လံာ်လီၣ်ဖျါ 2:3 - Sgaw Karen Common Bible

³ နသူၣ်စူၤသးစူၤ, နတူၢ်တ့ၢ်တၢ်လၢယဃိဒီးနတတ့ၢ်စၢ်လီၤ နဂံၢ်နဘါဘၣ်န့ၣ်လီၤ.

လံာ်လီၣ်ဖျါ 2:3 Iomraidhean Croise

စံးထီၣ်ပတြၢၤ 37:7

အိၣ်ဃိကလာ်လၢယွၤအမဲာ်ညါ, ဒီးခိးအီၤလၢတၢ်ဝံသးစူၤအပူၤန့ၣ်တက့ၢ်. ဘၣ်ကိၢ်ဘၣ်ဂီၤလၢ ပှၤလၢအဘီၣ်ထီၣ်ညီထီၣ်လၢအကျဲဒၣ်ဝဲ, မ့တမ့ၢ်ပှၤလၢအမၤန့ၢ်တၢ်လၢ အတၢ်ကူၣ်အၢအဃိန့ၣ်တဂ့ၤ.

စံးထီၣ်ပတြၢၤ 69:7

အဂ့ၢ်ဒ်အံၤ, ယဘၣ်တၢ်ဒုၣ်ဒွဲၣ်လၢနဃိလီၤ. တၢ်မဲာ်ဆှးလုၣ်ဘၢတ့ၢ်လံယမဲာ်လံ.

လံာ်မံကၤ 7:9

ပမၤတ့ၢ်တၢ်ဒဲးဘးထီဒါယွၤလီၤ. မၤသးဒ်န့ၣ်ဒီးခဲကနံၣ်အံၤပကဘၣ်တူၢ်အတၢ်သးဒိၣ်တစိၢ်တလီၢ် လီၤ. ဘၣ်ဆၣ်လၢခံကတၢၢ်န့ၣ်အဝဲဒၣ်ကလိာ်န့ၢ်ပကွီၢ်ဒီးမၤတၢ် စံၣ်ညီၣ်တီလၢပဂီၢ်လီၤ. အဝဲကဒုးဟဲထီၣ်ပှၤဆူတၢ်ကပီၤအပူၤ, ဒီးပကအိၣ်မူဒ်သိးပကထံၣ်ဘၣ်အတၢ်အုၣ်က့ၤခီၣ်က့ၤပှၤလီၤ.

လံာ်မၢ်ကူး 15:21

ပှၤသုးဖိတဖၣ်မၢဆူၣ်ပှၤဟဲဘၣ်အတီၤတဂၤလၢအမ့ၢ်ပှၤကူၤရ့ၤ န့ဖိစီၤၡံမိၣ်လၢအဟဲလၢခိတခီ, လၢအကစိာ်ထီၣ်ဒီးယိးန့ၢ်ထူၣ်စုညါလၢယ့ၣ်ၡူးအဂီၢ်လီၤ. (စီၤၡံမိၣ်မ့ၢ်ဝဲစီၤအလ့းစၣ်ဒြူးဒီးစီၤရူဖၢးတဖၣ်အပၢ်လီၤ.)

လံာ်လူၤကၣ် 14:27

ပှၤတဂၤလၢ်လၢ်လၢအတယိးအထူၣ်စုညါဒၣ်ဝဲဒီးပိာ်ယခံန့ၣ်, ကဲယပျဲၢ်ယဘီၣ်တသ့ဘၣ်.

လံာ်လူၤကၣ် 18:1

တၢ်န့ၣ်ဝံၤအလီၢ်ခံယ့ၣ်ၡူးစံးဘၣ်တဲဘၣ်အဝဲသ့ၣ်လၢတၢ်ကတိၤဒိ တထံၣ်အံၤ, ဒ်သိးအကသိၣ်လိအဝဲသ့ၣ်လၢအကဃ့ဘါထုကဖၣ် တၢ်ထီဘိ, ဒီးအသးသုတဟးဂီၤနီတစုတဂ့ၤန့ၣ်လီၤ.

