လံာ်လီၣ်ဖျါ 19:4 - Sgaw Karen Common Bible

⁴ ပှၤသူၣ်က့သးပှၢ်ခံဆံလွံၢ်ဂၤဒီးတၢ်အသးသမူအိၣ်လွံၢ်ဒုန့ၣ် ထိၣ်လီၤပှီၤအသးဒီးဘူၣ်ထီၣ်ဘါထီၣ်ကစၢ်ယွၤလၢ အဆ့ၣ်နီၤအိၣ်လၢလီၢ်ပစိာ်အဖီခိၣ်န့ၣ်လီၤ. အဝဲသ့ၣ်စံးဝဲ, “အၤမ့ၣ်. စံးထီၣ်ပတြၢၤကစၢ်ယွၤတက့ၢ်.”

လံာ်လီၣ်ဖျါ 19:4 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 16:36

စံးထီၣ်ပတြၢၤယွၤ, အံၣ်စရ့လးအကစၢ်ယွၤန့ၣ်တက့ၢ်. စံးထီၣ်ပတြၢၤအီၤခဲအံၤဒီးလီၤစိၤလီၤထီန့ၣ်တက့ၢ်. ဒီးပှၤဂီၢ်မုၢ်ခဲလၢာ်စံးဝဲ, “အၤမ့ၣ်” ဒီးစံးထီၣ်ပတြၢၤယွၤလီၤ.

လံာ်စီၤနဃ့မယၤ 5:13

ဒီးယထုးထီၣ်ယကူယသိးလၢယကူအီၤလၢယယီၢ်ဒ့ဒီးတြုၤအီၤန့ၣ် လီၤ. ဒီးယစံး “အအံၤကစၢ်ယွၤကတြုၤသု ဒ်သိးအံၤလၢပှၤလၢအတပၢၤဃးအတၢ်အၢၣ်လီၤဘၣ်န့ၣ်လီၤ. ကစၢ်ယွၤကဟံးထီၣ်ကွံာ်သုဟံၣ်သုဃီတဖၣ်ဒီးကယဲၢ်တၢ်အိၣ်ဒီး သုခဲလၢာ်, ဒီးတပာ်တီၢ်န့ၢ်သုတၢ်နီတမံၤလၢၤဘၣ်န့ၣ်လီၤ.” ဒီးပှၤအိၣ်ဝဲဖဲန့ၣ်ခဲလၢာ်စံးဝဲ, “အၤမ့ၣ်” ဒီးစံးထီၣ်ပတြၢၤယွၤလီၤ. ဒီးပှၤခိၣ်ပှၤနၢ်တဖၣ်ပၢၤဃးအတၢ်အၢၣ်လီၤန့ၣ်လီၤ.

လံာ်စီၤနဃ့မယၤ 8:6

စီၤဧ့စြၤစံးဝဲဒၣ်, “စံးထီၣ်ပတြၢၤယွၤ, ကစၢ်ဖးဒိၣ်န့ၣ်တက့ၢ်.” ဒီးကယဲၢ်ပှၤဂီၢ်မုၢ်ခဲလၢာ်ယူာ်ထီၣ်အစုဆူထးခီဒီးစံးဆၢဝဲ, “အၤမ့ၣ်, အၤမ့ၣ်” န့ၣ်လီၤ. ဒီးအဝဲသ့ၣ်ချံးခီၣ်တီၤလီၤလၢတၢ်ဘူၣ်ထီၣ်ဘါထီၣ်အပူၤအိၣ် ဒီးအမဲာ်သၣ်အိၣ်ကျးလီၤအသးလၢဟီၣ်ခိၣ်လိၤန့ၣ်လီၤ.

