လံာ်လီၣ်ဖျါ 21:22 - Sgaw Karen Common Bible

²² လၢဝ့ၢ်ပူၤန့ၣ်ယတထံၣ်တၢ်လုၢ်ဟံၣ်နီတဖျၢၣ်ဘၣ်. အဂ့ၢ်ဒ်အံၤ, အတၢ်လုၢ်ဟံၣ်မ့ၢ်ဝဲသ့တၢ်လၢာ်ကစၢ်ယွၤ ဒီးသိဖိတဒုန့ၣ်လီၤ.

လံာ်လီၣ်ဖျါ 21:22 Iomraidhean Croise

လံာ်စီၤပၤအခီၣ်ထံးတဘ့ၣ် 8:27

ဘၣ်ဆၣ်ဒီးကစၢ်ယွၤဧၢ, မ့ၢ်နအိၣ်နဆိးနီၢ်နီၢ်လၢဟီၣ်ခိၣ်အံၤ ကသ့စ့ၢ်ကီးဧါ. ကယဲၢ်မူခိၣ်အလီၢ်ဒၣ်လဲာ်တလဲၢ်ဝဲလၢနကအိၣ်ကဆိးဘၣ်အဃိ, ယွၤအတၢ်လုၢ်ဟံၣ်လၢယဘှီ ထီၣ်အံၤတြီၢ်ဝဲလၢလၢလီၣ်လီၣ်လၢနဂီၢ်ကသ့ဒ်လဲၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 2:6

ဘၣ်ဆၣ်, ပှၤသူၣ်ထီၣ်တၢ်လုၢ်ဟံၣ်တဖျၢၣ်လၢယွၤအဂီၢ်တသ့နီၢ်နီၢ် နီတဂၤဘၣ်. အဂ့ၢ်ဒ်အံၤ, ကယဲၢ်မူခိၣ်အတၢ်လီၢ်အလဲၢ်ခဲလၢာ်ဒၣ်လဲာ်, အဝဲအိၣ်တတြီၢ်ဘၣ်. မ့မ့ၢ်ဒ်န့ၣ်ဒီး, တၢ်လုၢ်ဟံၣ်တဖျၢၣ်လၢ ယသူၣ်ထီၣ်အီၤအံၤ, မ့ၢ်တၢ်အါန့ၢ်ဒံးတၢ်လီၢ်တတီၤဖဲ တၢ်လုၢ်နၢမူကဘၣ်တၢ်ဆူးကဲၤထီၣ်အီၤဆူကစၢ်ယွၤန့ၣ်, ကသ့ဒ်လဲၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 6:18

ဘၣ်ဆၣ်ဒီး, အိကစၢ်ယွၤဧၢ, နအိၣ်နဆိးလၢဟီၣ်ခိၣ်ချၢလၢပှၤပိာ် ခွါတဖၣ်ဒီးပှၤပိာ်မုၣ်တဖၣ်အကျါ, ဘၣ်ကသ့နီၢ်နီၢ်ဧါ. ကယဲၢ်မူခိၣ်အလီၢ်ခဲလၢာ်ဒၣ်လဲာ်န့ၣ်, တလဲၢ်ဝဲတုၤကလၢဝဲလၢနကအိၣ်ကဆိးအဂီၢ်န့ၣ်ဘၣ်. လၢတၢ်န့ၣ်အဃိ, ယွၤအတၢ်လုၢ်ဟံၣ်လၢယသူၣ်ထီၣ်တ့ၢ်အီၤအံၤ, လဲၢ်ဝဲလၢလၢလီၣ်လီၣ်ကသ့ဒ်လဲၣ်.

လံာ်ယၡါယၤ 66:1

ယွၤစံးဝဲဒၣ်, “မူခိၣ်မ့ၢ်ယလီၢ်ပစိာ်, ဒီးဟီၣ်ခိၣ်မ့ၢ် ယခီၣ်ယီၢ်လီၤတၢ်အလီၢ်လီၤ. ဟံၣ်လၢသုသူၣ် ထီၣ်လၢယဂီၢ်ကသ့, ကမ့ၢ်ဟံၣ်ဒ်လဲၣ်တကလုာ်လဲၣ်. ကမ့ၢ်တၢ်လီၢ်ဒ်လဲၣ်တကလုာ်လၢယကအိၣ်ကဆိးလၢ အပူၤအဂီၢ်န့ၣ်လဲၣ်.

