လံာ်လီၣ်ဖျါ 20:2 - Sgaw Karen Common Bible

² အဝဲဒၣ်ဖီၣ်ဃာ်ပယိၤ, ဂုၢ်သ့ၣ်လၢထံးလၢသီတဘိလၢ အမ့ၢ်မုၣ်ကီၤလံၢ်မ့တမ့ၢ်စၤတၣ်, ဒီးစၢဃာ်အီၤလၢအနံၣ် တကထိအတီၢ်ပူၤလီၤ.

လံာ်လီၣ်ဖျါ 20:2 Iomraidhean Croise

လံာ်တၢ်ကဲထီၣ်အခီၣ်ထံး 3:1

ဒီးတၢ်လၢဂုၢ်န့ၣ်မ့ၢ်ဆၣ်ဖိကီၢ်ဖိလၢကူၣ်လီတၢ်အသ့ကတၢၢ်လၢ ယွၤ, ကစၢ်ယွၤတ့လီၤန့ၣ်လီၤ. ဒီးဂုၢ်န့ၣ်သံကွၢ်ပိာ်မုၣ်, “မ့ၢ်ကစၢ် ယွၤတဲဘၣ်သုသပှၢ်တၢၢ်လၢသုတဘၣ်အီၣ်သ့ၣ်သၣ်လၢသ့ၣ်တထံးလၢ်လၢ် လၢတၤသၣ်လီၢ်အပူၤန့ၣ်ဧါ.”

လံာ်တၢ်ကဲထီၣ်အခီၣ်ထံး 3:15

ယကမၤတုၤနၤဒီးပိာ်မုၣ်သးဟ့လိာ်သး, ဒီးအချံအသၣ်ဒီးနချံ နသၣ်န့ၣ်ကမ့ၢ်ဒုၣ်ဒါထီဘိန့ၣ်လီၤ. ပိာ်မုၣ်အချံအသၣ်ကမၤသဘှံးနခိၣ်ဒီးနချံနသၣ်ကဖျးအဝဲသ့ၣ် အခီၣ်နၢၣ်ခံလီၤ.”

လံာ်စီၤယိၤဘး 1:7

ဒီးယွၤသံကွၢ်မုၣ်ကီၤလံၢ်, “နဟးမၤတ့ၢ်တၢ်မနုၤလဲၣ်.” ဒီးမုၣ်ကီၤလံၢ်စံးဆၢယွၤဒီးစံး, “ယဟးဖဲအံၤဖဲနုၤဒီးဟးဝ့ၤဝီၤလၢဟီၣ်ခိၣ်ချၢန့ၣ်လီၤ.

လံာ်ယၡါယၤ 24:22

ကစၢ်ယွၤကပာ်ဖှိၣ်ကတံာ်ကတူာ်စီၤပၤတဖၣ်တပူၤဃီ, ဒ်ပှၤဃိာ်ဖိတဖၣ်လၢတၢ်ပူၤတပူၤအသိးန့ၣ်လီၤ. အဝဲကကးတံာ်အဝဲသ့ၣ်လၢဃိာ်ပူၤတုၤတၢ်စံၣ်ညီၣ်အဝဲသ့ၣ် အကတီၢ်ဟဲဝဲလီၤ.

လံာ်ယၡါယၤ 27:1

တၢ်လၢမုၢ်တနံၤန့ၣ်, ယွၤကသူအနးလၢအတဟီၣ်ဆူၣ်ဒီးမၤ သံတၢ်သ့တဘ့ၣ်လၢကစံၣ်ညီၣ်သမၣ်ဂုၢ်, လၢအစွါဒ်ထိးကလဲာ် ဒီးဝံာ်ပကံးအသးဒ်ပယိၤအသိးန့ၣ်, ဒီးကမၤသံတၢ်မုၢ်ဃၢ်ဖး ဒိၣ်လၢအအိၣ်လၢပီၣ်လဲၣ်ပူၤန့ၣ်လီၤ.

