ 1:11

ပှၤဂီၢ်မုၢ်လၢဝ့ၢ်ၡၤဖံၣ်ဧၢ, လဲၤဆူတၢ်စိာ်မၢကဲကုၢ်အပူၤလၢတၢ်အိၣ်ဘ့ၣ်ဆ့ဒီးတၢ်မဲာ်ဆှးတက့ၢ်. ပှၤတဖၣ်လၢအအိၣ်ဝဲဆိးဝဲလၢဝ့ၢ်စၤနၣ်အပူၤန့ၣ်ဟဲထီၣ်ဆူဝ့ၢ်အချၢ တဘူၣ်ဘၣ်. ဖဲသုနၢ်ဟူဝ့ၢ်ဘ့ၤစသ့လးအပှၤဂီၢ်မုၢ်ဟီၣ်တၢ်ယၢၤ တၢ်န့ၣ်, သုကသ့ၣ်ညါလၢတၢ်ပူၤဖျဲးအလီၢ်တအိၣ်ဘၣ်ဖဲန့ၣ်ဘၣ်.

လံာ်နၤဃူၣ် 3:5

ယွၤသ့တၢ်လၢာ်စံးဝဲဒၣ်, “ဝ့ၢ်နံၤနဝ့ဧၢ, ယကစံၣ်ညီၣ်နၤလီၤ. ယကမၤအိၣ်ဘ့ၣ်ဆ့နၤ ဒီးပျဲပှၤကလုာ်တဖၣ်ကွၢ်နၤ ဒီးထံၣ်နၤလၢနတၢ်မဲာ်ဆှးခဲလၢာ်အပူၤန့ၣ်လီၤ.

လံာ်မၤလကံ 3:3

ဒီးကဟဲဝဲဒ်သိးကစံၣ်ညီၣ်တၢ်လီၤဂာ်ဒီးပှၤတဂၤလၢအမၤ စီဒီးမၤကဆှီထီၣ်စ့န့ၣ်လီၤ. ဒ်ပှၤသိတၢ်ဖိတဂၤမၤကဆှီထီၣ်စ့ ဒီးထူအသိးန့ၣ်, ယွၤအပှၤစိာ်တၢ်ကစီၣ်ကမၤကဆှီထီၣ်ပှၤလုၢ်တၢ် အခိၣ်တဖၣ်, ဒ်သိးအဝဲသ့ၣ်ကဟဲစိာ်တၢ်လုၢ်လၢအဘၣ် ဆူယွၤအအိၣ်န့ၣ်လီၤ.

လံာ်မးသဲ 13:44

မူခိၣ်အဘီအမုၢ်န့ၣ်လီၤဂာ်ဒီးတၢ်လုၢ်ဒိၣ်ပှ့ၤဒိၣ်လၢ အဘၣ်တၢ်ပာ်ခူသူၣ်အီၤလၢစံာ်ပျီတဘ့ၣ်အပူၤလီၤ. ပှၤလၢအထံၣ်န့ၢ်ဝဲတဂၤန့ၣ်, မၤဘံၣ်မၤဘၢအီၤဝံၤဒီး လၢတၢ်သးခုအပူၤ, လဲၤဒီးဆါကွံာ်တၢ်လၢအအိၣ်ဒီးအီၤခဲ လၢာ်, ဒီးဟဲက့ၤပှ့ၤစံာ်ပျီအဝဲန့ၣ်လီၤ.

လံာ်မးသဲ 25:9

ပှၤအသူၣ်ဆးအသးဆးတဖၣ်စံးဆၢဝဲ, ‘တသ့ဘၣ်. ပသိတအိၣ်လၢအိၣ်လီၣ်လၢသုဂီၢ်ဒီးပဂီၢ်ဘၣ်. လဲၤဆူတၢ်ဆါတၢ်ပှ့ၤအကျးဒီးပှ့ၤန့ၢ်သိလၢ သုဂီၢ်ဒၣ်သုဝဲတက့ၢ်.’

