လံာ်လီၣ်ဖျါ 3:12 - Sgaw Karen Common Bible

¹² ပှၤလၢအမၤနၢၤတၢ်န့ၣ်, ယကဒုးကဲအီၤဟံၣ်ထူၣ်တထူၣ်လၢယကစၢ်ယွၤအတၢ်လုၢ်ဟံၣ် အပူၤ, ဒီးအဝဲဒၣ်တဟးထီၣ်လၢအပူၤနီတစုဘၣ်လီၤ. လၢအဝဲဒၣ်အလိၤန့ၣ်ယကကွဲးလီၤယကစၢ်ယွၤအမံၤ, ဒီး ယကစၢ်ယွၤအဝ့ၢ်အမံၤ, ဝ့ၢ်ယရူၤၡလ့ၣ်အသီတဖျၢၣ်လၢ အကဟဲလီၤလၢမူခိၣ်လၢယကစၢ်ယွၤအအိၣ်န့ၣ်လီၤ. ယကကွဲးလီၤစ့ၢ်ကီးယမံၤအသီတဖျၢၣ်လၢအဝဲဒၣ်အလိၤန့ၣ်လီၤ.

လံာ်လီၣ်ဖျါ 3:12 Iomraidhean Croise

လံာ်စီၤပၤအခီၣ်ထံးတဘ့ၣ် 7:21

စီၤဃူရံၣ်အဘံပာ်လီၤထူၣ်တိၢ်ဘီခံထူၣ်အံၤလၢယွၤအတၢ်လုၢ်ဟံၣ် အကျဲစၢၤအမဲာ်ညါန့ၣ်လီၤ. ထူၣ်လၢအအိၣ်လၢကလံၤထံးတထူၣ်န့ၣ်ယုၢ်ဝဲအမံၤလၢယၤကံၣ်ဒီး ထူၣ်လၢအအိၣ်လၢကလံၤစိးတထူၣ်န့ၣ်ယုၢ်ဝဲအမံၤလၢဘိၤဧးလီၤ.

စံးထီၣ်ပတြၢၤ 46:4

ထံကျိလၢအအိၣ်ဒီးအထံဖးဒ့ဖိသ့ၣ်တဖၣ်န့ၣ် မၤသးခုကစၢ်ယွၤအဝ့ၢ်, တၢ်ထီကတၢၢ်တဂၤ အတၢ်အိၣ်တၢ်ဆိးအလီၢ်စီဆှံန့ၣ်လီၤ.

စံးထီၣ်ပတြၢၤ 48:8

ပနၢ်ဟူတ့ၢ်တၢ်လၢကစၢ်ယွၤမၤဝဲ, ဒီးပထံၣ်တ့ၢ်တၢ်အံၤ လၢယွၤလၢအအိၣ်ဒီးတၢ်စိတၢ်ကမီၤ, ပကစၢ်ယွၤအဝ့ၢ်ပူၤန့ၣ်လီၤ. ယွၤကပၢၤဃာ်ဝ့ၢ်အံၤလၢတၢ်ပူၤဖျဲးထီဘိန့ၣ်လီၤ. စ့လၤ

စံးထီၣ်ပတြၢၤ 87:3

ကစၢ်ယွၤအဝ့ၢ်ဧၢ, ဒိကနၣ် တၢ်လီၤလိၢ်လးတဖၣ် လၢအဝဲစံးတၢ်လၢနဂ့ၢ်န့ၣ်တက့ၢ်. စ့လၤ

လံာ်ယၡါယၤ 62:2

ဝ့ၢ်ယရူၤၡလ့ၣ်ဧၢ, ပှၤကလုာ်တဖၣ်ကထံၣ်နမၤနၢၤတၢ်န့ၣ်လီၤ. အဝဲသ့ၣ်အစီၤပၤခဲလၢာ်ကထံၣ်ဘၣ်နလၤကပီၤလီၤ. နကဘၣ်တၢ်ကိးနၤလၢမံၤအသီတဖျၢၣ်မံၤလၢ ယွၤအကစၢ်ဒၣ်ဝဲယုၢ်န့ၢ်အီၤန့ၣ်လီၤ.

