လံာ်လီၣ်ဖျါ 3:11 - Sgaw Karen Common Bible

¹¹ တယံာ်ဘၣ်န့ၣ်ယကဟဲယဲလီၤ. ဟံးဃာ်ဂၢၢ်ကျၢၤတၢ်လၢအအိၣ် ဒီးနၤ, ဒ်သိးပှၤသုတဂုာ်န့ၢ်နတၢ်မၤနၢၤအခိၣ်ဖးတဂ့ၤန့ၣ်တက့ၢ်.

လံာ်လီၣ်ဖျါ 3:11 Iomraidhean Croise

လံာ်စဖါနယၤ 1:14

ယွၤအမုၢ်နံၤဖးဒိၣ်အံၤဘူးထီၣ်လံ. ဘူးထီၣ်ဝဲဖးဒိၣ်လံဒီးဟဲဝဲ ချ့ချ့လီၤ. မုၢ်နံၤအဝဲန့ၣ်ကမ့ၢ်မုၢ်နံၤအခၣ်တနံၤန့ၣ်လီၤ. အဂ့ၢ်ဒ်အံၤ, ပှၤသုးဖိလၢအဒူကတၢၢ်တဖၣ်ဒၣ်လဲာ်ကကိးပသူ ထီၣ်လၢတၢ်သူၣ်ဟးဂူာ်သးဟးဂီၤအပူၤန့ၣ်လီၤ.

1 ကရံၣ်သူး 9:25

ပှၤလိာ်ကွဲဖိကိးဂၤဒဲး, ဖဲအမၤလ့ၤအသးအဆၢကတီၢ်န့ၣ်, ဟ့ၣ်လီၤအသးဆူတၢ်ဒိကနၣ်ဃံးဃံးဒ်သိးအကဘၣ်တၢ်ဒုးကုာ် ထီၣ်အီၤဖီကွီၤလၢအတအိၣ်ကၢအိၣ်ခိးဘၣ်တကွီၤလီၤ. မ့မ့ၢ်ပဝဲသ့ၣ် တဖၣ် ပမၤပဝဲလၢဖီကွီၤတကွီၤလၢအအိၣ်ကၢအိၣ်ခိးလီၤထူလီၤယိာ် အဂီၢ်န့ၣ်လီၤ.

ဖံလံးပံၤ 4:5

ပာ်ဖျါတၢ်ပာ်သူၣ်ပာ်သးခုၣ်ခုၣ်မုာ်မုာ်လၢပှၤကိးဂၤဒဲး အဖီခိၣ်တက့ၢ်. ကစၢ်ကဟဲဘူးထီၣ်လံ.

၂ တံၤမသ့း 2:5

ပှၤပြၢတၢ်ဖိတဂၤလၢအလိာ်ကွဲပြၢတၢ်န့ၣ်မ့ၢ်တဒိကနၣ် မၤထွဲတၢ်ဘျၢတဖၣ်ဘၣ်ဒီး, မၤန့ၢ်ခိၣ်ဖးတသ့ဘၣ်.

၂ တံၤမသ့း 4:8

ဒီးခဲကနံၣ်အံၤ, တၢ်မၤနၢၤအခိၣ်ဖးလၢအမ့ၢ်တၢ်မၤဘၣ်လိာ်က့ၤယၤဒီးကစၢ်ယွၤ န့ၣ် အိၣ်ခိးပာ်စၢၤယၤလံ. မ့ၢ်ခိၣ်ဖးလၢကစၢ်, ပှၤစံၣ်ညီၣ်တီတၢ်တဂၤကဟ့ၣ်လီၤယၤလၢမုၢ်နံၤအဝဲန့ၣ်, ဒီးထဲယၤတဂၤဧိၤတမ့ၢ်ဘၣ်, မ့ၢ်ကယဲၢ်ပှၤခဲလၢာ်လၢအအိၣ်ခိးကွၢ်လၢ် အဝဲကအိၣ်ဖျါထီၣ်အဂီၢ်စ့ၢ်ကီးန့ၣ်လီၤ.