လံာ်လူၤကၣ် 12:21

ဒီးယ့ၣ်ၡူးမၤကတၢၢ်အတၢ်ကတိၤဒီးစံးဝဲ, “ပှၤလၢအဂၢ်ဖှိၣ်တၢ်ထူးတၢ်တီၤအါအါဂီၢ်ဂီၢ်လၢ အနီၢ်ကစၢ်ဒၣ်ဝဲအဂီၢ်, ဘၣ်ဆၣ်ဒီးတထူးဝဲတီၤဝဲလၢကစၢ် ယွၤအမဲာ်ညါဘၣ်န့ၣ်, တၢ်ကမၤအသးဒီးအီၤဒ်အံၤလီၤ.”

၂ ကရံၣ်သူး 5:3

ခီဖျိပကူပသိးထီၣ်အီၤန့ၣ်, တၢ်ကထံၣ်ပှၤလၢပတအိၣ် ဘ့ၣ်ဆ့ဘၣ်လီၤ.

၂ ကရံၣ်သူး 8:9

သုသ့ၣ်ညါပကစၢ်ယ့ၣ်ၡူးခရံာ်အဘျုးအဖှိၣ်လီၤ. အဝဲဒၣ်ထူးတီၤဆံးအါသနာ်က့, လၢသုဃိ, လၢသုဂီၢ်အဝဲဒၣ်မၤဖှီၣ်လီၤအသးဒ်သိးအကဒုး ထူးထီၣ်တီၤထီၣ်သုခီဖျိအဝဲအတၢ်ဖှီၣ်တၢ်ယာ်န့ၣ်လီၤ.

၁ တံၤမသ့း 6:18

မၤလိာ်အဝဲသ့ၣ်လၢကမၤတၢ်ဂ့ၤ, ကထူးထီၣ်တီၤထီၣ်လၢတၢ်မၤဂ့ၤ တဖၣ်, ကဟ့ၣ်ညီတၢ်ဒီးအိၣ်ကတဲာ်ကတီၤအသးလၢကဟ့ၣ်နီၤ တၢ်လၢပှၤဂၤတဖၣ်အဂီၢ်န့ၣ်တက့ၢ်.

ယၤကိာ် 2:5

ယဒီပုၢ်ဝဲၢ်သးဘိသ့ၣ်ဧၢ, ဒိကနၣ်တက့ၢ်. ကစၢ်ယွၤဃုထၢပှၤအဖှီၣ်လၢဟီၣ်ခိၣ်အံၤဒ်သိး ကထူးဝဲတီၤဝဲလၢတၢ်စူၢ်တၢ်နာ်ဒီးမၤန့ၢ်ဘီမုၢ်လၢ အအၢၣ်လီၤတ့ၢ်ဝဲလၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

၁ ပ့းတရူး 1:7

အဝဲသ့ၣ်အတၢ်တိာ်မ့ၢ်ဒ်သိးကပာ်ဖျါတၢ်အုၣ်အသးလၢ သုတၢ်စူၢ်တၢ်နာ်မ့ၢ်တၢ်နီၢ်နီၢ်အဂီၢ်န့ၣ်လီၤ. ထူလၢတၢ်မၤဟးဂီၤအီၤသ့ဒၣ်လဲာ်န့ၣ်, ဘၣ်တၢ်မၤကွၢ် အီၤလၢမ့ၣ်အူလီၤ. လၢတၢ်န့ၣ်အဃိ, သုတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်, ဒိၣ်န့ၢ်ဒံးထူန့ၣ်, ကဘၣ်တၢ်မၤကွၢ်စ့ၢ်ကီးအီၤဒ်သိးကအိၣ်ဂၢၢ်ကျၢၤဝဲ အဂီၢ်လီၤ. အန့ၣ်ဒီးသုကဒိးန့ၢ်တၢ်စံးထီၣ်ပတြၢၤ, တၢ်ယူးယီၣ်, ဒီးတၢ်လၤကပီၤလၢမုၢ်နံၤဖဲယ့ၣ်ၡူးခရံာ် ဘၣ်တၢ်လီၣ်ဖျါထီၣ်အီၤန့ၣ်လီၤ.

