လံာ်လီၣ်ဖျါ 22:2 - Sgaw Karen Common Bible

² ဒီးယွၤလီၤလၢဝ့ၢ်အကျဲမုၢ်ခိၣ်အခၢၣ်သးလီၤ. ဖဲထံကျိကၢၢ်ခိၣ် တခီတကပၤန့ၣ်, သ့ၣ်မူအိၣ်ဝဲတထူၣ်စုာ်စုာ်, လၢအသၣ်ထီၣ်တၤသၣ်တနံၣ်တဆံခံဘျီ, တလါတဘျီ, ဒီးအလၣ်သ့ၣ်တဖၣ်န့ၣ်မ့ၢ်ဝဲလၢတၢ်ကမၤ ဘျါက့ၤထံဧိၤကီၢ်ဧိၤတဖၣ်အဂီၢ်လီၤ.

လံာ်လီၣ်ဖျါ 22:2 Iomraidhean Croise

လံာ်တၢ်ကဲထီၣ်အခီၣ်ထံး 2:9

ဒီးအဝဲဒုးမဲထီၣ်ကယဲၢ်သ့ၣ်အဃံအလၤအကလုာ်ကလုာ်ဒီးဒုးသၣ်ထီၣ် တၤသၣ်အဂ့ၤန့ၣ်လီၤ. လၢတၤသၣ်လီၢ်အခၢၣ်သးန့ၣ်အိၣ်ဒီးသ့ၣ်လၢအဟ့ၣ်တၢ်မူတထူၣ်, ဒီးသ့ၣ်လၢအဟ့ၣ်တၢ်သ့ၣ်ညါသ့နီၤဖးတၢ်ဂ့ၤဒီးတၢ်အၢတထူၣ်န့ၣ်လီၤ.

စံးထီၣ်ပတြၢၤ 147:3

အဝဲဒၣ်မၤဘျါက့ၤပှၤလၢအသူၣ်ကၢ်အသးလီၤ, ဒီးဘိၣ်ထီၣ်အဝဲသ့ၣ်အပူၤလီၢ်တဖၣ်လီၤ.

တၢ်ကတိၤဒိ. 3:18

ပှၤလၢအကဲထီၣ်ပှၤကူၣ်သ့တဖၣ်န့ၣ်, ဘၣ်ဆိၣ်ဂ့ၤဝဲနီၢ်နီၢ်လီၤ. တၢ်ကူၣ်သ့ကဟ့ၣ်အဝဲသ့ၣ်လၢတၢ်မူလီၤ.

လံာ်ယၡါယၤ 6:10

ဝံၤဒီးအဝဲစံးဘၣ်ယၤ, “မၤဃၢပှၤတဖၣ်အံၤအသး, မၤတအၢအနၢ်တဖၣ်, ဒီးမၤဘျီၣ်အမဲာ်ချံတဖၣ်ဒ်သိးအဝဲသ့ၣ် အသုတထံၣ်တၢ်, နၢ်ဟူတၢ်, ဒီးနၢ်ပၢၢ်တၢ်တဂ့ၤန့ၣ်တက့ၢ်. အဝဲသ့ၣ်မ့ၢ်ထံၣ်တၢ်, နၢ်ဟူတၢ်, ဒီးနၢ်ပၢၢ်ဘၣ်ဖုးတၢ်ဒီး, အဝဲသ့ၣ်ကဃၣ်ကဒါက့ၤဘၣ်ဖုးအသးဆူယ အိၣ်ဒီးကန့ၢ်ဘၣ်ဖုးတၢ်မၤဘျါက့ၤန့ၣ်လီၤ.”

လံာ်ယံးရမံယၤ 17:14

ယွၤဧၢ, မၤဘျါယၤတက့ၢ်. ဒီးယကဘျါက့ၤလၢလၢပှဲၤပှဲၤန့ၣ်လီၤ. မၤပူၤမၤဖျဲးယၤတက့ၢ်. ဒီးယကပူၤဖျဲးလၢလၢပှဲၤပှဲၤန့ၣ်လီၤ. နမ့ၢ်ပှၤတဂၤလၢယစံးထီၣ်ပတြၢၤအီၤန့ၣ်လီၤ.