ယၤကိာ် 1:12

ပှၤလၢအအိၣ်ဂၢၢ်ဆိးကျၢၤဖဲအဘၣ်တၢ်မၤကွၢ်အီၤ အခါန့ၣ်, ဘၣ်ဆိၣ်ဂ့ၤဝဲလီၤ. အဂ့ၢ်ဒ်အံၤ, ဖဲအဝဲမၤနၢၤတၢ်မၤကွၢ်ဒ်အံၤအသိးန့ၣ်, အဝဲကဒိးန့ၢ်ဘၣ်ခိၣ်ဖးလၢအမ့ၢ်တၢ်မူလၢကစၢ်ယွၤ အၢၣ်လီၤတ့ၢ်လၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

ယၤကိာ် 5:9

ယဒီပုၢ်ဝဲၢ်သ့ၣ်ဧၢ, ဒ်သိးခဲအံၤဒိကနၣ်ယၤတက့ၢ်. ယွၤသုတစံၣ်ညီၣ်သုတဂ့ၤဒီးတဘၣ်ကဒူးကဒ့ၣ်လိာ် သုသးတဂၤဒီးတဂၤတဂ့ၤ. ပှၤစံၣ်ညီၣ်ကွီၢ်အိၣ်ဘူးတ့ၢ်မး, လၢအကအိၣ်ဖျါထီၣ်ဝဲဒၣ်လံ.

လံာ်လီၣ်ဖျါ 1:3

ပှၤတဂၤလၢအဖးလံာ်တဘ့ၣ်အံၤန့ၣ်ဘၣ်ဆိၣ်ဂ့ၤဝဲ, ဒီးပှၤတဖၣ်လၢအဒိကနၣ်တၢ်ကတိၤတဖၣ်လၢဝံအတၢ်ကစီၣ် တမံၤအံၤအပူၤဒီးစူၢ်တၢ်လၢအအိၣ်ကွဲးနီၣ်အသးဖဲလံာ် တဘ့ၣ်အံၤအပူၤန့ၣ်, ဘၣ်ဆိၣ်ဂ့ၤဝဲလီၤ. အဂ့ၢ်ဒ်အံၤ, တၢ်ဆၢကတီၢ်ဘူးထီၣ်တ့ၢ်လံဝဲလၢတၢ်သ့ၣ်တဖၣ်အံၤခဲလၢာ် ကမၤအသးန့ၣ်လီၤ.

လံာ်လီၣ်ဖျါ 16:15

“ဒိကနၣ်တက့ၢ်. ယဟဲယဲဒ်တၢ်ဘျၣ်တဂၤအသိးလီၤ. ပှၤတဂၤလၢအိၣ်စီၣ်မဲာ်စီၣ်နါဒီးကတီၤဃာ်အတၢ်ကူတၢ်သိး တဖၣ်ဒ်သိးအဝဲအသုတဟးဝ့ၤဝီၤအိၣ်ဘ့ၣ်ဆ့ဒီးမဲာ်ဆှး ဘၣ်လၢပှၤဂီၢ်မုၢ်ဂီၢ်ပၤအမဲာ်ညါတဂ့ၤအဂီၢ်န့ၣ်ဘၣ်ဆိၣ်ဂ့ၤဝဲလီၤ.”

လံာ်လီၣ်ဖျါ 2:10

တၢ်လၢနကတူၢ်ဘၣ်အီၤခဲကနံၣ်အံၤန့ၣ်တဘၣ်ပျံၤအီၤနီ တမံၤတဂ့ၤ. ဒိကနၣ်တက့ၢ်. မုၣ်ကီၤလံၢ်ကမၤကွၢ်သုခီဖျိအဒုးဃာ်သုဝဲတနီၤလၢဃိာ်ပူၤ, ဒီးသုကဘၣ်ကီဘၣ်ခဲလၢအသီတဆံအတီၢ်ပူၤလီၤ. နမ့ၢ်ဘၣ်သံဒၣ်လဲာ်န့ၣ်, သးတီဒီးယၤတက့ၢ်, ဒီးယကဟ့ၣ်နၤလၢတၢ်မူဒ်နတၢ်မၤနၢၤအခိၣ်ဖးန့ၣ်လီၤ.

လံာ်လီၣ်ဖျါ 2:13

နအိၣ်နဲဆိးနဲဖဲလဲၣ်ပူၤလဲၣ်န့ၣ်ယသ့ၣ်ညါယဲ, မ့ၢ်ဝဲတၢ်လီၢ်တၢ်ကျဲဖဲမုၣ်ကီၤလံၢ်အလီၢ်ပစိာ်အိၣ်ဝဲန့ၣ်လီၤ. နတီနဲဒီးယၤ, ဒီးဖဲဆၢကတီၢ်လၢယပှၤအုၣ်အသးလၢအသးတီ တဂၤ, စီၤအၣ်တံပၤဘၣ်တၢ်မၤသံအီၤဖဲမုၣ်ကီၤလံၢ်အိၣ်ဆိးဝဲ အလီၢ်အခါဒၣ်လဲာ်န့ၣ်, နတစူးကွံာ်ညိကွံာ်နတၢ်စူၢ်တၢ်နာ်လၢ ယပူၤဘၣ်လီၤ.

