လံာ်လီၣ်ဖျါ 19:9 - Sgaw Karen Common Bible

⁹ တုၤနုၤတစုကလူးန့ၣ်စံးဘၣ်ယၤ, “ကွဲးလီၤတၢ်အဝဲအံၤတက့ၢ်. ပှၤတဖၣ်လၢအဘၣ်တၢ်ကွဲတ့ၢ်လံအီၤဆူသိဖိအတၢ်တ့တၢ်ဖျီ အမူးပူၤန့ၣ်ဘၣ်ဆိၣ်ဂ့ၤဝဲဒၣ်လီၤ.” ဒီးကလူးန့ၣ်တဲအါထီၣ်ဝဲ, “တၢ်သ့ၣ်တဖၣ်အံၤမ့ၢ်ဝဲကစၢ်ယွၤအကလုၢ်ကထါအမ့ၢ်အတီ တဖၣ်လီၤ.”

လံာ်လီၣ်ဖျါ 19:9 Iomraidhean Croise

လံာ်ယၡါယၤ 8:1

ယွၤစံးဘၣ်ယၤ, “ဟံးန့ၢ်တၢ်ဘ့ၣ်ဘၣ်ဖးလဲၢ်တဘ့ၣ်ဒီးကွဲးလီၤတၢ် လၢအပူၤလၢလံာ်မဲာ်ဖျၢၣ်ဖးဒိၣ်တဖၣ်, “မဟၢ်ၡလးဃၤၡဘ,” လၢအခီပညီမ့ၢ်ဝဲ, “ဂုာ်ဆူၣ်ပျီဆူၣ်ချ့ချ့, ဂုာ်မၤဟးဂီၤချ့ချ့,” န့ၣ်တက့ၢ်.

လံာ်ဃဘးကူာ် 2:2

ဒီးယွၤဟ့ၣ်တ့ၢ်ယၤတၢ်စံးဆၢဒ်အံၤ, “တၢ်လၢယဒုးထံၣ်နၤန့ၣ် ကွဲးအီၤဖျါဖျါလၢလၢၢ်ဘ့ၣ်ဘၣ်တဖၣ်အလိၤ, ဒ်သိးတၢ်ဖးအီၤကသ့ညီညီအဂီၢ်တက့ၢ်.

လံာ်လူၤကၣ် 22:16

အဂ့ၢ်ဒ်အံၤ, ယစံးဘၣ်တဲဘၣ်သု, တချုးဘူၣ်လဲၤကပာ်အတၢ်အီၣ်အဝဲအံၤ ဘၣ်တၢ်ပာ်ဖျါထီၣ်အခီပညီလၢလၢပှဲၤပှဲၤလၢကစၢ်ယွၤအဘီအမုၢ် အပူၤဒံးဘၣ်န့ၣ်, ယတအီၣ်လၢၤအီၤနီတစုဘၣ်.”

၁ တံၤမသ့း 1:15

အအံၤမ့ၢ်တၢ်ကတိၤအမ့ၢ်အတီလၢပှၤဂ့ၤတူၢ်လိာ်ဒီးနာ် အီၤလၢာ်လၢာ်ဆ့ဆ့, လၢယ့ၣ်ၡူးခရံာ်ဟဲလီၤဆူဟီၣ်ခိၣ်ချၢဒ်သိးအကအုၣ်က့ၤ ခီၣ်က့ၤပှၤတၢ်ဒဲးဘးဖိတဖၣ်လၢယမ့ၢ်အဒိၣ်ကတၢၢ်တဂၤ န့ၣ်လီၤ.

၁ တံၤမသ့း 4:9

တၢ်ကတိၤတထံၣ်အံၤမ့ၢ်ဝဲတီဝဲဒီးကြၢးဘၣ်တၢ်တူၢ်လိာ် အီၤဒီးနာ်အီၤလၢပှၤခဲလၢာ်န့ၣ်လီၤ.

၂ တံၤမသ့း 2:11

တၢ်အံၤမ့ၢ်တၢ်ကတိၤအမ့ၢ်အတီလီၤ. “ပမ့ၢ်သံဃုာ်လံဒီးအီၤဒီး, ပကမူဃုာ်ဒီးအီၤစ့ၢ်ကီးလီၤ.

