လံာ်လီၣ်ဖျါ 22:20 - Sgaw Karen Common Bible

²⁰ ပှၤလၢအဟ့ၣ်အတၢ်အုၣ်အသးဘၣ်ဃးဒီးတၢ်တဖၣ်အံၤ အဂ့ၢ်ခဲလၢာ်န့ၣ်စံးဝဲ, “မ့ၢ်ဝဲသပှၢ်ကတၢၢ်လီၤ. တယံာ်ဘၣ်ဒီး, ယကဟဲယဲလီၤ.” အၤမ့ၣ်. ဟဲတက့ၢ်. ကစၢ်ယ့ၣ်ၡူးဧၢ.

လံာ်လီၣ်ဖျါ 22:20 Iomraidhean Croise

လံာ်တၢ်သးဝံၣ်တဖၣ်အတၢ်သးဝံၣ် 8:14

ယတၢ်အဲၣ်ဧၢ, ဟဲဆူယအိၣ်ဒ်တၤဟိစဘံတဒု, ဒ်တၤဟိဖါဖိတဒုအသိး, ဖဲကစၢၢ်တဖၣ်လၢသ့ၣ်နၢမူ အထူၣ်တဖၣ်မဲထီၣ်ဝဲအလိၤန့ၣ်တက့ၢ်.

လံာ်ယၡါယၤ 25:9

ဖဲတၢ်အံၤမၤအသးဒီး, ပှၤကိးဂၤဒဲးကစံးဝဲ, “အဝဲဒၣ်မ့ၢ်ပကစၢ်ယွၤလီၤ. ပပာ်ပတၢ်နာ်လၢအပူၤဒီးခဲအံၤ, ပသူၣ်ဖှံသးညီဒီးသူၣ်ခုသးခုလီၤ. အဂ့ၢ်ဒ်အံၤ, အုၣ်က့ၤခီၣ်က့ၤတ့ၢ်ပှၤလီၤ.”

လံာ်ယိၤဟၣ် 21:25

တၢ်အဂုၤအဂၤတဖၣ်လၢယ့ၣ်ၡူးမၤဝဲန့ၣ်, အိၣ်ဒံးအါမံၤန့ၣ်လီၤ. တၢ်မ့ၢ်ကွဲးလီၤအီၤတမံၤဘၣ်တမံၤခဲလၢာ်ဒီး, ယဆိကမိၣ်လၢလံာ်တဖၣ်လၢအကဘၣ်တၢ်ကွဲးအီၤန့ၣ်, ဟီၣ်ခိၣ်ဒီဘ့ၣ်တမ့ၢ်လၢအကတြီၢ်လၢၤဘၣ်န့ၣ်လီၤ.

1 ကရံၣ်သူး 16:22

ပှၤတဂၤလၢ်လၢ်လၢအတအဲၣ်ကစၢ်န့ၣ်, မ်အဘၣ်ဆိၣ်အၢတက့ၢ်. မၤရၤနၤသၤ - ပကစၢ်ဧၢ, ဟဲတက့ၢ်.

၂ တံၤမသ့း 4:8

ဒီးခဲကနံၣ်အံၤ, တၢ်မၤနၢၤအခိၣ်ဖးလၢအမ့ၢ်တၢ်မၤဘၣ်လိာ်က့ၤယၤဒီးကစၢ်ယွၤ န့ၣ် အိၣ်ခိးပာ်စၢၤယၤလံ. မ့ၢ်ခိၣ်ဖးလၢကစၢ်, ပှၤစံၣ်ညီၣ်တီတၢ်တဂၤကဟ့ၣ်လီၤယၤလၢမုၢ်နံၤအဝဲန့ၣ်, ဒီးထဲယၤတဂၤဧိၤတမ့ၢ်ဘၣ်, မ့ၢ်ကယဲၢ်ပှၤခဲလၢာ်လၢအအိၣ်ခိးကွၢ်လၢ် အဝဲကအိၣ်ဖျါထီၣ်အဂီၢ်စ့ၢ်ကီးန့ၣ်လီၤ.

ဧ့ၤဘြံၤ 10:37

အဂ့ၢ်ဒ်အံၤ, “တစိၢ်ဖိဒီးပှၤလၢအကဟဲဝဲတဂၤန့ၣ် ကဟဲဝဲဒီးတမၤယံာ်မၤနီၢ်အသးဘၣ်.

ဧ့ၤဘြံၤ 9:28

ခရံာ်ဘၣ်တၢ်လုၢ်ထီၣ်ပာ်ထီၣ်အီၤဒ်တၢ်လုၢ်အသိးတဘျီ ဧိၤဒ်သိးအကဟံးထီၣ်ကွံာ်ပှၤအါဂၤအတၢ်ဒဲးဘးဝံၤအဝဲ လီၣ်ဖျါထီၣ်ကဒီးအသးခံဘျီတဘျီ, တမ့ၢ်လၢအကမၤတံာ်တာ်အသးဒီးတၢ်ဒဲးဘးန့ၣ်ဘၣ်. မ့ၢ်ဒ်သိးအကအုၣ်က့ၤခီၣ်က့ၤပှၤလၢအအိၣ်ခိးကွၢ်လၢ်အီၤ သပှၢ်ကတၢၢ်တဖၣ်လီၤ.