လံာ်လူၤကၣ် 21:19

အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. အဂ့ၢ်ဒ်အံၤ, လၢကျဲဒ်အံၤအပူၤ, သုကအုၣ်က့ၤခီၣ်က့ၤသုနီၢ်ကစၢ်ဒၣ်သုဝဲလီၤ.

လံာ်လူၤကၣ် 5:5

စီၤၡံမိၣ်စံးဆၢအီၤ, “ကစၢ်ဧၢ, ပမၤတ့ၢ်လံဒီနၤညါဒီးပတဖီၣ်န့ၢ်တၢ်နီတမံၤဘၣ်. ဘၣ်ဆၣ်, နမ့ၢ်စံးဒ်န့ၣ်ဒီးယကပာ်လီၤစၤတဖၣ်လီၤ.”

လံာ်လူၤကၣ် 8:15

တၢ်ချံလၢအလီၤဘၣ်လၢဟီၣ်ခိၣ်ညၣ်ထ့ၣ်အဂ့ၤပာ်ဖျါထီၣ်ပှၤ တဖၣ်လၢအနၢ်ဟူဘၣ်တၢ်အကလုၢ်ကထါဒီးဟံးဃာ်ဂၢၢ်ကျၢၤ ဝဲလၢသးလၢအဂ့ၤဒီးစူၢ်ယွၤအကလုၢ်အပူၤဒီးမၤဝဲဒ်န့ၣ်သပှၢ် ပှၢ်တုၤအဝဲသ့ၣ်သၣ်ထီၣ်တၤသၣ်တစုလီၤ.

လံာ်ယိၤဟၣ် 15:21

ဘၣ်ဆၣ်ဒီး, အဝဲသ့ၣ်ကမၤသုလၢတၢ်အံၤတဖၣ်ခဲလၢာ်မ့ၢ်လၢ သုမ့ၢ်ယတၢ်ဒီးအဝဲသ့ၣ်တသ့ၣ်ညါပှၤလၢအမၢလီၤယၤတဂၤ အဃိလီၤ.

ရိမ့ၤ 12:12

မ်သုတၢ်မုၢ်လၢ်ဒုးသးခုသု, အိၣ်ဒီးတၢ်ဝံသးစူၤလၢသုတၢ်ကီတၢ်ခဲတဖၣ်အပူၤ, ဒီးဃ့ဘါထုကဖၣ်တၢ်ကိးဆၢကတီၢ်ဒဲးန့ၣ်တက့ၢ်.

ရိမ့ၤ 16:12

ယဆှၢယတၢ်ဆၢဂ့ၤဆၢဝါတဖၣ်ဆူနီၢ်တြူဖဲၤနၤဒီးနီၢ်တြူဖိၤစၤ, လၢအမၤတၢ်လၢကစၢ်အတၢ်မၤအပူၤအအိၣ်ဒီးဆူယတံၤ သကိးလၢယအဲၣ်အီၤနီၢ်ပ့ၢ်စံလၢအမၤတ့ၢ်တၢ်အါမးလၢ ကစၢ်အဂီၢ်အအိၣ်န့ၣ်လီၤ.

ရိမ့ၤ 2:7

ပှၤတနီၤမၤတၢ်ဂ့ၤတၢ်ဝါတထံၣ်ဃီ, ဒီးဃုတၢ်လၤတၢ်ကပီၤ, တၢ်ယူးယီၣ်, ဒီးသးလၢအသံတသ့ဘၣ်လီၤ. ကစၢ်ယွၤကဟ့ၣ်တၢ်မူအထူအယိာ်လၢပှၤဒ်န့ၣ်သိးတဖၣ်လီၤ.