လံာ်ယဃ့းစက့လး 47:1

ပှၤတဂၤန့ၣ်ဆှၢကဒါက့ၤယၤဆူယွၤ အတၢ်လုၢ်ဟံၣ်အကျဲစၢၤဟဲနုာ်လီၤန့ၣ်လီၤ. ထံဟဲထီၣ်လၢကျဲစၢၤဟဲနုာ်လီၤအဖီလာ်ဒီး ယွၤလီၤဝဲဆူမုၢ်ထီၣ်လၢယွၤအတၢ်လုၢ်ဟံၣ်အမဲာ်ကွၢ်တၢ်တခီန့ၣ်လီၤ. ထံအံၤဟဲယွၤလီၤလၢတၢ်လုၢ်ဟံၣ်အကလံၤထံးအဖီလာ်တ ကပၤတခီဒီးလဲၤခီဂာ်တၢ်လုၢ်လီၢ်အကလံၤထံးတကပၤန့ၣ်လီၤ.

လံာ်ဟိၤၡ့ 14:4

ယွၤစံးဝဲဒၣ်, ယကမိၤကဒါက့ၤယပှၤဂီၢ်မုၢ်ဆူယအိၣ်လီၤ. ယကအဲၣ်အဝဲသ့ၣ်လၢယသးဒီဖျၢၣ်ညါလီၤ. ယတသးထီၣ်လၢၤအဝဲသ့ၣ်နီတဘျီလၢၤဘၣ်.

လံာ်စကၤရယၤ 14:8

ဖဲမုၢ်နံၤအဝဲန့ၣ်တုၤဃီၤန့ၣ်, ထံမူကယွၤလီၤဝဲဒၣ်လၢဝ့ၢ်ယရူၤၡလ့ၣ်, တဝာ်န့ၣ်ကယွၤလီၤဆူပီၣ်လဲၣ်သံ, ဒီးအဂၤတဝာ်န့ၣ်ကယွၤလီၤဝဲဒၣ်ဆူပီၣ်လဲၣ်ဖးဒိၣ်မဲးထံးထၢၣ် ရ့နယၢၣ်န့ၣ်လီၤ. ထံမူအံၤကယွၤလီၤဝဲဒၣ်လၢဒီတနံၣ်ညါအတီၢ်ပူၤ, လၢတၢ်ယီၤအကတီၢ်ဒီးတၢ်စူၤအကတီၢ်စ့ၢ်ကီးန့ၣ်လီၤ.

လံာ်မၤလကံ 4:2

မ့မ့ၢ်သုဝဲ, ပှၤလၢအစူၢ်ယၤန့ၣ်, ယတၢ်အုၣ်က့ၤခီၣ်က့ၤအစိကမီၤ ကအိၣ်ထီၣ်လၢသုဖီခိၣ်ဒ်မုၢ်အသိးဒီးကဟဲစိာ်တၢ်မၤဘျါ က့ၤဒ်မုၢ်အတၢ်ကပီၤအယဲၤတဖၣ်အသိးန့ၣ်လီၤ. ဒီးသုကထူၣ်ဖျဲးဒီးသးဖှံဒ်ဂီၤ ဖံးဖိတဖၣ်လၢအဘၣ်တၢ်ပျၢ်ကွံာ်အီၤလၢအကရၢၢ်အသိးန့ၣ်လီၤ.

လံာ်လူၤကၣ် 4:18

“ကစၢ်အသးအိၣ်ဝဲလၢယလိၤလီၤ. အဂ့ၢ်ဒ်အံၤ, အဝဲဒၣ်ဃုထၢလံယၤ ဒ်သိး ယကစံၣ်တဲၤတဲလီၤတၢ်သးခုအကစီၣ်လၢ ပှၤဖှီၣ်ဖိယာ်ဖိန့ၣ်လီၤ. အဝဲဒၣ်ဆှၢလီၤယၤဒ်သိးယကဒုးဟူထီၣ်သါလီၤ တၢ်ထူၣ်ဖျဲးလၢပှၤဘၣ်တၢ်ဖီၣ်န့ၢ်အီၤတဖၣ်အဂီၢ်, ဒီးတၢ်ဒုးထံၣ်ထီၣ်က့ၤတၢ်လၢ ပှၤမဲာ်တထံၣ်တၢ်တဖၣ်အဂီၢ်, ဒ်သိးယကဒုးထူၣ်ဖျဲးထီၣ်ကွံာ်ပှၤလၢ အဘၣ်တၢ်မၤနၢၤမၤဃၣ်အီၤတဖၣ်,

