လံာ်လီၣ်ဖျါ 20:9 - Sgaw Karen Common Bible

⁹ အဝဲသ့ၣ်ရၤလီၤအသးသကုၤဟီၣ်ခိၣ်ချၢ, ဒီးကဝီၤဃာ်ကစၢ်ယွၤအပှၤဂီၢ်မုၢ်တဖၣ်အဒဲဒီးဝ့ၢ် တဖျၢၣ်လၢအဝဲဒၣ်အဲၣ်ဝဲန့ၣ်လီၤ. ဘၣ်ဆၣ်ဒီးမ့ၣ်အူ ဟဲလီၤလၢမူခိၣ်, ဒီးမၤဟးဂီၤကွံာ်အဝဲသ့ၣ်လီၤ.

လံာ်လီၣ်ဖျါ 20:9 Iomraidhean Croise

လံာ်တၢ်ကဲထီၣ်အခီၣ်ထံး 19:24

သတူၢ်ကလာ်န့ၣ်ယွၤမၢလီၤကးဒီးမ့ၣ်အူစူၤလီၤလၢဝ့ၢ်စဒိၣ် ဒီးဝ့ၢ်ဂမိရၤအဖီခိၣ်,

လံာ်စီၤပၤခံဘ့ၣ်တဘ့ၣ် 6:15

မုၢ်ဆ့ၣ်တနံၤလၢဂီၤဂီၤန့ၣ်, စီၤအလံၤၡါအခ့အပှၤဂဲၤဆၢထၢၣ် ဒီးဟးထီၣ်ဆူဟံၣ်အချၢဒီးထံၣ်ဘၣ်ပှၤစူၤရံဖိတဖၣ်ဃုာ်ဒီး အဝဲသ့ၣ်အကသ့ၣ်တဖၣ်ဒီးလ့ၣ်ကဟၣ်တဖၣ်ကဝီၤဃာ်ဝ့ၢ်န့ၣ်လီၤ. အဝဲက့ၤကဒါက့ၤဆူစီၤအလံၤၡါအအိၣ်ဒီးကိးထီၣ်ဆူအအိၣ်စံး ဝဲဒၣ်, “တၢ်ဒိၣ်ဧၢ, ပဘၣ်တၢ်စံၣ်ညီၣ်ဃါမနၤလံ. ပကမၤဒ်လဲၣ်.”

လံာ်စီၤယိၤဘး 38:18

ဟီၣ်ခိၣ်ဒိၣ်ဝဲလဲၢ်ဝဲဆံးအါဆံးအါန့ၣ်, နနၢ်ပၢၢ်တ့ၢ်အီၤဧါ. နမ့ၢ်သ့ၣ်ညါဒီးစံးဆၢယၤတက့ၢ်.

စံးထီၣ်ပတြၢၤ 106:18

မ့ၣ်အူဟဲလီၤလၢပှၤပိာ်အဝဲသ့ၣ်အခံတဖၣ် အသိးအကျါ, ဒီးအီၣ်ကွံာ် ပှၤအအၢအသီတဖၣ်န့ၣ်လီၤ.

စံးထီၣ်ပတြၢၤ 87:2

ကစၢ်ယွၤအဲၣ်ဝဲဝ့ၢ်ယရူၤၡလ့ၣ်အါန့ၢ်တၢ်လီၢ်အဂၤ လၢအအိၣ်လၢအံၣ်စရ့လးအပူၤတက့ၢ်လီၤ.

စံးထီၣ်ပတြၢၤ 97:3

မ့ၣ်အူလဲၤတၢ်လၢအမဲာ်ညါ, ဒီးအီၣ်ဂီၤကွံာ် အဒုၣ်အဒါအိၣ်ဝးတရံးအီၤတဖၣ်န့ၣ်လီၤ.