ရိမ့ၤ 8:25

ဘၣ်ဆၣ်ဒီးတၢ်လၢပတထံၣ်ဘၣ်အီၤန့ၣ်ပမ့ၢ်မုၢ်လၢ်အီၤဒီး, ပအိၣ်ခိးကွၢ်လၢ်အီၤလၢတၢ်ဝံသးစူၤအပူၤန့ၣ်လီၤ.

1 ကရံၣ်သူး 13:7

တၢ်အဲၣ်တၢ်ကွံန့ၣ်တဟ့ၣ်လီၤအသးနီတစုဘၣ်. ဒီးအဝဲဒၣ်အတၢ်စူၢ်တၢ်နာ်, တၢ်မုၢ်လၢ်, ဒီးတၢ်သူၣ်စူၤသးစူၤတဖၣ်န့ၣ်တလီၤတိၢ်နီတစုဘၣ်.

1 ကရံၣ်သူး 16:16

လၢသုကပိာ်ထွဲခိၣ်နၢ်ဒ်အံၤအသိးတဖၣ်အတၢ်ပၢတၢ်ဆှၢဒီးပှၤ တဂၤလၢ်လၢ်လၢအဖံးတၢ်မၤတၢ်ဒီးမၤယွၤအတၢ်မၤတပူၤဃီဒီး အဝဲသ့ၣ်တဖၣ်န့ၣ်အတၢ်ပၢတၢ်ဆှၢလီၤ.

၂ ကရံၣ်သူး 10:15

လၢတၢ်န့ၣ်အဃိ, ပတကတိၤပာ်ကဖၢလၢပသးဘၣ်ဃးဒီး တၢ်ဖံးတၢ်မၤလၢပှၤအဂၤတဖၣ်မၤဝဲလၢတၢ်ဖံးတၢ်မၤလၢ ကစၢ်ယွၤပာ်လီၤန့ၢ်ပှၤအကဝီၤပူၤအချၢန့ၣ်ဘၣ်. မ့မ့ၢ်ပမုၢ်လၢ် ပဝဲလၢသုတၢ်စူၢ်တၢ်နာ်ကဒိၣ်ထီၣ်, ဒီးပမၤတၢ်လၢအဒိၣ်န့ၢ် အလီၢ်လၢသုသိးသုကျါကသ့ဝဲ, ထီဘိလၢနီၣ်ထိၣ်လၢကစၢ်ယွၤပာ်လီၤန့ၢ်ပှၤအကဝီၤပူၤန့ၣ်လီၤ.

၂ ကရံၣ်သူး 11:23

အဝဲသ့ၣ်မ့ၢ်ခရံာ်အခ့အပှၤတဖၣ်ဧါ. ယကတိၤတၢ်လီၤဂာ်လၢပှၤ အပျုၢ်, ဘၣ်ဆၣ်ဒီးယမ့ၢ်တၢ်ခ့တၢ်ပှၤလၢအဂ့ၤဒိၣ်န့ၢ် အဝဲသ့ၣ်လီၤ. ယမၤတ့ၢ်လံတၢ်ဆူၣ်ဒိၣ်တက့ၢ်, ယအိၣ်တ့ၢ်လံလၢဃိာ်ပူၤအဘျီအါဒိၣ်တက့ၢ်, ယဘၣ်တၢ်ဒိတ့ၢ်တီၢ်တ့ၢ်လံယၤအါဒိၣ်တက့ၢ်, ဒီးယအိၣ်ဘူးတ့ၢ်လၢတၢ်သံအဘျီအါဒိၣ်တက့ၢ်လီၤ.

၂ ကရံၣ်သူး 4:1

ကစၢ်ယွၤ, လၢအဝဲဒၣ်အတၢ်သးကညီၤအပူၤန့ၣ်, ဟ့ၣ်လံပှၤတၢ်မၤတမံၤအံၤလၢပကမၤအီၤသတးဒီး, ပသးတဟးဂီၤဘၣ်.