လံာ်လီၣ်ဖျါ 16:15

“ဒိကနၣ်တက့ၢ်. ယဟဲယဲဒ်တၢ်ဘျၣ်တဂၤအသိးလီၤ. ပှၤတဂၤလၢအိၣ်စီၣ်မဲာ်စီၣ်နါဒီးကတီၤဃာ်အတၢ်ကူတၢ်သိး တဖၣ်ဒ်သိးအဝဲအသုတဟးဝ့ၤဝီၤအိၣ်ဘ့ၣ်ဆ့ဒီးမဲာ်ဆှး ဘၣ်လၢပှၤဂီၢ်မုၢ်ဂီၢ်ပၤအမဲာ်ညါတဂ့ၤအဂီၢ်န့ၣ်ဘၣ်ဆိၣ်ဂ့ၤဝဲလီၤ.”

လံာ်လီၣ်ဖျါ 19:8

အဝဲဒၣ်ဘၣ်တၢ်ဟ့ၣ်လံအီၤတၢ်ကံးယာ်အလွဲၢ်ဝါလၢအကဆှီ, ဒီးကပြုၢ်ကပြီၤ, လၢအကကူဝဲသိးဝဲအဂီၢ်လီၤ.” (တၢ်ကံးယာ် အလွဲၢ်အဝါန့ၣ်, မ့ၢ်ဝဲကစၢ်ယွၤအပှၤဂီၢ်မုၢ်အတၢ်ဖံးတၢ်မၤအဂ့ၤ အဝါတဖၣ်လီၤ.)

လံာ်လီၣ်ဖျါ 2:9

ယသ့ၣ်ညါနတၢ်ကီတၢ်ခဲတဖၣ်လီၤ, ယသ့ၣ်ညါလၢနဖှီၣ် နယာ်, ဘၣ်ဆၣ်ဒီးနီၢ်နီၢ်တခီနထူးနတီၤလီၤ. ယသ့ၣ်ညါပှၤသ့ၣ်တဖၣ်လၢအစံးလီၤအသးလၢအမ့ၢ်ပှၤ ယူဒၤဖိဘၣ်ဆၣ်တမ့ၢ်ဘၣ်တဖၣ်, အတၢ်စံးအၢစံးသီနၤ တဖၣ်လီၤ. အဝဲသ့ၣ်မ့ၢ်ပှၤတဖုတကရၢလၢအဘၣ်ဃးဒီး မုၣ်ကီၤလံၢ်န့ၣ်လီၤ.

လံာ်လီၣ်ဖျါ 3:17

နစံးနဲ, ‘ယထူးယတီၤဒီးယတၢ်စုလီၢ်ခီၣ်ခိၣ်တဖၣ် အါထီၣ်ဂီၢ်ထီၣ်ဝဲဒၣ်ဒိၣ်ဒိၣ်အါအါလီၤ. ယအိၣ်ဒီးတၢ်လၢယလိၣ်ဘၣ်အီၤခဲလၢာ်လံ.’ ဘၣ်ဆၣ်ဒီး, နဘၣ်ဖှီၣ်ဘၣ်ယာ်, ဒီးနလီၤသးကညီၤနဲဆံးအါန့ၣ်နတသ့ၣ်ညါ နဲဘၣ်. နဖှီၣ်နယာ်, နအိၣ်ဘ့ၣ်ဆ့ဒီးနမဲာ်ဘျီၣ်လီၤ.

လံာ်လီၣ်ဖျါ 4:4

ဝးတရံးလီၢ်ပစိာ်န့ၣ်, လီၢ်ပစိာ်အဂၤခံဆံလွံၢ်ဖျၢၣ်အိၣ်ကဝီၤ ဃာ်အီၤဝးကဝီၤကျီၤ, ဒီးလၢအဝဲသ့ၣ်အလိၤန့ၣ်, ပှၤသူၣ်က့သးပှၢ်အိၣ်ဆ့ၣ်နီၤဝဲဒၣ်ခံဆံလွံၢ်ဂၤလၢ အကူဝဲသိးဝဲလၢတၢ်ဝါဒီးကုာ်ဃာ်ခိၣ်သလုးထူတဖၣ် န့ၣ်လီၤ.

လံာ်လီၣ်ဖျါ 7:13

ပှၤသူၣ်က့သးပှၢ်အကျါတဂၤသံကွၢ်ယၤ, “ပှၤသ့ၣ်တဖၣ်အံၤလၢအကူအသိးဆ့ကၤဖးထီ အဝါန့ၣ်, မ့ၢ်မတၤတဖၣ်လဲၣ်, ဒီးအဝဲသ့ၣ်ဟဲလၢလဲၣ်.”