၁ ပ့းတရူး 2:24

ခရံာ်အကစၢ်ဒၣ်ဝဲစိာ်ထီၣ်ပတၢ်ဒဲးဘးတဖၣ်လၢအနီၢ်ခိ အပူၤဆူထူၣ်စုညါအလိၤ, ဒ်သိးပကသံကွံာ်လၢတၢ်ဒဲးဘးဒီးမူလၢတၢ်တီတၢ်လိၤ အဂီၢ်န့ၣ်လီၤ. ဒီးသုဘျါက့ၤလၢအဝဲဒၣ်ဘၣ်တီၢ်အပူၤလီၢ် တဖၣ်အဃိလီၤ (ၡါ ၅၃:၅).

လံာ်လီၣ်ဖျါ 2:7

နနၢ်မ့ၢ်အိၣ်ကစီဒီန့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ် တက့ၢ်. ပှၤလၢအဒိးန့ၢ်တၢ်မၤနၢၤတဖၣ်န့ၣ်, ယကဟ့ၣ်အီၤလၢတၢ်အခွဲး အယာ်လၢအကအီၣ်သ့ၣ်မူလၢအမဲထီၣ်ဝဲဒၣ်ဖဲကစၢ်ယွၤ အတၤသၣ်လီၢ်န့ၣ်အသၣ်လီၤ.”

လံာ်လီၣ်ဖျါ 21:21

တြဲၤဖးဒိၣ်တဆံခံဘ့ၣ်မ့ၢ်ဝဲတၢ်မျၢ်ပလဲတဆံခံဖျၢၣ်, တြဲၤ တဘ့ၣ်ဘၣ်တဘ့ၣ်ဘၣ်တၢ်မၤအီၤလၢတၢ်မျၢ်ပလဲတဖျၢၣ် ဧိၤလီၤ. ဝ့ၢ်အကျဲမုၢ်မ့ၢ်ဝဲဒၣ်ထူအစီ, ဖျါဆဲးကလၤဝဲဒ် ယွၤခၣ်စိးအသိးလီၤ.

လံာ်လီၣ်ဖျါ 21:24

ပှၤကလုာ်လၢဟီၣ်ခိၣ်ချၢတဖၣ်ကလဲၤတၢ်လၢအဝဲအတၢ် ကပီၤလီၤ. ဒီးဟီၣ်ခိၣ်အစီၤပၤတဖၣ်ကဟဲစိာ်အတၢ်ထူး တၢ်တီၤဆူအဝဲဒၣ်အပူၤလီၤ.

လံာ်လီၣ်ဖျါ 22:1

ကလူးတဂၤန့ၣ်ဒုးနဲၣ်စ့ၢ်ကီးယၤလၢထံမူအထံကျိလၢအက တြ့ၣ်ကတြိၣ်ဝဲဒ်လၢၢ်ဖျါကလၤအသိး, ဒီးဟဲယွၤလီၤလၢကစၢ်ယွၤဒီးသိဖိအလီၢ်ပစိာ်,

လံာ်လီၣ်ဖျါ 22:14

ပှၤသ့ၣ်တဖၣ်လၢအသ့စီကွံာ်အဆ့ကၤဖးထီသတးဒီး အိၣ်ဒီးအခွဲးအယာ်လၢအကအီၣ်သ့ၣ်တၢ်မူအသၣ် ဒီးလဲၤခီဂာ်တြဲၤဖးဒိၣ်တဖၣ်ဆူဝ့ၢ်တဖျၢၣ်န့ၣ်အပူၤန့ၣ်, ဘၣ်ဆိၣ်ဂ့ၤဝဲလီၤ.

လံာ်လီၣ်ဖျါ 22:19

ဒီးပှၤတဂၤဂၤမ့ၢ်ထုးစှၤလီၤတၢ်တမံၤမံၤလၢလံာ်တဘ့ၣ် အံၤအပူၤန့ၣ်, ကစၢ်ယွၤကဟံးထီၣ်ကွံာ်အတၢ်တိာ်ပာ်လၢ အဂီၢ်, ဘၣ်ဃးဒီးသ့ၣ်မူအသၣ်ဒီးဝ့ၢ်စီဆှံလၢအဘၣ် တၢ်ပာ်ဖျါအီၤလၢလံာ်တဘ့ၣ်အံၤအပူၤလီၤ.