၂ ကရံၣ်သူး 4:16

လၢတၢ်ဂ့ၢ်တမံၤအံၤအဃိ, ပသးတဟးဂီၤနီတစု ဘၣ်. ပနီၢ်ခိမ့ၢ်ဟးဂီၤကွံာ်တစဲးဘၣ်တစဲးသနာ်က့, ပနီၢ်သးဘၣ်တၢ်မၤသီထီၣ်အီၤတနံၤဘၣ်တနံၤလီၤ.

၂ ကရံၣ်သူး 5:9

ဘၣ်ဆၣ်ဒီး, ဒိၣ်န့ၢ်အါန့ၢ်တၢ်အံၤခဲလၢာ်န့ၣ်, ပသးအိၣ်မၤတၢ်ဘၣ်အသးလၢပဟံၣ်ဖဲအံၤတဖျၢၣ်အပူၤ မ့ၢ်ဂ့ၤ, ပဟံၣ်ဖဲန့ၣ်တဖျၢၣ်အပူၤမ့ၢ်ဂ့ၤန့ၣ်လီၤ.

၂ ကရံၣ်သူး 6:5

ပဘၣ်တၢ်ဒိပှၤတီၢ်ပှၤ, တၢ်ဒၢနုာ်ပှၤလၢဃိာ်ပူၤ, တၢ်မၤအၢမၤသီပှၤလၢပှၤဂီၢ်မုၢ်တၢထီၣ်တၢလီၤတဖၣ်, ပဘၣ်တၢ်ဒုးဖံးဒုးမၤပှၤတၢ်တလၢကွံာ်အခၢးဒီးပဘၣ် ကီၤမံကီၤဂဲၤကီၤဝံၤကီၤစ့ၤပဝဲန့ၣ်လီၤ.

ကလၤတံ 6:2

ဝံလိာ်သုတၢ်ဝံတၢ်ယိးတဖၣ်တဂၤဒီးတဂၤ, ဒီးလၢကျဲဒ်အံၤ အပူၤန့ၣ်, သုကစူၢ်ခရံာ်အတၢ်သိၣ်တၢ်သီန့ၣ်လီၤ.

ကလၤတံ 6:9

လၢတၢ်န့ၣ်အဃိ, မ်ပသုတလီၤဘှံးလီၤတီၤလၢပမၤဂ့ၤတၢ် အဃိတဂ့ၤ, အဂ့ၢ်ဒ်အံၤပမ့ၢ်တသးဟးဂီၤဘၣ်ဒီးတၢ်ဆၢကတီၢ် ကတုၤဝဲဖဲပကကူးဘၣ်က့ၤတၢ်လၢအဂ့ၤန့ၣ်လီၤ.

ဖံလံးပံၤ 2:16

ဖဲသုဟ့ၣ်အဝဲသ့ၣ်တၢ်ကစီၣ်ဘၣ်ဃးတၢ်မူအဂ့ၢ်န့ၣ်လီၤ. သုမ့ၢ်မၤဒ်န့ၣ်ဒီးဖဲခရံာ်အမုၢ်နံၤန့ၣ်ယကအိၣ်ဒီးတၢ်အဂ့ၢ်အခၢးလၢ ယကပာ်ကဖၢလၢယသးလၢသုဃိ, မ့ၢ်လၢတၢ်လၢသုမၤန့ၣ်ကဒုးနဲၣ်အဝဲဒၣ်လၢယတၢ်ကျဲးစၢးဒီး တၢ်မၤတကဲထီၣ်တၢ်ကလီကလီဘၣ်အဃိန့ၣ်လီၤ.

ဖံလံးပံၤ 4:3

ဒီးနဲဒၣ်စ့ၢ်ကီး, ပှၤမၤသကိးတၢ်ဒီးယၤလၢအသးတီ တဂၤဧၢ, ယအဲၣ်ဒိးလၢနကမၤစၢၤပိာ်မုၣ်တဖၣ်အံၤန့ၣ်လီၤ. အဂ့ၢ်ဒ်အံၤ, အဝဲသ့ၣ်မၤသကိးတၢ်ဒီးယၤဆူၣ်ဆူၣ်လၢတၢ်ရၤလီၤတၢ်သးခုကစီၣ် အပူၤ, ဃုာ်ဒီးစီၤကျ့မ့ၤဒီးယပှၤမၤသကိးတၢ်အဂၤတဖၣ်, လၢအမံၤအိၣ်ကွဲးလီၤအသးလၢကစၢ်ယွၤအလံာ်မူအပူၤန့ၣ်လီၤ.

