လံာ်လီၣ်ဖျါ 22:11 - Sgaw Karen Common Bible

¹¹ ပှၤလၢအအၢအသီဝဲတဂၤလၢ်လၢ်န့ၣ်, ကအၢကသီဒၣ်ဝဲ, ဒီးပှၤလၢအဘၣ်အၢဘၣ်သီဝဲတဂၤလၢ်လၢ်န့ၣ်ကဘၣ်အၢဘၣ်သီ ဒၣ်ဝဲ, ပှၤလၢအဂ့ၤဝဲဝါဝဲတဂၤလၢ်လၢ်န့ၣ်, ကမၤဒၣ်ဝဲတၢ်ဂ့ၤတၢ်ဝါဒီးပှၤလၢအစီဝဲဆှံဝဲတဂၤလၢ်လၢ်န့ၣ်, ကစီဆှံဒၣ်ဝဲတက့ၢ်.

လံာ်လီၣ်ဖျါ 22:11 Iomraidhean Croise

လံာ်စီၤယိၤဘး 17:9

အန့ၣ်ဒၣ်လဲာ်ပှၤအတီအလိၤကဟံးဃာ်အကျဲ, ဒီးပှၤလၢအစု ကဆှီန့ၣ်အဂံၢ်အဘါဒံးယံာ်ကဒံးဆူၣ်ထီၣ်လီၤ.

စံးထီၣ်ပတြၢၤ 81:12

အဃိ, ယပျဲလဲၤအဝဲသ့ၣ်ဆူအသးအၢအကျဲပူၤ ဒီးဒုးမၤအီၤတၢ်လၢ အအဲၣ်ဒိးဝဲန့ၣ်လီၤ.

တၢ်ကတိၤဒိ. 14:32

ပှၤအၢပှၤသီဟဲစိာ်အတၢ်လီၤပှီၢ်ဒၣ်ဝဲခီဖျိအတၢ်မၤအအၢအသီ တဖၣ်လီၤ. မ့မ့ၢ်ပှၤအဂ့ၤအဝါတဖၣ်န့ၣ်ဘၣ်တၢ်ဒီဒၣ်အီၤလၢအတၢ်လၢတၢ်ပှဲၤ အဃိလီၤ.

တၢ်ကတိၤဒိ. 4:18

ကျဲလၢပှၤတီပှၤလိၤပိာ်ဝဲန့ၣ်လီၤဂာ်ဒ်မုၢ်ဟဲထီၣ်ဒီးကပီၤ ဒံးယံာ်ဒံးဂ့ၤထီၣ်တုၤလၢမုၢ်ထူၣ်အသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 11:3

သ့ၣ်တထူၣ်မ့ၢ်လီၤတကူၢ်ဆူလဲၣ်ဂ့ၤဆူလဲၣ်ဂ့ၤန့ၣ်တမ့ၢ်တၢ်အမိၢ် ပှၢ်ဘၣ်. ကအိၣ်မံလီၤဒၣ်ဖဲအလီၤတကူၢ်ဝဲအလီၢ်လီၤ. တုၤတၢ်အၢၣ်တဖၣ်ပှဲၤဝဲဒီး, တၢ်ဟဲစူၤလီၤလီၤ.

လံာ်ယဃ့းစက့လး 3:27

အနၣ်ဝံၤဒီး, ဖဲယကတိၤကဒီးတၢ်ဒီးနၤ တဘျီဒီးဟ့ၣ်ကဒါက့ၤ နၤတၢ်သ့ကတိၤတၢ်န့ၣ်, နကတဲဘၣ်အဝဲသ့ၣ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. အဝဲသ့ၣ်တနီၤကဒိကနၣ် တၢ်, ဘၣ်ဆၣ် တကနၣ်ဃုာ်နၤဘၣ်. အဂ့ၢ်ဒ်အံၤ, အဝဲသ့ၣ်မ့ၢ်ပှၤပူထီၣ် တၢ်ဖိတကလုာ်န့ၣ်လီၤ.”

လံာ်ဒၤနံးယ့လး 12:10

ပှၤအါဂၤကဘၣ်တၢ်မၤကဆှီထီၣ်အီၤလီၤ. ပှၤအၢပှၤသီတဖၣ်န့ၣ်တမ့ၢ်က နၢ်ပၢၢ်ဝဲဘၣ်ဒီးကမၤဒံးတၢ်အၢတၢ်သီဆူညါဆူညါန့ၣ်လီၤ. ထဲဒၣ်ပှၤလၢအကူၣ်တၢ်သ့တဖၣ်ဧိၤကနၢ်ပၢၢ်ဝဲဒၣ်လီၤ.

