လံာ်လီၣ်ဖျါ 2:21 - Sgaw Karen Common Bible

²¹ ယဟ့ၣ်တ့ၢ်လံအီၤတၢ်ဆၢကတီၢ်လၢအကပီၢ်ယၢ်လီၤအသးလၢ အတၢ်ဒဲးဘးတဖၣ်အဂီၢ်, ဘၣ်ဆၣ်ဒီးအဝဲအသးတအိၣ်ဃၣ်ကွံာ် အသးလၢအတၢ်အိၣ်မူအအၢအသီန့ၣ်ဘၣ်.

လံာ်လီၣ်ဖျါ 2:21 Iomraidhean Croise

ရိမ့ၤ 9:22

ဒီးတၢ်လၢကစၢ်ယွၤမၤတ့ၢ်လံန့ၣ်မ့ၢ်တၢ်ဒ်န့ၣ်အသိးလီၤ. အဝဲသးအိၣ်ဒုးနဲၣ်အတၢ်သးထီၣ်ဒီးလီၣ်ဖျါထီၣ်အစိကမီၤ သနာ်က့, ပှၤလၢအမၤသးထီၣ်အီၤဒီးကြၢးဝဲဒီးတၢ်မၤဟးဂီၤ အီၤတဖၣ်န့ၣ်, အဝဲဝံသးစူၤဝဲသပှၢ်ပှၢ်န့ၣ်လီၤ.

၁ ပ့းတရူး 3:20

သးတဖၣ်အံၤမ့ၢ်တ့ၢ်ပှၤတဖၣ်လၢအတစူၢ်ကစၢ်ယွၤဖဲကစၢ်ယွၤ အိၣ်ခိးအဝဲသ့ၣ်လၢတၢ်သးစူၤအပူၤဖဲစီၤနိအၤဘှီထီၣ်အကဘီ အခါန့ၣ်လီၤ. ပှၤစှၤဂၤလၢကဘီပူၤ, ခဲလၢာ်ဃိးဂၤ ဘၣ်တၢ်အုၣ်က့ၤခီၣ်က့ၤအီၤလၢထံ,

၂ ပ့းတရူး 3:15

ပာ်ပကစၢ်အတၢ်ဝံသးစူၤဒ်အမ့ၢ်တၢ်ခွဲးတၢ်ယာ်လၢအဟ့ၣ် သုလၢသုကတုၤလၢတၢ်အုၣ်က့ၤခီၣ်က့ၤအဂီၢ်, ဒ်ပဒီပုၢ်ဝဲၢ်သးဘိစီၤပီလူးကွဲးန့ၢ်သုအိၣ်ဒီးတၢ်သူတၢ် ကူၣ်သ့ကူၣ်ဘၣ်လၢကစၢ်ယွၤဟ့ၣ်အီၤအသိးန့ၣ်တက့ၢ်.

၂ ပ့းတရူး 3:9

ကစၢ်တမၤယံာ်မၤနီၢ်အသးလၢတၢ်လၢအစံးပာ်တ့ၢ်ဝဲ, ဒ်ပှၤတနီၤဆိကမိၣ်ဝဲအသိးန့ၣ်ဘၣ်. မ့မ့ၢ်တခီ, အဝဲဝံသးစူၤသုမ့ၢ်လၢအတသးအိၣ်လၢပှၤကတုၤ တၢ်ဟးဂီၤနီတဂၤဘၣ်, ဒီးသးအိၣ်ဝဲပှၤခဲလၢာ်ကဃၣ်ကွံာ်အသးလၢ အတၢ်ဒဲးဘးတဖၣ်အဃိန့ၣ်လီၤ.

လံာ်လီၣ်ဖျါ 16:11

ဒီးအဝဲသ့ၣ်ဆိၣ်အၢကစၢ်ယွၤလၢမူခိၣ်, လၢအတၢ်ဆူးတၢ်ဆါ, ဒီးတၢ်ပူၤလီၢ်ပူၤကျဲတဖၣ်အဃိလီၤ. ဘၣ်ဆၣ်ဒီးအဝဲသ့ၣ်တဃၣ်ကွံာ်လၢအကျဲအအၢအသီတဖၣ် န့ၣ်ဘၣ်.

လံာ်လီၣ်ဖျါ 16:9

အဝဲသ့ၣ်ဘၣ်တၢ်မၤကိၢ်ဃိာ်အီၤလၢတၢ်ကိၢ်လၢအဆူၣ် နးမးတမံၤအံၤ, ဒီးအဝဲသ့ၣ်ဆိၣ်အၢကစၢ်ယွၤလၢအအိၣ်ဒီး တၢ်စိတၢ်ကမီၤလၢတၢ်သံသတြိာ်တဖၣ်အံၤအလိၤတဂၤန့ၣ် အမံၤလီၤ. ဒီးအဝဲသ့ၣ်တဃၣ်ကွံာ်လၢအတၢ်ဒဲးဘးတဖၣ်ဒီး တစံးထီၣ်ပတြၢၤကစၢ်ယွၤအတၢ်ဒိၣ်တၢ်မုၢ်န့ၣ်ဘၣ်.