လံာ်လီၣ်ဖျါ 2:18 - Sgaw Karen Common Bible

¹⁸ ဆူဝ့ၢ်သူၤအတံရၤတၢ်အိၣ်ဖှိၣ်အကလူးအအိၣ်န့ၣ်ကွဲးနဲဒ်အံၤ “အဝဲအံၤမ့ၢ်တၢ်ကစီၣ်ဟဲလၢကစၢ်ယွၤအဖိခွါ, လၢအမဲာ်ချံတဖၣ်ကဲၤကပီၤဝဲဒ်မ့ၣ်အူအသိး, လၢအခီၣ်လၣ်တဖၣ်ကပြုၢ်ကပြီၤဝဲဒ်တိၢ်ဘီလၢအဘၣ် တၢ်ထူးဘျ့ကတြ့ၣ်အီၤအသိးအအိၣ်န့ၣ်လီၤ.

လံာ်လီၣ်ဖျါ 2:18 Iomraidhean Croise

စံးထီၣ်ပတြၢၤ 2:7

စီၤပၤစံးဝဲ, “ယကစံးကတိၤ ယွၤအတၢ်မၤလိာ်န့ၣ်လီၤ. အဝဲစံးဘၣ်ယၤ, နဲဒၣ်အံၤနမ့ၢ်ယဖိခွါ, မုၢ်မဆါတနံၤအံၤယကဲထီၣ်နပၢ်လံ.

လံာ်ဒၤနံးယ့လး 10:6

အနီၢ်ခိကပီၤဒ်တၢ်မျၢ်အသိးလီၤ. အမဲာ်သၣ်ကပြုၢ်ကပြီၤ ဝဲဒ်လီဝၢ်ဒံးတခါအသိး, ဒီးအမဲာ်ချံတဖၣ်ကဲၤက ပျီၤဒ်မ့ၣ်အူအသိးလီၤ. အစုဒုၣ်တဖၣ်ဒီးအခီၣ် တဖၣ်ကပီၤဝဲဒ်တိၢ်ဘီထူးကပီၤသးအသိး, ဒီးအကလုၢ်သီၣ်ဒ်ပှၤ ဂီၢ်မုၢ်ဖးဒိၣ်သီၣ်တထြုးထီၣ်အသိးန့ၣ်လီၤ.

လံာ်မးသဲ 17:5

ဖဲအဝဲကတိၤဒံးတၢ်အဖၢမုၢ်န့ၣ်, တၢ်အၢၣ်လၢအကပီၤတလိၣ်ဟဲလီၤကဒုဘၣ်အဝဲသ့ၣ်, ဒီးတၢ်ကလုၢ်သီၣ်ထီၣ်လၢတၢ်အၢၣ်အပူၤဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤ, ဒီးဘၣ်ယသးလၢအီၤဒိၣ်မးလီၤ. ကနၣ်အကလုၢ်တက့ၢ်.”

လံာ်မးသဲ 27:54

တုၤသုးခိၣ်တဂၤဃုာ်ဒီးအသုးဖိလၢအအိၣ်ခိးကွၢ်ယ့ၣ်ၡူးတဖၣ်, ထံၣ်ဟီၣ်ခိၣ်ဟူးဒီးတၢ်ခဲလၢာ်လၢအမၤအသးတဖၣ်န့ၣ်, အဝဲသ့ၣ်အသူၣ်ပျံၤအသးဖုးဒီးစံး, “ပှၤအဝဲအံၤ မ့ၢ်နီၢ်နီၢ်ကစၢ်ယွၤအဖိခွါလီၤ.”

လံာ်မးသဲ 3:17

အန့ၣ်ဒီး တၢ်အကလုၢ်သီၣ်ထီၣ်လၢမူခိၣ်ဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤဒီးဘၣ်သူၣ်ဘၣ် သးယၤဒိၣ်မးတဂၤလီၤ.”

လံာ်လူၤကၣ် 1:35

ကလူးစံးဆၢတၢ်ဒီးစံးဝဲ, “သးစီဆှံကဟဲလီၤလၢနလိၤဒီး ကစၢ်ယွၤအစိကမီၤအကဒုကလီၤဘၣ်နၤလီၤ. လၢတၢ်ဂ့ၢ်တမံၤအံၤအဃိ, ဖိသၣ်စီဆှံတဂၤန့ၣ်ကဘၣ်တၢ်ကိးအီၤလၢကစၢ်ယွၤအဖိခွါန့ၣ်လီၤ.

