လံာ်လီၣ်ဖျါ 3:10 - Sgaw Karen Common Bible

¹⁰ မ့ၢ်လၢသုတိၢ်န့ၢ်ဟံးဃာ်ယကလုၢ်လၢသုကတူၢ်တၢ်အိၣ်ဒီး တၢ်သူၣ်စူၤသးစူၤအဃိယကကဟုကယာ်စ့ၢ်ကီးသုလၢတၢ်ကီ တၢ်ခဲအဆၢကတီၢ်, လၢအကဟဲတုၤအိၣ်ဟီၣ်ခိၣ်ဒ်သိးအကမၤ ကွၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်လီၤ.

လံာ်လီၣ်ဖျါ 3:10 Iomraidhean Croise

လံာ်ယၡါယၤ 24:17

ပှၤခဲလၢာ်သ့ၣ်ဧၢ, ဒိကနၣ်လၢ်ယၤတက့ၢ်. တၢ်လီၤပျံၤလီၤဖုးတဖၣ်, မၢဧိၤပျၢ်ဧိၤအပူၤတဖၣ်ဒီးထုတဖၣ်အိၣ်ခိးသုလီၤ.

လံာ်ဒၤနံးယ့လး 12:10

ပှၤအါဂၤကဘၣ်တၢ်မၤကဆှီထီၣ်အီၤလီၤ. ပှၤအၢပှၤသီတဖၣ်န့ၣ်တမ့ၢ်က နၢ်ပၢၢ်ဝဲဘၣ်ဒီးကမၤဒံးတၢ်အၢတၢ်သီဆူညါဆူညါန့ၣ်လီၤ. ထဲဒၣ်ပှၤလၢအကူၣ်တၢ်သ့တဖၣ်ဧိၤကနၢ်ပၢၢ်ဝဲဒၣ်လီၤ.

လံာ်စကၤရယၤ 13:9

ဒီးယကမၤကွၢ်ပှၤသၢပူတပူလၢအအိၣ်လီၤတဲာ်ဒီးမၤကဆှီ အဝဲသ့ၣ်ဒ်စ့ဘၣ်တၢ်မၤကဆှီအီၤလၢမ့ၣ်အူအသိးန့ၣ်လီၤ. ယကမၤကွၢ်အဝဲသ့ၣ်ဒ်ထူဘၣ်တၢ်မၤကွၢ်အီၤအသိးန့ၣ်လီၤ. အန့ၣ်ဒီးအဝဲသ့ၣ်ကဘါထုကဖၣ်တၢ်ဆူ ယအိၣ်ဒီးယကစံးဆၢအဝဲသ့ၣ်လီၤ. ယကတဲဘၣ်အဝဲသ့ၣ်လၢမ့ၢ်ယပှၤဂီၢ်မုၢ်, ဒီးအဝဲသ့ၣ်ကအၢၣ်လီၤလၢယမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်မးသဲ 24:14

ဒီးတၢ်သးခုအကစီၣ်ဘၣ်ဃးဒီးဘီမုၢ်အံၤ, ကဘၣ်တၢ်စံၣ်တဲၤတဲလီၤအီၤသကုၤဟီၣ်ခိၣ်ချၢ, ဒ်သိးကကဲထီၣ်တၢ်အုၣ်အသးလၢပှၤဟီၣ်ခိၣ်ဖိခဲလၢာ်အဂီၢ်လီၤ. တုၤနုၤတစု, တၢ်အစိၤကကတၢၢ်ဝဲလီၤ.

လံာ်မးသဲ 26:41

ဆိးသီဒီးဃ့ဘါထုကဖၣ်ယွၤ, ဒ်သိးသုသုတလီၤဃံၤလၢတၢ်လ့ပစီအဃိတဂ့ၤန့ၣ်တက့ၢ်. သးအဂံၢ်အဘါမ့ၢ်ဆူၣ်သနာ်က့, နီၢ်ခိအဂံၢ်အဘါစၢ်ဝဲလီၤ.”

