လံာ်လီၣ်ဖျါ 2:5 - Sgaw Karen Common Bible

⁵ နလီၤဃံၤတ့ၢ်လံနဲဆံးအါလဲၣ်န့ၣ်ကွၢ်ဆိကမိၣ်တက့ၢ်. ဃၣ်ကွံာ်လၢနတၢ်ဒဲးဘးဒီးမၤတၢ်လၢနမၤတ့ၢ်လံနဲလၢ အပူၤကွံာ်န့ၣ်တက့ၢ်. နမ့ၢ်တဃၣ်ကွံာ်လၢနတၢ်ဒဲးဘးဒီးပီၢ်ယၢ်လီၤက့ၤနသးဘၣ်န့ၣ်, ယကဟဲဆူနအိၣ်ဒီးထုးထီၣ်ကွံာ်မ့ၣ်အူဒၢလၢအလီၢ်န့ၣ်လီၤ.

လံာ်လီၣ်ဖျါ 2:5 Iomraidhean Croise

လံာ်ယၡါယၤ 1:26

ယကဟ့ၣ်လီၤသုလၢပှၤပၢတၢ်ဒီးပှၤဟ့ၣ်ကူၣ်တၢ်တဖၣ်, ဒ်ပှၤတဖၣ်လၢသုဒိးန့ၢ်တ့ၢ်လၢပျၢၤအသိးလီၤ. အန့ၣ်တစုဝ့ၢ်ယရူၤၡလ့ၣ် ကဘၣ်တၢ်ကိးအီၤလၢဝ့ၢ်လၢအတီအလိၤဒီးဝ့ၢ်လၢအသူၣ် တီသးတီန့ၣ်လီၤ.”

လံာ်ယၡါယၤ 14:12

ဘၤဘူၤလိၣ်အစီၤပၤ, ဆၣ်တူၢ်ဂီၤကပြုၢ်ကပြီၤဧၢ, နလီၤ တဲာ်ကွံာ်လၢမူခိၣ်လံ. လၢအပူၤကွံာ်န့ၣ်, နမၤန့ၢ်မၤနၢၤပှၤကလုာ်တဖၣ် ဘၣ်ဆၣ်ဒီး, ခဲအံၤနဘၣ်တၢ်ကွံာ်လီၤနၤဆူဟီၣ်ခိၣ်လိၤလံ.

လံာ်ယဃ့းစက့လး 20:43

တုၤနုၤတစု, သုကသ့ၣ်နီၣ်ထီၣ်ကယဲၢ်တၢ်လီၤမဲာ်ဆှးတဖၣ်လၢသု မၤတ့ၢ်အီၤဒီးသုမၤဘၣ်အၢလီၤသုသးဒ်လဲၣ်ဒ်လဲၣ်န့ၣ်လီၤ. သုကသးဘၣ်အၢလီၤက့ၤသုသး, မ့ၢ်လၢတၢ်အၢတၢ် သီခဲလၢာ်လၢသုမၤတ့ၢ်အီၤအဃိန့ၣ်လီၤ.

လံာ်ယဃ့းစက့လး 36:31

သုကသ့ၣ်နီၣ်ထီၣ်က့ၤသုတၢ်မၤအအၢအသီဒီးတၢ်ကမၣ်တဖၣ်လၢ သုမၤဘၣ်တ့ၢ်အီၤဒီးသုကသးဘၣ်အၢလီၤက့ၤသုသးလၢသု တၢ်ဒဲးဘးတဖၣ်ဒီးသုတၢ်အၢတၢ်သီတဖၣ်အဃိန့ၣ်လီၤ.

လံာ်ဟိၤၡ့ 14:1

ဟဲက့ၤကဒါက့ၤဆူယွၤ, သုကစၢ်ယွၤအအိၣ်တက့ၢ်, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ. သုတၢ်ဒဲးဘးမၤဘၣ်တိၢ်သုခီၣ်ဒီးဒုးလီၤဃံၤသုလီၤ.

