လံာ်လီၣ်ဖျါ 22:10 - Sgaw Karen Common Bible

¹⁰ ဒီးအဝဲဒၣ်စံးဘၣ်ယၤ, “တၢ်ကတိၤတဖၣ်လၢအဘၣ်တၢ်ကတိၤဆိပာ်စၢၤအီၤလၢ လံာ်တဘ့ၣ်အံၤအပူၤန့ၣ်တဘၣ်ပာ်ခူသူၣ်အီၤတဂ့ၤ. အဂ့ၢ်ဒ်အံၤ, တၢ်ခဲလၢာ်ခဲဆ့အံၤကမၤအသးအဂီၢ်န့ၣ်ဆၢကတီၢ်ဘူးထီၣ်ဝဲလံ.

လံာ်လီၣ်ဖျါ 22:10 Iomraidhean Croise

လံာ်ယၡါယၤ 13:6

ဟီၣ်အိၣ်ယူၤလၢတၢ်ဆါအ့ၣ်ထုးအ့ၣ်စိၢ်အဃိတက့ၢ်. ယွၤအမုၢ်တနံၤန့ၣ်အိၣ်ဘူးဝဲ, မုၢ်တနံၤဖဲသ့တၢ်လၢာ်, ဟဲစိာ်တၢ်ဟးဂီၤန့ၣ်လီၤ.

လံာ်ယၡါယၤ 8:16

သုဝဲ, ယပျဲၢ်ယဘီၣ်တဖၣ်သုကဘၣ်အံးထွဲကွၢ်ထွဲဒီးပၢၤဃး တၢ်ကစီၣ်တဖၣ်လၢကစၢ်ယွၤဟ့ၣ်လီၤတ့ၢ်ယၤလီၤ.

လံာ်ယဃ့းစက့လး 12:23

ခဲကနံၣ်အံၤ, တဲဘၣ်အဝဲသ့ၣ်လၢယၤ, ယွၤပၢဘၣ်တၢ်ခဲလၢာ်ကစၢ်, ကစံးတၢ်ဘၣ်ဃးဒီးတၢ်ဂ့ၢ်န့ၣ်တက့ၢ်. ယကဒုးဆိတ့ၢ်တၢ်ကတိၤဒိ အဝဲန့ၣ်လီၤ. လၢကီၢ်အံၣ်စရ့လးအပူၤန့ၣ်, တၢ်တစံးကဒီးလၢၤအီၤနီတစုဘၣ်. အခိၣ်တလိာ်, တဲဘၣ်အဝဲသ့ၣ်လၢ, တၢ်ဆၢကတီၢ်ဟဲတုၤလံဒီးတၢ်လၢတၢ်တဲဆိ ပာ်စၢၤသ့ၣ်တဖၣ်ကလၢထီၣ်ပှဲၤထီၣ်ဝဲလီၤ.

လံာ်ဒၤနံးယ့လး 12:4

မ့မ့ၢ်နဲဒၣ်အံၤစီၤဒၤနံးယ့လးဧၢ, ကးတံၢ်လံာ်န့ၣ်ဒီးပာ် တၢ်စဲပနီၣ်လၢအလိၤတုၤလၢတၢ်အကတၢၢ်မၤအသးန့ၣ်တက့ၢ်. ပှၤအါဂၤကလဲၤဆူအံၤဆူနုၤဒ်သိးဒီးအတၢ်သ့ၣ်ညါကအါ ထီၣ်န့ၣ်လီၤ.”

လံာ်ဒၤနံးယ့လး 12:9

အဝဲစံးဆၢဝဲဒၣ်, “စီၤဒၤနံးယ့လးဧၢ, နကဘၣ်က့ၤခဲအံၤလီၤ. အဂ့ၢ်ဒ်အံၤ, တၢ်ကတိၤတဖၣ်အံၤကဘၣ်တၢ်ကးတံၢ်ဒီးစဲပနီၣ် ဃာ်အီၤတုၤတၢ်အကတၢၢ်မၤအသးတစုန့ၣ်လီၤ.

လံာ်ဒၤနံးယ့လး 8:26

တၢ်ထံၣ်လၢညါခီဘၣ်ဃးတၢ်လုၢ်တၢ်ပာ်တဖၣ်လၢမုၢ်ဟါ ဒီးမုၢ်ဂီၤအကတီၢ်တဖၣ်, လၢအဘၣ်တၢ်တဲဖျါထီၣ်အီၤဆူ နအိၣ်န့ၣ်ကလၢထီၣ်ပှဲၤထီၣ်ဝဲဒၣ်လီၤ. ဘၣ်ဆၣ်ဒီးတၢ်ဂ့ၢ်အံၤပာ်ခူသူၣ်အီၤခဲအံၤတက့ၢ်. အဂ့ၢ်ဒ်အံၤ, တချုးအလၢထီၣ်ပှဲၤထီၣ်ဒံးဘၣ်ဒီးတၢ်ဆၢကတီၢ်ယံာ်ဒံးဝဲလီၤ.”