လံာ်မးသဲ 6:13

သုတဒုးလဲၤနုာ်ပှၤဆူတၢ်လ့ပစီအပူၤတဂ့ၤ. မ့မ့ၢ်ထုးထီၣ်ဖျဲးကွံာ်ပှၤလၢတၢ်အၢတၢ်သီအပူၤတက့ၢ်. (အဂ့ၢ်ဒ်အံၤ, ဘီမုၢ်, တၢ်စိတၢ်ကမီၤဒီး တၢ်လၤကပီၤန့ၣ်မ့ၢ်နတၢ်အစိၤစိၤအဃၣ်ဃၣ်လီၤ. အၤမ့ၣ်)’

လံာ်မၢ်ကူး 14:9

ယစံးဘၣ်သုသပှၢ်ကတၢၢ်လီၤ. လၢဟီၣ်ခိၣ်ဒီဘ့ၣ်တၢ်လီၢ်တပူၤ လၢ်လၢ်ဖဲပှၤစံၣ်တဲၤတဲလီၤတၢ်သးခုအကစီၣ်န့ၣ်, ပှၤကစံးကတိၤစ့ၢ်ကီးတၢ်လၢပိာ်မုၣ်တဂၤအံၤမၤတ့ၢ်ဝဲအဂ့ၢ်, လၢတၢ်ကသ့ၣ်နီၣ်ထီၣ်က့ၤအီၤအဂီၢ်န့ၣ်လီၤ.”

လံာ်လူၤကၣ် 2:1

ဖဲအဆၢကတီၢ်အဝဲန့ၣ်, စီၤပၤဖးဒိၣ်အီၤကူစတူးဟ့ၣ်လီၤ အကလုၢ်လၢတၢ်ကဂံၢ်ထံဖိကီၢ်ဖိလၢအအိၣ်ဝဲဆိးဝဲ သကုၤရိမ့ၤအဘီအမုၢ်အပူၤတဖၣ်ခဲလၢာ်ခီဖျိတၢ်ဆဲးလီၤ အမံၤန့ၣ်လီၤ.

လံာ်ယိၤဟၣ် 17:6

ပှၤလၢနဟ့ၣ်လီၤယၤလၢဟီၣ်ခိၣ်ချၢအံၤန့ၣ်, ယဒုးသ့ၣ်ညါလံ အီၤလၢနၤလံ. အဝဲသ့ၣ်မ့ၢ်နတၢ်ဒီးနဟ့ၣ်လီၤယၤလၢ အဝဲသ့ၣ်လီၤ. အဝဲသ့ၣ်တိၢ်န့ၢ်တ့ၢ်လံနကလုၢ်ကထါ,

ရိမ့ၤ 1:8

အဆိကတၢၢ်န့ၣ်, ယစံးဘျုးယကစၢ်ယွၤခီဖျိယ့ၣ်ၡူးခရံာ်လၢ သုဝဲခဲလၢာ်အဃိ, မ့ၢ်လၢသုတၢ်စူၢ်တၢ်နာ်အဂ့ၢ်ဟူထီၣ်သါလီၤလၢဟီၣ်ခိၣ်ဒီဘ့ၣ် အဃိန့ၣ်လီၤ.

1 ကရံၣ်သူး 10:13

ကယဲၢ်တၢ်မၤကွၢ်လၢသုလဲၤခီဖျိဘၣ်တ့ၢ်လံဝဲတဖၣ်န့ၣ် မ့ၢ်ဒၣ်တၢ်တကလုာ်ဃီလၢအတုၤအိၣ်ညီနုၢ်ပှၤဟီၣ်ခိၣ်ဖိ တဖၣ်န့ၣ်လီၤ. ဘၣ်ဆၣ်ဒီးကစၢ်ယွၤတီလၢအတၢ်အၢၣ်လီၤ, ဒီးအဝဲတပျဲသုဘၣ်တၢ်လ့ပစီသုအါန့ၢ်သုအိၣ်ဒီးတၢ်ဂံၢ် တၢ်ဘါလၢသုကဆၢထၢၣ်ကျၢၤကျၢၤအဂီၢ်ဘၣ်လီၤ. ဖဲအဆၢကတီၢ်လၢသုဘၣ်တၢ်လ့ပစီသုန့ၣ်အဝဲ ကဟ့ၣ်သုတၢ်ဂံၢ်တၢ်ဘါလၢသုကကွၢ်ဆၢၣ်မဲာ်အီၤဒီးဆၢထၢၣ် ကျၢၤကျၢၤအဂီၢ်ဒီးဒုးထူၣ်ဖျဲးထီၣ်ကွံာ်သုလၢကျဲဒ်န့ၣ်အပူၤလီၤ.