လံာ်ယၡါယၤ 30:33

ယံာ်တ့ၢ်လံန့ၣ်, ယွၤကတဲာ်ကတီၤပာ်တၢ်လီၢ်တတီၤ ဖဲကီၢ်အၤၡူၢ်အစီၤပၤကဘၣ်တၢ်ဒွဲၣ်အူအီၤလၢမ့ၣ်အူအဂီၢ်လီၤ. တၢ်လီၢ်န့ၣ်ယိာ်ဝဲဒီးလဲၢ်ဝဲ, ဒီးသ့ၣ်မုၣ်ဘၣ်တၢ်ပူၣ်ထီၣ်ထီအီၤဖဲန့ၣ်လီၤ. ယွၤကသါသဖှိထီၣ်မ့ၣ်အူလၣ်တဖၣ်လၢမ့ၣ်အူလၢကအီၣ်ကွံာ်တၢ် အဂီၢ်လီၤ.

လံာ်ယၡါယၤ 37:36

ယွၤအကလူးတဂၤလဲၤဆူပှၤအၤၡူၢ်ဖိတဖၣ်သူၣ်ဒဲအလီၢ်ဒီးမၤသံ သုးဖိတကလီၢ်ဃိးကလးယဲၢ်ကထိဂၤန့ၣ်လီၤ. လၢခံတနံၤဂီၤဂီၤန့ၣ်, အဝဲသ့ၣ်အိၣ်စူၣ်လီၤအသးဖဲန့ၣ်ဒီးသံဝဲခဲလၢာ်န့ၣ်လီၤ.

လံာ်ယဃ့းစက့လး 38:16

နကလဲၤထီၣ်ဒုးယပှၤဂီၢ်မုၢ်အံၣ်စရ့လးဒ်ကလံၤမုၢ်လၢအအူ တၢ်သကုၤကီၢ်ဒီဘ့ၣ်ညါအသိးန့ၣ်လီၤ. ဖဲတၢ်ဆၢကတီၢ်န့ၣ်တုၤဃီၤဒီး, ယကဆှၢနၤလၢနကလဲၤနုာ်လီၤဒုးယကီၢ်, ဒ်သိးယကဒုးနဲၣ်ပှၤကလုာ်တဖၣ်လၢယမ့ၢ်မတၤလဲၣ်, ဒ်သိးယကဒုးနဲၣ် ယတၢ်စီတၢ်ဆှံခီဖျိတၢ်လၢယမၤအီၤခီဖျိနၤန့ၣ်လီၤ.

လံာ်ယဃ့းစက့လး 38:22

ယကစံၣ်ညီၣ်အီၤလၢတၢ်ဆူးတၢ်ဆါဒီးတၢ်ဂၢ်သွံၣ်ဂၢ်စီၤန့ၣ်လီၤ. ဒီးယကလူလီၤမူခိၣ်အထံယွၤဆူၣ်ဃုာ်ဒီးသူၣ်အိၣ်ဒီးမ့ၣ်အူဒီးကး ကလူလီၤဂၢ်လီၤအသးလၢအလိၤ, ဒီးလၢအသုးမုၢ်ဒီးပှၤကလုာ် တဖၣ်လၢအိၣ်လၢအဝဲအအိၣ်တခီအလိၤန့ၣ်လီၤ.

လံာ်ယဃ့းစက့လး 38:9

အဝဲဒီးအသုးမုၢ်ဒီးပှၤအါကလုာ်လၢအအိၣ်ဒီးအီၤ, ကလဲၤထီၣ် ဒုးတၢ်ဒ်ကလံၤမုၢ်အသိးဒီးကျၢၢ်ဘၢထံကီၢ်ဒ်တၢ်အၢၣ်အသိး န့ၣ်လီၤ.”

လံာ်ယဃ့းစက့လး 39:6

ယကစးထီၣ်မၢမ့ၣ်အူအီၣ်တၢ်လၢကီၢ်မကိးလၢအပူၤဒီးလၢပီၣ်လဲၣ် ကၢၢ်နံၤတဖၣ်ဖဲပှၤဂီၢ်မုၢ်အိၣ်ဆိးဝဲတအိၣ်ဒီးတၢ်မၤတံာ်တာ်အီၤ ဘၣ်ဒီးပှၤကိးဂၤဒဲးကသ့ၣ်ညါဝဲလၢယမ့ၢ်ယွၤန့ၣ်လီၤ.