တံတူး 3:8

တၢ်အံၤမ့ၢ်တၢ်ကတိၤအမ့ၢ်အတီလီၤ. ယသးအိၣ်လၢနကတိာ်သူၣ်ပာ်သးလီၤဆီဒၣ်တၢ်လၢတၢ်ဂ့ၢ် တဖၣ်အံၤ, ဒ်သိးဒီးပှၤလၢအစူၢ်က့ၤနာ်က့ၤကစၢ်ယွၤတဖၣ် ကပာ်သူၣ်ပာ်သးဘၣ်ဃးတၢ်ဟ့ၣ်လီၤအသးလၢတၢ်မၤဂ့ၤ တဖၣ်, လၢအဂ့ၤဒီးကဲဘျုးလၢပှၤကိးဂၤဒဲးအဂီၢ်န့ၣ်လီၤ.

လံာ်လီၣ်ဖျါ 1:1

လံာ်တဘ့ၣ်အံၤမ့ၢ်ဝဲဒၣ်တၢ်ကွဲးနီၣ်ဘၣ်ဃးတၢ်ဂ့ၢ်တၢ်ကျိၤ လၢယ့ၣ်ၡူးခရံာ်လီၣ်ဖျါထီၣ်ဝဲတဖၣ်လီၤ. ကစၢ်ယွၤဟ့ၣ်အီၤတၢ်လီၣ်ဖျါအဝဲအံၤဒ်သိးအကဒုးနဲၣ်အခ့အပှၤ တဖၣ်လၢတၢ်လၢအကဘၣ်မၤအသးဘူးတ့ၢ်မးလံ တဖၣ်န့ၣ်လီၤ. ခရံာ်ဒုးသ့ၣ်ညါအခ့အပှၤစီၤယိၤဟၣ်လၢ တၢ်ဂ့ၢ်သ့ၣ်တဖၣ်အံၤခီဖျိအဆှၢလီၤအမူခိၣ်ကလူး ဆူအဝဲဒၣ်အအိၣ်,

လံာ်လီၣ်ဖျါ 1:19

ခဲကနံၣ်အံၤ, ကွဲးလီၤတၢ်သ့ၣ်တဖၣ်လၢနထံၣ်ဘၣ်နဲ, တၢ်လၢအမၤအသးခဲကနံၣ်အံၤ, ဒီးတၢ်လၢအကမၤအသးလၢခံ တဖၣ်န့ၣ်တက့ၢ်.

လံာ်လီၣ်ဖျါ 10:4

လီသီၣ်နွံဘီဟ့ၣ်တၢ်စံးဆၢတဘျီဃီ, ယသါကကွဲးလီၤတၢ်လီၤ. ဘၣ်ဆၣ်, ယနၢ်ဟူတၢ်ကလုၢ်သီၣ်ထီၣ်လၢမူခိၣ်ဒီးစံးဝဲ, “ပာ်ခူသူၣ်တၢ်လၢလီသီၣ်နွံဘီစံးတ့ၢ်ဝဲန့ၣ်တက့ၢ်, တဘၣ်ကွဲးလီၤအီၤတဂ့ၤ.”

လံာ်လီၣ်ဖျါ 14:13

အန့ၣ်ဝံၤဒီး, ယနၢ်ဟူတၢ်ကလုၢ်သီၣ်လၢမူခိၣ်ဒီးစံးဝဲ, “ကွဲးတၢ်ဒ်အံၤတက့ၢ်. ပှၤသ့ၣ်တဖၣ်လၢစးထီၣ်ခဲအံၤဒီးဆူညါသံဝဲလၢတၢ်မၤ ကစၢ်အတၢ်မၤအပူၤန့ၣ်, ဘၣ်ဆိၣ်ဂ့ၤဝဲလီၤ.” ယွၤအသးစံးဆၢဝဲ, “မ့ၢ်သပှၢ်ကတၢၢ်လီၤ. အဝဲသ့ၣ်ကမုာ်လၤလၢတၢ်အိၣ်ဘှံးက့ၤလၢ အတၢ်ဖံးတၢ်မၤအဆူၣ်အကိၤန့ၣ်လီၤ. အဂ့ၢ်ဒ်အံၤ, အဝဲသ့ၣ်အတၢ်ဖံးတၢ်မၤအဘျုးအဖှိၣ်တဖၣ်ကပိာ်ထွဲအဝဲသ့ၣ် အခံန့ၣ်လီၤ.”