လံာ်မးသဲ 15:14

ပျဲအဝဲသ့ၣ်အိၣ်ဒၣ်အတၢ်တက့ၢ်. အဝဲသ့ၣ်မ့ၢ်ပှၤဆှၢတၢ်လၢအမဲာ်ဘျီၣ်တဖၣ်လီၤ. ဒီးဖဲပှၤမဲာ်ဘျီၣ်ဆှၢပှၤမဲာ်ဘျီၣ်န့ၣ်, အဝဲသ့ၣ်ကလီၤတဲာ်နုာ်ဆူတၢ်ပူၤခံဂၤလၢာ်န့ၣ်လီၤ.”

လံာ်မးသဲ 21:19

အဝဲထံၣ်ချၢၣ်ဒၢတထူၣ်လၢကျဲကပၤဒီးလဲၤဝဲဆူအခီၣ်ထံး, ဘၣ်ဆၣ်တထံၣ်န့ၢ်အသၣ်နီတဖျၢၣ်ဘၣ်, ထံၣ်ဝဲထဲအလၣ်ဧိၤလီၤ. ဒီးအဝဲစံးဘၣ်သ့ၣ်န့ၣ်, “မ်နသုတသၣ်ထီၣ်နီတဘျီလၢၤတဂ့ၤ.” တဘျီဃီချၢၣ်ဒၢတထူၣ်န့ၣ်ဃ့ထီကွံာ်ဝဲလီၤ.

လံာ်မးသဲ 25:10

လၢတၢ်န့ၣ်အဃိ, မုၣ်ကနီၤလၢအသးတဆးတဖၣ်လဲၤဝဲဒ်သိး ကပှ့ၤန့ၢ်သိလီၤ. ဒီးဖဲအလဲၤတၢ်အဖၢမုၢ်န့ၣ်, တလးမူးပိာ်ခွါဟဲတုၤဝဲလီၤ. မုၣ်ကနီၤဖိလၢအသးဆးယဲၢ်ဂၤန့ၣ် အိၣ်ကတဲာ်ကတီၤအသးအဃိ လဲၤနုာ်ဃုာ်ဒီးတလးမူးပိာ်ခွါဆူတၢ်ဖျီအမူးပူၤန့ၣ်လီၤ. ဒီးတြဲၤဘၣ်တၢ်ကးတံာ်ဃာ်အီၤလီၤ.

လံာ်မးသဲ 5:45

မၤတၢ်အံၤဒ်သိးဒီးသုကကဲထီၣ်သုပၢ်အိၣ်လၢမူခိၣ်အဖိတဖၣ် န့ၣ်တက့ၢ်. အဂ့ၢ်ဒ်အံၤ, အဝဲဒုးကပီၤထီၣ်အမုၢ်လၢပှၤအအၢဒီးပှၤအဂ့ၤတဖၣ်အဂီၢ်ဒီး ဒုးစူၤလီၤတၢ်လၢပှၤလၢအအိၣ်မူတီတီလိၤလိၤဒီးပှၤလၢ အအိၣ်မူတတီတလိၤဘၣ်တဖၣ်အဂီၢ်ဒ်သိးသိးလီၤ.

လံာ်မးသဲ 5:6

ပှၤလၢအတၢ်ဆၢမိၣ်န့ၢ်သးလီတၢ်အဒိၣ်ကတၢၢ် မ့ၢ်တၢ်တီတၢ်လိၤန့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, ကစၢ်ယွၤကမၤလၢပှဲၤအတၢ်မိၣ်န့ၢ် သးလီအံၤလၢလၢပှဲၤပှဲၤလီၤ.

လံာ်ယိၤဟၣ် 8:21

ယ့ၣ်ၡူးစံးဘၣ်ကဒီးအဝဲသ့ၣ်, “ယကဟးထီၣ်လဲၤတၢ်, ဒီးသုကဃုယၤဘၣ်ဆၣ်သုကသံလၢသုတၢ်ဒဲးဘးတဖၣ် အပူၤလီၤ. တၢ်လီၢ်လၢယလဲၤန့ၣ်သုလဲၤတသ့ဘၣ်.”