လံာ်ယဃ့းစက့လး 47:5

အဝဲထိၣ်အါထီၣ်ကဒီးဝဲဆူညါအပျၢ်တကထိ, ဒီးဖဲန့ၣ်ထံကျိ ဖိယိာ်ဝဲတုၤဒၣ်လဲာ်, ယခီဂာ်က့ၤအီၤတသ့လၢၤဘၣ်န့ၣ်လီၤ. ယိာ်ကဲၣ်ဆိးတုၤဒၣ်လဲာ်ပခီဂာ်အီၤကသ့ဒၣ်ထဲလၢတၢ်ပှီၢ်ခီအီၤ ဧိၤန့ၣ်လီၤ.

လံာ်မးသဲ 19:29

ဒီးပှၤတဂၤလၢ်လၢ်လၢအပာ်တ့ၢ်အဟံၣ်တဖၣ်မ့ၢ်ဂ့ၤ, အဒီပုၢ်ဝဲၢ်ခွါမ့ၢ်ဂ့ၤ, အဒီပုၢ်ဝဲၢ်မုၣ်မ့ၢ်ဂ့ၤ, အပၢ်မ့ၢ်ဂ့ၤ, အမိၢ်မ့ၢ်ဂ့ၤ, အဖိအလံၤမ့ၢ်ဂ့ၤ, အဟီၣ်ခိၣ်မ့ၢ်ဂ့ၤ, လၢယမံၤအဃိန့ၣ်, ကဒိးန့ၢ်အါထီၣ်က့ၤဝဲအစးတကယၤဒီးကန့ၢ်သါဘၣ်တၢ်မူအထူ အယိာ်လီၤ.

လံာ်မးသဲ 8:29

တုၤအထံၣ်ယ့ၣ်ၡူးတဘျီဃီ အဝဲသ့ၣ်ကိးပသူထီၣ်ဒီးစံး, “ကစၢ်ယွၤအဖိခွါနၤဧၢ, နဘၣ်ဃးဒီးပှၤဒ်လဲၣ်. မ့ၢ်နဟဲလၢနကစံၣ်ညီၣ်မၤနးမၤဖှီၣ်ပှၤ တချုးလၢတၢ်အဆၢကတီၢ်ဘၣ်ဝဲန့ၣ်ဧါ.”

လံာ်မၢ်ကူး 4:15

ပှၤတနီၤန့ၣ်လီၤဂာ်ဒီးတၢ်ချံလၢအလီၤဘၣ်လၢကျဲသရ့ၤထံး န့ၣ်လီၤ. မ့ၢ်ပှၤတဖၣ်လၢတုၤအနၢ်ဟူဘၣ်တၢ်ကစီၣ်ဝံၤတကီၢ် ခါမုၣ်ကီၤလံၢ်ဟဲဒီးစိာ်ကွံာ်ယွၤအကလုၢ်ကထါလၢအလီၤ ဘၣ်လၢအဝဲသ့ၣ်အပူၤလီၤ.

လံာ်မၢ်ကူး 5:7

ဒီးကိးပသူထီၣ်လၢအကလုၢ်ဖးဒိၣ်ဒီးစံးဝဲ, “ယွၤလၢအဒိၣ်ကတၢၢ်ထီကတၢၢ်တဂၤအဖိခွါယ့ၣ်ၡူးဧၢ, မ့ၢ်နဘၣ်ဃးဒီးယၤဒ်လဲၣ်. ယဃ့ကညးနၤလၢယွၤအမဲာ်ညါမၤအၢမၤနးယၤတဂ့ၤ.”

လံာ်ယိၤဟၣ် 12:31

ခဲကနံၣ်အံၤ, မ့ၢ်တၢ်ဆၢကတီၢ်လၢဟီၣ်ခိၣ်ကဘၣ်တၢ်စံၣ်ညီၣ်အီၤ အဂီၢ်လီၤ. ခဲကနံၣ်အံၤပှၤလၢအပၢဟီၣ်ခိၣ်တဂၤန့ၣ်, ကဘၣ်တၢ်တၢၤကွံာ်အီၤလၢစီၤပၤအလီၢ်လီၤ.