လံာ်လီၣ်ဖျါ 2:25

မ့မ့ၢ်သုကဘၣ်ဟံးဃာ်တၢ်လၢအအိၣ်ဒီးသုန့ၣ်ကျၢၤကျၢၤ, တုၤလၢယဟဲတစုလီၤ.

လံာ်လီၣ်ဖျါ 22:12

ယ့ၣ်ၡူးစံးဝဲဒၣ်, “ဒိကနၣ်တက့ၢ်. လၢတစိၢ်ဖိအတီၢ်ပူၤ ယကဟဲယဲလီၤ. ယကဟဲစိာ်ဃုာ်ဒီးယခိၣ်ဖးတဖၣ်ဒ်သိးယကဟ့ၣ် ပှၤတဂၤဘၣ်တဂၤ, ဒ်အဝဲဒၣ်မၤတ့ၢ်လံတၢ်အသိးန့ၣ်လီၤ.

လံာ်လီၣ်ဖျါ 22:20

ပှၤလၢအဟ့ၣ်အတၢ်အုၣ်အသးဘၣ်ဃးဒီးတၢ်တဖၣ်အံၤ အဂ့ၢ်ခဲလၢာ်န့ၣ်စံးဝဲ, “မ့ၢ်ဝဲသပှၢ်ကတၢၢ်လီၤ. တယံာ်ဘၣ်ဒီး, ယကဟဲယဲလီၤ.” အၤမ့ၣ်. ဟဲတက့ၢ်. ကစၢ်ယ့ၣ်ၡူးဧၢ.

လံာ်လီၣ်ဖျါ 22:7

ယ့ၣ်ၡူးစံးဝဲဒၣ်, “ဒိကနၣ်တက့ၢ်. တယံာ်ဘၣ်ဒီး, ယကဟဲလီၤ. ပှၤလၢအစူၢ်တၢ်တဖၣ်လၢအဘၣ်တၢ်ကတိၤဆိပာ်စၢၤလၢလံာ် တဘ့ၣ်အံၤအပူၤန့ၣ်ဘၣ်ဆိၣ်ဂ့ၤဝဲလီၤ.”

လံာ်လီၣ်ဖျါ 3:3

လၢတၢ်န့ၣ်အဃိ, သ့ၣ်နီၣ်ထီၣ်က့ၤတၢ်လၢနဘၣ်တၢ်သိၣ်လိ တ့ၢ်နၤ, ဒီးတၢ်လၢနနၢ်ဟူဘၣ်တ့ၢ်နဲန့ၣ်တက့ၢ်. စူၢ်အီၤဒီးဃၣ်ကွံာ်လၢနတၢ်ဒဲးဘးတဖၣ်န့ၣ်တက့ၢ်. နမ့ၢ်တဖု သံနီၣ်ထီၣ်ဘၣ်ဒီးယကဟဲဆူနအိၣ်ဒ်တၢ်ဘျၣ်တဂၤအသိး, ဒီးယကဟဲဖဲတၢ်ဆၢကတီၢ်နၣ်ရံၣ်မတၤလဲၣ်န့ၣ်တမ့ၢ်လၢ နကသ့ၣ်ညါနဲဒၣ်လဲာ်ဘၣ်.

လံာ်လီၣ်ဖျါ 4:10

ပှၤသူၣ်က့သးပှၢ်ခံဆံလွံၢ်ဂၤန့ၣ်, ထိၣ်လီၤပှီၤအသးလၢပှၤဆ့ၣ်နီၤလၢလီၢ်ပစိာ်အလိၤ တဂၤန့ၣ်အမဲာ်ညါ, ဒီးဘါထီၣ်ပှၤလၢအမူဝဲလီၤစိၤလီၤဃၣ် တဂၤန့ၣ်လီၤ. အဝဲသ့ၣ်ကွံာ်လီၤအခိၣ်သလုးတဖၣ်လၢလီၢ် ပစိာ်န့ၣ်အမဲာ်ညါဒီးသးဝံၣ်ထီၣ်ဝဲ,

လံာ်လီၣ်ဖျါ 4:4

ဝးတရံးလီၢ်ပစိာ်န့ၣ်, လီၢ်ပစိာ်အဂၤခံဆံလွံၢ်ဖျၢၣ်အိၣ်ကဝီၤ ဃာ်အီၤဝးကဝီၤကျီၤ, ဒီးလၢအဝဲသ့ၣ်အလိၤန့ၣ်, ပှၤသူၣ်က့သးပှၢ်အိၣ်ဆ့ၣ်နီၤဝဲဒၣ်ခံဆံလွံၢ်ဂၤလၢ အကူဝဲသိးဝဲလၢတၢ်ဝါဒီးကုာ်ဃာ်ခိၣ်သလုးထူတဖၣ် န့ၣ်လီၤ.