လံာ်လီၣ်ဖျါ 21:11 - Sgaw Karen Common Bible

¹¹ ဒီးကပြုၢ်ကပြီၤထီၣ်ဝဲလၢကစၢ်ယွၤအလၤကပီၤန့ၣ် လီၤ. ဝ့ၢ်တဖျၢၣ်န့ၣ်ကပီၤဝဲဒ်လၢၢ်လုၢ်ဒိၣ်ပှ့ၤဒိၣ်, ဒ်လၢၢ်နကၤသွဲးဒီးအိၣ်ဖျါဆှံဝဲဒ်လၢၢ်ဖျါကလၤအသိး န့ၣ်လီၤ.

လံာ်လီၣ်ဖျါ 21:11 Iomraidhean Croise

လံာ်စီၤယိၤဘး 28:17

အလုၢ်အပှ့ၤဒိၣ်န့ၢ်ထူဧိၤလွဲဧိၤ, ဖီကိထူမ့ၢ်ဂ့ၤလီခီ အဂ့ၤကတၢၢ်မ့ၢ်ဂ့ၤန့ၣ်လီၤ.

လံာ်ယၡါယၤ 4:5

ဝံၤဒီးလၢကစၢၢ်စံယိၣ်အဖီခိၣ်ဒီးလၢပှၤလၢအပာ်ဖှိၣ်အသးဖဲ န့ၣ်ခဲလၢာ်အဖီခိၣ်န့ၣ်, ယွၤကဆှၢလီၤတၢ်အၢၣ်လၢမုၢ်ဆါ ဒီးမ့ၣ်အူလုၣ်ဒီးမ့ၣ်လၣ်ကဲၤကပီၤလၢမုၢ်နၤလီၤ. ယွၤအလၤကပီၤကကးဘၢဒီးဒီဒၣ်အိၣ်ပှိၤဝ့ၢ်ဒီဝ့ၢ်လီၤ.

လံာ်ယဃ့းစက့လး 1:22

လၢတၢ်ဘၣ်တ့တဖၣ်အခိၣ်အဖီခိၣ်န့ၣ်, တၢ်အိၣ်ဝဲတမံၤလၢအဖျါလီၤ ဂာ်ဒီးတၢ်အခိၣ်ဒုးဖျၢၣ်သလၢၣ်တခါလၢအဘၣ်တၢ်မၤအီၤလၢလၢၢ်ဖျါ ကလၤလၢအဆဲးကပြုၢ်န့ၣ်လီၤ.

လံာ်ယဃ့းစက့လး 1:26

လၢတၢ်အခိၣ်ဖျၢၣ်သလၢၣ်အဖီခိၣ်န့ၣ်, တၢ်အိၣ်ဝဲတမံၤလၢ အဖျါလီၤဂာ်ဒီးလီၢ်ပစိာ်တခါလၢအဘၣ်တၢ်မၤအီၤ လၢတၢ်မျၢ်နံၤလါအဲး, ဒီးတၢ်အက့ၢ်အဂီၤတမံၤလၢအလီၤဂာ်ဒီးပှၤကညီတဂၤဆ့ၣ်နီၤဝဲ လၢလီၢ်ပစိာ်န့ၣ်အဖီခိၣ်လီၤ.

လံာ်ယဃ့းစက့လး 28:16

နတၢ်ဖံးတၢ်မၤအါလၢ တၢ်ဆါတၢ်ပှ့ၤဒီး တၢ်အံၤန့ၣ်ဆှၢဃီၤနၤဆူတၢ်မၤဆူၣ်မၤစိးတၢ်ဒီးတၢ်မၤဒဲးဘးန့ၣ်လီၤ. လၢတၢ်န့ၣ်အဃိ, ယမၤဆူၣ်ဒ်သိး နကဟးထီၣ်ကွံာ်လၢယကစၢၢ်စီဆှံဒီးမူခိၣ်ကလူး တဂၤလၢအခိးဒီဒၣ်နၤန့ၣ်နီၣ်ဟးထီၣ်ကွံာ်နၤယံၤဒီး လၢၢ်တၢ်မျၢ်ကပြုၢ်ကပြီၤတဖၣ်န့ၣ်လီၤ.

လံာ်ယဃ့းစက့လး 43:2

ဒီးဖဲန့ၣ်, ယထံၣ်ဘၣ်အံၣ်စရ့လးအကစၢ်ယွၤအတၢ်အိၣ်ဝဲဆိးဝဲ အတၢ်ကပီၤကပြုၢ်ကပြီၤဟဲဝဲလၢမုၢ်ထီၣ်တခီန့ၣ်လီၤ. ကစၢ်ယွၤ အကလုၢ်န့ၣ်သီၣ်ထီၣ်ဝဲလီၤဂာ်ဒ်ပီၣ်လဲၣ်သီၣ်ထီၣ်ရုၢ်ရုၢ်အသိးဒီး ဟီၣ်ခိၣ်ကပီၤထီၣ်ဝဲဒီးတၢ်ကပီၤကပြုၢ်ကပြီၤန့ၣ်လီၤ.