လံာ်ဟိၤၡ့ 9:10

ယွၤစံးဝဲဒၣ်, ဖဲယထံၣ်ကီၢ်အံၣ်စရ့လးအဆိကတၢၢ်အခါန့ၣ် လီၤဂာ်ဒ်တၢ်ထံၣ်န့ၢ်စပံးသၣ်တဖၣ်မဲထီၣ်လၢပှၢ် မုၢ်ကနၢအပူၤအသိးန့ၣ်လီၤ. ဖဲယထံၣ်ဘၣ်သုမိၢ်ပၢ်ဖံဖုလၢပျၢၤတဖၣ်အဆိကတၢၢ် အခါန့ၣ်, လီၤဂာ်ဒ်တၢ်ထံၣ်ဘၣ်သ့ၣ်ချၢၣ်ဒၢသၣ်အမံဆိလၢအဆၢကတီၢ်ဘၣ်ဝဲ အခါန့ၣ်လီၤ. ဘၣ်ဆၣ်တုၤအဝဲသ့ၣ်ဟဲဆူကစၢၢ်ဘဧၤလးပဧိၤန့ၣ်စး ထီၣ်ဘါထီၣ်သီဘဧၤလး, ဒီးတယံာ်ဘၣ်န့ၣ်မၤအသးလီၤသးဘၣ်အၢဒ် ယွၤတဖၣ်လၢအဝဲသ့ၣ်အဲၣ်ဝဲအသိးန့ၣ်လီၤ.

လံာ်မၤလကံ 3:4

တုၤနုၤတစု, တၢ်လုၢ်တဖၣ်လၢပှၤလၢကီၢ်ယူဒၤဒီးဝ့ၢ်ယရူၤၡလ့ၣ် ဟဲစိာ်ဆူယွၤအအိၣ်န့ၣ်, ကမ့ၢ်တၢ်လၢအဘၣ်အသးဒ်လၢညါ အသိးန့ၣ်လီၤ.

လံာ်မၤလကံ 4:6

အဝဲကပာ်ဖှိၣ်က့ၤပၢ်ဒီးဖိတဖၣ်တပူၤဃီကဒီးန့ၣ်လီၤ. မ့တမ့ၢ်ဘၣ်ဒီးယကဘၣ်ဟဲဒီးမၤဟးဂီၤကွံာ်သုထံဧိၤကီၢ်ဧိၤ န့ၣ်လီၤ.”

လံာ်မးသဲ 5:14

သုဝဲသ့ၣ်အံၤသုမ့ၢ်ဒ်တၢ်ကပီၤအသိးလၢပှၤဟီၣ်ခိၣ်ဖိခဲလၢာ် အဂီၢ်လီၤ. ဝ့ၢ်တဝ့ၢ်လၢအဘၣ်တၢ်သူၣ်ထီၣ်အီၤလၢတၢ်လူၢ်ဒီခိၣ်န့ၣ်အိၣ် သဒၢတသ့ဘၣ်.

လံာ်မးသဲ 5:15

ပှၤဒွဲၣ်ထီၣ်မ့ၣ်အူဒၢဒီးပာ်အီၤလၢနာ်အဖီလာ်န့ၣ်တအိၣ်ဘၣ် နီတဂၤဘၣ်. မ့မ့ၢ်ပာ်ဝဲလၢမ့ၣ်အူဒၢအလီၢ်အဖီခိၣ်ဒီးမ့ၣ်အူန့ၣ်ဟ့ၣ်ထီၣ်တၢ် ကပီၤလၢပှၤအိၣ်လၢဟံၣ်ပူၤခဲလၢာ်အဂီၢ်လီၤ.

လံာ်မၢ်ကူး 12:9

ယ့ၣ်ၡူးသံကွၢ်ဝဲ, “မ့မ့ၢ်ဒ်န့ၣ်ဒီးစပံးလီၢ်ကစၢ်တဂၤန့ၣ်ကမၤဝဲဒ်လဲၣ်. အဝဲဒၣ်ကဟဲဒီးမၤသံကွံာ်ပှၤဒိးလဲအီၣ်စပံးလီၢ်တဖၣ်န့ၣ်, ဒီးကဒိးလဲလီၤက့ၤအစပံးလီၢ်လၢပှၤဂၤတဖၣ်လီၤ.

လံာ်လူၤကၣ် 1:17

အဝဲဒၣ်ကလဲၤလၢကစၢ်အမဲာ်ညါအိၣ်ဒီးသးအဂံၢ်အဘါဒီးတၢ်စိတၢ် ကမီၤဒ်ဝံအ့ၤလံယၤအသိးန့ၣ်လီၤ. အဝဲဒၣ်ကဘိးဃၣ်က့ၤပၢ်တဖၣ်အသးဆူဖိတဖၣ်အအိၣ်, အဝဲဒၣ်ကဃၣ်ကဒါက့ၤပှၤတဒိကနၣ်တၢ်တဖၣ်ဆူပှၤတီပှၤလိၤ အတၢ်ဆိကမိၣ်အကျဲ, အဝဲဒၣ်ကကတဲာ်ကတီၤကစၢ်ယွၤ အပှၤဂီၢ်မုၢ်တဖၣ်လၢယွၤအဂီၢ်လီၤ.”

