လံာ်လီၣ်ဖျါ 21:27 - Sgaw Karen Common Bible

²⁷ ဘၣ်ဆၣ်ဒီးတၢ်လၢအတကဆှီန့ၣ်တနုာ်လီၤဘၣ်ဆူဝ့ၢ်ပူၤနီ တမံၤဘၣ်. ဒ်န့ၣ်အသိး, ပှၤတဂၤလၢ်လၢ်လၢအမၤတၢ်လၢ အလီၤမဲာ်ဆှး, မ့တမ့ၢ်လီတၢ်ဝ့ၤတၢ်န့ၣ်, တနုာ်လီၤဘၣ်ဝဲဘၣ်. ထဲဒၣ်ပှၤတဖၣ်လၢအမံၤအိၣ်ကွဲးအသးလၢသိဖိအလံာ်မူ အပူၤန့ၣ်, ကနုာ်လီၤဘၣ်ဆူဝ့ၢ်အပူၤလီၤ.

လံာ်လီၣ်ဖျါ 21:27 Iomraidhean Croise

စံးထီၣ်ပတြၢၤ 101:8

ယကမၤဟးဂီၤပှၤတတီတလိၤလၢ ပကီၢ်ပူၤတနံၤဘၣ်တနံၤ ဒီးဟီထီၣ်ကွံာ်ကယဲၢ်ပှၤမၤတၢ်အၢလၢ ယွၤအဝ့ၢ်ပူၤန့ၣ်လီၤ.

လံာ်တၢ်ဟးထီၣ်ကွံာ် 32:32

ဝံသးစူၤပျၢ်လၢ်အတၢ်ကမၣ်တက့ၢ်. ဘၣ်ဆၣ်ဒီးနမ့ၢ်တပျၢ်ဘၣ်န့ၣ် တြူာ်ကွံာ်ယမံၤလၢလံာ်လၢနကွဲးတ့ၢ်နပှၤဂီၢ်မုၢ်အမံၤတဖၣ်အပူၤန့ၣ်တက့ၢ်.”

လံာ်ယၡါယၤ 35:8

ကျဲမုၢ်ဖးဒိၣ်တဘိလၢအဘၣ်တၢ်ကိးအီၤလၢ, “တၢ်စီဆှံအကျဲ” ကအိၣ်ထီၣ်ဝဲလီၤ. ပှၤတၢ်ဒဲးဘးဖိတလဲၤတၢ်လၢကျဲအဝဲန့ၣ်နီတဂၤနီတစုဘၣ်. ပှၤဟးဂီၤဖိတဖၣ်လၢအကဆှၢကမၣ်ဘၣ်ပှၤတဖၣ်လၢအပိာ်ကျဲ အဝဲန့ၣ်တအိၣ်နီတဂၤဘၣ်.

လံာ်ယၡါယၤ 52:1

ဝ့ၢ်ယရူၤၡလ့ၣ်ဧၢ, ဂံၢ်ဆူၣ်ဘါဆူၣ်ဒီး ဒိၣ်ကဒီးက့ၤနဲတက့ၢ်. ကစၢ်ယွၤအဝ့ၢ်စီဆှံဧၢ, ကူသိးထီၣ်နဲတၢ်ဃံဒိၣ်လၤဒိၣ်တ က့ၢ်. ပှၤတသ့ၣ်ညါယွၤတဟဲနုာ်ဘၣ်ကဒီး လၢနတြဲၤတဖၣ်အပူၤနီတစုဘၣ်.

လံာ်ယၡါယၤ 60:21

နပှၤဂီၢ်မုၢ်ခဲလၢာ်ကမၤတၢ်လၢအလိၤအဘၣ်, ဒီးကန့ၢ်သါဘၣ်ထံကီၢ်လီၤထူလီၤယိာ်လီၤ. ယသူၣ်လီၤတ့ၢ်အဝဲသ့ၣ်, ယဒုးကဲထီၣ်တ့ၢ်အဝဲသ့ၣ်, ဒ်သိးကလီၣ်ဖျါယတၢ်ဒိၣ်တၢ်မုၢ်ဆူပှၤခဲလၢာ်န့ၣ်လီၤ.

လံာ်ယဃ့းစက့လး 44:9

ယၤ, ယွၤပၢဘၣ်တၢ်ခဲလၢာ်ကစၢ်တဲဖျါလၢပှၤတခီ ဘီမုၢ်ဖိတဂၤလၢ်လၢ်လၢအတဒိးဘၣ်တၢ်ကူးတရံး, ပှၤတဂၤလၢ်လၢ်လၢအတစူၢ်ယၤဘၣ်န့ၣ်, တဟဲနုာ်ဘၣ်ဆူယတၢ်လုၢ်ဟံၣ်အပူၤဘၣ်. ပှၤတခီဘီမုၢ်ဖိတဂၤလၢအအိၣ်ဆိးလၢကီၢ်အံၣ်စရ့လး အပှၤဂီၢ်မုၢ်အကျါဒၣ်လဲာ်န့ၣ်တလဲၤနုာ် ဘၣ်ဝဲဆူယတၢ်လုၢ်ဟံၣ်အပူၤဘၣ်.”