လံာ်မးသဲ 24:2

ဒီးယ့ၣ်ၡူးစံးဘၣ်အဝဲသ့ၣ်, “တၢ်တဖၣ်အံၤသုထံၣ်သုဝဲတမ့ၢ်ဘၣ်ဧါ. ယစံးဘၣ်တဲဘၣ်သုတၢ်မ့ၢ်တၢ်တီ, တၢ်သူၣ်ထီၣ်အလၢၢ်တဖၣ်အံၤကဘၣ်တၢ်မၤလီၤပှီၢ်ကွံာ်အီၤခဲလၢာ်, ဒီးတအိၣ်လၢၤလၢအလီၢ်ဒၣ်ဝဲနီတဖျၢၣ်လၢၤဘၣ်.”

လံာ်ယိၤဟၣ် 10:30

ယပၢ်ဒီးယၤန့ၣ်မ့ၢ်တၢ်တမံၤဃီလီၤ.”

လံာ်ယိၤဟၣ် 13:32

ဒီးကစၢ်ယွၤအလၤကပီၤမ့ၢ်ဘၣ်တၢ်လီၣ်ဖျါထီၣ်ခီဖျိအီၤ ဒီး, ကစၢ်ယွၤကလီၣ်ဖျါပှၤကညီဖိခွါအလၤကပီၤလၢ အပူၤဒၣ်ဝဲ, ဒီးကမၤဝဲခဲကနံၣ်အံၤလီၤ.

လံာ်ယိၤဟၣ် 4:21

ယ့ၣ်ၡူးစံးဘၣ်အီၤ, “နာ်ယၤတက့ၢ်ပိာ်မုၣ်ဧၢ, တၢ်ဆၢကတီၢ် ကတုၤဝဲဖဲပှၤတဘူၣ်ထီၣ်ဘါထီၣ်ဘၣ်ပၢ်ယွၤလၢကစၢၢ်အံၤ အလိၤမ့ၢ်ဂ့ၤ, လၢဝ့ၢ်ယရူၤၡလ့ၣ်အပူၤမ့ၢ်ဂ့ၤန့ၣ်လၢၤဘၣ်.

လံာ်ယိၤဟၣ် 4:23

မ့မ့ၢ်အဆၢကတီၢ်နၣ်ရံၣ်ကဘၣ်ဝဲ, ဒီးဘၣ်ခဲကနံၣ်အံၤဒၣ် လဲာ်ဖဲပှၤလၢအဘူၣ်ထီၣ်ဘါထီၣ်တၢ်နီၢ်နီၢ်တဖၣ် ကဘူၣ်ထီၣ်ဘါထီၣ်ပၢ်ယွၤလၢသူၣ်လၢသးဒီးလၢတၢ်မ့ၢ် တၢ်တီလီၤ. အဂ့ၢ်ဒ်အံၤ, ပၢ်ယွၤအဲၣ်ဒိးပှၤလၢအဘူၣ်ထီၣ်ဘါထီၣ်အီၤဒ်န့ၣ်အသိး တဖၣ်လီၤ.

ကလီးစဲ 1:19

အဂ့ၢ်ဒ်အံၤ, ဘၣ်ကစၢ်ယွၤအသးလၢအဝဲအသကဲာ်ပဝး အန့ဆၢၣ်အလၢအပှဲၤကအိၣ်လၢခရံာ်အပူၤ,

ကလီးစဲ 2:9

ယွၤအန့ဆၢၣ်သကဲာ်ပဝးအလၢအပှဲၤအိၣ်ဝဲလၢခရံာ် အနီၢ်ခိနီၢ်ခီအပူၤဖဲအဝဲဟဲဒ်ပှၤကညီတဂၤအသိးအခါန့ၣ်လီၤ.

လံာ်လီၣ်ဖျါ 1:8

ကစၢ်ယွၤလၢအသ့တၢ်လၢာ်တဂၤ, လၢအအိၣ်ဝဲ, ဒီးအိၣ်တ့ၢ်လံဝဲ, ဒီးအကဟဲဝဲတဂၤန့ၣ်စံးဝဲဒၣ်, “ယမ့ၢ် က ဒီး ဧ, တၢ်အခီၣ်ထံးဒီးတၢ်အကတၢၢ်လီၤ.”

