လံာ်လီၣ်ဖျါ 20:11 - Sgaw Karen Common Bible

¹¹ အန့ၣ်ဝံၤဒီးယထံၣ်လီၢ်ပစိာ်ဝါဖးဒိၣ်တဖျၢၣ်ဒီးပှၤ တဂၤလၢအဆ့ၣ်နီၤလၢအလိၤန့ၣ်လီၤ. မူခိၣ်ဒီးဟီၣ်ခိၣ်ဃ့ၢ်ကွံာ်လၢအဝဲဒၣ်အမဲာ်ညါဒီးတဘၣ် တၢ်ထံၣ်န့ၢ်အီၤနီတစုလၢၤဘၣ်.

လံာ်လီၣ်ဖျါ 20:11 Iomraidhean Croise

လံာ်တၢ်ကဲထီၣ်အခီၣ်ထံး 18:25

နတဘၣ်မၤသံပှၤလၢတၢ်ကမၣ်တအိၣ်ဃုာ်ဒီးပှၤလၢအတၢ်ကမၣ်အိၣ်န့ၣ် သပှၢ်တၢၢ်ဘၣ်. တၢ်န့ၣ်တသ့ဘၣ်. နမၤတၢ်န့ၣ်တသ့ဘၣ်. နမ့ၢ်မၤဒီးပှၤလၢအတၢ်ကမၣ်တအိၣ်န့ၣ်ကဘၣ် တၢ်စံၣ်ညီၣ်အီၤဃုာ်ဒီးပှၤလၢအတၢ်ကမၣ်အိၣ်န့ၣ်လီၤ. တၢ်န့ၣ်တသ့ဘၣ်. ဟီၣ်ခိၣ်ဒီဘ့ၣ်ညါအစံၣ်ညီၣ်ကွီၢ်န့ၣ်ကဘၣ်မၤ တၢ်လၢတၢ်စံၣ်ညီၣ်တီအပူၤလီၤ.”

လံာ်စီၤယိၤဘး 9:6

ကစၢ်ယွၤမၤဟူးဝးဟီၣ်ခိၣ်ဒီးဟီၣ်ခိၣ်ဟူးဝးဝဲဒီးမၤဝးတၢ် အထူၣ်တဖၣ်လၢအယိးဃာ်ဟီၣ်ခိၣ်န့ၣ်လီၤ.

စံးထီၣ်ပတြၢၤ 102:26

တၢ်တဖၣ်န့ၣ်ကလီၤမၢ်ကွံာ်ဝဲ, မ့မ့ၢ်နဲဒၣ်အံၤနကအိၣ်ကဆိးဒံးနဲလီၤ. အဝဲသ့ၣ်ကလီၢ်လံၤခဲလၢာ်ဒ်ဆ့ကၤတဖၣ်အသိး, ဒီးနကစူးကွံာ်အီၤဒ် ဆ့ကၤတဖၣ်အသိး ဒီးကဟါမၢ်ကွံာ်ဝဲလီၤ.

စံးထီၣ်ပတြၢၤ 47:8

ကစၢ်ယွၤဆ့ၣ်နီၤလၢအလီၢ်ပစိာ်စီဆှံအဖီခိၣ်ဒီး, အဝဲပၢဝဲပှၤကလုာ်တဖၣ်န့ၣ်လီၤ.

စံးထီၣ်ပတြၢၤ 89:14

တၢ်တီတၢ်လိၤဒီးတၢ်စံၣ်ညီၣ်တီန့ၣ် မ့ၢ်နလီၢ်ပစိာ်အခီၣ်ထံးလီၤ. တၢ်အဲၣ်ဂၢၢ်ကျၢၤဒီးတၢ်သူၣ်တီသးလိၤ လဲၤတၢ်လၢနမဲာ်ညါလီၤ.

စံးထီၣ်ပတြၢၤ 97:2

တၢ်အၢၣ်တဖၣ်ဒီးတၢ်ခံးတၢ်နၤအိၣ်ဝးတရံးအီၤ, အဝဲပၢတၢ်လၢတၢ်တီတၢ်လိၤဒီး တၢ်စံၣ်ညီၣ်တီန့ၣ်လီၤ.

လံာ်ယၡါယၤ 6:1

လၢစီၤပၤဧူးစံယါသံဝဲအနံၣ်န့ၣ်, ယထံၣ်ဘၣ်ယွၤလီၤ. အဝဲဆ့ၣ်နီၤဝဲလၢအလီၢ်ပစိာ်အဖီခိၣ်, အိၣ်ထီၣ်ထီဝဲဒီးတၢ်ပာ် ထီၣ်ထီအီၤ, ဒီးအဆ့ကၤဖးဒိၣ်မၤပှဲၤတၢ်လုၢ်ဟံၣ်ဒီဖျၢၣ်လီၤ.

