လံာ်လီၣ်ဖျါ 21:12 - Sgaw Karen Common Bible

¹² ဝ့ၢ်န့ၣ်အိၣ်ဒီးတၢ်ဒူၣ်ဖးဒိၣ်ဖးထီလၢအအိၣ်ဒီးတြဲၤ ဖးဒိၣ်တဆံခံဘ့ၣ်, အိၣ်ဒီးကလူးတဆံခံဂၤလၢအအိၣ်ခိးကွၢ်ထွဲတြဲၤဖးဒိၣ် တဖၣ်န့ၣ်လီၤ. လၢတြဲၤဖးဒိၣ်အလိၤန့ၣ်ပှၤအံၣ်စရ့လးဖိ တဆံခံဒူၣ်အမံၤတဖၣ်အိၣ်ကွဲးအသးလီၤ.

လံာ်လီၣ်ဖျါ 21:12 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 9:19

ခ့ယုၢ်အဂီၤတဆံခံဒုအိၣ်ဆၢထၢၣ်ဝဲဖဲဃီသွါတဖၣ်အလိၤ, တသွါစုာ်စုာ်အိၣ်ဒီးခ့ယုၢ်ခံယုၢ်, တဒုလၢအံၤတခီဒီးတဒု လၢအဂၤတခီန့ၣ်လီၤ. လီၢ်ပစိာ်ဒ်သိးအံၤတအိၣ်ထီၣ်တ့ၢ်ဝဲနီတဘျီလၢဘီ မုၢ်အဂၤနီတဘ့ၣ်အပူၤဘၣ်.

လံာ်စီၤဧ့စြၤ 9:9

ပမ့ၢ်တ့ၢ်ကုၢ်တဖၣ်, ဘၣ်ဆၣ်နတပာ်ထီဃာ်ပှၤလၢကုၢ်အလီၢ်န့ၣ်ဘၣ်. နမၢကီၢ်ပၤရၣ်အစီၤပၤဖးဒိၣ်တဖၣ်ကွၢ်မဲာ်ပှၤဒီးပျဲပှၤလၢ ပကအိၣ်ဆိးဘၣ်ဒံးဒီးသူၣ်ထီၣ်ဘှီထီၣ်က့ၤနတၢ်လုၢ်ဟံၣ်လၢအအိၣ် လၢတၢ်ဟးဂီၤအပူၤဒီးထံၣ်န့ၢ်တၢ်ပူၤဖျဲးဖဲအံၤလၢကီၢ်ယူ ဒၤဒီးဝ့ၢ်ယရူၤၡလ့ၣ်အပူၤန့ၣ်လီၤ.

လံာ်စီၤနဃ့မယၤ 12:27

တုၤဝ့ၢ်ယရူၤၡလ့ၣ်အဝ့ၢ်ခိၣ်ဒူဘၣ်တၢ်ပာ်စီဆှံထီၣ်အီၤန့ၣ်ပှၤ လ့ၤဝံဖိတဖၣ်အံၤဘၣ်တၢ်ဟဲကိးအီၤလၢအအိၣ်ဝဲဆိးဝဲ အလီၢ်ဒ်သိးအဝဲသ့ၣ်ကမၤဃုာ်တၢ်လၢတၢ်ပာ်စီဆှံတၢ်လုၢ်ဟံၣ် အပူၤခီဖျိတၢ်သးဝံၣ်စံးဘျုးစံးဖှိၣ်တဖၣ်, လၢအအိၣ်ဒီးစှၢၣ်စှံးဒီးသီတူၢ်န့ၣ်လီၤ.

စံးထီၣ်ပတြၢၤ 122:7

မ်တၢ်ဃူတၢ်ဖိးအိၣ်လၢနခိၣ်ဒူအပူၤ ဒီးတၢ်ဘီၣ်တၢ်ညီအိၣ်လၢ နစီၤပၤအဟံၣ်ပူၤန့ၣ်တက့ၢ်.”