ကလီးစဲ 1:11

မ်သုဘၣ်တၢ်ဟ့ၣ်ဂံၢ်ဟ့ၣ်ဘါသုလၢတၢ်စိတၢ်ကမီၤခဲလၢာ်လၢ အဟဲလၢယွၤ, လၢအအိၣ်ပှဲၤမးဒီးအလၤကပီၤ, ဒ်သိးသုတူၢ်တၢ်ကိးမံၤဒဲးလၢတၢ်သူၣ်စူၤသးစူၤအပူၤကန့ၢ် အဂီၢ်,

၁ သ့းစၤလနံ 1:3

တဘျီလၢ်လၢ်ဖဲပဃ့ဘါထုကဖၣ်တၢ်ဆူပကစၢ်ယွၤဒီးပပၢ် အအိၣ်န့ၣ်, ပသ့ၣ်နီၣ်ထီၣ်သုအိၣ်မူမၤထွဲသုတၢ်စူၢ်တၢ်နာ် အခံဒ်လဲၣ်, သုဖံးသုမၤတၢ်ဆူၣ်ဆူၣ်လၢတၢ်အဲၣ်အဃိဒ်လဲၣ်, ဒီးသုတၢ်မုၢ်လၢ်လၢပကစၢ်ယ့ၣ်ၡူးခရံာ်အပူၤဂၢၢ်ကျၢၤဒ်လဲၣ် အဂ့ၢ်န့ၣ်လီၤ.

၁ သ့းစၤလနံ 2:9

ပမၤတ့ၢ်တၢ်ဆူၣ်ဆံးအါလဲၣ်န့ၣ်သုကသ့ၣ်နီၣ်ထီၣ်လီၤ. ယဒီပုၢ်ဝဲၢ်သ့ၣ်ဧၢ, ပမၤတ့ၢ်တၢ်မုၢ်ဆါဆဲးလၢမုၢ်နၤဒ်သိးဖဲပစံၣ် တဲၤတဲလီၤန့ၢ်သုတၢ်သးခုကစီၣ်ဟဲလၢကစၢ်ယွၤအအိၣ် အဖၢမုၢ်, သုသုတဘၣ်လၢာ်ဘူၣ်လၢာ်စ့ၤလၢပဂီၢ်တဂ့ၤအဂီၢ် န့ၣ်လီၤ.

၁ သ့းစၤလနံ 5:12

ပဒီပုၢ်ဝဲၢ်သ့ၣ်ဧၢ, ပှၤလၢအဖံးတၢ်မၤတၢ်လၢသုသိးသုကျါ, ပၢဆှၢသု, ဒီးနဲၣ်သုကျဲလၢသုကဘၣ်အိၣ်မူဒ်ပှၤခရံာ်ဖိ အသိးဒ်လဲၣ်တဖၣ်န့ၣ်, ပဃ့ကညးသုလၢသုကပာ်သူၣ်ပာ်သးဒီးယူးယီၣ်ပာ်ကဲ အီၤန့ၣ်လီၤ.

၂ သ့းစၤလနံ 3:13

မ့မ့ၢ်သုဝဲဒီပုၢ်ဝဲၢ်သ့ၣ်ဧၢ, သုသုတလီၤဘှံးလၢသုမၤတၢ်အဂ့ၤ အဃိတဂ့ၤ.

