လံာ်လီၣ်ဖျါ 20:15 - Sgaw Karen Common Bible

¹⁵ ပှၤတဂၤလၢ်လၢ်လၢအမံၤတအိၣ်ကွဲးအသးလၢလံာ်မူ အပူၤန့ၣ်, ဘၣ်တၢ်တ့ၢ်လီၤကွံာ်အီၤဆူနိၣ်မ့ၣ်အူအပူၤလီၤ.

လံာ်လီၣ်ဖျါ 20:15 Iomraidhean Croise

စံးထီၣ်ပတြၢၤ 69:28

မ်အမံၤဘၣ်တၢ်တြူာ်ကွံာ်အီၤလၢလံာ်မူအပူၤတက့ၢ်. မ်အသုတအိၣ်ကွဲးလီၤအသးလၢ ပှၤအတီအလိၤတဖၣ်အကျါတဂ့ၤ.

လံာ်မးသဲ 13:42

ဒီးကလူးတဖၣ်ကတ့ၢ်လီၤကွံာ်အဝဲသ့ၣ်ဆူမ့ၣ်အူအဖၣ်ကပူၤ, ဖဲအဝဲသ့ၣ်ကဟီၣ်တၢ်ယၢၤတၢ်ဒီးကအ့ၣ်စဃံးအမဲန့ၣ်လီၤ.

လံာ်မးသဲ 13:50

ဒီးတ့ၢ်လီၤကွံာ်အဝဲသ့ၣ်ဆူမ့ၣ်အူအဖၣ်ကပူၤ, ဖဲအဝဲသ့ၣ်ကဟီၣ်တၢ်ယၢၤတၢ်ဒီးကအ့ၣ်စဃံးအမဲန့ၣ်လီၤ.”

လံာ်မးသဲ 25:41

တုၤနုၤတစု, စီၤပၤကစံးဘၣ်ပှၤအိၣ်လၢအစုစ့ၣ်တဖၣ်ဒ်အံၤ, ‘ဟးဖးဒီးယၤတက့ၢ်. ပှၤလၢအဘၣ်ကစၢ်ယွၤအတၢ်ဆိၣ်အၢသ့ၣ်ဧၢ, လဲၤနုာ်ဆူမ့ၣ်အူလၢအတလီၤပံာ်ဘၣ်နီတဘျီဘၣ်, လၢအဘၣ်တၢ်ကတဲာ်ကတီၤပာ်စၢၤလၢမုၣ်ကီၤလံၢ်ဒီးအကလူးတဖၣ် အဂီၢ်, အပူၤန့ၣ်တက့ၢ်.

လံာ်မၢ်ကူး 16:16

ပှၤတဂၤလၢ်လၢ်လၢအနာ်တၢ်သးခုအကစီၣ်အံၤဒီးဒိးဘျၢ အသးလၢထံန့ၣ်, ကဘၣ်တၢ်အုၣ်က့ၤခီၣ်က့ၤအီၤ, မ့မ့ၢ်ပှၤတဂၤလၢ်လၢ်လၢအတနာ်ဝဲဘၣ်န့ၣ် ကဘၣ်တၢ်စံၣ်ညီၣ်ဃၣ်အီၤလီၤ.

လံာ်လူၤကၣ် 10:20

ဘၣ်ဆၣ်ဒီး, တဘၣ်သူၣ်ခုသးခုလၢတၢ်ဝံတၢ်နါတဖၣ်စူၢ်သု ကလုၢ်အဃိတဂ့ၤ. မ့မ့ၢ်, သူၣ်ခုသးခုလၢသုမံၤတဖၣ်ဘၣ်တၢ်ကွဲးလီၤပာ်အီၤလၢမူခိၣ် အဃိန့ၣ်တက့ၢ်.”

လံာ်ယိၤဟၣ် 14:6

ယ့ၣ်ၡူးစံးဆၢအီၤ, “ယဲဒၣ်အံၤယမ့ၢ်ကျဲ, တၢ်မ့ၢ်တၢ်တီ, ဒီးတၢ်မူလီၤ. မ့တမ့ၢ်လၢအခီဖျိယၤဘၣ်ဒီး, ပှၤလဲၤဆူပၢ်အအိၣ်တသ့နီတဂၤဘၣ်.