စံးထီၣ်ပတြၢၤ 51:18

ကစၢ်ယွၤဧၢ, သူၣ်ကညီၤသးကညီၤစံယိၣ် ဒီးမၤစၢၤအီၤတက့ၢ်. သူၣ်ထီၣ်က့ၤယရူၤၡလ့ၣ်အဝ့ၢ်ခိၣ်ဒူတက့ၢ်.

လံာ်တၢ်ဟးထီၣ်ကွံာ် 28:21

ဒီးလၢလၢၢ်တဆံခံဖျၢၣ်အံၤအလိၤန့ၣ်တၢ်ကဘၣ်စိးပျၤစီၤယၤကိာ်အဖိခွါတဖၣ်အမံၤ, တဖျၢၣ်တဂၤစုာ်စုာ်ဒ်သိးကကဲထီၣ်ပှၤအံၣ်စရ့လးဖိတဆံခံဒူၣ်အခၢၣ်စးန့ၣ်လီၤ.

လံာ်ယၡါယၤ 54:12

ယကသူၣ်ထီၣ်နပၢၤတၢ်အလီၢ်တဖၣ်န့ၣ်လၢ တၢ်မျၢ်ဂီၤတဖၣ် ဒီးနတြဲၤတဖၣ်န့ၣ်လၢလၢၢ်တဖၣ်လၢအကပီၤဝဲ ဒ်မ့ၣ်အူအသိး, ဒီးတၢ်ဒူၣ်အိၣ်ဝးတရံးနၤတဖၣ်န့ၣ်လၢတၢ်မျၢ်ပလဲတဖၣ်န့ၣ်လီၤ.

လံာ်ယၡါယၤ 60:18

တၢ်စုဆူၣ်ခီၣ်တကးအသီၣ်တဖၣ် နတနၢ်ဟူဘၣ်လၢၤအီၤဘၣ်, တၢ်မၤဟးဂီၤတမၤလီၤကလဲကဒီး နထံနကီၢ်တဘျီလၢၤဘၣ်. ယကဒီဒၣ်အိၣ်ပှိၤဒီးကဟုကယာ်နၤဒ် တၢ်ဒူၣ်တခါအသိး, နကစံးထီၣ်ပတြၢၤယၤ မ့ၢ်လၢယအုၣ်က့ၤခီၣ်က့ၤတ့ၢ်နၤအဃိလီၤ.

လံာ်မးသဲ 18:10

ပလီၢ်သုသးဒ်သိးသုသုတမၤတရီတပါဘၣ်ဖိသၣ်ဆံးဒ်အံၤတဖၣ်နီ တဂၤတဂ့ၤ. အဂ့ၢ်ဒ်အံၤ, ယစံးဘၣ်သု, အဝဲသ့ၣ်အမူခိၣ်ကလူးအိၣ်တထံၣ်ဃီလၢပၢ်အိၣ်လၢ မူခိၣ်အမဲာ်ညါလီၤ.

လံာ်လူၤကၣ် 15:10

ဒ်န့ၣ်အသိးယစံးဘၣ်တဲဘၣ်သု, ကစၢ်ယွၤအကလူးတဖၣ်သူၣ်ခု သးခုလၢပှၤတၢ်ဒဲးဘးဖိတဂၤလၢအပီၢ်ယၢ်လီၤက့ၤအသး အဃိန့ၣ်လီၤ.”

လံာ်လူၤကၣ် 16:22

ပှၤဖှီၣ်ဖိယာ်ဖိတဂၤအံၤသံဝဲ, ဒီးဘၣ်တၢ်စိာ်ထီၣ်အီၤလၢကလူး တဖၣ်ဆူ စီၤအၤဘြၤဟၣ်အကပၤ, ဖဲတၢ်အီၣ်အမူးလၢမူခိၣ်န့ၣ်လီၤ. ပှၤထူးပှၤတီၤစ့ၢ်ကီးသံဝဲ, ဒီးဘၣ်တၢ်ခူၣ်လီၤအီၤလီၤ.

