လံာ်လီၣ်ဖျါ 2:22 - Sgaw Karen Common Bible

²² ဒီးလၢတၢ်န့ၣ်အဃိ, ယကကွံာ်လီၤအီၤလၢလီၢ်မံခိၣ်, ဖဲအဝဲဒၣ်ဒီးပှၤမၤကမၣ်မုၣ်ကမၣ်ခွါဒီးအီၤတဖၣ်ကတူၢ် ဘၣ်တၢ်နးနးကလဲာ်န့ၣ်လီၤ. အဝဲသ့ၣ်မ့ၢ်တပီၢ်ယၢ်လီၤအသးလၢတၢ်အၢတၢ်သီလၢ အမၤတ့ၢ်ဝဲဒီးအီၤတဖၣ်အဃိဘၣ်ဒီး, ယကမၤတၢ်တမံၤ အံၤန့ၣ်ခဲကနံၣ်အံၤလီၤ.

လံာ်လီၣ်ဖျါ 2:22 Iomraidhean Croise

လံာ်ယံးရမံယၤ 36:3

ဘၣ်သ့ၣ်သ့ၣ် ဖဲကီၢ်ယူဒၤအပှၤဂီၢ်မုၢ်နၢ်ဟူ တၢ်ဂ့ၢ်ဘၣ်ဃးတၢ်ဟးဂီၤလၢ ယတိာ်ပာ်လၢ ယကဒုးလီၤဘၣ်လၢအဝဲသ့ၣ်အလိၤန့ၣ်, အဝဲသ့ၣ် ကဃၣ်ကွံာ်အသးလၢ ကျဲအအၢအသီတဖၣ်န့ၣ်လီၤ. အန့ၣ်ဒီး, ယကပျၢ်ကွံာ်အဝဲသ့ၣ်အတၢ်အၢတၢ်သီဒီး အတၢ်ဒဲးဘးတဖၣ်န့ၣ်လီၤ.”

လံာ်ယဃ့းစက့လး 23:29

ဒီးမ့ၢ်လၢအဝဲသ့ၣ်သးဟ့နၤအဃိ, ဒီးဘ့ၣ်ကွံာ်နကူနသိးဒီး ပာ်တ့ၢ်နၤအိၣ်ဘ့ၣ်ဆ့, အိၣ်ဖျါဒ်ပှၤဃဲသဲမုၣ်တဂၤအသိးန့ၣ်လီၤ. နတၢ်သးကတၢဒီးနတၢ်မၤပှၤဃဲသဲမုၣ်အတၢ်မၤ, ဒုးလီၤဘၣ်တၢ်အံၤလၢနလိၤန့ၣ်လီၤ.

လံာ်ယဃ့းစက့လး 33:11

တဲဘၣ်အဝဲသ့ၣ်လၢဒ်ယၤ, ယွၤပၢဘၣ်တၢ်ခဲလၢာ်ကစၢ်မ့ၢ်ကစၢ်ယွၤ လၢအမူဝဲတဂၤအသိးန့ၣ်, ယစံးယဲ, ယတမုာ်လၤသးခုလၢ တၢ်ထံၣ်ဘၣ်ပှၤတၢ်ဒဲးဘးဖိတဂၤသံန့ၣ်ဘၣ်. ယအဲၣ်ဒိးထံၣ်ဒါခီလၢအဝဲသ့ၣ်ဆိကတီၢ်မၤတၢ်ဒဲးဘးဒီးမူဝဲန့ၣ်လီၤ. ကီၢ်အံၣ်စရ့လးဧၢ, ဆိကတီၢ်ကွံာ်တၢ်အၢတၢ်သီလၢနမၤအီၤန့ၣ် တက့ၢ်. ဘၣ်မနုၤအဃိနအဲၣ်ဒိးသံန့ၣ်လဲၣ်.

လံာ်စဖါနယၤ 3:7

ယဆိကမိၣ်တ့ၢ်လၢတုၤတၢ်မၤအသးဒ်န့ၣ်ဒီးယပှၤဂီၢ်မုၢ် ကပာ်ကဲယၤဒီးတူၢ်လိာ်ယတၢ်သိၣ်တၢ်ဘျၢဒ်သိးအသု တသးပ့ၤနီၣ်တၢ်မၤလိလၢယသိၣ်လိအဝဲသ့ၣ်လ့ၤတက့ၤန့ၣ်လီၤ. ဘၣ်ဆၣ်ဒီးလၢတၢ်စွံကတုၤအပူၤမၤဒံးတၢ်ဒဲးဘးဒ်လၢညါ အသိးန့ၣ်လီၤ.”

လံာ်လူၤကၣ် 13:3

တမ့ၢ်ဘၣ်. ယစံးဘၣ်တဲဘၣ်သုလၢသုမ့ၢ်တဃၣ်ကွံာ်လၢသု တၢ်ဒဲးဘးတဖၣ်ဘၣ်ဒီး, သုကသံသုဝဲကိးဂၤဒဲးဒ်အဝဲသ့ၣ်သံဝဲအသိးလီၤ.

