လံာ်လီၣ်ဖျါ 22:7 - Sgaw Karen Common Bible

⁷ ယ့ၣ်ၡူးစံးဝဲဒၣ်, “ဒိကနၣ်တက့ၢ်. တယံာ်ဘၣ်ဒီး, ယကဟဲလီၤ. ပှၤလၢအစူၢ်တၢ်တဖၣ်လၢအဘၣ်တၢ်ကတိၤဆိပာ်စၢၤလၢလံာ် တဘ့ၣ်အံၤအပူၤန့ၣ်ဘၣ်ဆိၣ်ဂ့ၤဝဲလီၤ.”

လံာ်လီၣ်ဖျါ 22:7 Iomraidhean Croise

လံာ်လီၣ်ဖျါ 1:11

တၢ်အကလုၢ်န့ၣ်စံးဝဲ, “ကွဲးလီၤတၢ်လၢနထံၣ်ဘၣ်နဲ, လၢလံာ်တဘ့ၣ်အပူၤ, ဒီးဆှၢလီၤလံာ်အဝဲန့ၣ်ဆူတၢ်အိၣ်ဖှိၣ် တဖၣ်လၢဝ့ၢ်နွံဖျၢၣ်အံၤ, ဝ့ၢ်အ့းဖ့းစူး, ဝ့ၢ်စမူရနၤ, ဝ့ၢ်ပ့ၢ်ကမူး, ဝ့ၢ်သူၤအတံရၤ, ဝ့ၢ်စၢ်ဒံ, ဝ့ၢ်ဖံၤလဒ့းလဖံ, ဒီးဝ့ၢ်လီၤဒံၤကံ, အပူၤန့ၣ်တက့ၢ်.”

လံာ်လီၣ်ဖျါ 1:3

ပှၤတဂၤလၢအဖးလံာ်တဘ့ၣ်အံၤန့ၣ်ဘၣ်ဆိၣ်ဂ့ၤဝဲ, ဒီးပှၤတဖၣ်လၢအဒိကနၣ်တၢ်ကတိၤတဖၣ်လၢဝံအတၢ်ကစီၣ် တမံၤအံၤအပူၤဒီးစူၢ်တၢ်လၢအအိၣ်ကွဲးနီၣ်အသးဖဲလံာ် တဘ့ၣ်အံၤအပူၤန့ၣ်, ဘၣ်ဆိၣ်ဂ့ၤဝဲလီၤ. အဂ့ၢ်ဒ်အံၤ, တၢ်ဆၢကတီၢ်ဘူးထီၣ်တ့ၢ်လံဝဲလၢတၢ်သ့ၣ်တဖၣ်အံၤခဲလၢာ် ကမၤအသးန့ၣ်လီၤ.

လံာ်လီၣ်ဖျါ 16:15

“ဒိကနၣ်တက့ၢ်. ယဟဲယဲဒ်တၢ်ဘျၣ်တဂၤအသိးလီၤ. ပှၤတဂၤလၢအိၣ်စီၣ်မဲာ်စီၣ်နါဒီးကတီၤဃာ်အတၢ်ကူတၢ်သိး တဖၣ်ဒ်သိးအဝဲအသုတဟးဝ့ၤဝီၤအိၣ်ဘ့ၣ်ဆ့ဒီးမဲာ်ဆှး ဘၣ်လၢပှၤဂီၢ်မုၢ်ဂီၢ်ပၤအမဲာ်ညါတဂ့ၤအဂီၢ်န့ၣ်ဘၣ်ဆိၣ်ဂ့ၤဝဲလီၤ.”

လံာ်လီၣ်ဖျါ 2:16

ခဲကနံၣ်အံၤ, ဃၣ်ကွံာ်လၢနတၢ်ဒဲးတူာ်ဒဲးဘးတဖၣ်န့ၣ် တက့ၢ်. နမ့ၢ်တမၤဒ်န့ၣ်ဘၣ်ဒီး, တယံာ်ဘၣ်န့ၣ်ယကဟဲယဲဆူနအိၣ်ဒီးဒုးတၢ်ထီဒါပှၤသ့ၣ် တဖၣ်န့ၣ်လၢနးလၢအဟဲထီၣ်လၢယကိာ်ပူၤန့ၣ်လီၤ.

လံာ်လီၣ်ဖျါ 22:12

ယ့ၣ်ၡူးစံးဝဲဒၣ်, “ဒိကနၣ်တက့ၢ်. လၢတစိၢ်ဖိအတီၢ်ပူၤ ယကဟဲယဲလီၤ. ယကဟဲစိာ်ဃုာ်ဒီးယခိၣ်ဖးတဖၣ်ဒ်သိးယကဟ့ၣ် ပှၤတဂၤဘၣ်တဂၤ, ဒ်အဝဲဒၣ်မၤတ့ၢ်လံတၢ်အသိးန့ၣ်လီၤ.