၂ သ့းစၤလနံ 3:5

မ်ကစၢ်ဆှၢသုဆူတၢ်သ့ၣ်ညါနၢ်ပၢၢ်အါထီၣ်ကစၢ်ယွၤ အတၢ်အဲၣ်တၢ်ကွံဒီးတၢ်သ့တူၢ်တၢ်လၢအဟဲလၢခရံာ် အအိၣ်န့ၣ်တက့ၢ်.

၂ သ့းစၤလနံ 3:8

ပတတူၢ်လိာ်စ့ၢ်ကီးပှၤတဂၤဂၤအတၢ်လုၢ်အီၣ်ကလီပှၤ ဘၣ်. မ့မ့ၢ်ပဖံးတၢ်မၤတၢ်လၢမုၢ်ဆါဒီးလၢမုၢ်နၤဒ်သိး ပသုတကဲထီၣ်တၢ်ဝံတၢ်ယိးလၢသုဝဲနီတဂၤအဂီၢ် တဂ့ၤန့ၣ်လီၤ.

၁ တံၤမသ့း 4:10

ပဂဲၤပျုၢ်ဒီးမၤတၢ်ဆူၣ်ဆူၣ်, မ့ၢ်လၢပပာ်ပတၢ်မုၢ်လၢ်လၢ ကစၢ်ယွၤလၢအမူဝဲတဂၤအပူၤ, လၢအမ့ၢ်ပှၤအုၣ်က့ၤခီၣ်က့ၤ ပှၤခဲလၢာ်, ဒီးလီၤဆီဒၣ်တၢ်ပှၤလၢအစူၢ်က့ၤနာ်က့ၤတၢ်တဖၣ် အဃိန့ၣ်လီၤ.

၁ တံၤမသ့း 5:17

ပှၤသူၣ်က့သးပှၢ်လၢအမၤတၢ်ဂ့ၤဂ့ၤဒ်ခိၣ်နၢ်အသိးတဖၣ်န့ၣ်, တၢ်ကြၢးကွၢ်ဆိကမိၣ်တၢ်လၢအဝဲသ့ၣ်အဂီၢ်ဒီးဟ့ၣ်အီၤဘူးလဲခံစး, လီၤဆီဒၣ်တၢ်ပှၤတဖၣ်လၢအမၤတၢ်ဆူၣ်ဆူၣ်လၢတၢ်စံၣ် တဲၤတဲလီၤဒီးတၢ်သိၣ်လိသီလိတၢ်အပူၤန့ၣ်လီၤ.

ဧ့ၤဘြံၤ 10:36

သုကဘၣ်ဝံသးစူၤဒီးတူၢ်တၢ်ဒ်သိးသုကမၤတၢ်ဘၣ်ကစၢ်ယွၤ အသးဝံၤ, ဒီးဒိးန့ၢ်ဘၣ်တၢ်လၢအဘၣ်တၢ်စံးပာ်တ့ၢ်အီၤန့ၣ်လီၤ.

ဧ့ၤဘြံၤ 12:1

မၤသးဒ်န့ၣ်ဒီး, ပအိၣ်ဒီးပှၤအုၣ်အသးအါမးဝးတရံးပှၤသတးဒီး မ်ပပာ်လီၤကွံာ်ကယဲၢ်တၢ်အဃၢတမံၤလၢ်လၢ်ဒီးတၢ်ဒဲးဘးလၢ အအိၣ်စဲဘူးဒီးပှၤ, ဝံၤတၢ်ဃ့ၢ်လၢအအိၣ်လၢပမဲာ်ညါန့ၣ်, မ်ပဃ့ၢ်သကိးလၢတၢ်သးစူၤအပူၤန့ၣ်တက့ၢ်.

ဧ့ၤဘြံၤ 13:13

လၢတၢ်န့ၣ်အဃိ, မ်ပလဲၤသကိးဆူဒဲအချၢဒီးတူၢ်သကိးဃုာ်တၢ် ဒုၣ်ဒွဲၣ်ဒီးအီၤန့ၣ်တက့ၢ်.