လံာ်လူၤကၣ် 13:5

တမ့ၢ်ဘၣ်. ယစံးဘၣ်တဲဘၣ်သုလၢသုမ့ၢ်တဃၣ်ကွံာ်လၢသုတၢ်ဒဲးဘး တဖၣ်န့ၣ်, သုဝဲကိးဂၤဒဲးသုကသံဒ်အဝဲသ့ၣ်အသိးလီၤ.”

၂ ကရံၣ်သူး 12:21

ယဘၣ်ယိၣ်လၢ, ခဲကိာ်တဘျီ, ဖဲယဟဲန့ၣ်ယကစၢ်ယွၤ ကဒုးမဲာ်ဆှးယၤလၢသုမဲာ်ညါ, ဒီးယကဟီၣ်ကယၢၤလၢပှၤအါဒံအါဂၤလၢအမၤတ့ၢ်တၢ်ဒဲးဘးလၢ အပူၤကွံာ်တဖၣ်အဃိ, ပှၤလၢအတပီၢ်ယၢ်လီၤဒံးအသးလၢတၢ်မၤတဂ့ၤတဝါလၢ အမၤတ့ၢ်ဝဲ, တၢ်ဒဲးဘးဘၣ်ဃးမုၣ်ခွါ, တၢ်မုာ်ဖံးမုာ်ညၣ်, တၢ်သးကွံအတၢ်ဖံးတၢ်မၤတဖၣ်အဃိန့ၣ်လီၤ.

လံာ်လီၣ်ဖျါ 17:2

ဟီၣ်ခိၣ်အစီၤပၤတဖၣ်မၤကမၣ်မုၣ်ကမၣ်ခွါဒီးအီၤ, ဒီးပှၤဟီၣ်ခိၣ်ဖိတဖၣ်အီမူၤအသးလၢစပံးထံဘၣ်ဃးဒီး အဝဲအလုၢ်အၢလၢ်သီန့ၣ်လီၤ.”

လံာ်လီၣ်ဖျါ 18:3

အဂ့ၢ်ဒ်အံၤ, ထံကီၢ်ကိးဘ့ၣ်ဒဲးအီတ့ၢ်အဝဲဒၣ်အစပံးထံ, စပံးထံလၢအဆူၣ်ဝဲ, စပံးထံလၢအဘၣ်ဃးဒီးအဝဲအတၢ်ကလုာ်ကလိၤအလုၢ် အၢလၢ်သီန့ၣ်လီၤ. ဟီၣ်ခိၣ်ဒီဘ့ၣ်အစီၤပၤတဖၣ်မၤကမၣ်မုၣ် ကမၣ်ခွါဒီးအီၤဒီးဟီၣ်ခိၣ်အပှၤပနံာ်တၢ်ကၤတၢ်ဖိတဖၣ် ထူးထီၣ်တီၤထီၣ်ဝဲဒၣ်ခီဖျိအဝဲအတၢ်ကလုာ်ကလိၤလၢ အတပၢၤဃာ်ဝဲဘၣ်အဃိန့ၣ်လီၤ.”

လံာ်လီၣ်ဖျါ 18:9

ဟီၣ်ခိၣ်အစီၤပၤလၢအမၤသကိးဝဲအလုၢ်အၢလၢ်သီအတၢ်မၤဒီး အတၢ်ကလုာ်ကလိၤတဖၣ်န့ၣ်, ကဟီၣ်ပသူပသီလၢဝ့ၢ်တဖျၢၣ်အံၤ အဃိ, ဖဲအဝဲသ့ၣ်ထံၣ်ဘၣ်မ့ၣ်အူလၣ်လၢအအီၣ်ကွံာ်အီၤန့ၣ် အလုၢ်ခုၣ်ထီၣ်လီၤ.

လံာ်လီၣ်ဖျါ 2:5

နလီၤဃံၤတ့ၢ်လံနဲဆံးအါလဲၣ်န့ၣ်ကွၢ်ဆိကမိၣ်တက့ၢ်. ဃၣ်ကွံာ်လၢနတၢ်ဒဲးဘးဒီးမၤတၢ်လၢနမၤတ့ၢ်လံနဲလၢ အပူၤကွံာ်န့ၣ်တက့ၢ်. နမ့ၢ်တဃၣ်ကွံာ်လၢနတၢ်ဒဲးဘးဒီးပီၢ်ယၢ်လီၤက့ၤနသးဘၣ်န့ၣ်, ယကဟဲဆူနအိၣ်ဒီးထုးထီၣ်ကွံာ်မ့ၣ်အူဒၢလၢအလီၢ်န့ၣ်လီၤ.