လံာ်ဒၤနံးယ့လး 2:35

တကီၢ်ခါန့ၣ်, ထး, ကပံာ်, တိၢ်ဘီ, စ့ဒီးထူခဲလၢာ်န့ၣ်လီၤကလဲ ကွံာ်ဒီးကဲထီၣ်ဒ်ဖ့လၢတၢ်ကိၢ်အကတီၢ်လၢကြဲၢ်ပူၤအသိးန့ၣ်လီၤ. ကလံၤအူဒီးစိာ်ကွံာ်အီၤသတးဒီး, အလီၢ်အိၣ်လီၤပျီတ့ၢ်ဝဲလီၤ. မ့မ့ၢ်လၢၢ်လၢအလီၤတဲာ်တီၢ်အီၤန့ၣ်ကဲထီၣ်ကစၢၢ်ဖးဒိၣ်တ ဖျၢၣ်ဒီးမၤပှဲၤဟီၣ်ခိၣ်ဒီဘ့ၣ်ညါန့ၣ်လီၤ.

လံာ်ဒၤနံးယ့လး 7:10

ဒီးမ့ၣ်အူအထံကျိဖိတဘိပုာ်ထီၣ်ယွၤလီၤလၢလီၢ်ပစိာ်အပူၤလၢအ မဲာ်ညါန့ၣ်လီၤ. အိၣ်ဝဲဒၣ်ဒီးပှၤအကထိအကထိတဖၣ်လၢ ကမၤအတၢ်မၤဒီးပှၤအကကွဲၢ်တဖၣ်ဆၢထၢၣ်လၢအမဲာ်ညါ န့ၣ်လီၤ. ကွီၢ်ဘျီၣ်စးထီၣ်တၢ်စံၣ်ညီၣ် ဒီးလံာ်တဖၣ်အိၣ်အိးထီၣ်တ့ၢ်အသးန့ၣ်လီၤ.

လံာ်မးသဲ 11:22

နာ်ယၤတက့ၢ်. လၢမုၢ်စံၣ်ညီၣ်အနံၤန့ၣ် ကစၢ်ယွၤကပာ်ဖျါထီၣ်အတၢ်သးကညီၤလၢ ပှၤဝ့ၢ်ထါယၢၣ်ဖိဒီးပှၤဝ့ၢ်စံဒိၣ်ဖိတဖၣ် အဖီခိၣ်အါန့ၢ်ဒံးအကပာ်ဖျါထီၣ်ဝဲလၢ သုဖီခိၣ်တက့ၢ်လီၤ.

လံာ်မးသဲ 24:35

မူခိၣ်ဒီးဟီၣ်ခိၣ်ကလဲၤပူၤကွံာ်ဝဲ, မ့မ့ၢ်ယကလုၢ်ယကထါတဖၣ်တလဲၤပူၤကွံာ်နီတဘျီဘၣ်.

လံာ်မးသဲ 25:31

တုၤပှၤကညီဖိခွါဟဲဝဲအိၣ်ဒီးအလၤကပီၤဒ်စီၤပၤတဂၤအသိး ဃုာ်ဒီးအကလူးခဲလၢာ်န့ၣ်, ကဆ့ၣ်နီၤဝဲလၢအလီၢ်ပစိာ်ကဟုကညီၢ်တဖျၢၣ်အဖီခိၣ်,

ရိမ့ၤ 2:5

ဘၣ်ဆၣ်ဒီး, နအိၣ်ဒီးသးလၢအကိၤဒီးသးလၢအတပီၢ်ယၢ်လီၤ က့ၤအသးန့ၣ်လီၤ. လၢတၢ်န့ၣ်အဃိ, နပာ်ဖှိၣ်အါထီၣ်တၢ်သးဒိၣ်လၢနဂီၢ်ဒၣ်နဲလၢ တၢ်သးဒိၣ်အမုၢ်တနံၤ, ဖဲယွၤအတၢ်စံၣ်ညီၣ်တီကဘၣ်တၢ်လီၣ်ဖျါထီၣ်အီၤ အကတီၢ်န့ၣ်လီၤ.

၂ ပ့းတရူး 3:7

ဘၣ်ဆၣ်ဒီးဟီၣ်ခိၣ်ဒီးမူခိၣ်လၢအအိၣ်ခဲအံၤတဖၣ်ဘၣ် တၢ်ပာ်ကီၤအီၤလၢကစၢ်ယွၤအကလုၢ်တမံၤဃီ, ဒ်သိးတၢ်ကမၤဟးဂီၤအီၤလၢမ့ၣ်အူအဂီၢ်န့ၣ်လီၤ. တၢ်ပာ်ဃာ်ဒံးအီၤလၢမုၢ်စံၣ်ညီၣ်အနံၤအဂီၢ်, ဖဲပှၤ တယူးတယီၣ်ယွၤတဖၣ်ကဘၣ်တၢ်စံၣ်ညီၣ်ဒီးမၤဟးဂီၤ အီၤန့ၣ်လီၤ.