လံာ်မံကၤ 2:13

ယွၤကအိးထီၣ်ကျဲလၢအဝဲသ့ၣ်အဂီၢ်ဒီးဆှၢပူၤထီၣ်အီၤလၢတၢ် စိာ်မၢကဲကုၢ်အလီၢ်န့ၣ်လီၤ. အဝဲသ့ၣ်ကလဲၤဖျိကွံာ်ဝ့ၢ်အတြဲၤတဖၣ်ဒီးဟးထီၣ်လၢတၢ်သဘျ့ အပူၤလီၤ. အဝဲသ့ၣ်အစီၤပၤ, ယွၤအနီၢ်ကစၢ်ဒၣ်ဝဲကဆှၢထီၣ်အီၤလီၤ.

လံာ်ဃဘးကူာ် 1:6

ပှၤဘၤဘူၤလိၣ်ဖိ, ပှၤလၢအလီၤပျံၤလီၤဖုး, ပှၤလၢအမၤတၢ်ဆူၣ်ဆူၣ်ချ့ချ့တဖၣ်န့ၣ်ယဒုးဆူၣ်ထီၣ်အီၤလၢတၢ် စိတၢ်ကမီၤန့ၣ်လီၤ. အဝဲသ့ၣ်လဲၤထီၣ်ကြူးကြူးသကုၤဟီၣ်ခိၣ်ဒီ ဘ့ၣ်ဒ်သိးကမၤနၢၤကွံာ်ထံဂုၤကီၢ်ဂၤတဖၣ်လီၤ.

လံာ်တၢ်ဂံၢ် 11:1

ဒီးပှၤဂီၢ်မုၢ်စးထီၣ်ကဒူးကဒ့ၣ်တၢ်ဆူယွၤအအိၣ်ဘၣ်ဃးဒီးအဝဲ သ့ၣ်အတၢ်ကိၢ်တၢ်ဂီၤတဖၣ်အဂ့ၢ်လီၤ. ဖဲယွၤနၢ်ဟူအဝဲသ့ၣ်ဒီးအဝဲသးဒိၣ်ထီၣ်ဒီးဆှၢလီၤမ့ၣ်အူ လၢပှၤဂီၢ်မုၢ်အဖီခိၣ်န့ၣ်လီၤ. မ့ၣ်အူအီၣ်တၢ်လၢအဝဲသ့ၣ်အကျါဒီးမၤဟးဂီၤကွံာ်တၢ်သူၣ်ဒဲ အလီၢ်တကပၤလီၤ.

လံာ်တၢ်ဂံၢ် 16:35

အန့ၣ်ဒီးယွၤဆှၢလီၤမ့ၣ်အူတခါလၢအကပျီၤထီၣ်ဒီးအီၣ်ကွံာ် ပှၤအဂၤခံကယၤယဲၢ်ဆံလၢအဟ့ၣ်ထီၣ်တၢ်လုၢ်နၢမူန့ၣ်လီၤ.

လံာ်လူၤကၣ် 17:29

ဖဲမုၢ်တနံၤလၢစီၤလိာ်ဟးထီၣ်ကွံာ်လၢဝ့ၢ်စဒိၣ်န့ၣ်, တၢ်ဟဲစူၤလီၤလၢမ့ၣ်အူဒီးကးလၢမူခိၣ်, ဒီးမၤသံကွံာ်အဝဲသ့ၣ်ကိးဂၤဒဲးလီၤ.

လံာ်လူၤကၣ် 19:43

မုၢ်နံၤမုၢ်သီတဖၣ်ကဟဲတုၤအိၣ်နၤဖဲနဒုၣ်နဒါတဖၣ်ကကဝီၤဃာ်နၤ, မၤတံာ်တၢၤနကျဲဒီးသုးအသးဘူးထီၣ်ဆူနအိၣ်ကိးကပၤဒဲးလီၤ.