လံာ်ယိၤဟၣ် 1:14

တၢ်ကလုၢ်န့ၣ်ကဲထီၣ်ပှၤကညီ, ဒီးလၢပှဲၤဝဲဒီးတၢ်ဘျုးတၢ်ဖှိၣ် ဒီးတၢ်မ့ၢ်တၢ်တီဒီးအိၣ်ဝဲဆိးဝဲလၢပကျါန့ၣ်လီၤ. ဒီးပထံၣ်ဘၣ်အလၤကပီၤလၢအဒိးန့ၢ်ဝဲဒ်ပၢ်အဖိခွါတဂၤဃီ အသိးန့ၣ်လီၤ.

လံာ်ယိၤဟၣ် 1:49

စီၤနၤသန့လးစံးဆၢတၢ်ဒီးစံးဝဲ, “သရၣ်ဧၢ, နဲဒၣ်အံၤနမ့ၢ်ကစၢ်ယွၤ အဖိခွါ, နမ့ၢ်အံၣ်စရ့လးအစီၤပၤန့ၣ်လီၤ.”

လံာ်ယိၤဟၣ် 10:36

မ့ၢ်သုကစံးလၢယၤ, ပှၤလၢပၢ်ဃုထၢဒီးမၢလီၤဆူဟီၣ်ခိၣ်တဂၤ အံၤကတိၤဒုၣ်ဒွဲၣ်စံးအၢယွၤ, မ့ၢ်လၢယစံး, ‘ယဲဒၣ်အံၤယမ့ၢ် ကစၢ်ယွၤအဖိခွါ’ အဃိန့ၣ်ဧါ.

လံာ်ယိၤဟၣ် 3:16

အဂ့ၢ်ဒ်အံၤ, ကစၢ်ယွၤအဲၣ်ပှၤဟီၣ်ခိၣ်ဖိ တုၤအဟ့ၣ်လီၤကွံာ်အဖိခွါအိၣ်တဂၤဃီ, ဒ်သိးကယဲၢ်ပှၤလၢအစူၢ်က့ၤနာ်က့ၤအီၤတဂၤ လၢ်လၢ်န့ၣ်, အသုတဟးဂီၤတဂ့ၤဒီးကန့ၢ်ဘၣ်တၢ်မူ အထူအယိာ်န့ၣ်လီၤ.

လံာ်ယိၤဟၣ် 3:18

ပှၤလၢအစူၢ်က့ၤနာ်က့ၤအီၤန့ၣ်ယွၤတစံၣ်ညီၣ်အီၤဘၣ်. မ့မ့ၢ်ပှၤလၢအတစူၢ်တနာ်အီၤန့ၣ်ယွၤစံၣ်ညီၣ်တ့ၢ်လံ အီၤမ့ၢ်လၢအဝဲတစူၢ်တနာ်ဘၣ်ယွၤအဖိခွါထဲတဂၤဧိၤ အဃိလီၤ.

လံာ်ယိၤဟၣ် 5:25

ယစံးဘၣ်တဲဘၣ်သုတၢ်မ့ၢ်တၢ်တီလၢအဆၢကတီၢ်ကဘၣ်ဝဲ, ဒီးဘၣ်လံခဲကနံၣ်အံၤလၢပှၤအသံတဖၣ်ကနၢ်ဟူကစၢ်ယွၤ အဖိခွါအကလုၢ်, ဒီးပှၤလၢအနၢ်ဟူတဖၣ်န့ၣ်ကမူထီၣ်ဝဲလီၤ.

မၤတၢ် 16:14

ပိာ်မုၣ်လၢအဒိကနၣ်ပတၢ်စံးတၢ်ကတိၤအကျါတဂၤမ့ၢ်ဝဲနီၢ် လူၤဒံဘၣ်ဃးဒီးဝ့ၢ်သူၤအတံရၤ, လၢအဆါတၢ်ကံးယာ်လုးတကုာ်လုၢ်ဒိၣ်ပှ့ၤဒိၣ်တဖၣ်န့ၣ်လီၤ. အဝဲဒၣ်မ့ၢ်ပှၤလၢအဘူၣ်ထူဘါယွၤ, ဒီးကစၢ်ယွၤအိးထီၣ်အသးဒ်သိးအကတူၢ်လိာ်တၢ်လၢစီၤ ပီလူးစံးကတိၤဝဲန့ၣ်လီၤ.

