လံာ်လီၣ်ဖျါ 2:8 - Sgaw Karen Common Bible

⁸ ဆူဝ့ၢ်စမူရနၤတၢ်အိၣ်ဖှိၣ်အကလူးအအိၣ်န့ၣ် ကွဲးနဲဒ်အံၤ, “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအမ့ၢ်တၢ်အခီၣ်ထံး ဒီးတၢ်အကတၢၢ်အအိၣ်, ပှၤတဂၤလၢအသံတ့ၢ်, ဒီးဂဲၤဆၢထၢၣ်သမူထီၣ်က့ၤတဂၤန့ၣ်လီၤ.

လံာ်လီၣ်ဖျါ 2:8 Iomraidhean Croise

လံာ်ယၡါယၤ 44:6

ယွၤလၢအပၢဒီးဒီဒၣ်အိၣ်ပှိၤကီၢ်အံၣ်စရ့လး, ယွၤသ့တၢ်လၢာ်အိၣ်ဒီးအတၢ်ကတိၤဒ်အံၤ, “ယဲဒၣ်အံၤယမ့ၢ်တၢ်အခီၣ်ထံး, ယဲဒၣ်အံၤယမ့ၢ်တၢ်အကတၢၢ်, ကစၢ်ယွၤထဲတဂၤဧိၤ, ဒီးယဲဒၣ်အံၤအမဲာ်ညါကစၢ်အဂၤတအိၣ်ဘၣ်.

လံာ်ယၡါယၤ 48:12

ယွၤစံးဝဲ, “ဒိကနၣ်ယၤတက့ၢ်. ကီၢ်အံၣ်စရ့လးဧၢ, ပှၤဂီၢ်မုၢ်လၢယကိးထီၣ်တ့ၢ်အီၤသ့ၣ်ဧၢ, ယမ့ၢ်ကစၢ်ယွၤ, တၢ်အခီၣ်ထံး, တၢ်အကတၢၢ်ဒီးကစၢ်ယွၤထဲတဂၤဧိၤလီၤ.

ရိမ့ၤ 14:9

အဂ့ၢ်ဒ်လဲၣ်န့ၣ်, ခရံာ်သံဝဲဒီးဂဲၤဆၢထၢၣ်သမူထီၣ်က့ၤ မ့ၢ်ဒ်သိးကကဲထီၣ်ကစၢ်လၢပှၤအမူဒီးပှၤအသံတဖၣ်အဂီၢ်န့ၣ်လီၤ.

လံာ်လီၣ်ဖျါ 1:11

တၢ်အကလုၢ်န့ၣ်စံးဝဲ, “ကွဲးလီၤတၢ်လၢနထံၣ်ဘၣ်နဲ, လၢလံာ်တဘ့ၣ်အပူၤ, ဒီးဆှၢလီၤလံာ်အဝဲန့ၣ်ဆူတၢ်အိၣ်ဖှိၣ် တဖၣ်လၢဝ့ၢ်နွံဖျၢၣ်အံၤ, ဝ့ၢ်အ့းဖ့းစူး, ဝ့ၢ်စမူရနၤ, ဝ့ၢ်ပ့ၢ်ကမူး, ဝ့ၢ်သူၤအတံရၤ, ဝ့ၢ်စၢ်ဒံ, ဝ့ၢ်ဖံၤလဒ့းလဖံ, ဒီးဝ့ၢ်လီၤဒံၤကံ, အပူၤန့ၣ်တက့ၢ်.”

လံာ်လီၣ်ဖျါ 1:8

ကစၢ်ယွၤလၢအသ့တၢ်လၢာ်တဂၤ, လၢအအိၣ်ဝဲ, ဒီးအိၣ်တ့ၢ်လံဝဲ, ဒီးအကဟဲဝဲတဂၤန့ၣ်စံးဝဲဒၣ်, “ယမ့ၢ် က ဒီး ဧ, တၢ်အခီၣ်ထံးဒီးတၢ်အကတၢၢ်လီၤ.”

လံာ်လီၣ်ဖျါ 2:1

ဆူအ့းဖ့းစူးတၢ်အိၣ်ဖှိၣ်အကလူးအအိၣ်န့ၣ်ကွဲးနဲဒ်အံၤ, “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအဟံးဃာ်ဆၣ်နွံ ဖျၢၣ်လၢအစုထွဲပူၤ, ဒီးဟးဝဲလၢမ့ၣ်အူဒၢထူနွံဖျၢၣ်အသိး အကျါတဂၤအအိၣ်န့ၣ်လီၤ.

လံာ်လီၣ်ဖျါ 22:13

ယမ့ၢ် က ဒီး ဧ, တၢ်အခီၣ်ထံးဒီးတၢ်အကတၢၢ်လီၤ.”