လံာ်လူၤကၣ် 20:16

“အဝဲဒၣ်ကဟဲဒီးမၤသံပှၤသ့ၣ်တဖၣ်န့ၣ်, ဒီးဟ့ၣ်လီၤက့ၤစပံးလီၢ်ဆူ ပှၤမၤဟီၣ်ခိၣ်အဂၤတဖၣ်အစုပူၤလီၤ.” ဖဲပှၤဂီၢ်မုၢ်တဖၣ်နၢ်ဟူတၢ်အံၤန့ၣ်, အဝဲသ့ၣ်စံးဝဲ, “မ်တၢ်သုတမၤအသးဒ်န့ၣ်တဂ့ၤ.”

ကလၤတံ 5:4

သုဝဲသ့ၣ်တဖၣ်လၢအဂုာ်ကျဲးစၢးမၤလိၤမၤဘၣ်သုသးဒီး ကစၢ်ယွၤခီဖျိတၢ်စူၢ်တၢ်သိၣ်တၢ်သီန့ၣ်, သုထုးဖးကွံာ်သုသးလၢာ်လၢာ်ဆ့ဆ့ဒီးခရံာ်လီၤ. သုလီၤတဲာ်ကွံာ်လၢကစၢ်ယွၤအဘျုးအဖှိၣ်အပူၤ,

ဖံလံးပံၤ 2:15

တုၤနုၤတစု, သုကကဲထီၣ်ပှၤလၢအတၢ်ကမၣ်တအိၣ်ဒီး စီဆှံဝဲဒ်ကစၢ်ယွၤအဖိလၢအလၢပှဲၤတဖၣ်, လၢအအိၣ်မူလၢပှၤတတီတလိၤဒီးပှၤလၢအပှဲၤဒီးတၢ်ဒဲးဘး တဖၣ်အဟီၣ်ခိၣ်ပူၤန့ၣ်လီၤ. သုကဘၣ်ကပီၤထီၣ်လၢအဝဲသ့ၣ်အကျါဒ်ဆၣ်တဖၣ်ဒုးကပီၤထီၣ်မူခိၣ် အသိး,

ဧ့ၤဘြံၤ 10:32

ဘၣ်ဆၣ်ဒီးသ့ၣ်နီၣ်ထီၣ်မုၢ်နံၤလၢအပူၤကွံာ်တဖၣ်, ဖဲသုသးဘၣ်တၢ်မၤကပီၤထီၣ်အီၤဝံၤအလီၢ်ခံ, ဖဲသုဘၣ်ကွၢ်ဆၢၣ်မဲာ်ဒီးတၢ်နးတၢ်ဖှီၣ်အဒိၣ်အအါသနာ် က့သုတူၢ်အီၤပှဲၤကစီဒီန့ၣ်တက့ၢ်.

၂ ပ့းတရူး 3:17

ဘၣ်ဆၣ်ဒီးသုဝဲလၢအမ့ၢ်ယတံၤသကိးတဖၣ်သ့ၣ်ညါ တ့ၢ်တၢ်အံၤလံ. လၢတၢ်န့ၣ်အဃိ, ပလီၢ်သုသးဒ်သိးသုသုတဘၣ်တၢ်ဆှၢကမၣ်သုလၢ ပှၤလၢတၢ်သိၣ်တၢ်သီတအိၣ်ဘၣ်တဖၣ်အတၢ်ကမၣ် တဂ့ၤ, ဒီးသုသုတလီၤတဲာ်ကွံာ်လၢသုတၢ်ဂၢၢ်တၢ်ကျၢၤဒၣ် သုဝဲအပူၤတဂ့ၤ.

ယူဒၤ 1:24

ပှၤလၢအဟံးဃာ်ပၢၤဃာ်သုသ့ဒ်သိးသုသုတလီၤဃံၤတဂ့ၤ, ဒီးပာ်သုလၢအလၤကပီၤအမဲာ်ညါတအိၣ်ဘၣ်ဒီးမဲၣ်သူမဲၣ်ဂီၤဘၣ် လၢတၢ်သူၣ်ခုသးခုဒိၣ်ဒိၣ်ကလဲာ်အပူၤ,

လံာ်လီၣ်ဖျါ 1:20

အဝဲအံၤမ့ၢ်တၢ်အခီပညီခူသူၣ်ဘၣ်ဃးဒီးဆၣ်နွံဖျၢၣ်လၢ နထံၣ်ဘၣ်နဲလၢယစုထွဲပူၤ, ဒီးမ့ၣ်အူဒၢထူနွံဖျၢၣ်န့ၣ်လီၤ. ဆၣ်နွံဖျၢၣ်န့ၣ်မ့ၢ်ဝဲတၢ်အိၣ်ဖှိၣ်နွံဖုအကလူးတဖၣ်, ဒီးမ့ၣ်အူဒၢနွံဖျၢၣ်န့ၣ် မ့ၢ်တၢ်အိၣ်ဖှိၣ်နွံဖုန့ၣ်လီၤ.