လံာ်ယၡါယၤ 65:15

ပှၤဂီၢ်မုၢ်လၢယဃုထၢအီၤကသူသုမံၤဒ်တၢ်ဘၣ်ဆိၣ်အၢတမံၤ အသိးလီၤ. ယၤ, ယွၤပၢဘၣ်တၢ်ခဲလၢာ်ကစၢ်ကမၤသံသုလီၤ. ဘၣ်ဆၣ်ဒီးယကဟ့ၣ်မံၤအသီတဖျၢၣ်လၢပှၤလၢအစူၢ်ယၤ တဖၣ်အဂီၢ်န့ၣ်လီၤ.

လံာ်ယံးရမံယၤ 1:18

စီၤယံးရမံယၤဧၢ, ဒိကနၣ်တက့ၢ်. ပှၤလၢအအိၣ်လၢထံကီၢ်တဘ့ၣ် အံၤအပူၤခဲလၢာ်, လၢအမ့ၢ်ကီၢ်ယူဒၤအစီၤပၤတဖၣ်, ပဒိၣ်ပပှၢ်တဖၣ်, ပှၤလုၢ်တၢ်အခိၣ်တဖၣ်, ဒီးပှၤဂီၢ်မုၢ်တဖၣ်ကထီဒါနၤလီၤ.

လံာ်ယဃ့းစက့လး 40:49

ဃီသွါတဖၣ်လၢအလဲၤထီၣ်ဆူကျဲစၢၤထံးအဒၢးန့ၣ်အလဲၢ် အိၣ်ဝဲအပျၢ်ခံဆံဒီးကစီၤထီၣ်ထီဝဲတဆံခံပျၢ်န့ၣ်လီၤ. တၢ်အထူၣ် အိၣ်ဝဲခံထူၣ်လၢကျဲစၢၤကျိၤထံးတခီတကပၤစုာ်စုာ်န့ၣ်လီၤ.

လံာ်ယဃ့းစက့လး 48:35

ဝ့ၢ်အတၢ်ဒူၣ်လွံၢ်ကပၤလိာ်အတၢ်ထိၣ်ခဲလၢာ် န့ၣ်မ့ၢ်ဝဲအပျၢ်တကလးဃိးကထိန့ၣ်လီၤ. စးထီၣ်လၢခဲအံၤဒီးဆူညါန့ၣ်ဝ့ၢ်အံၤအမံၤကဘၣ် တၢ်ကိးအီၤလၢ “ယွၤအိၣ်ဝဲဖဲအံၤ” န့ၣ်လီၤ.

လံာ်မၢ်ကူး 12:16

အဝဲသ့ၣ်ဟဲစိာ်စ့ဒန့ၤရံတဘ့ၣ်ဆူအအိၣ်, ဒီးအဝဲဒၣ်သံကွၢ် အဝဲသ့ၣ်, “တၢ်အံၤမ့ၢ်မတၤအခိၣ်အဂီၤဒီးအမံၤလဲၣ်.” အဝဲသ့ၣ်စံးဆၢက့ၤ, “မ့ၢ်ရိမ့ၤအစီၤပၤဖးဒိၣ်ကဲစၢ်အဂီၤဒီးအမံၤလီၤ.”

ကလၤတံ 2:9

စီၤယၤကိာ်, စီၤပ့းတရူးဒီးစီၤယိၤဟၣ်, လၢအမ့ၢ်ပှၤခိၣ်ပှၤနၢ်တဖၣ်ထံၣ်သ့ၣ်ညါဝဲလၢကစၢ်ယွၤ ဟ့ၣ်တ့ၢ်ယၤတၢ်မၤလီၤဆီအဝဲအံၤန့ၣ်လီၤ. လၢတၢ်န့ၣ် အဃိအဝဲသ့ၣ်ဟံးစုကွၢ်မဲာ်စီၤဘၢ်နါဘၤဒီးယၤဒ်အမ့ၢ် တၢ်ပနီၣ်လၢပဝဲသ့ၣ်ခဲလၢာ်ပမ့ၢ်ပှၤမၤသကိးတၢ်တဖၣ် န့ၣ်လီၤ. ပအၢၣ်လီၤသကိးလၢစီၤဘၢ်နါဘၤဒီးယၤ ပကမၤတၢ်လၢပှၤကလုာ်ဂၤတဖၣ်အကျါဒီးအဝဲသ့ၣ်တခီလၢ ပှၤယူဒၤဖိတဖၣ်အကျါလီၤ.