စံးထီၣ်ပတြၢၤ 104:35

မ်ပှၤတၢ်ဒဲးဘးဖိတဖၣ်ကလၢာ်ကွံာ်ဝဲလၢ ဟီၣ်ခိၣ်ချၢတက့ၢ်. ဒီးမ်ပှၤတတီတလိၤတဖၣ်သုတအိၣ်လၢၤတဂ့ၤ. ယသးဧၢ, စံးထီၣ်ပတြၢၤယွၤတက့ၢ်. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 106:48

စံးထီၣ်ပတြၢၤယွၤ, အံၣ်စရ့လးအကစၢ်ယွၤတက့ၢ်. စံးထီၣ်ပတြၢၤအီၤခဲအံၤဒီးလီၤထူလီၤယိာ်တက့ၢ်. မ်ပှၤခဲလၢာ်စံးဝဲ, “အၤမ့ၣ်တက့ၢ်.” စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 41:13

မ်ယွၤအံၣ်စရ့လးအကစၢ်ယွၤ, ဘၣ်တၢ်စံးထီၣ်ပတြၢၤအီၤ အစိၤစိၤအဃၣ်ဃၣ်တက့ၢ်. အၤမ့ၣ်ဒီးအၤမ့ၣ်.

စံးထီၣ်ပတြၢၤ 72:19

အမံၤလၤသၣ်ကပီၤန့ၣ် မ်အဘၣ်တၢ်စံးထီၣ်ပတြၢၤ လီၤထူလီၤယိာ်တက့ၢ်. မ်ဟီၣ်ခိၣ်ဒီဘ့ၣ်ညါပှဲၤဝဲဒီးအလၤကပီၤတက့ၢ်. အၤမ့ၣ်, ဒီးအၤမ့ၣ်.

စံးထီၣ်ပတြၢၤ 89:52

မ်ယွၤဘၣ်တၢ်စံးထီၣ်ပတြၢၤလီၤထူလီၤယိာ်တက့ၢ်. အၤမ့ၣ်, ဒီးအၤမ့ၣ်.

လံာ်ယံးရမံယၤ 28:6

“ဂ့ၤဒိၣ်မးလီၤ. ယမုၢ်လၢ်လၢယွၤ ကမၤတၢ်အံၤလီံၤ. ယမုၢ်လၢ်သပှၢ်ကတၢၢ်လၢ အဝဲကမၤလၢထီၣ်ပှဲၤထီၣ် နတၢ်ကတိၤ လၢဝံအကျိာ်ဒီး ကဟဲက့ၤစိာ်ကဒါက့ၤ ယွၤအတၢ်လုၢ်ဟံၣ် အတၢ်ထူးတၢ်တီၤခဲလၢာ်ဒီး ပှၤဂီၢ်မုၢ်ခဲလၢာ်လၢ အဘၣ်တၢ်စိာ်ကွံာ်အီၤဒ်ပှၤဘၣ် တၢ်မၢကဲကုၢ်အီၤ အသိးလၢကီၢ်ဘၤဘူၤလိၣ်တခီန့ၣ်လီၤ.

လံာ်မးသဲ 28:20

ဒီးသိၣ်လိသီလိအဝဲသ့ၣ်လၢအကတိၢ်န့ၢ်ဒီး မၤထွဲတၢ်လၢယမၤလိာ်တ့ၢ်သုကိးမံၤဒဲးန့ၣ်တက့ၢ်. ဒီးယကအိၣ်ဒီးသုထီဘိ တုၤတၢ်အစိၤကတၢၢ်တစုန့ၣ်လီၤ.”