လံာ်လီၣ်ဖျါ 17:1

တုၤနုၤတစု, ကလူးနွံဂၤလၢအအိၣ်ဒီးသလၢနွံဖျၢၣ်န့ၣ် အကျါတဂၤဟဲဆူယအိၣ်ဒီးစံးဝဲ, “ဟဲ, ဒီးယကဒုးနဲၣ်နၤလၢဃဲသဲမုၣ်မံၤဟူသၣ်ဖျါတဂၤ, ဝ့ၢ်ဖးဒိၣ်တဖျၢၣ်လၢအဘၣ်တၢ်သူၣ်ထီၣ်အီၤဘူးဒီးထံကျိအါဘိန့ၣ်လီၤ. ကဘၣ်တၢ်စံၣ်ညီၣ်အီၤဒ်လဲၣ်န့ၣ်လီၤ.

လံာ်လီၣ်ဖျါ 17:17

အဂ့ၢ်ဒ်အံၤ, ကစၢ်ယွၤပာ်လံတၢ်သးဆူၣ်မၤလၢမၤပှဲၤအဝဲဒၣ်အတၢ်တိာ်ပာ်ခီဖျိအမၤ သကိးတၢ်တပူၤဃီလၢအဝဲသ့ၣ်အသးပူၤ, ဒီးဟ့ၣ်တၢ်ဒူတၢ်ဃိၤတဒုန့ၣ်အဝဲသ့ၣ် အစိကမီၤလၢအကပၢတၢ်တုၤလီၤလၢကစၢ်ယွၤကလုၢ်ကထါ ဟဲလၢထီၣ်ပှဲၤထီၣ်တစုလီၤ.

လံာ်လီၣ်ဖျါ 2:1

ဆူအ့းဖ့းစူးတၢ်အိၣ်ဖှိၣ်အကလူးအအိၣ်န့ၣ်ကွဲးနဲဒ်အံၤ, “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအဟံးဃာ်ဆၣ်နွံ ဖျၢၣ်လၢအစုထွဲပူၤ, ဒီးဟးဝဲလၢမ့ၣ်အူဒၢထူနွံဖျၢၣ်အသိး အကျါတဂၤအအိၣ်န့ၣ်လီၤ.

လံာ်လီၣ်ဖျါ 2:12

ဆူဝ့ၢ်ပ့ၢ်ကမူးတၢ်အိၣ်ဖှိၣ်အကလူးအအိၣ်န့ၣ်ကွဲးနဲဒ်အံၤ, “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအအိၣ်ဒီးနးလၢ အကနၣ်အိၣ်ခံကပၤန့ၣ်အအိၣ်လီၤ.

လံာ်လီၣ်ဖျါ 2:18

ဆူဝ့ၢ်သူၤအတံရၤတၢ်အိၣ်ဖှိၣ်အကလူးအအိၣ်န့ၣ်ကွဲးနဲဒ်အံၤ “အဝဲအံၤမ့ၢ်တၢ်ကစီၣ်ဟဲလၢကစၢ်ယွၤအဖိခွါ, လၢအမဲာ်ချံတဖၣ်ကဲၤကပီၤဝဲဒ်မ့ၣ်အူအသိး, လၢအခီၣ်လၣ်တဖၣ်ကပြုၢ်ကပြီၤဝဲဒ်တိၢ်ဘီလၢအဘၣ် တၢ်ထူးဘျ့ကတြ့ၣ်အီၤအသိးအအိၣ်န့ၣ်လီၤ.

လံာ်လီၣ်ဖျါ 2:8

ဆူဝ့ၢ်စမူရနၤတၢ်အိၣ်ဖှိၣ်အကလူးအအိၣ်န့ၣ် ကွဲးနဲဒ်အံၤ, “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအမ့ၢ်တၢ်အခီၣ်ထံး ဒီးတၢ်အကတၢၢ်အအိၣ်, ပှၤတဂၤလၢအသံတ့ၢ်, ဒီးဂဲၤဆၢထၢၣ်သမူထီၣ်က့ၤတဂၤန့ၣ်လီၤ.

လံာ်လီၣ်ဖျါ 21:5

အန့ၣ်ဝံၤအလီၢ်ခံပှၤတဂၤလၢအဆ့ၣ်နီၤလၢလီၢ်ပစိာ် အဖီခိၣ်စံးဝဲ, “ဒီးခဲကနံၣ်အံၤ ယမၤတၢ်အသီခဲလၢာ် လီၤ.” အဝဲဒၣ်စံးဘၣ်စ့ၢ်ကီးယၤ, “ကွဲးတၢ်အံၤ တက့ၢ်. အဂ့ၢ်ဒ်အံၤ တၢ်စံးတၢ်ကတိၤတဖၣ်အံၤမ့ၢ်ဝဲတီဝဲဒီး တၢ်နာ်န့ၢ်အီၤသ့ဝဲဒၣ်လီၤ.”