လံာ်လီၣ်ဖျါ 1:18

ယမ့ၢ်ပှၤလၢအမူဝဲတဂၤလီၤ. ယသံတ့ၢ်ယဲ, ဘၣ်ဆၣ်ဒီးခဲကနံၣ်အံၤ, ယမူယဲအစိၤစိၤအဃၣ်ဃၣ်လီၤ. ယအိၣ်ဒီးတၢ်စိတၢ်ကမီၤလၢတၢ်သံ, ဒီးပျုၤပူၤအဖီခိၣ်လီၤ.

လံာ်လီၣ်ဖျါ 1:2

ဒီးစီၤယိၤဟၣ်တဲဖျါထီၣ်တ့ၢ်တၢ်သ့ၣ်တဖၣ်လၢအဝဲဒၣ် ထံၣ်ဘၣ်တ့ၢ်ဝဲခဲလၢာ်န့ၣ်လီၤ. အဝဲအံၤ, မ့ၢ်အဝဲဒၣ်အတၢ်ပာ်ဖျါဘၣ်ဃးတၢ်ကစီၣ်လၢကစၢ်ယွၤအအိၣ်, ဒီးတၢ်မ့ၢ်တၢ်တီလၢယ့ၣ်ၡူးခရံာ်လီၣ်ဖျါထီၣ်အီၤန့ၣ်လီၤ.

လံာ်လီၣ်ဖျါ 2:16

ခဲကနံၣ်အံၤ, ဃၣ်ကွံာ်လၢနတၢ်ဒဲးတူာ်ဒဲးဘးတဖၣ်န့ၣ် တက့ၢ်. နမ့ၢ်တမၤဒ်န့ၣ်ဘၣ်ဒီး, တယံာ်ဘၣ်န့ၣ်ယကဟဲယဲဆူနအိၣ်ဒီးဒုးတၢ်ထီဒါပှၤသ့ၣ် တဖၣ်န့ၣ်လၢနးလၢအဟဲထီၣ်လၢယကိာ်ပူၤန့ၣ်လီၤ.

လံာ်လီၣ်ဖျါ 22:10

ဒီးအဝဲဒၣ်စံးဘၣ်ယၤ, “တၢ်ကတိၤတဖၣ်လၢအဘၣ်တၢ်ကတိၤဆိပာ်စၢၤအီၤလၢ လံာ်တဘ့ၣ်အံၤအပူၤန့ၣ်တဘၣ်ပာ်ခူသူၣ်အီၤတဂ့ၤ. အဂ့ၢ်ဒ်အံၤ, တၢ်ခဲလၢာ်ခဲဆ့အံၤကမၤအသးအဂီၢ်န့ၣ်ဆၢကတီၢ်ဘူးထီၣ်ဝဲလံ.

လံာ်လီၣ်ဖျါ 22:12

ယ့ၣ်ၡူးစံးဝဲဒၣ်, “ဒိကနၣ်တက့ၢ်. လၢတစိၢ်ဖိအတီၢ်ပူၤ ယကဟဲယဲလီၤ. ယကဟဲစိာ်ဃုာ်ဒီးယခိၣ်ဖးတဖၣ်ဒ်သိးယကဟ့ၣ် ပှၤတဂၤဘၣ်တဂၤ, ဒ်အဝဲဒၣ်မၤတ့ၢ်လံတၢ်အသိးန့ၣ်လီၤ.

လံာ်လီၣ်ဖျါ 22:18

ကယဲၢ်ပှၤလၢအနၢ်ဟူဘၣ်တၢ်တဖၣ်လၢအဘၣ်တၢ်ကတိၤဆိပာ် စၢၤအီၤလၢလံာ်တဘ့ၣ်အံၤအပူၤခဲလၢာ်န့ၣ်, ယၤ, စီၤယိၤဟၣ်ယဟ့ၣ်ပလီၢ်အဝဲသ့ၣ်သပှၢ်ပှၢ်လီၤ. ပှၤတဂၤဂၤမ့ၢ်ပာ်ဖှိၣ်အါထီၣ်တၢ်တမံၤမံၤလၢတၢ်တဖၣ်အံၤ အပူၤန့ၣ်, ကစၢ်ယွၤကပာ်အါထီၣ်တၢ်နးတၢ်ဖှီၣ်တဖၣ်လၢ အဘၣ်တၢ်ပာ်ဖျါထီၣ်တ့ၢ်အီၤလၢလံာ်တဘ့ၣ်အံၤအပူၤ, လၢ အလိၤန့ၣ်လီၤ.

လံာ်လီၣ်ဖျါ 22:7

ယ့ၣ်ၡူးစံးဝဲဒၣ်, “ဒိကနၣ်တက့ၢ်. တယံာ်ဘၣ်ဒီး, ယကဟဲလီၤ. ပှၤလၢအစူၢ်တၢ်တဖၣ်လၢအဘၣ်တၢ်ကတိၤဆိပာ်စၢၤလၢလံာ် တဘ့ၣ်အံၤအပူၤန့ၣ်ဘၣ်ဆိၣ်ဂ့ၤဝဲလီၤ.”