လံာ်မးသဲ 10:27

တၢ်လၢယတဲဘၣ်သုလၢတၢ်ခံးကျါန့ၣ်, သုကဘၣ်ကတိၤဖျါထီၣ်အီၤ လၢတၢ်ကပီၤအကျါဒီးတၢ်လၢသုနၢ်ဟူကသွံဒံန့ၣ်, သုကဘၣ်ကိးသတြီထီၣ်အီၤလၢဟံၣ်ခိၣ်အဖီခိၣ်ဒ်သိးပှၤဂၤကနၢ်ဟူ အဂီၢ်လီၤ.

ရိမ့ၤ 13:11

သုကဘၣ်မၤတၢ်အံၤမ့ၢ်လၢသုသ့ၣ်ညါတၢ်ချုးခံနိးသး အကတီၢ်တုၤလံ. တၢ်ဆၢကတီၢ်ဘၣ်လံလၢသုကပၢၢ်ထီၣ်လၢ သုတၢ်မံအပူၤလံ. အဂ့ၢ်ဒ်လဲၣ်န့ၣ်, တၢ်ဆၢကတီၢ်လၢပကဘၣ်တၢ်အုၣ်က့ၤခီၣ်က့ၤပှၤ အဂီၢ်န့ၣ်ဘူးထီၣ်ဒိၣ်န့ၢ်ဒံးဖဲပနာ်က့ၤတၢ်သီသီအခါန့ၣ်လီၤ.

ရိမ့ၤ 13:12

မုၢ်နၤကလၢာ်တ့ၢ်ဒီးမုၢ်ဆါကတုၤဃီၤဘူးထီၣ်လံ. မ်ပကဆိကတီၢ်ပတၢ်မၤတၢ်ခံးတၢ်နၤအတၢ်မၤတဖၣ်, ဒီးဟံးထီၣ်သကိးစုကဝဲၤတဖၣ်လၢပကဒုးတၢ်လၢတၢ် ကပီၤအပူၤအဂီၢ်န့ၣ်တက့ၢ်.

၂ သ့းစၤလနံ 2:3

သုတပျဲပှၤလီန့ၢ်သုနီတဂၤလၢကျဲနီတဘိတဂ့ၤ. အဂ့ၢ်ဒ်အံၤမုၢ်နံၤအဝဲန့ၣ်ကဟဲဒၣ်ဝဲဖဲတၢ်ပူထီၣ်လၢခံ ကတၢၢ်မၤအသးဒီးတၢ်အၢတၢ်သီတဂၤ, လရာ်ဆၣ်န့ၣ်ဟဲပၢၢ်ထီၣ်ဝဲဒၣ်ဝံၤအလီၢ်ခံန့ၣ်လီၤ.

၁ ပ့းတရူး 4:7

တၢ်ခဲလၢာ်အကတၢၢ်ဘူးထီၣ်လံ. သုကဘၣ်ပၢၤသုသးဒီးဆိးသီဒ်သိးသုဃ့ဘါထုကဖၣ်တၢ်ကသ့ အဂီၢ်န့ၣ်လီၤ.

လံာ်လီၣ်ဖျါ 1:11

တၢ်အကလုၢ်န့ၣ်စံးဝဲ, “ကွဲးလီၤတၢ်လၢနထံၣ်ဘၣ်နဲ, လၢလံာ်တဘ့ၣ်အပူၤ, ဒီးဆှၢလီၤလံာ်အဝဲန့ၣ်ဆူတၢ်အိၣ်ဖှိၣ် တဖၣ်လၢဝ့ၢ်နွံဖျၢၣ်အံၤ, ဝ့ၢ်အ့းဖ့းစူး, ဝ့ၢ်စမူရနၤ, ဝ့ၢ်ပ့ၢ်ကမူး, ဝ့ၢ်သူၤအတံရၤ, ဝ့ၢ်စၢ်ဒံ, ဝ့ၢ်ဖံၤလဒ့းလဖံ, ဒီးဝ့ၢ်လီၤဒံၤကံ, အပူၤန့ၣ်တက့ၢ်.”

လံာ်လီၣ်ဖျါ 1:3

ပှၤတဂၤလၢအဖးလံာ်တဘ့ၣ်အံၤန့ၣ်ဘၣ်ဆိၣ်ဂ့ၤဝဲ, ဒီးပှၤတဖၣ်လၢအဒိကနၣ်တၢ်ကတိၤတဖၣ်လၢဝံအတၢ်ကစီၣ် တမံၤအံၤအပူၤဒီးစူၢ်တၢ်လၢအအိၣ်ကွဲးနီၣ်အသးဖဲလံာ် တဘ့ၣ်အံၤအပူၤန့ၣ်, ဘၣ်ဆိၣ်ဂ့ၤဝဲလီၤ. အဂ့ၢ်ဒ်အံၤ, တၢ်ဆၢကတီၢ်ဘူးထီၣ်တ့ၢ်လံဝဲလၢတၢ်သ့ၣ်တဖၣ်အံၤခဲလၢာ် ကမၤအသးန့ၣ်လီၤ.