အ့းဖ့းစူး 6:13

လၢတၢ်န့ၣ်အဃိကူထီၣ်သိးထီၣ်တၢ်ဒုးသုးအကူအသိးလၢ ကစၢ်ယွၤဟ့ၣ်သုအခဲအံၤ, ဒ်သိးဒီးလၢမုၢ်နံၤအအၢအသီ န့ၣ်သုတြီဆၢသုဒုၣ်သုဒါကန့ၢ်ဒီးဒ်သိးသုဒုးတၢ်ခဲလၢာ်ဝံၤဒီးသု ကအိၣ်ဆၢထၢၣ်ဒံးအဂီၢ်န့ၣ်တက့ၢ်.

၂ တံၤမသ့း 2:12

ပမ့ၢ်တဆိတ့ၢ်တူၢ်တၢ်ဘၣ်ဒီး, ပကပၢဃုာ်တၢ်ဒီးအီၤစ့ၢ်ကီးလီၤ. ပမ့ၢ်သမၢအီၤဒီး, အဝဲကသမၢပှၤစ့ၢ်ကီးလီၤ.

ယၤကိာ် 3:12

ယဒီပုၢ်ဝဲၢ်သ့ၣ်ဧၢ, ချၢၣ်ဒၢတထူၣ်န့ၣ်သၣ်ထီၣ်သ့ၣ်စၤယံးအသၣ် တသ့ဘၣ်. စပံးမုၢ်တမုၢ်န့ၣ်သၣ်ထီၣ်ချၢၣ်ဒၢအသၣ် တသ့ဘၣ်. ဒီးထံဟီထီၣ်ပၢၢ်တပူၤန့ၣ်ဟ့ၣ်ထီၣ်ထံအဆၢ တသ့ဘၣ်.

၁ ပ့းတရူး 4:12

ယတံၤသကိးသးဘိသ့ၣ်ဧၢ, တဘၣ်ကမၢကမၣ်လၢသုတူၢ်ဘၣ်တၢ်မၤကွၢ်လၢအဘၣ် သုဆါဒ်အမ့ၢ်တၢ်လၢအလီၤဆီတမံၤဟဲဘၣ်သုအသိးန့ၣ် တဂ့ၤ.

၂ ပ့းတရူး 2:9

လၢတၢ်န့ၣ်အဃိ, ကစၢ်ယွၤသ့ၣ်ညါကျဲလၢအကမၤပူၤဖျဲးပှၤယူးယီၣ်ယွၤလၢ အတၢ်နးတၢ်ဖှီၣ်တဖၣ်အပူၤ, ဒီးကဟံးဃာ်ပှၤအအၢအသီတဖၣ်လၢတၢ်သိၣ်ဃီၣ် အပူၤတုၤလၢမုၢ်စံၣ်ညီၣ်အနံၤ,

လံာ်လီၣ်ဖျါ 1:9

ယမ့ၢ်ယဲစီၤယိၤဟၣ်, သုဒီပုၢ်ဝဲၢ်, ဒီးဒ်ပှၤပိာ်ယ့ၣ်ၡူးအခံတဂၤ အသိးန့ၣ်, ယမ့ၢ်သုတံၤသကိးလၢအတူၢ်သကိးတၢ်ဒီးသုလၢ တၢ်သးစူၤအပူၤ, တၢ်တူၢ်ဘၣ်တၢ်မၤအၢမၤနးလၢအတုၤအိၣ်ပှၤတဖၣ်လၢ အဘၣ်ဃးဒီးအဝဲဒၣ်အဘီအမုၢ်န့ၣ်လီၤ. ယဘၣ်တၢ်ပာ်ယၤလၢကီးပးမူးမ့ၢ်လၢယစံၣ်တဲၤတဲလီၤတ့ၢ်ယဲ ကစၢ်ယွၤအကလုၢ်ကထါ, ဒီးယအုၣ်တ့ၢ်ယသးလၢယ့ၣ်ၡူး အဂ့ၢ်အဃိန့ၣ်လီၤ.