လံာ်ယိၤအ့လး 3:17

တုၤနုၤတစု, ပှၤအံၣ်စရ့လးဖိသ့ၣ်ဧၢ, သုကသ့ၣ်ညါလၢယမ့ၢ် ယွၤ, သုကစၢ်ယွၤန့ၣ်လီၤ. ယအိၣ်လၢကစၢၢ်စံယိၣ်, ယကစၢၢ်စီဆှံအလိၤန့ၣ်လီၤ. ဝ့ၢ်ယရူၤၡလ့ၣ်ကမ့ၢ်ဝ့ၢ်စီဆှံတဖျၢၣ် ဒီးပှၤတခီဘီမုၢ်တဖၣ်တမၤနၢၤမၤဃၣ်ကဒီး အီၤလၢၤဘၣ်.

လံာ်တၢ်ဘူၣ်ထီၣ်ဘါထီၣ် 13:46

ဖဲတၢ်ဆါအၢအိၣ်ဒီးအီၤအဖၢမုၢ်န့ၣ်အဝဲမ့ၢ်ပှၤတကဆှီ ဘၣ်တဂၤလီၤ. ဒီးအဝဲကဘၣ်အိၣ်လၢတၢ်သူၣ်ဒဲလီၢ်အချၢလၢ အစီၤစုၤဒီးပှၤဂုၤပှၤဂၤန့ၣ်လီၤ.

လံာ်စကၤရယၤ 14:21

ကယဲၢ်တၢ်တ့ၤတၢ်ဖီအသပၢၤတဖၣ်လၢဝ့ၢ်ယရူၤၡလ့ၣ် အပူၤဒီးလၢကီၢ်ယူဒၤအပူၤခဲလၢာ်ကဘၣ်တၢ်ပာ်စီဆှံအီၤ လၢတၢ်ကသူအီၤလၢတၢ်ဘူၣ်ထီၣ်ဘါထီၣ်သ့တၢ်လၢာ်အယွၤအဂီၢ်န့ၣ် လီၤ. ပှၤဂီၢ်မုၢ်လၢအဟဲစိာ်တၢ်လုၢ်တၢ်ပာ်တဖၣ်ကသူသပၢၤတဖၣ်န့ၣ်လၢ ကချီတၢ်လုၢ်တၢ်ပာ်အတၢ်ညၣ်အဂီၢ်လီၤ. ဖဲအဆၢကတီၢ် အဝဲန့ၣ်တုၤဃီၤန့ၣ်, လၢသ့တၢ်လၢာ်အယွၤအတၢ်လုၢ်ဟံၣ်အပူၤ, ပှၤကူၣ်တၢ်ကၤတၢ်တအိၣ်လၢၤဘၣ်ဝဲဘၣ်.

လံာ်တၢ်ဂံၢ် 12:15

နီၢ်မံးရယၣ်ဘၣ်တၢ်နီၣ်ထီၣ်ကွံာ်အီၤဆူသူၣ်ဒဲလီၢ်အချၢနွံသီ ဒီးပှၤဂီၢ်မုၢ်န့ၣ်တသုးဘၣ်အသးဆူညါတချုးလၢအဝဲဘၣ် တၢ်ကိးကဒါက့ၤအီၤဒံးဘၣ်န့ၣ်လီၤ.

လံာ်တၢ်ဂံၢ် 5:3

မၢအဝဲသ့ၣ်ကိးဂၤဒဲးလၢအတကဆှီဘၣ်တဖၣ်ဒ်တၢ်ဘူၣ်တၢ်ဘါ အလုၢ်အလၢ်အိၣ်အသိးဟးထီၣ်ကွံာ်ခဲလၢာ်, ဒ်သိးအဝဲသ့ၣ်သုတမၤဘၣ်အၢသူၣ်ဒဲလီၢ်ကဝီၤဖဲယ အိၣ်ဆိးလၢယပှၤဂီၢ်မုၢ်အသိးအကျါတဂ့ၤအဂီၢ်န့ၣ်တက့ၢ်.”

