လံာ်လီၣ်ဖျါ 20:3 - Sgaw Karen Common Bible

³ ကလူးတ့ၢ်လီၤအီၤဆူတၢ်ပူၤယိာ်အပူၤ, ကးတံာ်အခံလၢ နီၣ်ဝံာ်ဒီးစဲပနီၣ်ဃာ်ဝဲ, ဒ်သိးတချုးအနံၣ်တကထိပှဲၤထီၣ် ဒံးဘၣ်န့ၣ်, အသုတလီန့ၢ်လၢၤပှၤကလုာ်လၢကိးထံကိးကီၢ် တဖၣ်တဂ့ၤအဂီၢ်န့ၣ်လီၤ. တၢ်န့ၣ်ဝံၤအလီၢ်ခံ, အဝဲကဘၣ်တၢ်ပျဲထူၣ်ဖျဲးအီၤတစိၢ်ဖိလီၤ.

လံာ်လီၣ်ဖျါ 20:3 Iomraidhean Croise

စံးထီၣ်ပတြၢၤ 90:4

လၢနဂီၢ်အံၤအနံၣ်တကထိလီၤဂာ်ဒ်မုၢ်တနံၤအသိး, ဒ်မဟါတနံၤလၢအလဲၤပူၤကွံာ်တ့ၢ်လံဝဲ, ဒီးဒ်တၢ်ခိးအကတီၢ်တကတီၢ်လၢ မုၢ်နၤအသိးန့ၣ်လီၤ.

လံာ်ဒၤနံးယ့လး 6:17

လၢၢ်တဖျၢၣ်ဘၣ်တၢ်ပာ်လီၤတံာ်တၢၤခ့ယုၢ်တဝၢအပူၤခိၣ် ထိးဒီးစီၤပၤအနီၢ်ကစၢ်ဒၣ်ဝဲဒီးအပဒိၣ်တဖၣ်စဲတံၢ်ဝဲလၢအတၢ် စဲပနီၣ်ဒၣ်ဝဲစုာ်စုာ်ဒ်သိးပှၤမၤပူၤဖျဲးစီၤဒၤနံးယ့လးသုတန့ၢ် နီတဂၤတဂ့ၤအဂီၢ်န့ၣ်လီၤ.

လံာ်မးသဲ 24:24

အဂ့ၢ်ဒ်အံၤ, ခရံာ်အဘျၣ်ဒီးဝံအဘျၣ်တဖၣ်ကပၢၢ်ထီၣ်, ဒီးကဒုးနဲၣ်တၢ်အပနီၣ် ဒီးတၢ်လီၤလးအဒိၣ်အမုၢ်တဖၣ်ဒ်သိးဒီး, မ့ၢ်သ့မ့ၢ်ဘၣ်န့ၣ်, ကလီန့ၢ်ပၢၢ်တုၤလၢကစၢ်ယွၤအပှၤဃုထၢဖိတဖၣ်ဒၣ်လဲာ်လီၤ.

လံာ်မးသဲ 27:66

လၢတၢ်န့ၣ်အဃိ, အဝဲသ့ၣ်လဲၤဒီးစဲပနီၣ်ဃာ်လၢၢ်လၢတၢ်ပူၤခိၣ်ထိးန့ၣ်ဝံၤ ဒီး, ပာ်တ့ၢ်ပှၤသုးဖိလၢအကခိးဃာ်တၢ်သွၣ်ခိၣ်အပူၤအဂီၢ်, ဖဲန့ၣ်လီၤ.

လံာ်မၢ်ကူး 4:15

ပှၤတနီၤန့ၣ်လီၤဂာ်ဒီးတၢ်ချံလၢအလီၤဘၣ်လၢကျဲသရ့ၤထံး န့ၣ်လီၤ. မ့ၢ်ပှၤတဖၣ်လၢတုၤအနၢ်ဟူဘၣ်တၢ်ကစီၣ်ဝံၤတကီၢ် ခါမုၣ်ကီၤလံၢ်ဟဲဒီးစိာ်ကွံာ်ယွၤအကလုၢ်ကထါလၢအလီၤ ဘၣ်လၢအဝဲသ့ၣ်အပူၤလီၤ.

လံာ်လူၤကၣ် 8:31

တၢ်နါတဖၣ်ဃ့ကညးယ့ၣ်ၡူးဒ်သိးအသုတဒုးလဲၤလီၤ အဝဲသ့ၣ်ဆူတၢ်ယိာ်ပူၤတဂ့ၤအဂီၢ်န့ၣ်လီၤ.

၂ ကရံၣ်သူး 11:3

ယဘၣ်ယိၣ်ဘၣ်ဘီလၢသုသူၣ်သုသးကဘၣ်တၢ်မၤဟးဂီၤကွံာ် အီၤဒီးသုကညိကွံာ်သုတၢ်ဟ့ၣ်လီၤသးလၢာ်လၢာ်ဆ့ဆ့စီစီ ဆှံဆှံဆူခရံာ်အအိၣ်လၢကျဲတဘိဃီလၢနီၢ်အံၣ်အုဘၣ်တၢ် လီန့ၢ်အီၤခီဖျိဂုၢ်သ့ၣ်အတၢ်ကတိၤကဘျံးကဘျၣ်တၢ်သ့သ့ ဘၣ်ဘၣ်တဖၣ်န့ၣ်လီၤ.