လံာ်လီၣ်ဖျါ 10:4

လီသီၣ်နွံဘီဟ့ၣ်တၢ်စံးဆၢတဘျီဃီ, ယသါကကွဲးလီၤတၢ်လီၤ. ဘၣ်ဆၣ်, ယနၢ်ဟူတၢ်ကလုၢ်သီၣ်ထီၣ်လၢမူခိၣ်ဒီးစံးဝဲ, “ပာ်ခူသူၣ်တၢ်လၢလီသီၣ်နွံဘီစံးတ့ၢ်ဝဲန့ၣ်တက့ၢ်, တဘၣ်ကွဲးလီၤအီၤတဂ့ၤ.”

လံာ်လီၣ်ဖျါ 22:16

“ယၤ, ယ့ၣ်ၡူး, ယဆှၢလီၤယဲယကလူးဒ်သိးအကဘိးဘၣ်သ့ၣ်ညါ သုဘၣ်ဃးတၢ်သ့ၣ်တဖၣ်အံၤလၢတၢ်အိၣ်ဖှိၣ်တဖၣ်အပူၤလီၤ. ယဟဲလီၤစၢၤယဲဒၣ်လၢစီၤဒၤဝံးအဒူၣ်အထၢ, ယမ့ၢ်ဆၣ်တူၢ်ဂီၤလၢအကပြုၢ်ကပြီၤတဖျၢၣ်န့ၣ်လီၤ.”

လံာ်လီၣ်ဖျါ 22:18

ကယဲၢ်ပှၤလၢအနၢ်ဟူဘၣ်တၢ်တဖၣ်လၢအဘၣ်တၢ်ကတိၤဆိပာ် စၢၤအီၤလၢလံာ်တဘ့ၣ်အံၤအပူၤခဲလၢာ်န့ၣ်, ယၤ, စီၤယိၤဟၣ်ယဟ့ၣ်ပလီၢ်အဝဲသ့ၣ်သပှၢ်ပှၢ်လီၤ. ပှၤတဂၤဂၤမ့ၢ်ပာ်ဖှိၣ်အါထီၣ်တၢ်တမံၤမံၤလၢတၢ်တဖၣ်အံၤ အပူၤန့ၣ်, ကစၢ်ယွၤကပာ်အါထီၣ်တၢ်နးတၢ်ဖှီၣ်တဖၣ်လၢ အဘၣ်တၢ်ပာ်ဖျါထီၣ်တ့ၢ်အီၤလၢလံာ်တဘ့ၣ်အံၤအပူၤ, လၢ အလိၤန့ၣ်လီၤ.

လံာ်လီၣ်ဖျါ 22:20

ပှၤလၢအဟ့ၣ်အတၢ်အုၣ်အသးဘၣ်ဃးဒီးတၢ်တဖၣ်အံၤ အဂ့ၢ်ခဲလၢာ်န့ၣ်စံးဝဲ, “မ့ၢ်ဝဲသပှၢ်ကတၢၢ်လီၤ. တယံာ်ဘၣ်ဒီး, ယကဟဲယဲလီၤ.” အၤမ့ၣ်. ဟဲတက့ၢ်. ကစၢ်ယ့ၣ်ၡူးဧၢ.

လံာ်လီၣ်ဖျါ 22:7

ယ့ၣ်ၡူးစံးဝဲဒၣ်, “ဒိကနၣ်တက့ၢ်. တယံာ်ဘၣ်ဒီး, ယကဟဲလီၤ. ပှၤလၢအစူၢ်တၢ်တဖၣ်လၢအဘၣ်တၢ်ကတိၤဆိပာ်စၢၤလၢလံာ် တဘ့ၣ်အံၤအပူၤန့ၣ်ဘၣ်ဆိၣ်ဂ့ၤဝဲလီၤ.”

လံာ်လီၣ်ဖျါ 22:9

ဘၣ်ဆၣ်ဒီးအဝဲဒၣ်စံးဘၣ်ယၤ, “တဘၣ်မၤတဂ့ၤ. ယမ့ၢ်တၢ်ခ့တၢ်ပှၤသကိးတၢ်ခ့တၢ်ပှၤဒ်နၤဒီးနဒီပုၢ်ဝဲၢ်, ဝံတဖၣ်, ဒီးကယဲၢ်ပှၤသ့ၣ်တဖၣ်လၢအစူၢ်တၢ်စံးတၢ်ကတိၤ တဖၣ်လၢလံာ်တဘ့ၣ်အံၤအပူၤန့ၣ်လီၤ. ဘူၣ်ထီၣ်ဘါထီၣ် ကစၢ်ယွၤတက့ၢ်.”

လံာ်လီၣ်ဖျါ 5:1

ယထံၣ်လံာ်ထူတထူလၢပှၤလၢအဆ့ၣ်နီၤလၢလီၢ်ပစိာ်တဂၤ န့ၣ်အစုထွဲပူၤလီၤ. လံာ်ထူအဝဲအံၤတၢ်ကွဲးအိၣ်လၢအလိၤခံ ကပၤလၢာ်, ဒီးဘၣ်တၢ်စဲပနီၣ်ဃာ်အီၤလၢတၢ်စဲပနီၣ်ဃာ်နွံ ခါလီၤ.