လံာ်မးသဲ 13:41

ပှၤကညီအဖိခွါကဆှၢလီၤအကလူးတဖၣ်, ဒ်သိးအဝဲသ့ၣ်ကထၢဖှိၣ်ပှၤလၢအဒုးမၤပှၤဂၤလၢတၢ်ဒဲးဘး ဒီးပှၤလၢအမၤတၢ်အၢတၢ်သီတဖၣ်ခဲလၢာ် ဒီးထုးထီၣ်ကွံာ်အီၤလၢအဘီအမုၢ်အပူၤလီၤ.

လံာ်မၢ်ကူး 7:2

အဝဲသ့ၣ်ထံၣ်ဝဲလၢအပျဲၢ်အဘီၣ်တနီၤအီၣ်တၢ်အီတၢ်လၢအစုတကဆှီ ဘၣ်, အခီပညီ, အဝဲသ့ၣ်တသ့အစုဒ်တၢ်ဘူၣ်တၢ်ဘါအလုၢ်အလၢ် အိၣ်ဝဲအသိးဘၣ်အဃိလီၤ.

လံာ်လူၤကၣ် 10:20

ဘၣ်ဆၣ်ဒီး, တဘၣ်သူၣ်ခုသးခုလၢတၢ်ဝံတၢ်နါတဖၣ်စူၢ်သု ကလုၢ်အဃိတဂ့ၤ. မ့မ့ၢ်, သူၣ်ခုသးခုလၢသုမံၤတဖၣ်ဘၣ်တၢ်ကွဲးလီၤပာ်အီၤလၢမူခိၣ် အဃိန့ၣ်တက့ၢ်.”

အ့းဖ့းစူး 5:5

သးမံသးကျၢၤလၢတၢ်ဂ့ၢ်အံၤတက့ၢ်. တၢ်လၢပှၤမၤကမၣ်မုၣ် ကမၣ်ခွါ, ပှၤအဲၣ်တၢ်ကလုာ်ကလိၤ, ဒီးပှၤသူၣ်လီသးကွံတၢ်စုလီၢ်ခီၣ်ခိၣ် (အဂ့ၢ်ဒ်အံၤတၢ်သူၣ်လီသးကွံမ့ၢ်တၢ်ဘါတၢ်ဂီၤတၢ်ဖီၣ်တကလုာ်လီၤ.) တဖၣ်န့ၣ်, တန့ၢ်သါဘၣ်ခရံာ်ဒီးယွၤအဘီအမုၢ်နီတဂၤဘၣ်.

ဖံလံးပံၤ 4:3

ဒီးနဲဒၣ်စ့ၢ်ကီး, ပှၤမၤသကိးတၢ်ဒီးယၤလၢအသးတီ တဂၤဧၢ, ယအဲၣ်ဒိးလၢနကမၤစၢၤပိာ်မုၣ်တဖၣ်အံၤန့ၣ်လီၤ. အဂ့ၢ်ဒ်အံၤ, အဝဲသ့ၣ်မၤသကိးတၢ်ဒီးယၤဆူၣ်ဆူၣ်လၢတၢ်ရၤလီၤတၢ်သးခုကစီၣ် အပူၤ, ဃုာ်ဒီးစီၤကျ့မ့ၤဒီးယပှၤမၤသကိးတၢ်အဂၤတဖၣ်, လၢအမံၤအိၣ်ကွဲးလီၤအသးလၢကစၢ်ယွၤအလံာ်မူအပူၤန့ၣ်လီၤ.

၁ တံၤမသ့း 1:10

ပှၤမၤကမၣ်မုၣ်ကမၣ်ခွါတဖၣ်, ပှၤအဲၣ်တလ့ၤအဲၣ်တဘီတၢ် တဖၣ်, ပှၤဟုၣ်ဖီၣ်န့ၢ်ပှၤကညီဝံၤဃ့စ့တဖၣ်, ပှၤလၢအလီတၢ်ဒီးအုၣ်အသးကဘျံးကဘျၣ်, မ့တမ့ၢ်မၤတၢ်တမံၤမံၤလၢအထီဒါလိာ်အသးဒီးတၢ်သိၣ်လိ သီလိအမ့ၢ်အတီတဖၣ်အဂီၢ်န့ၣ်လီၤ.

ဧ့ၤဘြံၤ 12:14

ဂုာ်ကျဲးစၢးဟံးဃာ်တၢ်အိၣ်ဃူအိၣ်ဖိးဒီးပှၤခဲလၢာ်တက့ၢ်. ဂုာ်ဟံးဃာ်စ့ၢ်ကီးတၢ်စီဆှံတက့ၢ်. တၢ်စီဆှံတအိၣ်ဘၣ်ဒီးပှၤတထံၣ်ဘၣ်ကစၢ်ယွၤနီတဂၤဘၣ်.