၂ ပ့းတရူး 3:8

ယတံၤသကိးသးဘိသ့ၣ်ဧၢ, တဘၣ်သးပ့ၤနီၣ်တၢ်တမံၤ အံၤတဂ့ၤ. လၢကစၢ်အမဲာ်ညါန့ၣ်, မုၢ်တနံၤဒီးအနံၣ် တကထိအဘၢၣ်စၢၤတၢ်လီၤဆီတအိၣ်ဘၣ်. လၢအဝဲအဂီၢ်တၢ်ခံမံၤအံၤမ့ၢ်ဒၣ်တၢ်ဒ်သိးသိးလီၤ.

လံာ်လီၣ်ဖျါ 12:9

ပယိၤဖးဒိၣ်, ဂုၢ်လၢပျၢၤတဘိ, လၢအမံၤမ့ၢ်ဝဲ, မုၣ်ကီၤလံၢ် မ့တမ့ၢ်စၤတၣ်, လၢအလီန့ၢ်ဟီၣ်ခိၣ်ဒီဘ့ၣ်န့ၣ်, ဘၣ်တၢ်တ့ၢ်လီၤကွံာ်အီၤလီၤ. အဝဲဘၣ်တၢ်တ့ၢ်လီၤကွံာ်အီၤ ဆူဟီၣ်ခိၣ်ချၢ, ဃုာ်ဒီးအကလူးတဖၣ်ခဲလၢာ်လီၤ.

လံာ်လီၣ်ဖျါ 13:14

ဒီးအဝဲဒၣ်လီန့ၢ်ကယဲၢ်ပှၤအိၣ်ဝဲဆိးဝဲလၢဟီၣ်ခိၣ်ချၢ ခီဖျိတၢ်လီၤလးလၢတၢ်ပျဲအမၤဝဲလၢတၢ်ဒူတၢ်ဃိၤ တၢတဒုအမဲာ်ညါန့ၣ်လီၤ. တၢ်ဒူတၢ်ဃိၤခံဒုတဒုအံၤမၢအဝဲသ့ၣ်ဘှီန့ၢ်က့ၢ်ဂီၤ တခါလၢတၢ်ကမၤလၤကပီၤတၢ်ဒူတၢ်ဃိၤလၢအဘၣ် တၢ်မၤဘၣ်ဒိအီၤလၢနး, ဘၣ်ဆၣ်ဒီးအိၣ်မူဒံးဝဲတဒုန့ၣ် အဂီၢ်လီၤ.

လံာ်လီၣ်ဖျါ 17:2

ဟီၣ်ခိၣ်အစီၤပၤတဖၣ်မၤကမၣ်မုၣ်ကမၣ်ခွါဒီးအီၤ, ဒီးပှၤဟီၣ်ခိၣ်ဖိတဖၣ်အီမူၤအသးလၢစပံးထံဘၣ်ဃးဒီး အဝဲအလုၢ်အၢလၢ်သီန့ၣ်လီၤ.”

လံာ်လီၣ်ဖျါ 17:8

တၢ်ဒူတၢ်ဃိၤတဒုန့ၣ်, အိၣ်မူတ့ၢ်ဝဲတဘျီ, ဘၣ်ဆၣ်ဒီး တမူဝဲလၢၤဘၣ်. ဘူးထီၣ်လံလၢအဝဲဒၣ်ကဟဲထီၣ်လၢ တၢ်ပူၤယိာ်, ဒီးကဟးထီၣ်ဝဲဒ်သိးအကဘၣ်တၢ်မၤဟးဂီၤကွံာ်အီၤ အဂီၢ်လီၤ. ပှၤအိၣ်လၢဟီၣ်ခိၣ်ချၢ, လၢအမံၤတအိၣ်ကွဲးအသးလၢလံာ်မူအပူၤတချုးတၢ်တ့လီၤပာ်လီၤ ဟီၣ်ခိၣ်ဒံးဘၣ်တဖၣ်န့ၣ်, ကကမၢကမၣ်မးဝဲကိးဂၤဒဲး, ဖဲအဝဲသ့ၣ်ကွၢ်တၢ်ဒူတၢ်ဃိၤတဒုန့ၣ်လီၤ. တၢ်ဒူတၢ်ဃိၤအံၤ, တဘျီန့ၣ်အိၣ်မူဝဲ, မ့မ့ၢ်ခဲကနံၣ်အံၤတအိၣ်မူဝဲလၢၤဘၣ်. ဘၣ်ဆၣ်ဒီး, အဝဲဒၣ်ကအိၣ်ဖျါထီၣ်ကဒါက့ၤလီၤ.

လံာ်လီၣ်ဖျါ 20:1

တုၤနုၤတစု, ယထံၣ်ကလူးတဂၤဟဲလီၤလၢမူခိၣ်, ဟံးဃာ်တၢ်ပူၤယိာ်အနီၣ်ဝံာ်ဒီးထးသွဲဖးဒိၣ်တဘိလၢ အစုပူၤလီၤ.