လံာ်လီၣ်ဖျါ 22:18

ကယဲၢ်ပှၤလၢအနၢ်ဟူဘၣ်တၢ်တဖၣ်လၢအဘၣ်တၢ်ကတိၤဆိပာ် စၢၤအီၤလၢလံာ်တဘ့ၣ်အံၤအပူၤခဲလၢာ်န့ၣ်, ယၤ, စီၤယိၤဟၣ်ယဟ့ၣ်ပလီၢ်အဝဲသ့ၣ်သပှၢ်ပှၢ်လီၤ. ပှၤတဂၤဂၤမ့ၢ်ပာ်ဖှိၣ်အါထီၣ်တၢ်တမံၤမံၤလၢတၢ်တဖၣ်အံၤ အပူၤန့ၣ်, ကစၢ်ယွၤကပာ်အါထီၣ်တၢ်နးတၢ်ဖှီၣ်တဖၣ်လၢ အဘၣ်တၢ်ပာ်ဖျါထီၣ်တ့ၢ်အီၤလၢလံာ်တဘ့ၣ်အံၤအပူၤ, လၢ အလိၤန့ၣ်လီၤ.

လံာ်လီၣ်ဖျါ 22:19

ဒီးပှၤတဂၤဂၤမ့ၢ်ထုးစှၤလီၤတၢ်တမံၤမံၤလၢလံာ်တဘ့ၣ် အံၤအပူၤန့ၣ်, ကစၢ်ယွၤကဟံးထီၣ်ကွံာ်အတၢ်တိာ်ပာ်လၢ အဂီၢ်, ဘၣ်ဃးဒီးသ့ၣ်မူအသၣ်ဒီးဝ့ၢ်စီဆှံလၢအဘၣ် တၢ်ပာ်ဖျါအီၤလၢလံာ်တဘ့ၣ်အံၤအပူၤလီၤ.

လံာ်လီၣ်ဖျါ 22:20

ပှၤလၢအဟ့ၣ်အတၢ်အုၣ်အသးဘၣ်ဃးဒီးတၢ်တဖၣ်အံၤ အဂ့ၢ်ခဲလၢာ်န့ၣ်စံးဝဲ, “မ့ၢ်ဝဲသပှၢ်ကတၢၢ်လီၤ. တယံာ်ဘၣ်ဒီး, ယကဟဲယဲလီၤ.” အၤမ့ၣ်. ဟဲတက့ၢ်. ကစၢ်ယ့ၣ်ၡူးဧၢ.

လံာ်လီၣ်ဖျါ 22:21

မ်ကစၢ်ယ့ၣ်ၡူးအဘျုးအဖှိၣ်အိၣ်ဒီးကစၢ်ယွၤအပှၤဂီၢ် မုၢ်ကိးဂၤဒဲးတက့ၢ်.

လံာ်လီၣ်ဖျါ 3:11

တယံာ်ဘၣ်န့ၣ်ယကဟဲယဲလီၤ. ဟံးဃာ်ဂၢၢ်ကျၢၤတၢ်လၢအအိၣ် ဒီးနၤ, ဒ်သိးပှၤသုတဂုာ်န့ၢ်နတၢ်မၤနၢၤအခိၣ်ဖးတဂ့ၤန့ၣ်တက့ၢ်.

လံာ်လီၣ်ဖျါ 3:3

လၢတၢ်န့ၣ်အဃိ, သ့ၣ်နီၣ်ထီၣ်က့ၤတၢ်လၢနဘၣ်တၢ်သိၣ်လိ တ့ၢ်နၤ, ဒီးတၢ်လၢနနၢ်ဟူဘၣ်တ့ၢ်နဲန့ၣ်တက့ၢ်. စူၢ်အီၤဒီးဃၣ်ကွံာ်လၢနတၢ်ဒဲးဘးတဖၣ်န့ၣ်တက့ၢ်. နမ့ၢ်တဖု သံနီၣ်ထီၣ်ဘၣ်ဒီးယကဟဲဆူနအိၣ်ဒ်တၢ်ဘျၣ်တဂၤအသိး, ဒီးယကဟဲဖဲတၢ်ဆၢကတီၢ်နၣ်ရံၣ်မတၤလဲၣ်န့ၣ်တမ့ၢ်လၢ နကသ့ၣ်ညါနဲဒၣ်လဲာ်ဘၣ်.