လံာ်လီၣ်ဖျါ 11:10

ပှၤအိၣ်ဝဲဆိးဝဲလၢဟီၣ်ခိၣ်ချၢတဖၣ်ကသူၣ်ခုသးခုဝဲ လၢပှၤခံဂၤအံၤအတၢ်သံအဃိလီၤ. အဝဲသ့ၣ်ကမုာ်လၤသးခုသကိးဝဲဒီးဆှၢလီၤတၢ်ဟ့ၣ်ဆူတဂၤဒီး တဂၤအအိၣ်, မ့ၢ်လၢဝံခံဂၤအံၤဒုးအိၣ်ထီၣ်တ့ၢ်တၢ်တူၢ်ဘၣ် တၢ်နးတၢ်ဖှီၣ်အဒိၣ်အအါလၢပှၤဟီၣ်ခိၣ်ဖိတဖၣ်အဂီၢ် အဃိန့ၣ်လီၤ.

လံာ်လီၣ်ဖျါ 13:10

ပှၤတဂၤလၢ်လၢ်လၢတၢ်တိာ်ပာ်လၢတၢ်ကဘၣ်ဖီၣ်န့ၢ်အီၤန့ၣ် ကဘၣ်တၢ်ဖီၣ်န့ၢ်အီၤသပှၢ်ကတၢၢ်, ပှၤတဂၤလၢ်လၢ်လၢတၢ်တိာ်ပာ်လၢအကဘၣ်တၢ်မၤသံ အီၤလၢနးန့ၣ်, ကဘၣ်တၢ်မၤသံအီၤလၢနးသပှၢ်ကတၢၢ် လီၤ. အဝဲအံၤန့ၣ်အလီၢ်အိၣ်လၢကစၢ်ယွၤအပှၤဂီၢ်မုၢ်တဖၣ် ကဝံသးစူၤတူၢ်တၢ်ဒီးကစူၢ်တၢ်နာ်တၢ်လီၤ.

လံာ်လီၣ်ဖျါ 13:14

ဒီးအဝဲဒၣ်လီန့ၢ်ကယဲၢ်ပှၤအိၣ်ဝဲဆိးဝဲလၢဟီၣ်ခိၣ်ချၢ ခီဖျိတၢ်လီၤလးလၢတၢ်ပျဲအမၤဝဲလၢတၢ်ဒူတၢ်ဃိၤ တၢတဒုအမဲာ်ညါန့ၣ်လီၤ. တၢ်ဒူတၢ်ဃိၤခံဒုတဒုအံၤမၢအဝဲသ့ၣ်ဘှီန့ၢ်က့ၢ်ဂီၤ တခါလၢတၢ်ကမၤလၤကပီၤတၢ်ဒူတၢ်ဃိၤလၢအဘၣ် တၢ်မၤဘၣ်ဒိအီၤလၢနး, ဘၣ်ဆၣ်ဒီးအိၣ်မူဒံးဝဲတဒုန့ၣ် အဂီၢ်လီၤ.

လံာ်လီၣ်ဖျါ 13:8

ပှၤကိးဂၤဒဲးလၢအအိၣ်ဝဲဆိးဝဲလၢဟီၣ်ခိၣ်ချၢကဘူၣ် ထီၣ်ဘါထီၣ်အီၤ, ဒီးပှၤလၢအတဘါထီၣ်အီၤန့ၣ်, မ့ၢ်ထဲပှၤလၢအမံၤအိၣ်ကွဲးအသးလၢလံာ်မူအပူၤ, တချုးတၢ်တ့လီၤပာ်လီၤဟီၣ်ခိၣ်ဒံးဘၣ်, လံာ်မူလၢအမ့ၢ်သိဖိလၢအဘၣ်တၢ်မၤသံအီၤတဒုန့ၣ် အတၢ်လီၤ.