လံာ်လီၣ်ဖျါ 22:6

တုၤနုၤတစုကလူးန့ၣ်စံးဘၣ်ယၤ, “တၢ်ကတိၤသ့ၣ်တဖၣ် အံၤမ့ၢ်ဝဲတီဝဲဒီးဘၣ်တၢ်နာ်န့ၢ်အီၤသ့ဝဲဒၣ်လီၤ. ဒီးကစၢ်ယွၤလၢအဟ့ၣ်အသးစီဆှံဆူဝံတဖၣ်န့ၣ်, ဆှၢလီၤအကလူးဒ်သိးအကဒုးနဲၣ်အဝဲဒၣ်အခ့အပှၤတဖၣ်, တၢ်လၢအကဘၣ်မၤအသးလၢတစိၢ်ဖိအတီၢ်ပူၤန့ၣ်လီၤ.”

လံာ်လီၣ်ဖျါ 3:1

ဆူဝ့ၢ်စၢ်ဒံတၢ်အိၣ်ဖှိၣ်အကလူးအအိၣ်န့ၣ်ကွဲးနဲဒ်အံၤ, “အဝဲအံၤ မ့ၢ်တၢ်ကစီၣ်ဟဲလၢပှၤတဂၤလၢအအိၣ်ဒီးကစၢ်ယွၤ အသးနွံဖျၢၣ်, ဒီးဆၣ်နွံဖျၢၣ်အအိၣ်န့ၣ်လီၤ. နမၤတၢ်မနုၤလဲၣ်န့ၣ် ယသ့ၣ်ညါယဲလီၤ. ယသ့ၣ်ညါလၢနအိၣ်ဒီးနမံၤနသၣ်လၢ နအိၣ်မူအိၣ်ဂဲၤ, အနီၢ်နီၢ်တခီ, နသံနဲန့ၣ်လီၤ.

လံာ်လီၣ်ဖျါ 3:14

ဆူဝ့ၢ်လီၤဒံၤကံတၢ်အိၣ်ဖှိၣ်အကလူးအအိၣ်န့ၣ်ကွဲးတၢ်ဒ်အံၤ တက့ၢ်. “အဝဲအံၤမ့ၢ်တၢ်ကစီၣ်ဟဲလၢတၢ်အၤမ့ၣ်, ပှၤလၢအသးတီဒီးအုၣ်အသးတီတီလိၤလိၤတဂၤ, ပှၤလၢအမ့ၢ်ကယဲၢ်ကစၢ်ယွၤအတၢ်ဘၣ်တ့ခဲလၢာ် အခီၣ်ထံးခီၣ်ဘိအအိၣ်န့ၣ်လီၤ.

လံာ်လီၣ်ဖျါ 3:20

ဒိကနၣ်တက့ၢ်. ယအိၣ်ဆၢထၢၣ်ယဲဖဲတြဲၤအခီၣ်ထံးဒီးဒိ တကျိာ်တၢ်လီၤ. ပှၤတဂၤဂၤမ့ၢ်နၢ်ဟူယကလုၢ်ဒီးအိးထီၣ်တြဲၤန့ၣ်, ယကဟဲနုာ်လီၤလၢအဟံၣ်ပူၤဒီးအီၣ်တၢ်အီတၢ်ဒီးအီၤဒီး အဝဲဒၣ်ကအီၣ်တၢ်အီတၢ်ဒီးယၤလီၤ.

လံာ်လီၣ်ဖျါ 3:7

ဆူဝ့ၢ်ဖံၤလဒ့းလဖံတၢ်အိၣ်ဖှိၣ်အကလူးအအိၣ်န့ၣ်, ကွဲးတၢ်ဒ်အံၤတက့ၢ်. “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအစီဝဲဆှံဝဲ, ဒီးတီဝဲလိၤဝဲအအိၣ်န့ၣ်လီၤ. အဝဲဒၣ်အိၣ်ဒီးနီၣ်ဝံာ်လၢ အမ့ၢ်စီၤဒၤဝံးအတၢ်, ဒီးဖဲအဝဲဒၣ်အိးထီၣ်တြဲၤတဘ့ၣ်န့ၣ်, ပှၤကးတံာ်အီၤတန့ၢ်နီတဂၤဘၣ်, ဒီးဖဲအကးတံာ်ဝဲန့ၣ်ပှၤအိးထီၣ်အီၤတန့ၢ်နီတဂၤဘၣ်.