ဧ့ၤဘြံၤ 6:10

အဂ့ၢ်ဒ်အံၤကစၢ်ယွၤတမ့ၢ်ပှၤလၢအမၤတၢ်တတီတလိၤ န့ၣ်ဘၣ်. သုတၢ်မၤဒီးသုတၢ်အဲၣ်တၢ်ကွံယွၤလၢသုလီၣ်ဖျါ ထီၣ်ခီဖျိသုတၢ်ဟ့ၣ်မၤစၢၤတ့ၢ်ဒီးဟ့ၣ်မၤစၢၤဒံးပှၤခရံာ်ဖိ ကဒဲကဒဲဒီးသုန့ၣ်ယွၤတကွၢ်ကပာ်ဒီးသးပ့ၤနီၣ်အီၤဘၣ်.

ဧ့ၤဘြံၤ 6:12

မ်သုသုတကၢၣ်တကျူတဂ့ၤ, မ့မ့ၢ်မ်သုကကွၢ်လိမၤ ဒိးပှၤလၢအနာ်တၢ်ဒီးဝံသးစူၤတၢ်ဒီးန့ၢ်သါဃုာ်တၢ်လၢ ကစၢ်ယွၤစံးပာ်တ့ၢ်ဝဲတဖၣ်န့ၣ်တက့ၢ်.

ဧ့ၤဘြံၤ 6:15

စီၤအၤဘြၤဟၣ်အသူၣ်စူၤသးစူၤသတးဒီးဒိးန့ၢ်တၢ်စံးပာ် န့ၣ်လီၤ.

၂ ပ့းတရူး 1:6

လၢတၢ်သ့ၣ်ညါအမဲာ်ညါပာ်ဖှိၣ်အါထီၣ်တၢ်ကီၤသူၣ် ကီၤသး, ဒီးလၢတၢ်ကီၤသူၣ်ကီၤသးအမဲာ်ညါပာ်ဖှိၣ် အါထီၣ်တၢ်သ့တူၢ်တၢ်, ဒီးလၢတၢ်သ့တူၢ်တၢ်အမဲာ်ညါပာ်ဖှိၣ်အါထီၣ်တၢ်အဲၣ် ထူအဲၣ်ယွၤ,

လံာ်လီၣ်ဖျါ 1:9

ယမ့ၢ်ယဲစီၤယိၤဟၣ်, သုဒီပုၢ်ဝဲၢ်, ဒီးဒ်ပှၤပိာ်ယ့ၣ်ၡူးအခံတဂၤ အသိးန့ၣ်, ယမ့ၢ်သုတံၤသကိးလၢအတူၢ်သကိးတၢ်ဒီးသုလၢ တၢ်သးစူၤအပူၤ, တၢ်တူၢ်ဘၣ်တၢ်မၤအၢမၤနးလၢအတုၤအိၣ်ပှၤတဖၣ်လၢ အဘၣ်ဃးဒီးအဝဲဒၣ်အဘီအမုၢ်န့ၣ်လီၤ. ယဘၣ်တၢ်ပာ်ယၤလၢကီးပးမူးမ့ၢ်လၢယစံၣ်တဲၤတဲလီၤတ့ၢ်ယဲ ကစၢ်ယွၤအကလုၢ်ကထါ, ဒီးယအုၣ်တ့ၢ်ယသးလၢယ့ၣ်ၡူး အဂ့ၢ်အဃိန့ၣ်လီၤ.

လံာ်လီၣ်ဖျါ 3:10

မ့ၢ်လၢသုတိၢ်န့ၢ်ဟံးဃာ်ယကလုၢ်လၢသုကတူၢ်တၢ်အိၣ်ဒီး တၢ်သူၣ်စူၤသးစူၤအဃိယကကဟုကယာ်စ့ၢ်ကီးသုလၢတၢ်ကီ တၢ်ခဲအဆၢကတီၢ်, လၢအကဟဲတုၤအိၣ်ဟီၣ်ခိၣ်ဒ်သိးအကမၤ ကွၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်လီၤ.