လံာ်ယဃ့းစက့လး 48:35

ဝ့ၢ်အတၢ်ဒူၣ်လွံၢ်ကပၤလိာ်အတၢ်ထိၣ်ခဲလၢာ် န့ၣ်မ့ၢ်ဝဲအပျၢ်တကလးဃိးကထိန့ၣ်လီၤ. စးထီၣ်လၢခဲအံၤဒီးဆူညါန့ၣ်ဝ့ၢ်အံၤအမံၤကဘၣ် တၢ်ကိးအီၤလၢ “ယွၤအိၣ်ဝဲဖဲအံၤ” န့ၣ်လီၤ.

လံာ်လီၣ်ဖျါ 15:8

တၢ်လုၢ်ဟံၣ်ပှဲၤဝဲဒီးမ့ၣ်အူလုၢ်လၢအဟဲလၢကစၢ်ယွၤ အလၤကပီၤဒီးအစိကမီၤ, ဒီးတချုးလၢတၢ်နးတၢ်ဖှီၣ်နွံမံၤလၢအဘၣ်တၢ်ဟဲစိာ် အီၤလၢကလူးနွံဂၤကတၢၢ်ဒံးဘၣ်န့ၣ်, ပှၤလဲၤနုာ်ဆူတၢ်လုၢ်ဟံၣ်အပူၤတသ့ဝဲနီတဂၤ ဘၣ်လီၤ.

လံာ်လီၣ်ဖျါ 22:1

ကလူးတဂၤန့ၣ်ဒုးနဲၣ်စ့ၢ်ကီးယၤလၢထံမူအထံကျိလၢအက တြ့ၣ်ကတြိၣ်ဝဲဒ်လၢၢ်ဖျါကလၤအသိး, ဒီးဟဲယွၤလီၤလၢကစၢ်ယွၤဒီးသိဖိအလီၢ်ပစိာ်,

လံာ်လီၣ်ဖျါ 22:5

မုၢ်နၤတအိၣ်လၢၤဘၣ်. ဒီးအဝဲသ့ၣ်တလိၣ်ဘၣ်မ့ၣ်အူဒၢမ့ၢ်ဂ့ၤ, မုၢ်အတၢ်ကပီၤမ့ၢ်ဂ့ၤန့ၣ်ဘၣ်. အဂ့ၢ်မ့ၢ်လၢကစၢ်ယွၤကမ့ၢ်အဝဲသ့ၣ် အတၢ်ကပီၤ, ဒီးအဝဲသ့ၣ်ကပၢတၢ်ဒ်စီၤပၤတဖၣ်အသိးလီၤ စိၤလီၤထီလီၤ.

လံာ်လီၣ်ဖျါ 4:3

အဝဲဒၣ်အမဲာ်ကပီၤဝဲဒ်လၢၢ်လုၢ်ဒိၣ်ပှ့ၤဒိၣ်လၢအမ့ၢ်ဝဲတၢ်မျၢ် နကၤသွဲးဒီးတၢ်မျၢ်ဆီသွံၣ်တဖၣ်, ဒီးဖဲလီၢ်ပစိာ်အကပၤဝးဝးန့ၣ်, တၢၢ်ကွဲၤအိၣ်ဝဲဒၣ်တဘိလၢအလွဲၢ်မၤအသးဒ်တၢ်မျၢ်ဟ့မၠး အသိးန့ၣ်လီၤ.

လံာ်လီၣ်ဖျါ 4:6

ဖဲလီၢ်ပစိာ်အမဲာ်ညါန့ၣ်တၢ်အိၣ်စ့ၢ်ကီးဝဲတမံၤလၢအလီၤ ဂာ်ဒီးပီၣ်လဲၣ်ယွၤခၣ်စိး, လၢအဆှံဝဲဒ်လၢၢ်ဖျါကလၤအသိး န့ၣ်လီၤ. ဝးတရံးလီၢ်ပစိာ်, ဖဲအကပၤတကပၤဒီးတကပၤစုာ်စုာ်န့ၣ်, တၢ်အိၣ်ဒီးအသးသမူလွံၢ်ဒုအိၣ်ဝဲ, အိၣ်ပှဲၤဒီးအမဲာ်ချံတဖၣ်လၢအမဲာ်ညါဒီးအလီၢ်ခံန့ၣ်လီၤ.