လံာ်လီၣ်ဖျါ 16:9

အဝဲသ့ၣ်ဘၣ်တၢ်မၤကိၢ်ဃိာ်အီၤလၢတၢ်ကိၢ်လၢအဆူၣ် နးမးတမံၤအံၤ, ဒီးအဝဲသ့ၣ်ဆိၣ်အၢကစၢ်ယွၤလၢအအိၣ်ဒီး တၢ်စိတၢ်ကမီၤလၢတၢ်သံသတြိာ်တဖၣ်အံၤအလိၤတဂၤန့ၣ် အမံၤလီၤ. ဒီးအဝဲသ့ၣ်တဃၣ်ကွံာ်လၢအတၢ်ဒဲးဘးတဖၣ်ဒီး တစံးထီၣ်ပတြၢၤကစၢ်ယွၤအတၢ်ဒိၣ်တၢ်မုၢ်န့ၣ်ဘၣ်.

လံာ်လီၣ်ဖျါ 2:16

ခဲကနံၣ်အံၤ, ဃၣ်ကွံာ်လၢနတၢ်ဒဲးတူာ်ဒဲးဘးတဖၣ်န့ၣ် တက့ၢ်. နမ့ၢ်တမၤဒ်န့ၣ်ဘၣ်ဒီး, တယံာ်ဘၣ်န့ၣ်ယကဟဲယဲဆူနအိၣ်ဒီးဒုးတၢ်ထီဒါပှၤသ့ၣ် တဖၣ်န့ၣ်လၢနးလၢအဟဲထီၣ်လၢယကိာ်ပူၤန့ၣ်လီၤ.

လံာ်လီၣ်ဖျါ 2:19

ယသ့ၣ်ညါယဲတၢ်လၢနမၤန့ၣ်လီၤ. ယသ့ၣ်ညါနတၢ်အဲၣ်တၢ်ကွံ, နတၢ်သူၣ်တီသးတီ, နတၢ်ဖံးတၢ်မၤ, ဒီးနတၢ်ဝံသးစူၤန့ၣ်လီၤ. ယသ့ၣ်ညါယဲလၢနမၤတၢ်ခဲကနံၣ်အံၤအါန့ၢ်ဒံးတၢ်လၢနမၤတ့ၢ်နဲ လၢအခီၣ်ထံးန့ၣ်လီၤ.

လံာ်လီၣ်ဖျါ 2:2

ယသ့ၣ်ညါတၢ်လၢနမၤတ့ၢ်နဲတဖၣ်လီၤ. ယသ့ၣ်ညါဘၣ်ဃးနဖံးတၢ်မၤတၢ်ဆူၣ်ဆံးအါ, ဒီးနသူၣ်စူၤသးစူၤတ့ၢ်နဲဆံးအါအဂ့ၢ်လီၤ. ယသ့ၣ်ညါလၢနပျဲပှၤအၢပှၤသီတဖၣ်မၤဖဲအသးဒၣ်ဝဲန့ၣ် တကဲဘၣ်. ဒီးလၢနမၤကွၢ်တ့ၢ်နဲပှၤတဖၣ်လၢအစံးလၢ အမ့ၢ်ပှၤတၢ်မၢဖိတဖၣ်ဘၣ်ဆၣ်တမ့ၢ်ဘၣ်, ဒီးနသ့ၣ်ညါဘၣ်တ့ၢ်နဲလၢအဝဲသ့ၣ်မ့ၢ်ပှၤလီတၢ်ဖိတဖၣ် န့ၣ်လီၤ.

လံာ်လီၣ်ဖျါ 3:19

ပှၤလၢယအဲၣ်န့ၣ်, ယသိၣ်ဃီၣ်သီဃီၣ်, ဒီးစံၣ်ညီၣ်အီၤကိးဂၤဒဲးလီၤ. လၢတၢ်န့ၣ်အဃိ, ပာ်နသးသပှၢ်ပှၢ်, ဒီးဃၣ်ကွံာ်လၢနတၢ်ဒဲးတူာ်ဒဲးဘးတဖၣ်န့ၣ်တက့ၢ်.