၂ ပ့းတရူး 3:13

ဘၣ်ဆၣ်ဒီး, ပအိၣ်ခိးကွၢ်လၢ်တၢ်လၢကစၢ်ယွၤစံးပာ်တ့ၢ်လံဝဲလၢ အမ့ၢ်မူခိၣ်အသီဒီးဟီၣ်ခိၣ်အသီဖဲတၢ်တီတၢ်လိၤကအိၣ်ဝဲ ဆိးဝဲန့ၣ်လီၤ.

လံာ်လီၣ်ဖျါ 13:8

ပှၤကိးဂၤဒဲးလၢအအိၣ်ဝဲဆိးဝဲလၢဟီၣ်ခိၣ်ချၢကဘူၣ် ထီၣ်ဘါထီၣ်အီၤ, ဒီးပှၤလၢအတဘါထီၣ်အီၤန့ၣ်, မ့ၢ်ထဲပှၤလၢအမံၤအိၣ်ကွဲးအသးလၢလံာ်မူအပူၤ, တချုးတၢ်တ့လီၤပာ်လီၤဟီၣ်ခိၣ်ဒံးဘၣ်, လံာ်မူလၢအမ့ၢ်သိဖိလၢအဘၣ်တၢ်မၤသံအီၤတဒုန့ၣ် အတၢ်လီၤ.

လံာ်လီၣ်ဖျါ 20:12

ဒီးယထံၣ်ဘၣ်ပှၤသံတဖၣ်, အဒိၣ်ဒီးအဆံးစ့ၢ်ကီး, အိၣ်ဆၢထၢၣ်လၢလီၢ်ပစိာ်အမဲာ်ညါန့ၣ်လီၤ. လံာ်တဖၣ် ဘၣ်တၢ်အိးထီၣ်အီၤ, ဒီးအန့ၣ်ဝံၤအလီၢ်ခံလံာ်အဂၤ တဘ့ၣ်ဘၣ်တၢ်အိးထီၣ်အီၤ, လၢအမ့ၢ်လံာ်မူတဘ့ၣ်န့ၣ်လီၤ. ပှၤသံတဖၣ်ဘၣ်တၢ်စံၣ်ညီၣ်အီၤဒ်တၢ်လၢအဝဲသ့ၣ် မၤတ့ၢ်ဝဲ, ဒ်အဘၣ်တၢ်ကွဲးနီၣ်တ့ၢ်အီၤလၢလံာ်တဖၣ် အပူၤအသိးန့ၣ်လီၤ.

လံာ်လီၣ်ဖျါ 20:15

ပှၤတဂၤလၢ်လၢ်လၢအမံၤတအိၣ်ကွဲးအသးလၢလံာ်မူ အပူၤန့ၣ်, ဘၣ်တၢ်တ့ၢ်လီၤကွံာ်အီၤဆူနိၣ်မ့ၣ်အူအပူၤလီၤ.

လံာ်လီၣ်ဖျါ 21:8

မ့မ့ၢ်ပှၤလၢအသးသုၣ်, ပှၤသးတတီတဖၣ်, ပှၤတဖၣ်လၢအသးဘၣ်တၢ်ဘိးဃၣ်ကွံာ်အီၤဆူတၢ် အၢတၢ်သီ, ပှၤမၤသံတၢ်ဖိတဖၣ်, ပှၤမၤကမၣ်မုၣ်ကမၣ်ခွါ တဖၣ်, ပှၤသ့ၣ်တဖၣ်လၢအဟိၣ်တၢ်ယီတၢ်, ပှၤသ့ၣ်တဖၣ်လၢအဘါတၢ်ဂီၤတၢ်ဖီၣ်, ဒီးပှၤလီတၢ်ဖိကိးဂၤ ဒဲးတၢ်လီၢ်တၢ်ကျဲလၢအဝဲသ့ၣ်အဂီၢ်မ့ၢ်ဝဲနိၣ်မ့ၣ် အူအီၣ်ဃုာ်တၢ်ဒီးကး, လၢအမ့ၢ်ဝဲတၢ်သံခံစုတစုန့ၣ်လီၤ.”

လံာ်လီၣ်ဖျါ 3:5

ပှၤလၢအမၤနၢၤတၢ်တဖၣ်န့ၣ်ကဘၣ်တၢ်ဒုးကူဒုးသိးအီၤဒ်အံၤ အသိးလၢတၢ်အဝါ, ဒီးယတထုးကွံာ်အဝဲသ့ၣ်အမံၤလၢလံာ်မူ အပူၤဘၣ်. လၢယပၢ်ဒီးအမူခိၣ်ကလူးတဖၣ်အမဲာ်ညါန့ၣ်, ယကဘိးဘၣ်သ့ၣ်ညါယဲဖျါဖျါလၢအဝဲသ့ၣ်မ့ၢ်ယတၢ်န့ၣ်လီၤ.