လံာ်လီၣ်ဖျါ 11:17

“သ့တၢ်လၢာ်ကစၢ်ယွၤ, လၢအမ့ၢ်တၢ်, ဒီးမ့ၢ်တ့ၢ်ဝဲတဂၤဧၢ, ပစံးဘျုးနၤလၢနဟံးန့ၢ်တ့ၢ်လံနစိကမီၤအဒိၣ်အမုၢ်, ဒီးစးထီၣ်ပၢတၢ်အဃိန့ၣ်လီၤ.

လံာ်လီၣ်ဖျါ 14:4

အဝဲသ့ၣ်မ့ၢ်ပှၤပိာ်ခွါတဖၣ်လၢအပာ်ကဆှီဃာ်အသး ခီဖျိအဟးဆှဲးတၢ်အိၣ်ဃုာ်ဒီးပိာ်မုၣ်ပိာ်မၢၤန့ၣ်လီၤ. အဝဲသ့ၣ်မ့ၢ်ပှၤဖိၣ်သၣ်ခွါဆှံဆှံတဖၣ်လီၤ. အဝဲသ့ၣ်ပိာ်သိဖိအခံဖဲအလဲၤဝဲတပူၤလၢ်လၢ်လီၤ. အဝဲသ့ၣ်ဘၣ်တၢ်ပှ့ၤက့ၤတ့ၢ်အီၤလၢပှၤကညီအဂၤ တဖၣ်အကျါဒီးမ့ၢ်ပှၤအဆိကတၢၢ်တဖၣ်လၢအဘၣ် တၢ်လုၢ်ထီၣ်အီၤဆူကစၢ်ယွၤဒီးဆူသိဖိအအိၣ်န့ၣ်လီၤ.

လံာ်လီၣ်ဖျါ 15:3

ဒီးသးဝံၣ်ယွၤအခ့အပှၤ, စီၤမိၤၡ့အတၢ်သးဝံၣ်, ဒီးသိဖိ အတၢ်သးဝံၣ်ဒီးစံးဝဲ, “သ့တၢ်လၢာ်ကစၢ်ယွၤဧၢ, နတၢ်ဖံးတၢ်မၤတဖၣ်ဒိၣ်ဝဲသွါဝဲ, ဒီးလီၤလိၢ်လီၤလးမးလဲၣ်. ထံဧိၤကီၢ်ဧိၤတဖၣ်အစီၤပၤဧၢ, နကျဲဧိၤကပူၤဧိၤတဖၣ်လိၤဝဲဘၣ်ဝဲ, ဒီးမ့ၢ်ဝဲတီဝဲဆံးဒိၣ်လဲၣ်.

လံာ်လီၣ်ဖျါ 16:14

အဝဲသ့ၣ်မ့ၢ်တၢ်ဝံတၢ်နါလၢအမၤတၢ်လီၤလးတဖၣ်အသး န့ၣ်လီၤ. သးသၢဒုအံၤလဲၤဝဲဆူဟီၣ်ခိၣ်အစီၤပၤခဲလၢာ်အအိၣ် ဒ်သိးအကဒုးအိၣ်ဖှိၣ်အဝဲသ့ၣ်တပူၤဃီလၢတၢ်ဒုးဖဲသ့တၢ် လၢာ်ကစၢ်ယွၤအမုၢ်နံၤဖးဒိၣ်တနံၤန့ၣ်အဂီၢ်လီၤ.

လံာ်လီၣ်ဖျါ 16:7

တုၤနုၤတစုယနၢ်ဟူတၢ်ကလုၢ်လၢတၢ်လုၢ်လီၢ်န့ၣ်စံးဝဲ, “သ့တၢ်လၢာ်ကစၢ်ယွၤဧၢ, နတၢ်စံၣ်ညီၣ်တဖၣ်န့ၣ်, မ့ၢ်ဝဲတီဝဲဒီးတီဝဲလိၤဝဲဘၣ်ဝဲစဲဃဲၤန့ၣ်လီၤ.”