မၤတၢ် 26:7

မ့ၢ်တၢ်စံးပာ်တမံၤဃီလၢပပှၤကလုာ်တဆံခံဒူၣ်လၢာ်, လၢအဘူၣ်ထီၣ်ဘါထီၣ်ကစၢ်ယွၤလၢမုၢ်ဆါဒီးမုၢ်နၤ, မုၢ်လၢ်ဝဲန့ၣ်လီၤ. ကစၢ်စီၤပၤဧၢ, ပှၤယူဒၤဖိတဖၣ်ပာ် တၢ်ကမၣ်လၢယလိၤန့ၣ်, မ့ၢ်ဒၣ်လၢတၢ်မုၢ်လၢ်တမံၤအံၤအဃိလီၤ.

ဧ့ၤဘြံၤ 1:14

မ့မ့ၢ်ဒ်န့ၣ်ဒီးကလူးတဖၣ်မ့ၢ်တၢ်မနုၤလဲၣ်. အဝဲသ့ၣ်မ့ၢ်ဒၣ်သးတဖၣ်လၢအမၤကစၢ်ယွၤအတၢ် လၢယွၤဆှၢလီၤဒ်သိးအကမၤစၢၤပှၤဟီၣ်ခိၣ်ဖိတဖၣ်လၢ အကဒိးန့ၢ်ဘၣ်တၢ်အုၣ်က့ၤခီၣ်က့ၤအဂီၢ်န့ၣ်လီၤ.

လံာ်လီၣ်ဖျါ 21:13

ဖဲတၢ်ဒူၣ်တကပၤဒီးတကပၤန့ၣ် တြဲၤဖးဒိၣ်အိၣ်ဝဲသၢဘ့ၣ် စုာ်စုာ်ဖဲမုၢ်ထီၣ်တကပၤန့ၣ်သၢဘ့ၣ်, ဖဲကလံၤထံးတကပၤ န့ၣ်သၢဘ့ၣ်, ဖဲကလံၤစိးတကပၤန့ၣ်သၢဘ့ၣ်, ဒီးဖဲမုၢ်နုာ် တကပၤန့ၣ်သၢဘ့ၣ်လီၤ.

လံာ်လီၣ်ဖျါ 21:15

ကလူးလၢအကတိၤတၢ်ဒီးယၤတဂၤန့ၣ်အိၣ်ဒီးနီၣ်ထိၣ်ထူ တဘိလၢအကထိၣ်ကွၢ်ဝ့ၢ်, ဝ့ၢ်အတြဲၤဖးဒိၣ်တဖၣ်, ဒီး အတၢ်ဒူၣ်တဖၣ်အဂီၢ်လီၤ.

လံာ်လီၣ်ဖျါ 21:25

ဝ့ၢ်အတြဲၤဖးဒိၣ်တဖၣ်ကအိၣ်အိးထီၣ်အသးဒီနံၤလီၤ. အဝဲသ့ၣ်တဘၣ်တၢ်ကးတံာ်လၢၤအီၤနီတစုဘၣ်, အဂ့ၢ်ဒ်အံၤ, ဖဲန့ၣ်, မုၢ်နၤတအိၣ်ဝဲနီတစုဘၣ်လီၤ.

လံာ်လီၣ်ဖျါ 22:14

ပှၤသ့ၣ်တဖၣ်လၢအသ့စီကွံာ်အဆ့ကၤဖးထီသတးဒီး အိၣ်ဒီးအခွဲးအယာ်လၢအကအီၣ်သ့ၣ်တၢ်မူအသၣ် ဒီးလဲၤခီဂာ်တြဲၤဖးဒိၣ်တဖၣ်ဆူဝ့ၢ်တဖျၢၣ်န့ၣ်အပူၤန့ၣ်, ဘၣ်ဆိၣ်ဂ့ၤဝဲလီၤ.