လံာ်ယိၤဟၣ် 3:36

ပှၤလၢအစူၢ်က့ၤနာ်က့ၤဖိခွါန့ၣ်အိၣ်ဒီးတၢ်မူအထူအယိာ် လီၤ. မ့မ့ၢ်ပှၤလၢတဒိကနၣ်ဒီးတစူၢ်တနာ်ဘၣ်ဖိခွါန့ၣ်, တအိၣ်ဒီးတၢ်မူန့ၣ်ဘၣ်. ဒီးကအိၣ်ဒၣ်လၢကစၢ်ယွၤအတၢ် စံၣ်ညီၣ်အဖီလာ်တထံၣ်ဃီန့ၣ်လီၤ.”

မၤတၢ် 4:12

ပှၤလၢအအုၣ်က့ၤခီၣ်က့ၤပှၤသ့မ့ၢ်ထဲအဝဲဒၣ်တဂၤဧိၤလီၤ. လၢဟီၣ်ခိၣ်ဒီဘ့ၣ်ညါအပူၤ, မံၤအဂၤလၢကစၢ်ယွၤဟ့ၣ်လီၤဝဲလၢတၢ်အုၣ်က့ၤခီၣ်က့ၤအဂီၢ် န့ၣ်တအိၣ်နီတဖျၢၣ်ဘၣ်.”

ဧ့ၤဘြံၤ 12:25

ပလီၢ်သုသးဒ်သိးသုသုတဂ့ၢ်လိာ်ဘှီလိာ်ဘၣ်ပှၤလၢအကတိၤ တၢ်တဂၤန့ၣ်တဂ့ၤ. အဂ့ၢ်ဒ်အံၤ, ပှၤလၢအဂ့ၢ်လိာ်ဘှီလိာ်ပှၤလၢအဟ့ၣ်ထီၣ်ကစၢ်ယွၤ အတၢ်ကစီၣ်လၢဟီၣ်ခိၣ်ချၢတဂၤအံၤ, ဃ့ၢ်ပူၤကွံာ်အသးတန့ၢ်ဘၣ်. မ့မ့ၢ်ဒ်န့ၣ်ဒီး, ပှၤလၢအဂ့ၢ်လိာ်ပှၤလၢအကတိၤတၢ်လၢမူခိၣ် တဂၤန့ၣ်, ဃ့ၢ်ပူၤဖျဲးအသးတသ့ဘၣ်ဒိၣ်ဒၣ်တၢ်တက့ၢ်လီၤ.

ဧ့ၤဘြံၤ 2:3

မ့မ့ၢ်ဒ်န့ၣ်ဒီးပမ့ၢ်တပာ်ဒိၣ်ပာ်ကဲတၢ်အုၣ်က့ၤခီၣ်က့ၤ လၢအဒိၣ်ထဲထဲအံၤန့ၣ်ပကပူၤဖျဲးပဝဲဒ်လဲၣ်. ကစၢ်အနီၢ်ကစၢ်ဒၣ်ဝဲဘိးဘၣ်သ့ၣ်ညါပှၤအဆိကတၢၢ် လၢတၢ်အုၣ်က့ၤခီၣ်က့ၤအံၤအဂ့ၢ်ဒီးပှၤလၢအနၢ်ဟူတ့ၢ် အဝဲအတၢ်ကတိၤတဖၣ်စံးဘၣ်တဲဘၣ်ပှၤဒီးအုၣ်အသး လၢအမ့ၢ်ဝဲတီဝဲလီၤ.