လံာ်လီၣ်ဖျါ 14:12

ဖဲအံၤန့ၣ်အလီၢ်အိၣ်လၢကစၢ်ယွၤအပှၤဂီၢ်မုၢ်တဖၣ်, ပှၤလၢအဒိကနၣ်ဒီးအိၣ်မူထွဲကစၢ်ယွၤအတၢ်မၤလိာ်တဖၣ် ဒီးတီလၢယ့ၣ်ၡူးန့ၣ်, ကတူၢ်တၢ်လၢတၢ်သူၣ်စူၤသးစူၤအပူၤလီၤ.

လံာ်လီၣ်ဖျါ 14:6

အန့ၣ်ဝံၤဒီး, ယထံၣ်ကလူးအဂၤတဂၤယူၤဝဲဒၣ်ထီထီကလဲာ်လၢ ကလံၤကျါအိၣ်ဒီးတၢ်ကစီၣ်အထူအယိာ်ဘၣ်ဃးတၢ်သးခု ကစီၣ်လၢအကဘိးဘၣ်သ့ၣ်ညါဝဲဆူပှၤအိၣ်လၢဟီၣ်ခိၣ်ချၢ တဖၣ်, ဆူပှၤကိးကလုာ်ဒဲး, ပှၤကိးဒူၣ်ကိးထၢဒဲး, ပှၤကတိၤ ကျိာ်တကျိာ်လၢ်လၢ်, ဒီးထံကီၢ်ကိးကီၢ်ဒဲးအအိၣ်န့ၣ်လီၤ.

လံာ်လီၣ်ဖျါ 16:14

အဝဲသ့ၣ်မ့ၢ်တၢ်ဝံတၢ်နါလၢအမၤတၢ်လီၤလးတဖၣ်အသး န့ၣ်လီၤ. သးသၢဒုအံၤလဲၤဝဲဆူဟီၣ်ခိၣ်အစီၤပၤခဲလၢာ်အအိၣ် ဒ်သိးအကဒုးအိၣ်ဖှိၣ်အဝဲသ့ၣ်တပူၤဃီလၢတၢ်ဒုးဖဲသ့တၢ် လၢာ်ကစၢ်ယွၤအမုၢ်နံၤဖးဒိၣ်တနံၤန့ၣ်အဂီၢ်လီၤ.

လံာ်လီၣ်ဖျါ 17:2

ဟီၣ်ခိၣ်အစီၤပၤတဖၣ်မၤကမၣ်မုၣ်ကမၣ်ခွါဒီးအီၤ, ဒီးပှၤဟီၣ်ခိၣ်ဖိတဖၣ်အီမူၤအသးလၢစပံးထံဘၣ်ဃးဒီး အဝဲအလုၢ်အၢလၢ်သီန့ၣ်လီၤ.”

လံာ်လီၣ်ဖျါ 17:8

တၢ်ဒူတၢ်ဃိၤတဒုန့ၣ်, အိၣ်မူတ့ၢ်ဝဲတဘျီ, ဘၣ်ဆၣ်ဒီး တမူဝဲလၢၤဘၣ်. ဘူးထီၣ်လံလၢအဝဲဒၣ်ကဟဲထီၣ်လၢ တၢ်ပူၤယိာ်, ဒီးကဟးထီၣ်ဝဲဒ်သိးအကဘၣ်တၢ်မၤဟးဂီၤကွံာ်အီၤ အဂီၢ်လီၤ. ပှၤအိၣ်လၢဟီၣ်ခိၣ်ချၢ, လၢအမံၤတအိၣ်ကွဲးအသးလၢလံာ်မူအပူၤတချုးတၢ်တ့လီၤပာ်လီၤ ဟီၣ်ခိၣ်ဒံးဘၣ်တဖၣ်န့ၣ်, ကကမၢကမၣ်မးဝဲကိးဂၤဒဲး, ဖဲအဝဲသ့ၣ်ကွၢ်တၢ်ဒူတၢ်ဃိၤတဒုန့ၣ်လီၤ. တၢ်ဒူတၢ်ဃိၤအံၤ, တဘျီန့ၣ်အိၣ်မူဝဲ, မ့မ့ၢ်ခဲကနံၣ်အံၤတအိၣ်မူဝဲလၢၤဘၣ်. ဘၣ်ဆၣ်ဒီး, အဝဲဒၣ်ကအိၣ်ဖျါထီၣ်ကဒါက့ၤလီၤ.

