လံာ်လီၣ်ဖျါ 19:8 - Sgaw Karen Common Bible

⁸ အဝဲဒၣ်ဘၣ်တၢ်ဟ့ၣ်လံအီၤတၢ်ကံးယာ်အလွဲၢ်ဝါလၢအကဆှီ, ဒီးကပြုၢ်ကပြီၤ, လၢအကကူဝဲသိးဝဲအဂီၢ်လီၤ.” (တၢ်ကံးယာ် အလွဲၢ်အဝါန့ၣ်, မ့ၢ်ဝဲကစၢ်ယွၤအပှၤဂီၢ်မုၢ်အတၢ်ဖံးတၢ်မၤအဂ့ၤ အဝါတဖၣ်လီၤ.)

လံာ်လီၣ်ဖျါ 19:8 Iomraidhean Croise

စံးထီၣ်ပတြၢၤ 132:9

မ်နပှၤလုၢ်တၢ်အခိၣ်တဖၣ် မၤတၢ်အဘၣ်ထီဘိတထံၣ်ဃီတက့ၢ်. မ်နပှၤဂီၢ်မုၢ်ကိးထီၣ်လၢ တၢ်သးခုအပူၤတက့ၢ်.

တၢ်ကတိၤဒိ. 31:22

အဝဲမၤလီၢ်မံဒါတဖၣ်ဒီးကူဝဲသိးဝဲတၢ်ကူတၢ်ကၤတဖၣ်လၢအဘၣ် တၢ်မၤအီၤလၢဘဲလုးတကုာ်အဂ့ၤကတၢၢ်န့ၣ်လီၤ.

လံာ်ယၡါယၤ 3:23

အတၢ်ကူတၢ်ကၤဘူသလါ, အစုဖီၣ်, ဒီးတၢ်ကံးယာ်တဝံာ်ကိာ်ဒီးခိၣ်ဖၢၣ် တဖၣ်လၢအခိၣ်တဖၣ်အလိၤန့ၣ်လီၤ.

လံာ်ယၡါယၤ 61:10

ဝ့ၢ်ယရူၤၡလ့ၣ်သူၣ်ဖှံသးညီမ့ၢ်လၢတၢ်လၢ ယွၤမၤတ့ၢ်လံဝဲအဃိလီၤ. အဝဲလီၤဂာ်ဒီးတလးမူးပိာ်မုၣ်တဂၤလၢအကယၢကယဲထီၣ် လံအသးလၢအတၢ်တ့တၢ်ဖျီအဂီၢ်လီၤ. ကစၢ်ယွၤဒုးကူထီၣ်သိးထီၣ်အီၤလၢတၢ်အုၣ်က့ၤခီၣ်က့ၤဒီး တၢ်မၤနၢၤလီၤ.

လံာ်ယဃ့းစက့လး 16:10

ယဒုးကူဒုးသိးထီၣ်နၤလၢဆ့ကၤဆးဒဲးကံၣ်ဒဲးဝ့ၤအသးတဘ့ၣ် ဒီးဟ့ၣ်လီၤနၤခီၣ်ဖံးလၢအဘၣ်တၢ်မၤအီၤလၢတၢ်ဖံးအဂ့ၤကတၢၢ်, ခိၣ်ကျီၤဖှီဝါကဆှၣ်တခါ, ဒီးဆ့ကၤဖးဒိၣ်သတိၢ်တဘ့ၣ်န့ၣ်လီၤ.

လံာ်ယဃ့းစက့လး 44:17

တုၤအဝဲသ့ၣ်လဲၤနုာ်ဆူယွၤအတၢ်လုၢ်ဟံၣ် အဂၢၤလၢတၢ်အိပူၤအကျဲစၢၤကျိၤထံးန့ၣ် အဝဲသ့ၣ်ကဘၣ်ကူထီၣ်သိးထီၣ်တၢ်ကံးညၣ် ဖှီဝါကဆှၣ်န့ၣ်လီၤ. ဖဲအဝဲသ့ၣ်မၤအတၢ်မၤ လၢတၢ်လုၢ်ဟံၣ်အဂၢၤလၢတၢ်အိပူၤအခါမ့ၢ်ဂ့ၤ, လၢယွၤအတၢ်လုၢ်ဟံၣ်အပူၤအခါမ့ၢ်ဂ့ၤန့ၣ်, အဝဲသ့ၣ်တဘၣ်ကူသိးတၢ်လၢအဘၣ်တၢ်မၤအီၤလၢ သိဆူၣ်နီတမံၤဘၣ်.

လံာ်မးသဲ 17:2

ဒီးအက့ၢ်အဂီၤလဲလိာ်အသးလၢအဝဲသ့ၣ်အမဲာ်ညါ, ဒီးအမဲာ်သၣ်ကပီၤဝဲဒ်မုၢ်အသိး, ဒီးအဆ့ကၤဝါဝဲဒ်တၢ်ကပီၤအသိးလီၤ.

လံာ်မးသဲ 22:12

ဒီးစီၤပၤစံးဘၣ်အီၤ, ‘တံၤသကိးဧၢ, နတကူသိးမူးအကူအသိးဘၣ်ဒီး, နဟဲနုာ်သ့ဒ်လဲၣ်.’ ဒီးအဝဲတစံးဆၢတၢ်နီတမံၤဘၣ်.

လံာ်မၢ်ကူး 9:3

အဝဲအတၢ်ကူတၢ်ကၤတဖၣ်ဝါထီၣ်ကပြုၢ်ကပြီၤဝဲ, အါန့ၢ်ဒံးပှၤဆှုၣ်တၢ်ဖိလၢအဆှုၣ်တၢ်ဝါကတၢၢ်လၢဟီၣ်ခိၣ် ချၢမၤဝဲသ့တက့ၢ်န့ၣ်လီၤ.

