လံာ်လီၣ်ဖျါ 22:3 - Sgaw Karen Common Bible

³ တၢ်လၢအအိၣ်လၢကစၢ်ယွၤအတၢ်ဆိၣ်အၢအဖီလာ်န့ၣ်တၢ် တထံၣ်န့ၢ်လၢၤအီၤလၢဝ့ၢ်တဖျၢၣ်အံၤအပူၤနီတမံၤဘၣ်. ကစၢ်ယွၤဒီးသိဖိအလီၢ်ပစိာ်န့ၣ်ကအိၣ်လၢဝ့ၢ်တဖျၢၣ်န့ၣ် အပူၤ, ဒီးအဝဲဒၣ်အခ့အပှၤတဖၣ်ကဘူၣ်ထီၣ်ဘါထီၣ်အီၤလီၤ.

လံာ်လီၣ်ဖျါ 22:3 Iomraidhean Croise

စံးထီၣ်ပတြၢၤ 16:11

နကဒုးနဲၣ်ယၤလၢတၢ်မူအကျဲ, နတၢ်အိၣ်ဒီးယၤမၤလၢပှဲၤယတၢ်သးခု ဒီးဟဲစိာ်န့ၢ်ယၤတၢ်အမုာ်ထီဘိန့ၣ်လီၤ.

စံးထီၣ်ပတြၢၤ 17:15

မ့မ့ၢ်ယဲဒၣ်အံၤယကထံၣ်ဘၣ်နၤ, မ့ၢ်လၢယတမၤကမၣ်တ့ၢ်တၢ်အဃိ, ဒီးဖဲယပၢၢ်ထီၣ်န့ၣ်ယကပှဲၤဒီးတၢ်သးခု မ့ၢ်လၢနအိၣ်ဒီးယၤအဃိလီၤ.

လံာ်ယၡါယၤ 12:6

မ်ပှၤကိးဂၤဒဲးလၢအအိၣ်လၢဝ့ၢ်စံ ယိၣ်ကိးထီၣ်ဒီးသးဝံၣ်တၢ်တက့ၢ်. အံၣ်စရ့လးအကစၢ်ယွၤစီဆှံအံၤဒိၣ်နီၢ်မးလီၤ. ဒီးအဝဲဒၣ်အိၣ်ဝဲလၢအပှၤဂီၢ်မုၢ်အကျါလီၤ.”

လံာ်ယၡါယၤ 51:11

ပှၤတဖၣ်လၢနမၤပူၤဖျဲးတ့ၢ်အီၤန့ၣ် ကလဲၤတုၤဝ့ၢ်ယရူၤရှလ့ၣ် လၢတၢ်သူၣ်ဖှံသးညီအပူၤ ဒီးကသးဝံၣ်တၢ်ဒီးကကိးထီၣ် ဝဲလၢတၢ်သူၣ်ခုသးခုအဂ့ၢ်န့ၣ်လီၤ. အဝဲသ့ၣ်ကသူၣ်ဖှံသးညီလီၤစိၤလီၤဃၣ် ဒီးပူၤဖျဲးကွံာ်ဒီးတၢ်ဘၣ်မိၣ်ဘၣ်မးဒီးတၢ်သူၣ် အုးသးအုးလီၤထူလီၤယိာ်န့ၣ်လီၤ.

လံာ်ယဃ့းစက့လး 37:27

ယကအိၣ်ဆိးဖဲန့ၣ်ဒီးအဝဲသ့ၣ်လီၤ. ယကမ့ၢ်အဝဲသ့ၣ်အကစၢ်ယွၤ ဒီးအဝဲသ့ၣ်ကမ့ၢ်ယပှၤဂီၢ်မုၢ်န့ၣ်လီၤ.

လံာ်ယဃ့းစက့လး 48:35

ဝ့ၢ်အတၢ်ဒူၣ်လွံၢ်ကပၤလိာ်အတၢ်ထိၣ်ခဲလၢာ် န့ၣ်မ့ၢ်ဝဲအပျၢ်တကလးဃိးကထိန့ၣ်လီၤ. စးထီၣ်လၢခဲအံၤဒီးဆူညါန့ၣ်ဝ့ၢ်အံၤအမံၤကဘၣ် တၢ်ကိးအီၤလၢ “ယွၤအိၣ်ဝဲဖဲအံၤ” န့ၣ်လီၤ.

လံာ်စကၤရယၤ 14:11

ပှၤဂီၢ်မုၢ်ကအိၣ်ကဆိးဖဲန့ၣ်လၢတၢ်ပူၤဖျဲး, ဒီးတဘၣ်တၢ်မၤပျံၤမၤဖုးလၢၤအီၤလၢတၢ်ဟးဂီၤဘၣ်.

လံာ်မးသဲ 25:21

အကစၢ်စံးဘၣ်အီၤ, ‘နမၤတၢ်ဂ့ၤမးလီၤ. တၢ်အခ့အပှၤလၢအဂ့ၤဒီးအကလုၢ်တီတဂၤဧၢ, နကလုၢ်တီလၢတၢ်ပၢၤဘၣ်တၢ်အဆံးအစှၤအပူၤအဃိ ယကပာ်နၤလၢတၢ်ပၢၤဘၣ်တၢ်အဒိၣ်အအါအလီၢ်လီၤ. ဟဲနုာ်ဒီးသးခုဃုာ်ဒီးယၤတက့ၢ်.’