လံာ်မးသဲ 6:13

သုတဒုးလဲၤနုာ်ပှၤဆူတၢ်လ့ပစီအပူၤတဂ့ၤ. မ့မ့ၢ်ထုးထီၣ်ဖျဲးကွံာ်ပှၤလၢတၢ်အၢတၢ်သီအပူၤတက့ၢ်. (အဂ့ၢ်ဒ်အံၤ, ဘီမုၢ်, တၢ်စိတၢ်ကမီၤဒီး တၢ်လၤကပီၤန့ၣ်မ့ၢ်နတၢ်အစိၤစိၤအဃၣ်ဃၣ်လီၤ. အၤမ့ၣ်)’

1 ကရံၣ်သူး 14:16

ဖဲနဟ့ၣ်တၢ်စံးထီၣ်ပတြၢၤဆူကစၢ်ယွၤအအိၣ်ထဲလၢနီၢ်သးန့ၣ်, ပှၤမုၢ်ဆ့ၣ်မုၢ်ဂီၤလၢအဘူၣ်သကိးဘါသကိးတၢ်တဂၤကစံး, “အၤမ့ၣ်” လၢနတၢ်ထုကဖၣ်စံးထီၣ်ပတြၢၤယွၤန့ၣ်ကသ့ဝဲဒ်လဲၣ်. အဝဲနၢ်ပၢၢ်နတၢ်စံးတၢ်ကတိၤတဖၣ်တသ့ဝဲလၢကျဲနီတဘိဘၣ်လီၤ.

လံာ်လီၣ်ဖျါ 15:7

တုၤနုၤတစုတၢ်လၢအသးသမူအိၣ်လွံၢ်ဒုအကျါတဒုန့ၣ်, ဟ့ၣ်ကလူးနွံဂၤလၢသလၢထူနွံဖျၢၣ်လၢအပှဲၤဝဲဒီးကစၢ်ယွၤ လၢအမူဝဲလီၤစိၤလီၤထီတဂၤန့ၣ်အတၢ်သးထီၣ်လီၤ.

လံာ်လီၣ်ဖျါ 19:1

တၢ်အံၤဝံၤအလီၢ်ခံ, ယနၢ်ဟူတၢ်လၢအသီၣ်လီၤဂာ်ပှၤဂီၢ်မုၢ်အကလုၢ်ဖးဒိၣ်လၢမူခိၣ် စံးဝဲ, “စံးထီၣ်ပတြၢၤယွၤတက့ၢ်. တၢ်အုၣ်က့ၤခီၣ်က့ၤ, တၢ်လၤ ကပီၤ, ဒီးတၢ်စိတၢ်ကမီၤမ့ၢ်ပကစၢ်ယွၤအတၢ်လီၤ.

လံာ်လီၣ်ဖျါ 19:3

အဝဲသ့ၣ်ကိးထီၣ်ကဒီးဝဲ, “စံးထီၣ်ပတြၢၤယွၤတက့ၢ်. မ့ၣ်အူလၢအအီၣ်ကွံာ်ဝ့ၢ်ဖးဒိၣ်တဖျၢၣ်န့ၣ်အလုၢ်ခုၣ်ထီၣ်ဝဲဒၣ် အစိၤစိၤအဃၣ်ဃၣ်လံ.”

လံာ်လီၣ်ဖျါ 19:6

တုၤနုၤတစုယနၢ်ဟူတၢ်လၢအသီၣ်လီၤဂာ်ဒ်ပှၤဂီၢ်မုၢ်အကလုၢ်, ဒ်ထံလီၤဆူသီၣ်ရုၢ်ရုၢ်အသိး, ဒ်လီသီၣ်သထြူးအသိးန့ၣ်လီၤ. ယနၢ်ဟူအဝဲသ့ၣ်စံးဝဲ, “စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, ကစၢ်, ပကစၢ်ယွၤလၢအသ့တၢ်လၢာ်န့ၣ်မ့ၢ်ဝဲစီၤပၤလီၤ.

လံာ်လီၣ်ဖျါ 5:14

ဒီးတၢ်အသးသမူအိၣ်လွံၢ်ဒုန့ၣ်စံးဆၢဝဲ, “အၤမ့ၣ်” ဒီးပှၤသူၣ်က့သးပှၢ်တဖၣ်ထိၣ်လီၤပှီၤအသးဒီးဘူၣ်ထီၣ် ဘါထီၣ်တၢ်လီၤ.