လံာ်လူၤကၣ် 24:4

ဖဲအဝဲသ့ၣ်အိၣ်ဆၢထၢၣ်ဖဲန့ၣ်ဒီးကမၢကမၣ်ဝဲလၢတၢ်တမံၤအံၤအဂ့ၢ်န့ၣ်, သတူၢ်ကလာ်ပှၤခံဂၤကူသိးတၢ်ကူတၢ်ကၤကပြုၢ်ကပြီၤ ဆၢထၢၣ်လၢအဝဲသ့ၣ်အဃၢၤလီၤ.

မၤတၢ် 1:10

ဖဲအဝဲသ့ၣ်ကွၢ်စူၣ်ဒံးတၢ်ဆူမူခိၣ်အကတီၢ်န့ၣ်, သတူၢ်ကလာ်ပှၤခံဂၤကူသိးတၢ်အဝါဟဲအိၣ်ဆၢ ထၢၣ်ဖဲအဝဲသ့ၣ်အကပၤ

ရိမ့ၤ 13:14

မ့မ့ၢ်ဟံးထီၣ်ကစၢ်ယ့ၣ်ၡူးခရံာ်အစုကဝဲၤတဖၣ်ဒီးဆိ ကတီၢ်သုတၢ်မၤမံသူၣ်မံသးလီၤက့ၤသုနီၢ်ခိဒီးအတၢ် မိၣ်န့ၢ်သးလီတဖၣ်န့ၣ်တက့ၢ်.

ရိမ့ၤ 3:22

ကစၢ်ယွၤပာ်တီပာ်လိၤပှၤဟီၣ်ခိၣ်ဖိခီဖျိအဝဲသ့ၣ်အတၢ်စူၢ်တၢ်နာ် ယ့ၣ်ၡူးခရံာ်န့ၣ်လီၤ. ကစၢ်ယွၤမၤတၢ်အံၤလၢပှၤလၢအစူၢ်က့ၤနာ်က့ၤခရံာ်ကိးဂၤဒဲးအဂီၢ်, မ့ၢ်လၢတၢ်လီၤဆီတအိၣ်ဘၣ်လၢပှၤယူဒၤဖိဒီးပှၤကလုာ်ဂၤ တဖၣ်အဘၢၣ်စၢၤအဃိလီၤ.

လံာ်လီၣ်ဖျါ 15:4

မတၤကအိၣ်ဝဲတဂၤလၢအတပျံၤ ဒီးတယူးယီၣ်နၤန့ၣ်လဲၣ်, ကစၢ်ယွၤဧၢ. မတၤတဂၤကဂ့ၢ်လိာ်လၢအကဘိးဘၣ်သ့ၣ်ညါ ဒီးတဲဖျါထီၣ်နတၢ်ဒိၣ်တၢ်မုၢ်အဂ့ၢ်န့ၣ်လဲၣ်. ထဲနၤတဂၤဧိၤ နစီဝဲဆှံဝဲလီၤ. ကယဲၢ်ထံဧိၤကီၢ်ဧိၤတဖၣ် ကဟဲဝဲဒီးဘူၣ်ထီၣ်ဘါထီၣ်နၤ, အဂ့ၢ်မ့ၢ်လၢနတၢ်ဖံးတၢ်မၤအတီအလိၤတဖၣ်ဘၣ်တၢ်ထံၣ် အီၤလၢပှၤကိးဂၤဒဲးအဃိန့ၣ်လီၤ.”

လံာ်လီၣ်ဖျါ 15:6

ကလူးနွံဂၤလၢအအိၣ်ဒီးတၢ်နးတၢ်ဖှီၣ်နွံမံၤန့ၣ်, ဟဲထီၣ်လၢ တၢ်လုၢ်ဟံၣ်အပူၤ, ကူဝဲသိးဝဲလၢဖှီဝါကဆှၣ်လၢအကဆှီဒီး ကတြ့ၣ်ကတြိၣ်, ဒီးကံၢ်တူာ်အသးနါပှၢ်လၢတၢ်အကွီၤထူ တဖၣ်န့ၣ်လီၤ.

လံာ်လီၣ်ဖျါ 19:14

မူခိၣ်အသုးမုၢ်သံၣ်ဘိတဖၣ်ပိာ်အခံ, ဒီးဒိးကသ့ၣ်ဖါဝါ တဖၣ်, ဒီးကူဝဲကၤဝဲလၢတၢ်ကံးယာ်အလွဲၢ်ဝါဒီးကဆှီ တဖၣ်လီၤ.

လံာ်လီၣ်ဖျါ 3:18

လၢတၢ်န့ၣ်အဃိယဟ့ၣ်ကူၣ်နၤလၢနကပှ့ၤန့ၢ်ထူလၢယအိၣ်, ထူလၢအဘၣ်တၢ်ပှံၢ်စီအီၤ, ဒ်သိးနကထူးကတီၤအဂီၢ်လီၤ. ပှ့ၤစ့ၢ်ကီးတၢ်ကူတၢ်ကၤအဝါလၢနကကူသိးအဂီၢ်ဒ်သိးနကမၤ ဘၢနတၢ်အိၣ်ဘ့ၣ်ဆ့လၢအလီၤမဲာ်ဆှးန့ၣ်တက့ၢ်. ပှ့ၤစ့ၢ်ကီးနဲမဲာ်ချံအကသံၣ်ဒ်သိးနကဒၢနုာ်လၢနမဲာ်ချံ အပူၤလၢနကထံၣ်တၢ်အဂီၢ်န့ၣ်တက့ၢ်.