လံာ်လီၣ်ဖျါ 19:15

လၢအဝဲဒၣ်အကိာ်ပူၤန့ၣ် နးလၢအကနၣ်အ့ၣ်တဘ့ၣ် ဟဲဖျိးထီၣ်, ဒီးလၢနးအဝဲအံၤန့ၣ်အဝဲကမၤနၢၤထံဧိၤကီၢ် ဧိၤတဖၣ်လီၤ. အဝဲဒၣ်ကပၢအဝဲသ့ၣ်လၢနီၣ်တီၢ်ထး, ဒီးအဝဲကယီၢ်ထီၣ်စပံးထံလၢနီၣ်စံၢ်စပံးသၣ်အကျိးဘၣ် ဃးဒီးသ့တၢ်လၢာ်ကစၢ်ယွၤအတၢ်သးထီၣ်, အပူၤလီၤ.

လံာ်လီၣ်ဖျါ 4:8

တၢ်အိၣ်ဒီးအသးသမူလွံၢ်ဒုအံၤ, တဒုဒီးတဒုအိၣ်ဒီးအဒံး ဆ့ဃုဘ့ၣ်, ဒီးအဝဲသ့ၣ်အိၣ်ပှဲၤဒီးမဲာ်ချံတဖၣ်လၢအအိပူၤဒီး လၢအချၢတကပၤန့ၣ်လီၤ. ဒီနံၤဒီနၤ, အဝဲသ့ၣ်တဆိကတီၢ် ဘၣ်ဒီးသးဝံၣ်ဝဲဒ်အံၤ, “ကစၢ်ယွၤလၢအသ့တၢ်လၢာ်, လၢအအိၣ်တ့ၢ်လံလၢပျၢၤလံၤလံၤ, အိၣ်ဝဲခဲကနံၣ်အံၤ, ဒီးအကဟဲဝဲတဂၤန့ၣ်, စီဆှံ, စီဆှံ, စီဆှံဝဲလီၤ.”

လံာ်လီၣ်ဖျါ 5:6

တုၤနုၤတစုယထံၣ်သိဖိတဒုဆၢထၢၣ်လၢလီၢ်ပစိာ်အခၢၣ်သး, ဘၣ်တၢ်ကဝီၤဃာ်အီၤလၢတၢ်အသးသမူအိၣ်လွံၢ်ဒုဒီးပှၤ သူၣ်က့သးပှၢ်တဖၣ်န့ၣ်လီၤ. အိၣ်ဖျါလၢသိဖိတဒုန့ၣ်ဘၣ် တၢ်မၤသံအီၤလီၤ. အဝဲအိၣ်ဒီးအနၢၤနွံဘိဒီးအမဲာ်ချံနွံတိၣ်, လၢအမ့ၢ်ဝဲကစၢ်ယွၤအသးနွံဖျၢၣ်, လၢအဘၣ်တၢ်ဆှၢလီၤတ့ၢ်အီၤသကုၤဟီၣ်ခိၣ်ဒီဘ့ၣ်ညါန့ၣ်လီၤ.

လံာ်လီၣ်ဖျါ 7:15

လၢတၢ်န့ၣ်အဃိ, အဝဲသ့ၣ်အိၣ်ဆၢထၢၣ်ဝဲလၢကစၢ်ယွၤ အလီၢ်ပစိာ်အမဲာ်ညါဒီးမၤအဝဲဒၣ်အတၢ်မၤမုၢ်ဆါမုၢ်နၤလၢ အဝဲဒၣ်အတၢ်လုၢ်ဟံၣ်အပူၤလီၤ. ပှၤလၢအဆ့ၣ်နီၤဝဲလၢလီၢ် ပစိာ်အလိၤတဂၤန့ၣ်, ကကဟုကယာ်အဝဲသ့ၣ်ခီဖျိအဝဲဒၣ်အတၢ်အိၣ်ဒီးအဝဲသ့ၣ် န့ၣ်လီၤ.

လံာ်လီၣ်ဖျါ 7:17

အဂ့ၢ်ဒ်အံၤ, သိဖိတဒုလၢအအိၣ်ဝဲလၢလီၢ်ပစိာ်အခၢၣ်သးန့ၣ် ကမ့ၢ်အဝဲသ့ၣ်အပှၤကွၢ်သိ, ဒီးအဝဲဒၣ်ကဆှၢအဝဲသ့ၣ်ဆူထံ မူထီၣ်ပၢၢ်န့ၣ်လီၤ. ဒီးကစၢ်ယွၤကထွါကွံာ်မဲာ်ထံကိးဖျၢၣ်ဒဲးလၢ အမဲာ်ချံပူၤန့ၣ်လီၤ.”