အ့းဖ့းစူး 3:15

ပၢ်လၢဒူၣ်ထၢကိးဒူၣ်ဒဲးလၢမူခိၣ်ဒီးဟီၣ်ခိၣ်တဖၣ်ဒိးန့ၢ် ဘၣ်အမံၤအမ့ၢ်အတီတဂၤန့ၣ်လီၤ.

ဧ့ၤဘြံၤ 12:22

မ့မ့ၢ်သုဝဲသုဟဲဆူကစၢၢ်စံယိၣ်, ဒီးဆူကစၢ်ယွၤလၢအမူဝဲတဂၤ အဝ့ၢ်, ယရူၤၡလ့ၣ်လၢအဘၣ်ဃးဒီးမူခိၣ်, အိၣ်ဃုာ်ဒီးကလူးလၢပှၤဂံၢ်အီၤတလၢာ်ဘၣ်အအိၣ်,

ဧ့ၤဘြံၤ 13:14

အဂ့ၢ်ဒ်လဲၣ်န့ၣ်, လၢဟီၣ်ခိၣ်အံၤဝ့ၢ်လၢအအိၣ်လီၤထူလီၤယိာ်လၢပဂီၢ် တအိၣ်ဘၣ်. မ့မ့ၢ်ပဃုဝ့ၢ်လၢအကဟဲအိၣ်ထီၣ်ဆူညါတဖျၢၣ်န့ၣ်လီၤ.

၁ ယိၤဟၣ် 4:4

ဘၣ်ဆၣ်ဒီး, ယဖိယလံၤသ့ၣ်ဧၢ, သုဘၣ်ဃးဒီးကစၢ်ယွၤ ဒီးမၤနၢၤမၤဃၣ်တ့ၢ်လံဝံအဘျၣ်တဖၣ်, မ့ၢ်လၢယွၤအသးလၢအအိၣ်လၢသုပူၤအံၤအစိကမီၤဒိၣ် န့ၢ်ဒံးသးလၢအအိၣ်လၢပှၤလၢအဘၣ်ဃးဒီးဟီၣ်ခိၣ် တဖၣ်အပူၤအဃိန့ၣ်လီၤ.

လံာ်လီၣ်ဖျါ 14:1

တုၤနုၤတစု, ယကွၢ်တၢ်, ဒီးသိဖိန့ၣ်အိၣ်ဆၢထၢၣ်လၢ ကစၢၢ်စံယိၣ်အလိၤ, ပှၤအိၣ်ဒီးအီၤအဂၤ ၁၄၄,ဝ၀၀ လၢ အအိၣ်ဒီးအဝဲအမံၤ, ဒီးအဝဲအပၢ်အမံၤအိၣ်ကွဲးအသးလၢအခိၣ်တိသၣ်တဖၣ် အလိၤန့ၣ်လီၤ.

လံာ်လီၣ်ဖျါ 17:14

အဝဲသ့ၣ်ကဒုးတၢ်ထီဒါသိဖိတဒုန့ၣ်, ဘၣ်ဆၣ်သိဖိအဝဲန့ၣ်, ဃုာ်ဒီးအပျဲၢ်အဘီၣ်လၢအဘၣ်တၢ်ကိးအီၤ, တၢ်ဃုထၢအီၤ, ဒီးအသးတီဝဲတဖၣ်, ကမၤနၢၤအဝဲသ့ၣ်, မ့ၢ်လၢအဝဲဒၣ်မ့ၢ်ကစၢ်တဖၣ်အကစၢ်ဒီးစီၤပၤတဖၣ်အစီၤပၤ အဃိန့ၣ်လီၤ.”