လံာ်လီၣ်ဖျါ 2:10

တၢ်လၢနကတူၢ်ဘၣ်အီၤခဲကနံၣ်အံၤန့ၣ်တဘၣ်ပျံၤအီၤနီ တမံၤတဂ့ၤ. ဒိကနၣ်တက့ၢ်. မုၣ်ကီၤလံၢ်ကမၤကွၢ်သုခီဖျိအဒုးဃာ်သုဝဲတနီၤလၢဃိာ်ပူၤ, ဒီးသုကဘၣ်ကီဘၣ်ခဲလၢအသီတဆံအတီၢ်ပူၤလီၤ. နမ့ၢ်ဘၣ်သံဒၣ်လဲာ်န့ၣ်, သးတီဒီးယၤတက့ၢ်, ဒီးယကဟ့ၣ်နၤလၢတၢ်မူဒ်နတၢ်မၤနၢၤအခိၣ်ဖးန့ၣ်လီၤ.

လံာ်လီၣ်ဖျါ 3:8

နမၤတၢ်မနုၤလဲၣ်န့ၣ်ယသ့ၣ်ညါယဲလီၤ, ယသ့ၣ်ညါလၢနအိၣ်ဒီးတၢ်စိကမီၤတဆံးတက့ၢ်, နပိာ်ထွဲယတၢ်သိၣ်လီၤသီလီၤ, ဒီးနသးတီတ့ၢ်နဲဒီး ယၤလီၤ. ယအိးထီၣ်ပာ်ယဲတြဲၤတဘ့ၣ်လၢနမဲာ်ညါ, လၢပှၤကးတံာ်အီၤတန့ၢ်နီတဂၤဘၣ်န့ၣ်လီၤ.

လံာ်လီၣ်ဖျါ 6:10

အဝဲသ့ၣ်ကိးပသူထီၣ်လၢအကလုၢ်ဖးဒိၣ်, “သ့တၢ်လၢာ်ကစၢ်လၢအစီဆှံဒီးတီဝဲလိၤဝဲ တဂၤဧၢ, နကစံၣ်ညီၣ်ပှၤလၢဟီၣ်ခိၣ်ချၢတဖၣ်ဒီးဟ့ၣ်ကၣ် အဝဲသ့ၣ်လၢအမၤသံပှၤတဖၣ်အဂီၢ်န့ၣ်, ဆၢကတီၢ် ကယံာ်ဒံးဝဲဆံးအါလဲၣ်.”

လံာ်လီၣ်ဖျါ 8:13

တုၤနုၤတစုယကွၢ်တၢ်, ဒီးယနၢ်ဟူလံာ်ကြီကြာ်တဘ့ၣ်လၢအယူၤဝဲလၢကလံၤ ကျါဖးထီန့ၣ်, စံးဝဲလၢအကလုၢ်ဖးဒိၣ် “ဖဲကွဲၤအကလုၢ် သီၣ်ထီၣ်ဝဲ, လၢကလူးအဂၤသၢဂၤကဘၣ်အူသီၣ်ထီၣ်န့ၣ်, ကယဲၢ်ပှၤအိၣ်လၢဟီၣ်ခိၣ်ချၢတဖၣ်အဂီၢ်ကမ့ၢ်တၢ်အဖှီၣ်, တၢ်အဖှီၣ်, တၢ်အဖှီၣ်န့ၣ်လီၤ.”