လံာ်ယိၤဟၣ် 16:11

လၢကစၢ်ယွၤအတၢ်စံၣ်ညီၣ်အဂ့ၢ်, မ့ၢ်လၢပှၤလၢအပၢဟီၣ်ခိၣ် အံၤဘၣ်တၢ်စံၣ်ညီၣ်တ့ၢ်လံအီၤအဃိန့ၣ်လီၤ.

ရိမ့ၤ 16:20

ဒီးကစၢ်ယွၤလၢအမ့ၢ်ပတၢ်ဃူတၢ်ဖိးအဂံၢ်ထံးတဂၤအံၤ, တယံာ်ဘၣ်ဒီးကမၤသဘှံးကွံာ်မုၣ်ကီၤလံၢ်လၢသုခီၣ်အဖီလာ်န့ၣ် လီၤ. မ်ပကစၢ်ယ့ၣ်ၡူးခရံာ်အဘျုးအဖှိၣ်အိၣ်ဒီးသုတက့ၢ်.

ဧ့ၤဘြံၤ 2:14

ဒ်အကိးဝဲအသိး, ဖိတဖၣ်အံၤမ့ၢ်ပှၤဘၣ်ဃးဒီးနီၢ်ခိနီၢ်ခီလၢဖံး လၢညၣ်သတးဒီးယ့ၣ်ၡူးအနီၢ်ကစၢ်ဒၣ်ဝဲဟံးန့ၢ်ပှၤဟီၣ်ခိၣ်ဖိ အက့ၢ်အဂီၤအန့ဆၢၣ်လီၤ. မၤဝဲဒ်အံၤမ့ၢ်ဒ်သိးဒီးခီဖျိအတၢ် သံန့ၣ်, ကမၤဟးဂီၤကွံာ်ပှၤလၢအအိၣ်ဒီးတၢ်စိတၢ်ကမီၤလၢ တၢ်သံအဖီခိၣ်တဂၤဒ်ပစံးတၢ်အသိးမုၣ်ကီၤလံၢ်,

၁ ပ့းတရူး 5:8

အိၣ်စီၣ်မဲာ်စီၣ်နါဒီးဆိးသီတက့ၢ်. သုဒုၣ်သုဒါမုၣ်ကီၤလံၢ်ဟးဝ့ၤဝီၤဒ်ခ့ယုၢ်ကညီၤရုၢ်ရုၢ် အသိးဒီးဃုပှၤလၢအကယူၢ်လီၤဝဲလီၤ.

၂ ပ့းတရူး 2:4

ကလူးလၢအမၤတၢ်ဒဲးဘးတဖၣ်န့ၣ်, ကစၢ်ယွၤတပျၢ်ဖျဲး အီၤဘၣ်ဒီးတ့ၢ်လီၤကွံာ်အဝဲသ့ၣ်ဆူလရာ်အပူၤ, ဒီးဖဲန့ၣ်အဝဲသ့ၣ်ဘၣ်တၢ်စၢဃာ်အီၤလၢတၢ်ခံးတၢ်နၤ အပူၤဒီးအိၣ်ခိးမုၢ်စံၣ်ညီၣ်အနံၤန့ၣ်လီၤ.

ယူဒၤ 1:6

သ့ၣ်နီၣ်ထီၣ်က့ၤကလူးတဖၣ်လၢအတအိၣ်လၢအတၢ်စိကမီၤ အဘၢၣ်ကဝီၤအပူၤ, မ့မ့ၢ်ဟးထီၣ်ကွံာ်လၢအတၢ်အိၣ်တၢ်ဆိးအလီၢ်ဒၣ်ဝဲန့ၣ် တက့ၢ်. အဝဲသ့ၣ်ဘၣ်တၢ်စၢဃာ်အီၤလၢပျံၤထးအထူအယိာ် လၢတၢ်ခံးတၢ်နၤအပူၤလၢလာ်, ဖဲကစၢ်ယွၤပာ်ဃာ်အဝဲသ့ၣ်လၢတၢ်ကစံၣ်ညီၣ်ဃၣ် အီၤဖဲမုၢ်နံၤဖးဒိၣ်န့ၣ်အဂီၢ်လီၤ.

