လံာ်လီၣ်ဖျါ 21:21 - Sgaw Karen Common Bible

²¹ တြဲၤဖးဒိၣ်တဆံခံဘ့ၣ်မ့ၢ်ဝဲတၢ်မျၢ်ပလဲတဆံခံဖျၢၣ်, တြဲၤ တဘ့ၣ်ဘၣ်တဘ့ၣ်ဘၣ်တၢ်မၤအီၤလၢတၢ်မျၢ်ပလဲတဖျၢၣ် ဧိၤလီၤ. ဝ့ၢ်အကျဲမုၢ်မ့ၢ်ဝဲဒၣ်ထူအစီ, ဖျါဆဲးကလၤဝဲဒ် ယွၤခၣ်စိးအသိးလီၤ.

လံာ်လီၣ်ဖျါ 21:21 Iomraidhean Croise

လံာ်စီၤပၤအခီၣ်ထံးတဘ့ၣ် 6:20

ဒၢးလၢတၢ်သးကံၢ်ပူၤအံၤအထီမ့ၢ်ဝဲအပျၢ်ခံဆံ, အဒီၣ်ဃီၤမ့ၢ်ဝဲအပျၢ်ခံဆံဒီးအကစီၤထီၣ်မ့ၢ်ဝဲအပျၢ်ခံဆံ, ခဲလၢာ်ဘၣ်တၢ်ကျးဘၢအီၤလၢထူစီန့ၣ်လီၤ. တၢ်လုၢ်လီၢ်န့ၣ်ဘၣ်တၢ်ကးဘၢအီၤလၢသ့ၣ်ဆှိအ့ရ့းအသ့ၣ်ဘၣ်တဖၣ် န့ၣ်လီၤ.

လံာ်လီၣ်ဖျါ 17:4

ပိာ်မုၣ်န့ၣ်ကူသိးဝဲလၢတၢ်အလွဲၢ်လုးတကုာ်ဒီးတၢ်အလွဲၢ်ဂီၤဆှုၣ်ကလာ်, ဒီးကယၢကယဲအသးလၢထူ, လၢၢ်လုၢ်ဒိၣ်ပှ့ၤဒိၣ်ဒီး တၢ်မျၢ်ပလဲတဖၣ်လီၤ. လၢအဝဲဒၣ်အစုပူၤန့ၣ်, ဟံးဃာ်ဝဲလီခီထူတဘ့ၣ်လၢအပှဲၤဒီးတၢ်လီၤသးဘၣ်အၢတကြၢး တဘၣ်တဖၣ်, လၢအအိၣ်ထီၣ်ဝဲခီဖျိအတၢ်အိၣ်မူတဂ့ၤတဝါအဃိ န့ၣ်လီၤ.

လံာ်လီၣ်ဖျါ 18:16

ဒီးစံးဝဲ, “လီၤပျံၤလီၤဖုးဆံးဒိၣ်လဲၣ်. လၢဝ့ၢ်ဖးဒိၣ်တဖျၢၣ်အံၤအဂီၢ်, နးဝဲဖှီၣ်ဝဲဆံးဒိၣ်လဲၣ်. ဝ့ၢ်တဖျၢၣ်အံၤညီနုၢ်ကူသိးလၢတၢ်ကံးယာ် အလွဲၢ်ဝါ, တၢ်ကံးယာ်အလွဲၢ်လုးတကုာ်, ဒီးတၢ်ကံးယာ် အလွဲၢ်ဂီၤ, ဒီးကယၢကယဲအသးလၢထူ, လၢၢ်လုၢ်ဒိၣ်ပှ့ၤဒိၣ် တဖၣ်, ဒီးတၢ်မျၢ်ပလဲတဖၣ်လီၤ.

လံာ်လီၣ်ဖျါ 21:15

ကလူးလၢအကတိၤတၢ်ဒီးယၤတဂၤန့ၣ်အိၣ်ဒီးနီၣ်ထိၣ်ထူ တဘိလၢအကထိၣ်ကွၢ်ဝ့ၢ်, ဝ့ၢ်အတြဲၤဖးဒိၣ်တဖၣ်, ဒီး အတၢ်ဒူၣ်တဖၣ်အဂီၢ်လီၤ.

လံာ်လီၣ်ဖျါ 21:18

တၢ်ဒူၣ်န့ၣ်ဘၣ်တၢ်မၤအီၤလၢလၢၢ်နကၤသွဲး, ဒီးဝ့ၢ်အနီၢ်ကစၢ်ဒၣ်ဝဲဘၣ်တၢ်ဘှီအီၤလၢထူအစီအိၣ်ဖျါ ဆှံဝဲဒ်ယွၤခၣ်စိးအသိးလီၤ.

လံာ်လီၣ်ဖျါ 22:2

ဒီးယွၤလီၤလၢဝ့ၢ်အကျဲမုၢ်ခိၣ်အခၢၣ်သးလီၤ. ဖဲထံကျိကၢၢ်ခိၣ် တခီတကပၤန့ၣ်, သ့ၣ်မူအိၣ်ဝဲတထူၣ်စုာ်စုာ်, လၢအသၣ်ထီၣ်တၤသၣ်တနံၣ်တဆံခံဘျီ, တလါတဘျီ, ဒီးအလၣ်သ့ၣ်တဖၣ်န့ၣ်မ့ၢ်ဝဲလၢတၢ်ကမၤ ဘျါက့ၤထံဧိၤကီၢ်ဧိၤတဖၣ်အဂီၢ်လီၤ.

လံာ်လီၣ်ဖျါ 4:6

ဖဲလီၢ်ပစိာ်အမဲာ်ညါန့ၣ်တၢ်အိၣ်စ့ၢ်ကီးဝဲတမံၤလၢအလီၤ ဂာ်ဒီးပီၣ်လဲၣ်ယွၤခၣ်စိး, လၢအဆှံဝဲဒ်လၢၢ်ဖျါကလၤအသိး န့ၣ်လီၤ. ဝးတရံးလီၢ်ပစိာ်, ဖဲအကပၤတကပၤဒီးတကပၤစုာ်စုာ်န့ၣ်, တၢ်အိၣ်ဒီးအသးသမူလွံၢ်ဒုအိၣ်ဝဲ, အိၣ်ပှဲၤဒီးအမဲာ်ချံတဖၣ်လၢအမဲာ်ညါဒီးအလီၢ်ခံန့ၣ်လီၤ.