လံာ်မးသဲ 25:41

တုၤနုၤတစု, စီၤပၤကစံးဘၣ်ပှၤအိၣ်လၢအစုစ့ၣ်တဖၣ်ဒ်အံၤ, ‘ဟးဖးဒီးယၤတက့ၢ်. ပှၤလၢအဘၣ်ကစၢ်ယွၤအတၢ်ဆိၣ်အၢသ့ၣ်ဧၢ, လဲၤနုာ်ဆူမ့ၣ်အူလၢအတလီၤပံာ်ဘၣ်နီတဘျီဘၣ်, လၢအဘၣ်တၢ်ကတဲာ်ကတီၤပာ်စၢၤလၢမုၣ်ကီၤလံၢ်ဒီးအကလူးတဖၣ် အဂီၢ်, အပူၤန့ၣ်တက့ၢ်.

လံာ်ယိၤဟၣ် 12:26

ပှၤတဂၤလၢ်လၢ်လၢအသးအိၣ်မၤယတၢ်မၤန့ၣ်, ကဘၣ်ကဲထီၣ်ယပျဲၢ်ယဘီၣ်ဒ်သိးဖဲယအိၣ်အလီၢ်န့ၣ် ယခ့ယပှၤကအိၣ်စ့ၢ်ကီးဒီးယၤဖဲန့ၣ်လီၤ. ပှၤတဂၤဂ့ၤတဂၤဂ့ၤမ့ၢ်မၤယတၢ်မၤဒီး, ယပၢ်ကမၤလၤကပီၤအီၤလီၤ.

လံာ်ယိၤဟၣ် 13:32

ဒီးကစၢ်ယွၤအလၤကပီၤမ့ၢ်ဘၣ်တၢ်လီၣ်ဖျါထီၣ်ခီဖျိအီၤ ဒီး, ကစၢ်ယွၤကလီၣ်ဖျါပှၤကညီဖိခွါအလၤကပီၤလၢ အပူၤဒၣ်ဝဲ, ဒီးကမၤဝဲခဲကနံၣ်အံၤလီၤ.

လံာ်ယိၤဟၣ် 14:3

ယကလဲၤကတဲာ်ကတီၤတၢ်လီၢ်လၢသုဂီၢ်ဝံၤအလီၢ်ခံ, ယကဟဲက့ၤကဒါက့ၤဒီးက့ၤကိးသုဆူယအိၣ်, ဒ်သိးဖဲယအိၣ်အလီၢ်န့ၣ်သုကအိၣ်စ့ၢ်ကီးသုဝဲအဂီၢ်န့ၣ်လီၤ.

လံာ်ယိၤဟၣ် 17:24

ပၢ်ဧၢ, နဟ့ၣ်လီၤယၤလၢအဝဲသ့ၣ်ဒီးယသးအိၣ်လၢအဝဲသ့ၣ် ကအိၣ်ဒီးယၤဖဲယအိၣ်တပူၤလၢ်လၢ်, ဒ်သိးအဝဲသ့ၣ်ကထံၣ်ဘၣ် ယလၤကပီၤ, တၢ်လၤကပီၤလၢနဟ့ၣ်လီၤယၤန့ၣ်လီၤ. အဂ့ၢ်ဒ်အံၤ, နအဲၣ်တ့ၢ်ယၤတချုးလၢဟီၣ်ခိၣ်ဘၣ်တၢ်တ့လီၤအီၤဒံးဘၣ်န့ၣ်လီၤ.

လံာ်သိၣ်လီၤသီလီၤတၢ် 27:26

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢတစူၢ်ဘၣ်ကယဲၢ်ကစၢ်ယွၤအတၢ်ဘူၣ်တၢ်ဘါအတၢ်သိၣ်တၢ်သီတဖၣ် ဒီးတၢ်သိၣ်လိတဖၣ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်လီၣ်ဖျါ 7:10

အဝဲသ့ၣ်ကိးထီၣ်လၢအကလုၢ်ဖးဒိၣ်, “တၢ်အုၣ်က့ၤခီၣ်က့ၤ ဟဲလၢပကစၢ်ယွၤ, လၢအဆ့ၣ်နီၤလၢလီၢ်ပစိာ်အလိၤ, ဒီးလၢသိဖိတဒုန့ၣ်အအိၣ်လီၤ.”

လံာ်လီၣ်ဖျါ 7:9

တၢ်မၤအသးဒ်အံၤဝံၤအလီၢ်ခံန့ၣ်, ယကွၢ်တၢ်, ဒီးပှၤဂီၢ်မုၢ်ဖးဒိၣ်တဖုအိၣ်ဝဲဒၣ်လီၤ. ပှၤဂံၢ်အနီၣ်ဂံၢ် တသ့ဘၣ်နီတဂၤဘၣ်. အဝဲသ့ၣ်ဟဲလၢကလုာ်ကိး ကလုာ်ဒဲး, ဒူၣ်ဖိထၢဖိကိးဒူၣ်ဒဲး, ထံကီၢ်ကိးဘ့ၣ်ဒဲး, ဒီးပှၤကတိၤကျိာ်ကိးကျိာ်ဒဲးအကျါန့ၣ်လီၤ. ဒီးအဝဲသ့ၣ်အိၣ်ဆၢထၢၣ်လၢလီၢ်ပစိာ်ဒီးသိဖိအမဲာ်ညါ, ကူသိးဆ့ကၤအဝါဒီးဟံးဃာ်လိၣ်ဒၢအဒ့တဖၣ်လၢ အစုပူၤန့ၣ်လီၤ.