လံာ်လီၣ်ဖျါ 12:13

ဖဲပယိၤသ့ၣ်ညါလၢအဝဲဘၣ်တၢ်တ့ၢ်လီၤကွံာ်လံအီၤဆူဟီၣ် ခိၣ်ချၢန့ၣ်, အဝဲဒၣ်စးထီၣ်လူၤပိာ်မုၣ်လၢအဆံးစၢ်ထီၣ်တ့ၢ်ပိာ်ခွါဖိ တဂၤန့ၣ်လီၤ.

လံာ်လီၣ်ဖျါ 12:15

တုၤနုၤတစု, ပယိၤဒုးဟးထီၣ်ထံဒိၣ်ခိၣ်ယွၤလၢအကိာ်ပူၤလၢ အယွၤလီၤဒီးလူၤထွဲပိာ်မုၣ်အခံဒ်သိးအကစိာ်ကွံာ်အီၤအဂီၢ်လီၤ.

လံာ်လီၣ်ဖျါ 12:17

ပယိၤသူၣ်ဒိၣ်သးဖျိးပိာ်မုၣ်ဒီးဟးထီၣ်ဝဲဒ်သိးအကဒုး တၢ်ထီဒါအဝဲဒၣ်အစၢၤအသွဲၣ်အဂၤတဖၣ်, ကယဲၢ်ပှၤတဖၣ်လၢအဒိကနၣ်ကစၢ်ယွၤအတၢ်မၤလိာ်တဖၣ်ဒီး အသးတီဝဲလၢတၢ်အုၣ်အသးလၢယ့ၣ်ၡူးအဂ့ၢ်န့ၣ်လီၤ.

လံာ်လီၣ်ဖျါ 12:3

တၢ်လီၤတိၢ်လီၤဆီလၢတၢ်နၢ်ပၢၢ်အဂ့ၢ်တသ့အိၣ်ဖျါထီၣ် ကဒီးအဂၤတမံၤလၢမူကပိာ်လိၤလီၤ. ပယိၤဂီၤဖးဒိၣ်အိၣ်ဝဲဒၣ်တဘိလၢအအိၣ်ဒီးအခိၣ်နွံဖျၢၣ်ဒီး အနၢၤအဘိတဆံ, ဒီးလၢအခိၣ်တဖျၢၣ်ဘၣ်တဖျၢၣ်အလိၤန့ၣ်အိၣ်ဒီးခိၣ်သလုး တဖျၢၣ်စုာ်စုာ်လီၤ.

လံာ်လီၣ်ဖျါ 12:4

ဒီးအဝဲဒၣ်အမဲၢ်န့ၣ်ထုးလီၤတဲာ်ကွံာ်ဆၣ်သၢပူတပူ လၢမူကပိာ်လိၤ, ဒီးတ့ၢ်လီၤကွံာ်အီၤလၢဟီၣ်ခိၣ်လိၤလီၤ. အဝဲဒၣ်အိၣ်ဆၢထၢၣ်လၢပိာ်မုၣ်တဂၤန့ၣ်အမဲာ်ညါ, ဒ်သိးအကအီၣ်ကွံာ်အဖိတစုဃီဖဲအအိၣ်ဖျဲၣ်ထီၣ်န့ၣ်လီၤ.

လံာ်လီၣ်ဖျါ 12:9

ပယိၤဖးဒိၣ်, ဂုၢ်လၢပျၢၤတဘိ, လၢအမံၤမ့ၢ်ဝဲ, မုၣ်ကီၤလံၢ် မ့တမ့ၢ်စၤတၣ်, လၢအလီန့ၢ်ဟီၣ်ခိၣ်ဒီဘ့ၣ်န့ၣ်, ဘၣ်တၢ်တ့ၢ်လီၤကွံာ်အီၤလီၤ. အဝဲဘၣ်တၢ်တ့ၢ်လီၤကွံာ်အီၤ ဆူဟီၣ်ခိၣ်ချၢ, ဃုာ်ဒီးအကလူးတဖၣ်ခဲလၢာ်လီၤ.