လံာ်လီၣ်ဖျါ 12:8

ဘၣ်ဆၣ်ဒီးပယိၤဘၣ်တၢ်မၤနၢၤကွံာ်အီၤ, ဒီးအဝဲဒၣ်ဒီး အကလူးတဖၣ်, တၢ်တဟ့ၣ်အခွဲးလၢအကအိၣ်ကဆိးလၢ မူခိၣ်လၢၤဘၣ်န့ၣ်လီၤ.

လံာ်လီၣ်ဖျါ 16:20

ကယဲၢ်ကီးတဖၣ်ခဲလၢာ်ဟါမၢ်ကွံာ်, ကစၢၢ်ခဲလၢာ်လီၤမၢ် ကွံာ်ဝဲလီၤ.

လံာ်လီၣ်ဖျါ 19:11

တုၤနုၤတစုယထံၣ်မူခိၣ်အိးထီၣ်အသး, ဒီးဖဲန့ၣ်ကသ့ၣ်ဖါဝါအိၣ်ဝဲဒၣ် တဒုလီၤ. ပှၤဒိးကသ့ၣ်တဂၤအံၤဘၣ်တၢ်ကိးအီၤလၢ ကလုၢ်တီဒီးတီလိၤန့ၣ်လီၤ. အဝဲဒၣ်စံၣ်ညီၣ်ဒီးဒုးအတၢ်ဒုးသုးတဖၣ်လၢတၢ်တီတၢ်လိၤ အပူၤလီၤ.

လံာ်လီၣ်ဖျါ 20:2

အဝဲဒၣ်ဖီၣ်ဃာ်ပယိၤ, ဂုၢ်သ့ၣ်လၢထံးလၢသီတဘိလၢ အမ့ၢ်မုၣ်ကီၤလံၢ်မ့တမ့ၢ်စၤတၣ်, ဒီးစၢဃာ်အီၤလၢအနံၣ် တကထိအတီၢ်ပူၤလီၤ.

လံာ်လီၣ်ဖျါ 21:1

တၢ်န့ၣ်ဝံၤအလီၢ်ခံယထံၣ်မူခိၣ်အသီ ဒီးဟီၣ်ခိၣ်အသီလီၤ. မူခိၣ်လၢအခီၣ်ထံး, ဒီးဟီၣ်ခိၣ်လၢအခီၣ်ထံးဟါမၢ်ကွံာ်ဝဲ, ဒီးပီၣ်လဲၣ်ဟါမၢ်ကွံာ်ဝဲဒၣ်လီၤ.

လံာ်လီၣ်ဖျါ 21:5

အန့ၣ်ဝံၤအလီၢ်ခံပှၤတဂၤလၢအဆ့ၣ်နီၤလၢလီၢ်ပစိာ် အဖီခိၣ်စံးဝဲ, “ဒီးခဲကနံၣ်အံၤ ယမၤတၢ်အသီခဲလၢာ် လီၤ.” အဝဲဒၣ်စံးဘၣ်စ့ၢ်ကီးယၤ, “ကွဲးတၢ်အံၤ တက့ၢ်. အဂ့ၢ်ဒ်အံၤ တၢ်စံးတၢ်ကတိၤတဖၣ်အံၤမ့ၢ်ဝဲတီဝဲဒီး တၢ်နာ်န့ၢ်အီၤသ့ဝဲဒၣ်လီၤ.”

လံာ်လီၣ်ဖျါ 4:2

တဘျီဃီဖဲန့ၣ်, ယွၤအသးပၢၤဃာ်ယၤလီၤ. လၢမူခိၣ်န့ၣ်, လီၢ်ပစိာ်အိၣ်ဝဲဒၣ်တဖျၢၣ်, ဒီးပှၤတဂၤဆ့ၣ်နီၤလၢအလိၤလီၤ.

လံာ်လီၣ်ဖျါ 6:14

မူကပိာ်လိၤလီၤမၢ်ကွံာ်ဝဲဒ်လံာ်ထူတဘ့ၣ်ဘၣ်တၢ်ထူထီၣ် က့ၤအီၤအသိး, ဒီးကစၢၢ်ကိးဖျၢၣ်ဒဲးဒီးကီးကိးဖျၢၣ်ဒဲးဘၣ် တၢ်သုးကွံာ်အီၤလၢအလီၢ်န့ၣ်လီၤ.