လံာ်လီၣ်ဖျါ 19:20

တၢ်ဒူတၢ်ဃိၤတဒုန့ၣ်ဘၣ်တၢ်ဖီၣ်န့ၢ်အီၤတပူၤဃီဒီးဝံ အဘျၣ်လၢအမၤတ့ၢ်တၢ်လီၤလးတဖၣ်လၢတၢ်ဒူတၢ်ဃိၤ တဒုန့ၣ်အမဲာ်ညါလီၤ. (ခီဖျိတၢ်လီၤလးတဖၣ်န့ၣ်, အဝဲဒၣ်လီန့ၢ်တ့ၢ်ပှၤသ့ၣ်တဖၣ်လၢအအိၣ်ဒီးတၢ်ဒူတၢ်ဃိၤ တဒုန့ၣ်အတၢ်ပနီၣ်, ဒီးပှၤသ့ၣ်တဖၣ်လၢအဘါတ့ၢ်တၢ်ဒူတၢ်ဃိၤတဒုန့ၣ် အက့ၢ်အဂီၤလီၤ.) တၢ်ဒူတၢ်ဃိၤဒီးဝံအဘျၣ်စ့ၢ်ကီး, ဘၣ်တၢ်တ့ၢ်လီၤမူဒံးအီၤဆူနိၣ်မ့ၣ်အူလၢအအီၣ်ဃုာ် တၢ်ဒီးကးန့ၣ်လီၤ.

လံာ်လီၣ်ဖျါ 20:10

တုၤနုၤတစုမုၣ်ကီၤလံၢ်, လၢအလီန့ၢ်တ့ၢ်အဝဲသ့ၣ်န့ၣ် ဘၣ်တၢ်တ့ၢ်လီၤအီၤဆူမ့ၣ်အူဒီးကးအနိၣ်အပူၤဖဲ တၢ်ဒူတၢ်ဃိၤဒီးဝံအဘျၣ်ဘၣ်တၢ်တ့ၢ်လီၤတ့ၢ်အီၤ, ဒီးအဝဲသ့ၣ်ကဘၣ်တၢ်မၤနးမၤဖှီၣ်အီၤလၢမုၢ်ဆါ ဒီးမုၢ်နၤအစိၤစိၤအဃၣ်ဃၣ်လီၤ.

လံာ်လီၣ်ဖျါ 20:12

ဒီးယထံၣ်ဘၣ်ပှၤသံတဖၣ်, အဒိၣ်ဒီးအဆံးစ့ၢ်ကီး, အိၣ်ဆၢထၢၣ်လၢလီၢ်ပစိာ်အမဲာ်ညါန့ၣ်လီၤ. လံာ်တဖၣ် ဘၣ်တၢ်အိးထီၣ်အီၤ, ဒီးအန့ၣ်ဝံၤအလီၢ်ခံလံာ်အဂၤ တဘ့ၣ်ဘၣ်တၢ်အိးထီၣ်အီၤ, လၢအမ့ၢ်လံာ်မူတဘ့ၣ်န့ၣ်လီၤ. ပှၤသံတဖၣ်ဘၣ်တၢ်စံၣ်ညီၣ်အီၤဒ်တၢ်လၢအဝဲသ့ၣ် မၤတ့ၢ်ဝဲ, ဒ်အဘၣ်တၢ်ကွဲးနီၣ်တ့ၢ်အီၤလၢလံာ်တဖၣ် အပူၤအသိးန့ၣ်လီၤ.

လံာ်လီၣ်ဖျါ 20:14

တၢ်န့ၣ်ဝံၤအလီၢ်ခံ, တၢ်သံဒီးပျုၤပူၤဘၣ်တၢ်တ့ၢ်လီၤကွံာ် အီၤဆူနိၣ်မ့ၣ်အူအပူၤလီၤ. (နိၣ်မ့ၣ်အူအံၤမ့ၢ်ဝဲတၢ်သံခံစု တစုလီၤ.)

လံာ်လီၣ်ဖျါ 3:5

ပှၤလၢအမၤနၢၤတၢ်တဖၣ်န့ၣ်ကဘၣ်တၢ်ဒုးကူဒုးသိးအီၤဒ်အံၤ အသိးလၢတၢ်အဝါ, ဒီးယတထုးကွံာ်အဝဲသ့ၣ်အမံၤလၢလံာ်မူ အပူၤဘၣ်. လၢယပၢ်ဒီးအမူခိၣ်ကလူးတဖၣ်အမဲာ်ညါန့ၣ်, ယကဘိးဘၣ်သ့ၣ်ညါယဲဖျါဖျါလၢအဝဲသ့ၣ်မ့ၢ်ယတၢ်န့ၣ်လီၤ.