မၤတၢ် 8:36

ဒီးဖဲအလဲၤကဒီးဆူညါအဖၢမုၢ်န့ၣ်, အဝဲသ့ၣ်တုၤဃီၤဝဲဒၣ်လၢထံအိၣ်အလီၢ်တတီၤ, ဒီးပဒိၣ်န့ၣ်စံးဝဲ, “ထံအိၣ်ဖဲအံၤလီၤ. ယမ့ၢ်အဲၣ်ဒိးဒိးဘျၢယသးလၢထံဒီး, တၢ်လၢကတြီယကျဲမ့ၢ်အအိၣ်တမံၤမံၤဧါ.”

ရိမ့ၤ 1:4

မ့မ့ၢ်ယွၤအတၢ်စီတၢ်ဆှံလၢအအိၣ်လၢအပူၤန့ၣ်, ပာ်ဖျါထီၣ်အီၤဒ်အမ့ၢ်ကစၢ်ယွၤအဖိခွါအိၣ်ဒီးတၢ်စိတၢ် ကမီၤဖးဒိၣ်, ခီဖျိတၢ်ဒုးဂဲၤဆၢထၢၣ်က့ၤအီၤလၢတၢ်သံ အပူၤန့ၣ်လီၤ.

ရိမ့ၤ 8:32

အဝဲတဟံးဃာ်က့ၤအဖိခွါဒၣ်ဝဲဒၣ်လဲာ်ဘၣ်, မ့မ့ၢ်လုၢ်ထီၣ် အီၤဒ်တၢ်လုၢ်အသိးလၢပဝဲခဲလၢာ်အဂီၢ်န့ၣ်လီၤ. အဝဲဒၣ်ဟ့ၣ်လီၤပှၤအဖိခွါဒၣ်ဝဲလံသတးဒီး, မ့ၢ်အတဟ့ၣ်ကလီစ့ၢ်ကီးပှၤလၢတၢ်အဂၤခဲလၢာ်န့ၣ်ဘၣ်ဧါ.

လံာ်လီၣ်ဖျါ 1:11

တၢ်အကလုၢ်န့ၣ်စံးဝဲ, “ကွဲးလီၤတၢ်လၢနထံၣ်ဘၣ်နဲ, လၢလံာ်တဘ့ၣ်အပူၤ, ဒီးဆှၢလီၤလံာ်အဝဲန့ၣ်ဆူတၢ်အိၣ်ဖှိၣ် တဖၣ်လၢဝ့ၢ်နွံဖျၢၣ်အံၤ, ဝ့ၢ်အ့းဖ့းစူး, ဝ့ၢ်စမူရနၤ, ဝ့ၢ်ပ့ၢ်ကမူး, ဝ့ၢ်သူၤအတံရၤ, ဝ့ၢ်စၢ်ဒံ, ဝ့ၢ်ဖံၤလဒ့းလဖံ, ဒီးဝ့ၢ်လီၤဒံၤကံ, အပူၤန့ၣ်တက့ၢ်.”

လံာ်လီၣ်ဖျါ 2:1

ဆူအ့းဖ့းစူးတၢ်အိၣ်ဖှိၣ်အကလူးအအိၣ်န့ၣ်ကွဲးနဲဒ်အံၤ, “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအဟံးဃာ်ဆၣ်နွံ ဖျၢၣ်လၢအစုထွဲပူၤ, ဒီးဟးဝဲလၢမ့ၣ်အူဒၢထူနွံဖျၢၣ်အသိး အကျါတဂၤအအိၣ်န့ၣ်လီၤ.

လံာ်လီၣ်ဖျါ 2:24

မ့မ့ၢ်သုဝဲလၢဝ့ၢ်သူၤအတံရၤအပူၤအဂၤတဖၣ်သုတပိာ် ထွဲတၢ်သိၣ်လီၤသီလီၤအအၢအသီတမံၤအံၤဘၣ်, သုတမၤလိနၢ်ပၢၢ်ဘၣ်ဃးတၢ်တမံၤလၢပှၤအဂၤတဖၣ် ကိးလၢ ‘မုၣ်ကီၤလံၢ်အတၢ်ခူသူၣ်အဒိၣ်အယိာ်တဖၣ်’ န့ၣ်ဘၣ်. သုဝဲတဖၣ်န့ၣ်ယစံးဘၣ်သုလၢယတပာ်ထီၣ်တၢ်ဝံ တၢ်ယိးအဂၤလၢသုလိၤနီတမံၤဘၣ်.