အ့းဖ့းစူး 5:27

ဒ်သိးဒီးအကဒိးန့ၢ်ဘၣ်လၢအဂီၢ်ဒၣ်ဝဲတၢ်အိၣ်ဖှိၣ်အိၣ်ဒီး အဃံအလၤ, ဒီးအမဲၣ်သူမဲၣ်ဂီၤမ့ၢ်ဂ့ၤ, အဖံးသွံးမ့ၢ်ဂ့ၤ, တၢ်ဒ်န့ၣ်သိးတဖၣ်မ့ၢ်ဂ့ၤတအိၣ်ဘၣ်, မ့ၢ်ဒ်သိးအကစီကဆှံ, ဒီးပူၤဖျဲးဒီးတၢ်ကမူၤကမၣ်အဂီၢ်န့ၣ်လီၤ.

ကလီးစဲ 1:22

ဘၣ်ဆၣ်အခဲအံၤ, ခီဖျိခရံာ်အတၢ်ဒိးသံအသးလၢနီၢ်ခိနီၢ်ခီ န့ၣ်, ကစၢ်ယွၤဒုးကဲထီၣ်သုလၢအတံၤအသကိးတဖၣ်ဒ်သိး အကကိးက့ၤသုဆူအအိၣ်ဒီးလၢအဝဲအမဲာ်ညါန့ၣ်သုကစီဆှံ, တအိၣ်ဘၣ်ဒီးတၢ်ကမၣ်ဘၣ်ဒီးတၢ်ပာ်ဒ့ၣ်ပာ်ကမၣ်တသ့ဘၣ် အဂီၢ်န့ၣ်လီၤ.

၂ တံၤမသ့း 3:13

မ့မ့ၢ်ပှၤအၢပှၤသီဒီးပှၤလီတၢ်ဝ့ၤတၢ်တဖၣ်န့ၣ်ကလဲၤတၢ် ဒံးယံာ်ဒံးအၢထီၣ်, ကလီပှၤဂၤတဖၣ်ဒီးကဘၣ်တၢ်လီ န့ၢ်အီၤစ့ၢ်ကီးန့ၣ်လီၤ.

ယူဒၤ 1:24

ပှၤလၢအဟံးဃာ်ပၢၤဃာ်သုသ့ဒ်သိးသုသုတလီၤဃံၤတဂ့ၤ, ဒီးပာ်သုလၢအလၤကပီၤအမဲာ်ညါတအိၣ်ဘၣ်ဒီးမဲၣ်သူမဲၣ်ဂီၤဘၣ် လၢတၢ်သူၣ်ခုသးခုဒိၣ်ဒိၣ်ကလဲာ်အပူၤ,

လံာ်လီၣ်ဖျါ 16:21

တၢ်စူၤလီၤသူၣ်ဖးဒိၣ်တဖၣ်, လၢတဖျၢၣ်ဒီးတဖျၢၣ်ဃၢဝဲသၢမၢ ဃၣ်ဃၣ်, ဒီးဟဲလီၤဝဲလၢမူခိၣ်ဒီးလီၤဘၣ်ပှၤကညီတဖၣ်တုၤ ဒၣ်လဲာ်အဆိၣ်အၢကစၢ်ယွၤလၢတၢ်သံသတြိာ်ဘၣ်ဃးဒီးသူၣ်, အဂ့ၢ်မ့ၢ်လၢအမ့ၢ်ဝဲတၢ်သံသတြိာ်လီၤပျံၤလီၤဖုးတမံၤ အဃိန့ၣ်လီၤ.

လံာ်လီၣ်ဖျါ 22:3

တၢ်လၢအအိၣ်လၢကစၢ်ယွၤအတၢ်ဆိၣ်အၢအဖီလာ်န့ၣ်တၢ် တထံၣ်န့ၢ်လၢၤအီၤလၢဝ့ၢ်တဖျၢၣ်အံၤအပူၤနီတမံၤဘၣ်. ကစၢ်ယွၤဒီးသိဖိအလီၢ်ပစိာ်န့ၣ်ကအိၣ်လၢဝ့ၢ်တဖျၢၣ်န့ၣ် အပူၤ, ဒီးအဝဲဒၣ်အခ့အပှၤတဖၣ်ကဘူၣ်ထီၣ်ဘါထီၣ်အီၤလီၤ.