လံာ်လီၣ်ဖျါ 21:15 - Sgaw Karen Common Bible

¹⁵ ကလူးလၢအကတိၤတၢ်ဒီးယၤတဂၤန့ၣ်အိၣ်ဒီးနီၣ်ထိၣ်ထူ တဘိလၢအကထိၣ်ကွၢ်ဝ့ၢ်, ဝ့ၢ်အတြဲၤဖးဒိၣ်တဖၣ်, ဒီး အတၢ်ဒူၣ်တဖၣ်အဂီၢ်လီၤ.

လံာ်လီၣ်ဖျါ 21:15 Iomraidhean Croise

လံာ်ယဃ့းစက့လး 40:3

အဝဲစိာ်ဃီၤယၤဘူးထီၣ်, ဒီးယထံၣ်ဘၣ်ပှၤတဂၤလၢအကပီၤဝဲဒ်တိၢ်ဘီအသိးန့ၣ်လီၤ. အဝဲဖီၣ်ဃးနီၣ်ထိၣ်ပျံၤလုၣ်တဘိဒီးနီၣ်ထိၣ်ဘိတဘိဒီး ဆၢထၢၣ်ဝဲဖဲကျဲစၢၤတပူၤအကပၤန့ၣ်လီၤ.

လံာ်စကၤရယၤ 2:1

လၢတၢ်ထံၣ်လၢညါခီအဂၤတမံၤအပူၤန့ၣ်, ယထံၣ်ဘၣ်ပှၤတဂၤလၢအအိၣ်ဒီးနီၣ်ထိၣ်ပျံၤတဘိလၢအစုပူၤလီၤ.

လံာ်စကၤရယၤ 2:2

ယသံကွၢ်အီၤ, “နကလဲၤဆူလဲၣ်.” အဝဲစံးဆၢဝဲ, “ယကလဲၤထိၣ်ဝ့ၢ်ယရူၤၡလ့ၣ် လၢယကသ့ၣ်ညါဝ့ၢ်အံၤထီဆံးအါဒီး လဲၢ်ဆံးဒိၣ်လဲၣ်အဂီၢ်န့ၣ်လီၤ.”

လံာ်လီၣ်ဖျါ 21:12

ဝ့ၢ်န့ၣ်အိၣ်ဒီးတၢ်ဒူၣ်ဖးဒိၣ်ဖးထီလၢအအိၣ်ဒီးတြဲၤ ဖးဒိၣ်တဆံခံဘ့ၣ်, အိၣ်ဒီးကလူးတဆံခံဂၤလၢအအိၣ်ခိးကွၢ်ထွဲတြဲၤဖးဒိၣ် တဖၣ်န့ၣ်လီၤ. လၢတြဲၤဖးဒိၣ်အလိၤန့ၣ်ပှၤအံၣ်စရ့လးဖိ တဆံခံဒူၣ်အမံၤတဖၣ်အိၣ်ကွဲးအသးလီၤ.

လံာ်လီၣ်ဖျါ 21:16

ဝ့ၢ်န့ၣ်အိၣ်ဒီးအကပၤလွံၢ်ကပၤလၢအထဲသိးလိာ်အသး လီၤတံၢ်လီၤဆဲး, အထီဒီးအဒီၣ်ဃီၤတုၤသိးလိာ်အသး လီၤ. ကလူးထိၣ်ဝ့ၢ်န့ၣ်လၢအနီၣ်ထိၣ်လီၤ. အထီအိၣ်ဝဲအမံးလးတကထိယဲၢ်ကယၤဒီးအလဲၢ်ဒီး အကစီၤထီၣ်စ့ၢ်ကီးတုၤသိးသိးအထီန့ၣ်လီၤ.

လံာ်လီၣ်ဖျါ 21:21

တြဲၤဖးဒိၣ်တဆံခံဘ့ၣ်မ့ၢ်ဝဲတၢ်မျၢ်ပလဲတဆံခံဖျၢၣ်, တြဲၤ တဘ့ၣ်ဘၣ်တဘ့ၣ်ဘၣ်တၢ်မၤအီၤလၢတၢ်မျၢ်ပလဲတဖျၢၣ် ဧိၤလီၤ. ဝ့ၢ်အကျဲမုၢ်မ့ၢ်ဝဲဒၣ်ထူအစီ, ဖျါဆဲးကလၤဝဲဒ် ယွၤခၣ်စိးအသိးလီၤ.

လံာ်လီၣ်ဖျါ 21:25

ဝ့ၢ်အတြဲၤဖးဒိၣ်တဖၣ်ကအိၣ်အိးထီၣ်အသးဒီနံၤလီၤ. အဝဲသ့ၣ်တဘၣ်တၢ်ကးတံာ်လၢၤအီၤနီတစုဘၣ်, အဂ့ၢ်ဒ်အံၤ, ဖဲန့ၣ်, မုၢ်နၤတအိၣ်ဝဲနီတစုဘၣ်လီၤ.