လံာ်လူၤကၣ် 21:20

ဖဲသုထံၣ်ဝ့ၢ်ယရူၤၡလ့ၣ်ဘၣ်တၢ်ကဝီၤဃာ်အီၤလၢသုးမုၢ်သံၣ်ဘိ တဖၣ်လံန့ၣ်, သုကဘၣ်သ့ၣ်ညါလၢတယံာ်ဘၣ်ဒီးအဝဲဒၣ်ကဘၣ်တၢ်မၤဟးဂီၤ အီၤန့ၣ်လီၤ.

လံာ်လူၤကၣ် 9:54

ဖဲအပျဲၢ်အဘီၣ်စီၤယၤကိာ်ဒီးစီၤယိၤဟၣ်သ့ၣ်တဖၣ်ထံၣ်ဘၣ်တၢ် တမံၤအံၤန့ၣ်, အဝဲသ့ၣ်စံးဝဲ, “ကစၢ်ဧၢ, မ့ၢ်နသးအိၣ်လၢပကကိးလီၤမ့ၣ်အူလၢမူခိၣ် ဒ်သိးအကဟဲလီၤဒီးအီၣ်ကွံာ်အဝဲသ့ၣ်န့ၣ်ဧါ.”

လံာ်သိၣ်လီၤသီလီၤတၢ် 23:14

မၤကဆှဲကဆှီသုသူၣ်ဒဲအလီၢ်ဒ်တၢ်ဘူၣ်တၢ်ဘါအိၣ်ဝဲအလုၢ်အလၢ်အသိး, မ့ၢ်လၢယွၤသုကစၢ်ယွၤအိၣ်လၢသုသူၣ်ဒဲအလီၢ်, ဒ်သိးကဒီဒၣ်အိၣ်ပှိၤသုဒီးဟ့ၣ်လီၤသုတၢ်မၤနၢၤလၢ သုဒုၣ်သုဒါအဖီခိၣ်အဃိန့ၣ်တက့ၢ်. မၤတၢ်လၢအတကြၢးတဘၣ်တဃံတလၤနီတမံၤလၢယွၤကဃၣ်ဒူၣ်ချၢကွံာ် အသးလၢသုအဂီၢ်န့ၣ်တဂ့ၤ.

၂ သ့းစၤလနံ 1:8

ဒီးဟဲလီၤလၢမ့ၣ်အူလၣ်အပူၤ, ဒ်သိးအကစံၣ်ညီၣ်ပှၤတဖၣ်လၢအတအၢၣ်လီၤအီလီၤ ကစၢ်ယွၤဒီးတတူၢ်လိာ်တၢ်သးခုကစီၣ်ဘၣ်ဃးပကစၢ် ယ့ၣ်ၡူးန့ၣ်လီၤ.

ဧ့ၤဘြံၤ 13:13

လၢတၢ်န့ၣ်အဃိ, မ်ပလဲၤသကိးဆူဒဲအချၢဒီးတူၢ်သကိးဃုာ်တၢ် ဒုၣ်ဒွဲၣ်ဒီးအီၤန့ၣ်တက့ၢ်.

လံာ်လီၣ်ဖျါ 11:5

ပှၤတဂၤဂၤမ့ၢ်ဂုာ်ကျဲးစၢးမၤဆါအဝဲသ့ၣ်န့ၣ်, မ့ၣ်အူဟဲဖျိးထီၣ်လၢအဝဲသ့ၣ်အကိာ်ပူၤ, ဒီးအီၣ်ကွံာ် အဒုၣ်အဒါတဖၣ်, ဒီးလၢကျဲဒ်အံၤအပူၤ, ပှၤတဂၤလၢ်လၢ်လၢအဂုာ်ကျဲးစၢးမၤဆါအဝဲသ့ၣ်န့ၣ်, ကဘၣ်တၢ်မၤသံကွံာ်အီၤလီၤ.

လံာ်လီၣ်ဖျါ 13:13

တၢ်ဒူတၢ်ဃိၤခံဒုတဒုအံၤမၤတၢ်လီၤလးအဒိၣ်အမုၢ် တဖၣ်, အဝဲဒၣ်ဒုးဟဲလီၤမ့ၣ်အူလၢမူခိၣ်ဆူဟီၣ်ခိၣ် လၢပှၤကိးဂၤဒဲးအမဲာ်ညါန့ၣ်လီၤ.