လံာ်လီၣ်ဖျါ 2:11

လၢတၢ်န့ၣ်အဃိနနၢ်မ့ၢ်အိၣ်န့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ် တက့ၢ်. ပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်တတူၢ်ဘၣ် တၢ်မၤဆူးမၤဆါအီၤလၢတၢ်သံခံစုတစုန့ၣ်ဘၣ်.”

လံာ်လီၣ်ဖျါ 2:17

မၤသးဒ်န့ၣ်ဒီး, နနၢ်မ့ၢ်အိၣ်ကစီဒီန့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ် တက့ၢ်. ဆူပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်, ယကဟ့ၣ်လီၤအီၤကိၣ်မၤနၤခူသူၣ်တနီၤလီၤ. ယကဟ့ၣ်စ့ၢ်ကီးအဝဲသ့ၣ်တဂၤဘၣ်တဂၤလၢလၢၢ်ဝါ တဖျၢၣ်လၢမံၤသီတဖျၢၣ်အိၣ်ကွဲးအသးလၢအလိၤ, မံၤသီတဖျၢၣ်လၢပှၤတသ့ၣ်ညါဝဲနီတဂၤ, သ့ၣ်ညါထဲပှၤတဂၤလၢအဒိးန့ၢ်ဘၣ်အီၤန့ၣ်လီၤ.”

လံာ်လီၣ်ဖျါ 2:7

နနၢ်မ့ၢ်အိၣ်ကစီဒီန့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ် တက့ၢ်. ပှၤလၢအဒိးန့ၢ်တၢ်မၤနၢၤတဖၣ်န့ၣ်, ယကဟ့ၣ်အီၤလၢတၢ်အခွဲး အယာ်လၢအကအီၣ်သ့ၣ်မူလၢအမဲထီၣ်ဝဲဒၣ်ဖဲကစၢ်ယွၤ အတၤသၣ်လီၢ်န့ၣ်အသၣ်လီၤ.”

လံာ်လီၣ်ဖျါ 21:2

ဒီးယထံၣ်ဝ့ၢ်စီဆှံ, ဝ့ၢ်ယရူၤၡလ့ၣ်အသီတဖျၢၣ်န့ၣ်, ဟဲလီၤလၢမူခိၣ်လၢကစၢ်ယွၤအအိၣ်, ဘၣ်တၢ်ကတဲာ်ကတီၤအီၤဒီးအိၣ်ကတဲာ်ကတီၤပာ်အသး, ဒ်တလးမူးပိာ်မုၣ်တဂၤဘၣ်တၢ်ဒုးကူဒုးသိးပာ်အီၤလၢ အကသဂၢၢ်အဝၤအဂီၢ်အသိးန့ၣ်လီၤ.

လံာ်လီၣ်ဖျါ 22:4

အဝဲသ့ၣ်ကထံၣ်ဘၣ်အမဲာ်သၣ်, ဒီးအဝဲဒၣ်အမံၤကအိၣ်ကွဲးအသးလၢအဝဲသ့ၣ်အခိၣ်တိသၣ်တဖၣ် အလိၤလီၤ.

လံာ်လီၣ်ဖျါ 3:5

ပှၤလၢအမၤနၢၤတၢ်တဖၣ်န့ၣ်ကဘၣ်တၢ်ဒုးကူဒုးသိးအီၤဒ်အံၤ အသိးလၢတၢ်အဝါ, ဒီးယတထုးကွံာ်အဝဲသ့ၣ်အမံၤလၢလံာ်မူ အပူၤဘၣ်. လၢယပၢ်ဒီးအမူခိၣ်ကလူးတဖၣ်အမဲာ်ညါန့ၣ်, ယကဘိးဘၣ်သ့ၣ်ညါယဲဖျါဖျါလၢအဝဲသ့ၣ်မ့ၢ်ယတၢ်န့ၣ်လီၤ.