လံာ်လီၣ်ဖျါ 21:9 - Sgaw Karen Common Bible

⁹ ကလူးနွံဂၤလၢအအိၣ်ဒီးသလၢနွံဖျၢၣ်လၢအပှဲၤဒီးတၢ်နး တၢ်ဖှီၣ်လၢခံကတၢၢ်နွံမံၤန့ၣ်အကျါတဂၤဟဲဆူယအိၣ် ဒီးစံးဝဲ, “ဟဲ, ဒီးယကဒုးနဲၣ်နၤတလးမူးပိာ်မုၣ်လၢအမ့ၢ် သိဖိတဒုန့ၣ်အမါလီၤ.”

လံာ်လီၣ်ဖျါ 21:9 Iomraidhean Croise

လံာ်လီၣ်ဖျါ 1:1

လံာ်တဘ့ၣ်အံၤမ့ၢ်ဝဲဒၣ်တၢ်ကွဲးနီၣ်ဘၣ်ဃးတၢ်ဂ့ၢ်တၢ်ကျိၤ လၢယ့ၣ်ၡူးခရံာ်လီၣ်ဖျါထီၣ်ဝဲတဖၣ်လီၤ. ကစၢ်ယွၤဟ့ၣ်အီၤတၢ်လီၣ်ဖျါအဝဲအံၤဒ်သိးအကဒုးနဲၣ်အခ့အပှၤ တဖၣ်လၢတၢ်လၢအကဘၣ်မၤအသးဘူးတ့ၢ်မးလံ တဖၣ်န့ၣ်လီၤ. ခရံာ်ဒုးသ့ၣ်ညါအခ့အပှၤစီၤယိၤဟၣ်လၢ တၢ်ဂ့ၢ်သ့ၣ်တဖၣ်အံၤခီဖျိအဆှၢလီၤအမူခိၣ်ကလူး ဆူအဝဲဒၣ်အအိၣ်,

လံာ်လီၣ်ဖျါ 17:1

တုၤနုၤတစု, ကလူးနွံဂၤလၢအအိၣ်ဒီးသလၢနွံဖျၢၣ်န့ၣ် အကျါတဂၤဟဲဆူယအိၣ်ဒီးစံးဝဲ, “ဟဲ, ဒီးယကဒုးနဲၣ်နၤလၢဃဲသဲမုၣ်မံၤဟူသၣ်ဖျါတဂၤ, ဝ့ၢ်ဖးဒိၣ်တဖျၢၣ်လၢအဘၣ်တၢ်သူၣ်ထီၣ်အီၤဘူးဒီးထံကျိအါဘိန့ၣ်လီၤ. ကဘၣ်တၢ်စံၣ်ညီၣ်အီၤဒ်လဲၣ်န့ၣ်လီၤ.

လံာ်လီၣ်ဖျါ 19:7

မ်ပကသူၣ်ဖှံသးညီ ဒီးသူၣ်ခုသးခုတက့ၢ်. မ်ပကစံးထီၣ်ပတြၢၤအဝဲအတၢ်ဒိၣ်တၢ်မုၢ်တက့ၢ်. အဂ့ၢ်ဒ်အံၤ, သိဖိအတၢ်တ့တၢ်ဖျီအဆၢကတီၢ်တုၤအိၣ်ဝဲလံ. ဒီးအဝဲဒၣ်အတလးမူးပိာ်မုၣ်အိၣ်ကတဲာ်ကတီၤလံအသးလၢတၢ်န့ၣ် အဂီၢ်လံ.

လံာ်လီၣ်ဖျါ 21:17

ကလူးန့ၣ်ထိၣ်ကွၢ်စ့ၢ်ကီးတၢ်ဒူၣ်, ဒီးအတီၣ်အိၣ်တကယၤ လွံၢ်ဆံလွံၢ်ပျၢ်ဒ်နီၣ်ထိၣ်လၢအဝဲဒၣ်သူ, နီၣ်ထိၣ်လၢအဘၣ်တၢ်သူညီနုၢ်အီၤပာ်ဖျါဝဲအသိး န့ၣ်လီၤ.

လံာ်လီၣ်ဖျါ 21:2

ဒီးယထံၣ်ဝ့ၢ်စီဆှံ, ဝ့ၢ်ယရူၤၡလ့ၣ်အသီတဖျၢၣ်န့ၣ်, ဟဲလီၤလၢမူခိၣ်လၢကစၢ်ယွၤအအိၣ်, ဘၣ်တၢ်ကတဲာ်ကတီၤအီၤဒီးအိၣ်ကတဲာ်ကတီၤပာ်အသး, ဒ်တလးမူးပိာ်မုၣ်တဂၤဘၣ်တၢ်ဒုးကူဒုးသိးပာ်အီၤလၢ အကသဂၢၢ်အဝၤအဂီၢ်အသိးန့ၣ်လီၤ.

လံာ်လီၣ်ဖျါ 22:1

ကလူးတဂၤန့ၣ်ဒုးနဲၣ်စ့ၢ်ကီးယၤလၢထံမူအထံကျိလၢအက တြ့ၣ်ကတြိၣ်ဝဲဒ်လၢၢ်ဖျါကလၤအသိး, ဒီးဟဲယွၤလီၤလၢကစၢ်ယွၤဒီးသိဖိအလီၢ်ပစိာ်,

လံာ်လီၣ်ဖျါ 22:17

ယွၤအသးဒီးတလးမူးပိာ်မုၣ်န့ၣ်စံးဝဲ, “ဟဲတက့ၢ်.” ပှၤတဂၤလၢ်လၢ်လၢအနၢ်ဟူတၢ်အဝဲအံၤန့ၣ်, ကဘၣ်စံးစ့ၢ်ကီးဝဲ, “ဟဲတက့ၢ်” န့ၣ်လီၤ. ဟဲတက့ၢ်, ပှၤလၢတၢ်သူအသးလၢထံတဂၤလၢ်လၢ်ဧၢ, တူၢ်လိာ်ထံမူဒ်တၢ်ဟ့ၣ်တက့ၢ်, ပှၤလၢအဆၢဒိးန့ၢ်ဘၣ်အီၤ တဂၤလၢ်လၢ်ဧၢ.

လံာ်လီၣ်ဖျါ 22:6

တုၤနုၤတစုကလူးန့ၣ်စံးဘၣ်ယၤ, “တၢ်ကတိၤသ့ၣ်တဖၣ် အံၤမ့ၢ်ဝဲတီဝဲဒီးဘၣ်တၢ်နာ်န့ၢ်အီၤသ့ဝဲဒၣ်လီၤ. ဒီးကစၢ်ယွၤလၢအဟ့ၣ်အသးစီဆှံဆူဝံတဖၣ်န့ၣ်, ဆှၢလီၤအကလူးဒ်သိးအကဒုးနဲၣ်အဝဲဒၣ်အခ့အပှၤတဖၣ်, တၢ်လၢအကဘၣ်မၤအသးလၢတစိၢ်ဖိအတီၢ်ပူၤန့ၣ်လီၤ.”