လံာ်လီၣ်ဖျါ 13:2

တၢ်ဒူတၢ်ဃိၤအံၤလီၤဂာ်ဒီးခ့ဘှ့ အိၣ်ဒီးအခီၣ်လၢအလီၤဂာ်ဒီးတၤသူအခီၣ်ဒီးအကိာ်ပူၤ တပူၤလၢအလီၤဂာ်ဒီးခ့ယုၢ်အကိာ်ပူၤလီၤ. ပယိၤဟ့ၣ်တၢ်ဒူတၢ်ဃိၤန့ၣ်လၢအစိကမီၤဒၣ်ဝဲ, အလီၢ်ပစိာ်, ဒီးအတၢ်စိတၢ်ကမီၤအဒိၣ်အမုၢ်လၢကပၢတၢ်အဂီၢ်န့ၣ်လီၤ.

လံာ်လီၣ်ဖျါ 13:4

ပှၤကိးဂၤဒဲးဘူၣ်ထီၣ်ဘါထီၣ်ပယိၤန့ၣ်, အဂ့ၢ်မ့ၢ်လၢအဝဲဟ့ၣ်တ့ၢ်အတၢ်စိတၢ်ကမီၤဆူတၢ်ဒူတၢ်ဃိၤန့ၣ် အဃိလီၤ. အဝဲသ့ၣ်ဘူၣ်ထီၣ်ဘါထီၣ်စ့ၢ်ကီးတၢ်ဒူတၢ်ဃိၤန့ၣ် ဒီးစံးဝဲ “မတၤလီၤဂာ်ဒီးတၢ်ဒူတၢ်ဃိၤန့ၣ်တဂၤလဲၣ်. မတၤဒုးတၢ်ထီဒါအီၤကသ့တဂၤလဲၣ်.”

လံာ်လီၣ်ဖျါ 20:10

တုၤနုၤတစုမုၣ်ကီၤလံၢ်, လၢအလီန့ၢ်တ့ၢ်အဝဲသ့ၣ်န့ၣ် ဘၣ်တၢ်တ့ၢ်လီၤအီၤဆူမ့ၣ်အူဒီးကးအနိၣ်အပူၤဖဲ တၢ်ဒူတၢ်ဃိၤဒီးဝံအဘျၣ်ဘၣ်တၢ်တ့ၢ်လီၤတ့ၢ်အီၤ, ဒီးအဝဲသ့ၣ်ကဘၣ်တၢ်မၤနးမၤဖှီၣ်အီၤလၢမုၢ်ဆါ ဒီးမုၢ်နၤအစိၤစိၤအဃၣ်ဃၣ်လီၤ.

လံာ်လီၣ်ဖျါ 20:7

ဖဲအနံၣ်တကထိပှဲၤထီၣ်ဝံၤအလီၢ်ခံန့ၣ်, မုၣ်ကီၤလံၢ်ကဘၣ်တၢ်ပျၢ်လီၤကွံာ်အီၤလၢအဃိာ် ပူၤ

လံာ်လီၣ်ဖျါ 9:11

အဝဲသ့ၣ်အိၣ်ဒီးအစီၤပၤလၢအပၢအီၤတဂၤ, လၢအမ့ၢ်ကလူးလၢအပၢဘၣ်တၢ်ပူၤယိာ်တဂၤန့ၣ်လီၤ. အဝဲဒၣ်အမံၤလၢဧ့ၤဘြံၤ အကျိာ်န့ၣ်မ့ၢ်ဝဲအဘးဒိၣ်, လၢကြံးခ်အကျိာ်တခီအမံၤမ့ၢ်ဝဲအပီးလူၣ် (အခီပညီ မ့ၢ်ဝဲပှၤမၤဟးဂီၤတၢ်ဖိ) လီၤ.